Tammylau517's Profile

係沙田新城市行街，竟然見到人氣泰式奶茶店開埋堂食Cafe。店內環境舒適，座位闊落。泰式海南雞飯雞肉皮滑肉嫩，帶有雞油香氣，油飯口感濕潤。 搭配埋酸甜辣椒醬，一啖雞肉一啖油飯，可以品嚐多層次的風味。雞油飯嘅香氣與雞肉嘅鮮甜，再加埋醬料嘅刺激交織，讓人食慾大開。黃咖喱雞柳法包一上枱，法包裝住黃咖喱滿瀉，色香味俱全。黃咖喱係總多咖喱中，味道較為溫和，辣度較低，帶有淡淡甜味與香氣。搭配嫩滑嘅雞柳、薯仔同埋洋蔥，充滿豐富嘅口感。香脆嘅法包沾上黃咖喱醬，恰當好處，超級滿足。甜品：泰茶飄雪 及 泰茶梳乎厘班戟兩款甜品都相當吸睛，泰茶飄雪以濃郁嘅泰式奶茶刨冰為基底，配埋奶蓋、泰茶醬同仙草，唔會太甜太膩，係夏日消暑必食。泰茶梳乎厘班戟蓬鬆柔軟綿密，充滿空氣感，蛋香濃郁，連埋泰茶奶醬，不會過於甜膩，甜度剛剛好，會食到停唔到口。飲品：泰國荔枝綠茶 及 泰國茉莉花奶茶人氣奶茶店，當然唔可以錯過佢地嘅飲品。泰國荔枝綠茶，清新甘甜，帶有淡淡嘅荔枝香氣同埋綠茶嘅甘醇，清涼解渴。泰國茉莉花奶茶充滿茉莉花香，加埋班蘭碧綠珍珠，口感煙靭，增加口感。總括而言，堂食質素唔錯，性價比高，除左可以飲到泰式人氣飲品，仲可以食到泰式人氣主食同甜品，相當滿足。…Read More

入到屯門行街，係屯門時代廣場搵嘢食，估唔到係商場一個唔起眼嘅角落，發現有一間台式餐廳，主打食騸牯牛，仲要係屯門店限定，見市面好少呢類牛可以食，就入去試下。餐廳鋪面唔算大，勝在座位闊落，環境乾淨。睇到鋪頭有騸牯牛，即係被閹割過嘅公牛，脂肪分布會更均勻，肉質也更嫩滑，口感極佳，相當罕有。我地嗌左兩款套餐試下。香煎騸牯牛冧肉牛丸湯麵我地揀左刀削麵配紅燒牛肉湯底，湯底顏色偏深色，味道濃郁。牛冧肉係牛後腿近臀部嘅位置，肉重牛味，外焦內嫩，鮮嫩無比，牛丸亦多汁彈牙。香煎騸牯牛柳粒煎蛋飯牛柳粒煎至金黃，肉質結實，富有彈性，配埋一督就爆汁嘅煎蛋，撈飯一流。套餐加配飲品 — 日月潭紅茶、梨山綠茶跟餐嗌左兩杯台式茶飲，茶味濃，口感清新。甜品：仙草3號、黑糖芋圓波霸刨冰夏日炎炎最後當然唔少得嗌埋甜品，仙草3號除左主角仙草，仲有芋圓、芋頭、紅豆，揀左配桂花茉莉綠茶茶底，比平時配鮮奶或者奶茶更加清新。黑糖芋圓波霸刨冰份量更加大份，有大芋圓、地瓜圓、波霸、珍珠、蜜花豆。甜品方面嘅芋圓相當出色，口感十分煙韌有嚼勁，唔會太硬或太淋。總結而言，騸牯牛有意外驚喜。餐廳仲做緊新品減10蚊優惠，套餐加台式飲品半價，搭配埋甜品更加減15蚊，真係好抵，性價比高，芋見好圓係旺角、大角咀、屯門、尖沙咀、上水都有分店㗎，快啲去試下啦，相當滿足。…Read More

