疫情關係，簡簡單單簽左紙嘅兩個人想要喺香港到處走走，趁著婚假享受下。嚟到長洲行左一圈，發現呢間鋪一望落就覺得好chill 好舒服，餐牌又好吸引，決定坐低攤抖下～嚟到一坐低老闆就上前話比啲相我哋睇😂🙈原來係佢親自介紹佢地嘅招牌，聽完佢介紹真係樣樣都好吸引。最後決定叫左期間限定嘅本灣海赤米蝦，墨魚厚切仲有炸蠔，再加枝麥啤，味道非常之好！每一道菜驚喜一浪接一浪。老闆同老闆娘仲好friendly 咁會問你點稱呼，大家一齊啤啤佢吹吹水，一種賓至如歸嘅感覺。喺香港真係好難搵到咁樣又抵又好食、環境又舒服嘅地方比兩個人可以咁寫意傾下偈，老闆真係好明白我哋嘅心。呢個小小嘅地方就係咁成為左我哋會期待下一次再嚟嘅美好回憶🥰…Read More
