要大讚哩間店，店員真係超超超好👍🏻有一次買完諗住即刻食，點知一拎起手未夠10秒就成盒跌左落地😭勁傷心，店員見到即刻拎紙巾比我，仲問我有冇整親同整污糟件衫，然後就入去整多一盒比我，我勁唔好意思，因為其實我都搞到佢地成地污糟哂😢 但店員反而安慰翻我話唔緊要、好小事🥺仲有一次，黎買左2份蟹籽章魚燒(一份正常一份走沙律醬)，但最後發現店員俾左兩盒都有沙律醬嘅我，之後同翻店員講，佢即刻整多一盒俾我😱我諗住比翻錢，店員都話唔洗，太好了吧！🫣不過我經常見店裡面都係得一個人，可能太忙，先會忘記左幫我走沙律醬~所以我今次經過，都一樣有幫襯佢地☺️佢地嘅禮貌永遠唔會令我失望，而且章魚燒一樣都好好食！一定要支持！🐙…Read More