收工後到尖沙咀海港城行街，晚飯時間發現到呢間門面裝修幾高級嘅餐廳，決定兩口子入去試下。餐廳裝潢融入竹林元素，既沉穩得黎又充滿典雅富氣派，環境十分舒適。餐廳座位方面相當闊落，仲有包廂房仔，私隱度都幾好。入去一坐低，職員就問我地飲咩茶，而且配有少量餐前小食，可以先品嘗。海魚一夜情海魚即係馬友，經過醃製後再煎至金黃色，充滿好香嘅魚油味，同是帶有鹹香味，肉質相當結實。而且，成條魚煎過後，魚皮十分薄脆，就連魚骨都可以食埋，香脆可口。東坡草扎肉東坡肉一定係必食，肥瘦相間嘅五花肉，用草繩扎住，經過長時間嘅燉煮，肉質軟糯而不失彈性，帶有濃郁嘅醬香味，入口即化，肥而不膩，令人回味無窮。乾煸梅香四季豆乾煸四季豆鍋氣十足，香味撲鼻而來，翠綠爽脆嘅四季豆配上肉碎，爆炒至乾身可口。雖然有少量乾椒，但唔會好辣，連我唔太食得辣，都完全無問題，十分惹味，我同男朋友都食唔停口。薺菜肉絲炒年糕炒年糕都係上海菜必食菜式，薺菜嘅清香同埋肉絲嘅鮮味完美結合，年糕Q彈嚼勁，而且每一塊都分開唔黏連。每塊軟糯嘅年糕均沾上薺菜，加上肉絲增添口感，令呢道菜味道豐富，口感層次分明。金牌小籠包小籠包上台已經充滿誘人嘅香氣，外皮超薄，一咬就會爆汁，包裹住鮮美嘅湯汁同豐富嘅肉餡，蘸上醋，更是完美結合。總體而言，呢間餐廳能夠令你感受到舌尖上嘅美味，約埋三五知己或者一大班朋友都好合適。價錢合理，配以舒服嘅環境，係一次好滿足嘅享受。…Read More

太子人氣豐信餃子店，之間已經幫襯過幾次，收工經過太子發現佢竟然擴張左，男朋友又話未試過，毫不猶疑就再次幫襯啦。店鋪就係舊鋪隔離擴張，兩間連住，新裝修嘅鋪頭乾淨企理，座位闊落，坐得比舊鋪舒服得多。餐廳多達17 款餃子可供選擇，一定有一款啱你口味。野菜鮮肉餃 轉左邪惡金沙餃黎到豐信餃子店，一定必食邪惡金沙餃，係其他地方食唔到，鋪滿咸蛋黃碎，真係超級邪惡。即叫即煎，新鮮滾熱辣，餃子外皮煎至金黃，入口香脆，食到停唔到，一試難忘。薺菜馬蹄鮮肉餃 拼 香菇鮮肉餃呢兩款雙拼嗌左湯餃，湯底係自家煲製嘅老火湯-椰子海帶鮮雞豬骨濃湯，湯底十分清甜滋潤。餃子皮薄超大隻，餡料十足。薺菜馬蹄鮮肉餃內薺菜香口，加上馬蹄更增添口感。香菇鮮肉餃嘅菇味濃郁，絕不遜色。另外，食餃子點少得點醋同埋配埋自家製嘅辣菜脯同辣椒醬，微辣得黎相當惹味。小食方面涼拌海蜇海蜇味道清爽，口感清脆爽口，唔算濃味，調味啱啱好。招牌秘汁拼盤秘汁拼盤包括有：金錢展、雞腎、雞翼、滷蛋，全部都滷得入味。金錢展韌中帶Q彈，富有嚼勁。雞腎處理得乾淨無異味，唔會太淋有咬口。香煎豆腐煎至金黃色，香葱碎鋪面，唔會油膩，豆腐有豆味同好滑。呢間人氣餃子店完全唔會失望，仲要食完一次再想食。餃子大大隻，份量十分足夠，10隻餃子對於男士黎講都相當足夠。味道保持水準，甚至比以前更好味，完全睇得出鋪頭嘅用心同實力。200蚊兩個人已經可以有成枱食物，超級飽肚及滿足，性價比超高嘅人氣店，推薦大家一定要試，特別係邪惡金沙餃，絕對不能錯過。…Read More

