New Member's Profile

我滿心期待咁去食，見到好多comment都話好味，又話靚，咁就訂位食晚飯，但係冇諗過，竟然可以咁差。首先嚟左個蘑菇湯，好多菇，但係成個感覺好奇怪，似汁咁。然後到2杯Kuromi飲品，一杯係紫薯，但佢冇紫薯味，有啲似飲奶水….另一杯係綠茶味，算比較正常，但入面既珍珠未煮熟，仲係粉嚟。之後到小食薯條，呢個薯條炸到透晒，全部都係脆既，但同時亦勁乾之餘又油，我真係唔明佢點做到…. 跟手到我朋友叫左既牛扒送羊架，嚟到個牛扒係全熟，然後個羊架係1成熟🥶，基本上個羊係切唔到亦食唔到….. 個牛就柴到唔想食….. 佢話連茶餐廳都好味佢100倍。最後到我叫既軟殼蟹牛油果意粉，我以為呢個會安全，點知都係唔得🥹🥹🥹佢個意粉又係唔熟架，硬同粉😵‍💫😵‍💫。原本我想食Kuromi既蛋糕，但係食完呢啲之後，我真係唔敢再叫，我實在唔想再浪費食物…..而我朋友食完佢話好餓，要再買嘢食….我其實最初都冇期待佢好味，但見到其他人講到咁好，搞到我好期待，點知係我入世未深，完全係伏中之伏。希望餐廳認真正視食物質素，唔好只係整嚟俾人打卡，咁做係好難有回頭客架…..…Read More

飲過幾間排毒果汁，Be-juiced既絕對係最好飲，就算當日常果汁飲都唔錯，但價錢就太高，同埋位置好偏僻，行條大斜路上去實在係減肥良方我一般2、3個月會飲6日排毒，唔好以為可以減磅，之後食返正常，磅數就會回升，但唔會重過未飲之前。不過完成左6日皮膚會好左，去厠所都好左，但3xxx飲6日真係好貴個人認為Morning Squeeze, milkilious都好好味，但記住milkilious 卡路里都幾高，等於成個正餐，各位keep fit既JM要注意…Read More

本來book左Mic，但朋友強烈反對，所以幾經波折下臨時book左Season by Olivier E。去到覺得好靚好舒服，門口感覺好清新。本來老公想試summer tasting menu，我就想叫4 course，但原來summer tasting menu一定要成枱人一齊叫，所以最後只可以兩個人都叫4 course dinner。首先上左一籃熱辣辣既面包，我覺得香草味最好食，老公就覺得番茄味既牛角包好味。跟著上頭盤牛油果小龍蝦jelly同埋tuna，兩樣都好好味，牛油果加埋小龍蝦同小小酸既jelly感覺好refresh，至於tuna係半生熟，佢下要有一層酸酸地既汁，好醒胃。第二道菜我地叫左辣肉腸三色甜椒omelet同埋凍湯，omelet炒到熟但都好滑，平時唔太好三色椒既我都覺得好好食；至於凍湯我真係好like，底層係哈密瓜湯，好清新，中間有一層cream感覺上加左香檳，最面似係青檸味既冰咁，再加幾片薄荷業，好適合夏天飲，透心涼既感覺！正！到主菜，我地叫左chef's special炒牛柳同埋煎帶子，因為我唔食牛，所以冇試過，但佢既汁同配菜都充滿牛肉汁，我老公話美味，至於帶子就不過不失，但帶子既汁同配菜好味，佢即車里茄每粒都用汁點過，酸酸甜甜，好好食，個叶唔知用咩整，有少少芝士味，勁正！其實經過三道菜已經好飽，但食法國菜點可以冇甜品呢？！ 我地叫左心太軟同埋朱古力mousse 配開心果仁雪糕，心太軟好濃郁，唔太甜，又夠滑，加埋云呢拿雪糕中和左心太軟好溜既感覺！good!至於chocolate mousse加開心果仁雪糕，我覺得雪糕好味，開心果既味道好強烈，但chocolate mousse佢包左一層dark chocolate係出面，我覺得朱古力既感覺太over，個人唔太喜歡。整體嚟講我覺得好正，好飽，好滿足，其實份量可以減dd會比較好 另外服務態度亦一流，環境亦好，但可能因為樓底唔高，覺得有少少嘈，但可能咁既原因，冇咁拘謹，所以可接受！…Read More

本來book左米芝蓮一星餐廳，但同朋友食lunch時佢話Mic唔太好，建議去水月，特別推介佢既甜品，我即時打去book枱，一位女士接聽，我問即晚6點半是否有2位，佢confirm有，我留下名電話後，佢話會send menu去我手機，等到6點都冇message，只好打去查詢，點知佢話佢地開7點，但我都已經差不多到天后，都冇辦法，我只好叫佢盡快send menu俾我，原來佢留錯左我電話，收到menu後，因為我對部分海產類敏感同埋唔食生野，見佢頭盤全部海產即時問可否更改，佢就俾左個素菜既menu我，我都覺得可以，咁我問佢主菜可否選回正常menu，佢就答我咁收$888，為免混亂，我打去同佢講清楚，點知一打去佢就話佢地冇食材要同我取消booking，我話我已經到左天后，行緊過去，點可以咁樣取消我既booking?! 佢話佢地寫明開7點，咁耐以嚟都冇同人book過6點半。本來開開心心想去食餐飯，真係嬲到不得了，咁既服務態度真係幾好食都冇用！收中高級餐廳既價錢就應該提供中高級既服務同食物，咁既態度同做事方法唔配呢個價錢！強烈建議餐廳請返專業既服務員！…Read More