cxmickey's Profile

雞軟骨餃子完全冇雞軟骨牛肉拌飯嗰啲肉又幼又韌 吞拿魚手卷入面嗰啲吞拿魚 你係見唔到佢有㗎。有時唔係話唔幫啲小店，但係呢啲咁樣嘅食物質素真係靚過得好過分。 你哋自己幫襯之前三思啦…Read More

本身啲嘢食都OK好食嘅，但係個楊州炒飯入面竟然有懷疑係清潔用嘅嗰啲鮑魚刷嘅殘留物。同經理反映之後，佢免咗個楊州炒飯嘅錢，後來送返雷沙湯丸，都算係有啲service recovery 。雖然諗起都係有啲嘔心😓 仲有坐位都好鬼死迫嘅，多人食嘅大枱都仲可以比較寬闊，二人枱就真係同隔籬嗰個做朋友咁滯。服務整體都算有質素，員工都算勤力嘅。不過真係可以唔好將啲枱擺到咁密囉！原味嘅小籠包有好多汁，但係唔知點解好少肉。…Read More

餐廳細細 環境乾淨企理 仲有日本侍應 態度好好 午市揀到卡位坐得幾舒服！野食嘅水準係中上。以佢百幾蚊一個set我覺得性價比幾高 可惜岩岩冇左海膽 =.= 否則性價比會更高！佢周末仲有壽司放題！只要三百幾蚊。下次再試！…Read More

Serve完第一碟前菜後，等左30分鐘都仲未有下一樣野食！有冇搞錯？侍應嘅回應係：「燒緊架喇 得一個師傅！ 」 成間野有至少四十人，你竟然得一個師傅去做串燒，簡直係匪夷所思！我完全唔覺得佢地係有心做好呢間野，只係唸住用最少成本賺最多嘅錢！…Read More

整體而言可以一試 份量比想像中少（以二百五十元的價錢來說） 甜蝦，蟹拑和海膽算是新鮮，鮑魚也很爽口。各種魚生吃下去分不到味道上有不同（哈 可能我掛住傾計？） 侍應態度ok, 但忘了問我們要哪種飯！…Read More

約左個好耐冇見嘅中學同學食飯，想搵間坐得舒服嘅日本餐廳，咁上網揀揀下就搵到上岸料理。間舖細細地 真係幾舒服星期五八點半去到都滿座嘅 我唔係好識寫食評 即管將好同要改善嘅野同大家分享：好：1）服務員態度幾好 用心介紹菜色同食法2）上菜速度掌握得好好 叫左七八樣野都會逐樣慢慢上 唔會令人覺得好急3）食物份量適中，而且睇得出用心制作4）好多野食會有自己調嘅醬汁或配料，幾特別5）串燒（冇影相）都好好食，特別係牛舌可改善：1）五款盛合嘅刺身價錢（$480）唔算物有所值。只得紅衫魚刺身較特別 其他刺身只係普通貨色。2）非酒精飲料選擇太少3）食飯中途好少加茶 （不過飯後有送上一杯熱茶都幾好）我覺得呢間餐廳食佢嘅熱食比較好。味道不錯而且價錢相對合理。至於刺身我個人同朋友都覺得一般般，真係唔值差唔多$500一碟。 如果減到$320-350左右我覺得都可以接受。不過整體都算唔錯，想係尖沙咀搵間環境舒服而味道不錯嘅日本餐廳，可以考慮呢間！…Read More