但馬屋係銅鑼灣皇室堡開分店啦！梗係第一時間同男朋友去試下啦。新開張嘅鋪面同內部環境十分舒適乾淨，座位闊落，坐得好舒服。我地揀左90分鐘嘅北海道夢之大地豚放題套餐，餐廳提供五款湯底選擇，我地揀左以鰹魚烹調而成嘅千夜鍋，同埋含有豐富骨膠原及滋潤美顏之選嘅美肌鍋，估唔到美肌鍋入面仲有兩件大大件嘅雞件。但馬屋嚴選來自日本同世界各地嘅優質肉類，而我地揀嘅北海道夢之大地豚放題套餐有幾款肉類俾我地任食，豚肉方面除左北海道夢之大地豚肉（豚梅肉同豚西冷），仲有丹麥皇冠豚肉，另外，仲包括澳洲產長期穀飼牛、嚴選牛肉同埋羊肉，啱曬一班食肉獸。當中，最意想不到就係北海道夢之大地嘅豚梅肉好好味，肉質鮮嫩，口感有彈性，略帶油脂甘甜，肉味濃郁，但沒有豬羶味，我覺得完全不比牛肉遜色，不停落單 encore 豚肉多過牛肉。餐廳設有自助吧，提供多款 Shabu-shabu 配料同新鲜蔬菜，排列整齊，而且十分乾淨衛生。配料方面，種類繁多，丸類彈牙，最持別係有愛心形狀嘅魚板。新鮮蔬菜方面，除左不同嘅菇類，啱曬我呢個菇類愛好者，仲有多款新鮮、翠綠嘅蔬菜，當中我最鍾意就係翡翠苗，幼嫩無渣。另外，記得仲可以掃 QR code 落單日式前菜同其他食物，前菜中嘅關東煮鵪鶉蛋係其他餐廳較少見，而其他食物方面，超大條嘅芝士蟹棒最爲吸引。飲品區除左有多款罐裝飲品，亦有水果百香果茶同清爽檸檬水可以任斟。甜品方面，作為女仔，當然要填飽埋第二個胃啦，餐廳提供多款甜品可選擇，一定有一樣啱心水。雪糕有haagen-dazs嘅四款唔同味道任食，個人最愛超濃嘅朱古力味。當然，千祈唔好錯過餐廳最特別嘅雪花冰機，自己撳掣製作出一碗碗嘅雪花冰，再根據自己喜好同口味，加入唔同嘅配料，例如：涼粉、紅豆蓉、椰果、白肉丸子、寒天同埋愛肉等。最後食埋水果大滿足。總括而言，餐廳除左食物質素高，環境舒適，性價比高。而且一人一鍋嘅Shabu-shabu可以根據自己個人喜好，自由選擇自己想食嘅湯底同配料，創造自己喜歡同個性化口味嘅一人鍋。📍但馬屋 (銅鑼灣)銅鑼灣告士打道311號皇室堡4樓403號舖…Read More

呢間綠茶餐廳已經唔係第一次幫襯，最近發現佢地越開越多分店，咁啱奧海城食飯，又可以再次光顧。餐廳一樣充滿古色古香嘅裝修，以「風清竹影」作爲主題，當日就算8點左右到達餐廳，門口依然有多位等候入座嘅客人，但唔算等太耐就可以入座。另外，餐廳門口招呼客人的店員十分有禮貌。東坡肉東坡肉作爲名菜，當然要試下啦。四件大大舊嘅東坡肉，估唔到下面仲鋪左一層薄薄嘅白飯。肥瘦相間嘅五花肉，肥而不膩，肉質軟嫩，色澤紅亮，食落味道濃郁。老紹興蔥油腰花一上枱，鋪滿翠綠嘅蔥花，蔥花嘅香味撲鼻而來，好濃郁。腰花處理得好乾淨，沒有異味，腰花口感爽脆。底層仲有大量芽菜，蔥花、芽菜、腰花一齊入口，層次更加豐富。蛤蜊絲瓜蛤蜊絲瓜之前已經食過，因爲覺得味道唔錯，今次 再encore。水準依然能夠保持，翠綠嘅絲瓜軟腍清甜，有大量蛤蜊同蝦米提鮮，讓菜式更加升華。南乳醉鮑魚切至薄片嘅冰鎮鮑魚片，鋪滿成個碟，賣相十分吸引。鮑魚口感彈牙，南乳醬同鮑魚亦好搭配，第一次試南乳醬配鮑魚，口感新鮮，保留左鮑魚嘅海鮮鮮味，亦增添了不同嘅風味。江南綠茶餅綠茶餅又係再 encore，我覺得係綠茶餐廳必食，金黃香脆嘅外皮，包住芋泥餡，真係每一次食都停唔到口。總括而言，綠茶餐廳越開越多分店係有原因，同埋接近座無虛席，黎緊就快父親節，啱曬一家大細，快啲去 book 枱啦。…Read More

係奧海城食完飯，發覺左呢間新開嘅糖水鋪，見到店面同餐牌幾吸引，就佢試下。餐廳設有室內室外座位，環境乾淨，座位闊落。餐廳以「冰、糊、燉、撈」各款手工甜品及糖水為主，主打「100%新鮮水果」的口號。楊枝甘撈楊枝甘撈即係港式甜品楊枝甘露，主要食材包括芒果、西柚、西米等。芒果超級甜，並有著濃郁嘅芒果香，搭配西柚嘅酸酸甜甜，西米嘅Q彈，形成多層次嘅口感，充滿豐富嘅咬感。芝麻糊配湯圓芝麻糊超級順滑，上枱已經聞到香濃嘅芝麻香。芝麻湯圓Q彈嘅湯圓皮與濃郁嘅芝麻內餡料係完美嘅流沙狀，讓人回味無窮。特純榴槤冰上枱已經聞到超級濃郁嘅榴槤香味，有一球大舊嘅貓山王榴槤肉，果肉金黃綿密，榴槤冰十分綿密，每啖都可以配有榴槤蓉，冰涼的口感，讓人感到清爽舒心，仲有加埋椰果粒同西米，豐富左整個特純榴槤冰嘅口感。糖糛大滿貫一聽個名都知道超級豐富，有：豆花、冰粉、芋圓、桃膠、蓮子、紅豆、西米、爆爆珠、班蘭同芒果河粉，配埋椰奶。芋圓煙韌彈牙，腸粉滑捋捋，西米同爆爆珠豐富左口感，食完好滿足。花膠烏雞燉椰皇最估唔到係，糖水鋪竟然會有燉湯套餐系列，我地嗌左花膠烏雞燉椰皇，配有白飯同埋精緻小甜品，紅豆布丁完全唔輸店內其他甜品，充滿蛋香味。燉湯清甜，有數件烏雞件，花膠口感軟滑，完全係滋潤養顏之選。總括而言，呢間糖水鋪性價比高，糖水甜品選擇總多，一定能夠滿足大家個甜品胃。…Read More

呢間去新城市開咗多年，今次係第二次幫襯，依然能夠保持水準。座位闊落，環境舒適，好啱三五知己一家大細。泰式生蝦生蝦大大隻，而且厚肉新鮮，配埋個泰式醬，酸酸辣辣好開胃。大蝦冬陰功湯大蝦冬陰功湯入面有兩隻大蝦，真係大大隻，而且十分鮮味，肉質彈牙。湯內仲有大量菇，少少辣，好惹味。黃咖喱軟殼蟹軟殼蟹炸至金黃香脆，外脆內軟，配黃咖喱完全唔辣，黃咖喱中亦加入左雞蛋醬，軟殼蟹點埋黃咖喱入口，蟹肉厚實及有鮮味，啖啖肉。如果配白飯或者薄餅更加一流。燒豬頸肉配青木瓜沙律豬頸肉好入味，完全唔會好油膩，燒到香口又惹味，肉質爽口彈牙。配埋青木沙律，酸酸甜甜中和返。泰式牛肉船麵船麵湯底十分濃郁，船麵有很多配料，包括：牛展、牛筋、牛肉、牛柏葉、牛丸等。麵底吸曬湯底精華，十分正宗。芒果糯米飯糯米飯Q彈有黏性，口感軟糯，同椰奶一起齊入口，咀嚼後濃郁嘅椰奶香氣不斷擴散。芒果多汁，酸酸甜甜恰到好處。飲品：班蘭龍眼蜜、泰式凍檸檬茶最後梗係要配埋泰式飲品，班蘭龍眼蜜甜度啱啱好，配有多粒龍眼肉。泰式凍檸檬茶充滿檸檬香，解渴一流。…Read More

夏麵館有間鮮蟹粉專門店，位於太子始創中心，最鍾意食蟹粉嘅我當然唔會錯過啦，夏麵館主要以上海菜為主，款式好多。餐廳座位闊落，當中仲有卡位，坐得特別舒適，晚飯時間光顧，有一定嘅客流，但唔需要等位，可以即刻入座。鮮蟹粉河蝦仁撈麵依家有試食價，當然要試下啦。只需要$68，依個價錢相當抵試。鮮味十足嘅蟹粉配以爽滑彈牙嘅河蝦仁，手工麵煙韌掛汁。每日限量供應20碗咋，真係手快有手慢無。蟹粉炒粉皮白皙透明嘅粉皮口感滑溜煙韌彈牙，估唔到滑捋捋嘅粉皮都好掛汁，每一啖都有齊蟹粉、蟹黃同蟹肉，充滿鮮甜味。蟹粉小籠包（2隻）皮薄不破嘅小籠包皮，包住湯汁充盈嘅豬肉餡同蟹粉，一口咬落去，即刻爆汁，濃濃嘅湯汁即刻流出，仲見到小籠包湯中流出蟹油，蟹粉味道十分鮮甜。乾煸四季豆乾煸四季豆鑊氣十足，爽口翠綠香脆嘅四季豆配上豬肉碎，爆炒至乾香可口，十分惹味，令人食唔停口。開心果鍋餅平時豆沙鍋餅係上海特色傳統甜品小食之一。今次將豆沙餡料換成開心果，即叫即製十分新鮮熱辣，金黃酥脆嘅外皮毫不油膩，加左少少椰絲增加香味，夾住勁濃郁嘅開心果餡，好滋味。…Read More

內地人氣品牌檸季開到黎香港沙田新城市廣場，天氣開始轉熱，當晚食完飯，即刻順便買兩杯試下，仲可以睇住職員即場手打檸檬茶。招牌鴨屎香檸檬茶 加 鴨屎香茶凍鴨屎香呢個名經常係手打檸檬茶界聽到，當然要試下啦，鴨屎香雖然入口略帶微苦，但轉瞬即化為甘甜，餘味無窮。濃郁嘅鴨屎香味，另外加配埋鴨屎香茶凍，更加突出到成杯嘢都有茶香味。招牌茉莉手打檸檬茶 加 膠原啵啵我較鍾意淡味啲，所以嗌左招牌茉莉手打檸檬茶，少少糖，甜度啱啱好。茶底帶有淡淡嘅茉莉花香味，加埋膠原啵啵，令成杯嘢飲更有口感。…Read More

同男朋友係天后食完晚飯，知道過百年馳名老店「源記甜品」係天后重開，即刻要去食返碗甜品。餐廳座位闊落，環境乾淨，坐得舒適。一坐底馬上嗌左幾款鎮店甜品同傳統小食。蓮子桑寄生蛋茶蓮子桑寄生蛋茶慢煮而成，人手逐粒剝去蓮子芯，除左苦味，煲到好腍身。雖然顏色似中藥，但竟然係甘甘甜甜嘅糖水，超級意想不到，再加埋入口即化嘅蓮子同好似茶葉蛋香嘅雞蛋，絕對唔會令人失望。桑寄生蓮子蛋茶性質溫和，不寒不熱，桑寄生功效除左春天飲用可袪濕，秋天飲亦可滋潤身體，另外仲可以寧神安眠、補肝腎、補而不燥，對女性更加有調理月經、舒緩經痛、補血及滋補養顏。每枱一定係必嗌之選。凍芝麻糊 （加2粒芝麻湯圓）入門口即刻見到部古老石磨機，一睇就知道係石磨生磨而成。經過浸、焗、炒等工序後，上枱就係一碗超級滑順芝麻糊，我仲加左兩粒芝麻湯圓，外皮Q彈，內有濃郁嘅芝麻餡。陳皮綠豆沙陳皮綠豆沙清熱解毒，健脾胃，啱曬夏天。呢款中式甜品一樣出色，綠豆沙煲到起沙，綿滑無渣，仲有淡淡嘅陳皮香味，男朋友食到讚不絕口，十分值得品嘗。全蛋雞蛋糕全蛋雞蛋糕用左傳統做法製作，材料只有蛋、糖、麵粉三種，不加人造色素及發粉，十分健康，而且食落口有蛋香味濃郁。懷舊炸油糍懷舊炸油糍係一種傳統街頭油炸小食，用蘿蔔絲、蝦米、漿粉製作而成，炸至金黃香口，食落口有蘿蔔絲嘅鮮甜，蝦米嘅鹹香，趁熱點埋甜醬或辣醬食，十分滋味。魚蓉燒賣魚蓉燒賣口感煙韌。終於明白點解可以做到馳名百年嘅老店，講起中式甜品，就一定要食源記，十分推薦俾大家。…Read More

聽朋友介紹，銅鑼灣有間超級抵食嘅打邊爐，仲要有刺身同串燒都係任食，無限時，即刻夜晚去試下。餐廳環境乾淨，座位闊落，地下乾爽。設計有少少日本風。我地揀左B餐，當中出左火鍋，仲有刺身同串燒任食。火鍋湯底有多款選擇，仲可以一人一鍋，店員推介我地可以揀重慶雞煲，食完雞煲之後仲可以轉其他湯底打邊爐，就可以試到唔同口味。最後揀左重慶雞煲同埋椰子雞煲，食完重慶雞煲之後，轉壽喜燒湯打邊爐。肉類方面有美國極尚牛肉、美國肥牛肉、澳洲羊肩肉，特選豚肉。推介大家一定要試極尚牛肉，非常有牛味，入口口感極佳。刺身方面都可以任食，打邊爐嘅餐廳連刺身都可以任食好少見，款式都幾多，仲要好新鮮，有：珍寶赤蝦、泰式生蝦、三文魚、希靈魚、帶子、赤貝、北寄貝、飽片。串燒方面選擇更多，全部都好惹味，當中：燒牛舌、燒鮑魚、燒雞心、燒四季豆好值得食。打邊爐食物方面，有多款海鮮選擇，有濟州蠔肉、生猛海蝦、鮑魚、大扇貝、大白蜆，另外牛柏葉及八爪墨魚滑亦值得食。自助吧亦有打邊爐配料選擇。前菜方面嘅海蜇沙律同泰式鳳爪沙律一定要嗌，好好味。飲品方面除左多款罐裝及盒裝飲品外，仲有樽仔飲品：多肉葡萄、手打檸檬茶、白桃烏龍茶。多款自家製甜品都可以任食，完全可以滿足女人嘅甜品胃。當中最吸睛一定係宇治抹茶芭菲同榴槤芭菲，一樣可以任食。總括而言，性價比極高，一個價錢可以食到多款食物，物超所值，係三五知己聚會好去處。…Read More

再次回頭幫襯將軍澳超好味嘅潮州菜🤤，今次仲適逢餐廳同老夫子聯乘，老夫子作爲我童年回憶，梗係唔會錯過，要去打卡啦📸！7 點左右到餐廳門口，已經被多個老夫子人物角色及場景吸引🤩，再次見到全場滿座，座無虛席，等位期間，梗係把握時間，瘋狂打卡先啦✌🏻。等左一陣，好快就入座，餐廳環境依然保持乾淨寬敞，餐廳內同樣設有多個牆上圖案打卡位，連坐低見到餐紙都有老夫子漫畫，童年回憶返曬黎😉。今次見到有多款老夫子推介嘅菜式，我地嗌左幾款試下非同凡響 - 滷水鵝肝🦆食得潮州菜，當然唔少叫滷味啦，而今次係老夫子推介菜式入面見到有滷水鵝肝，平時係其他鋪頭較少見，一於嗌黎試下。鵝肝滷得入味，每一片都大大塊，鋪滿成碟，鵝肝處理得十分乾淨，沒有異味，口感粉線滑，入口即化，可以點上米醋。鵝肝下層鋪滿芽菜，配搭埋鵝肝一齊食，口感更多左層次😋。勢均力敵 - 鹹魚蒸馬友🐟鹹魚蒸馬友又稱「馬友生死戀」，將馬友製作而成嘅鹹魚同新鮮馬友一齊清蒸。馬友油脂豐富肉質鮮美嫩滑，清蒸已經好好味，而且無咩骨，可以啖肉😆。原來如此 - 蒜蓉炒番薯苗🍠簡簡單單蒜蓉炒番薯苗已經好好味，大大碟，份量十足，番薯苗翠綠鮮嫩，炒得香味撲鼻，而且唔會好油膩👍🏻。潮州蠔餅🦪潮州菜又點少得蠔餅呢，大大塊蠔餅金黃色，十分吸引，脆卜卜入口酥脆香口，見到一粒粒脹卜卜嘅蠔仔，配搭埋魚露，既能辟除蠔嘅腥味，又能將鮮味昇華，味道一流，讓人食唔停口🤤。總括而言，隔左一段時間再幫襯，水準繼續保持得好出色，菜式味道多元好味，絕不馬虎，好適合三五知己、一家大細一齊黎，仲要趁依家可以同老夫子打卡，千祈唔好錯過啦🤭！陳儀興飯店 (將軍澳 嘉悅分店)📍地址：將軍澳至善街9號嘉悅地下2-3號舖…Read More

係海港城海運大廈行街，行過見到呢間餐廳幾吸引，就入去試下，果然充滿驚喜。餐廳環境設計充滿馬來風情，座位十分闊落，我地坐嘅位仲要望到海景，真係好驚喜。入座坐低後，即刻送上一壺熱茶同餐前脆口蝦片。香茅椰糖烤雞全翼（2隻）兩隻大大隻嘅雞翼烤至金黃色，外皮香脆，肉質鮮嫩多汁，仲帶有淡淡嘅焦糖香茅香味，十分滋味。瑪萊沙嗲（3串豬）串燒我地揀左豬肉，燒到啱啱好，完全唔會好柴，配埋個醬一齊食，甜甜辣辣，十分惹味。瑪萊肉骨茶用煲仔上枱嘅肉骨茶十分正宗，用個爐熱住，唔怕凍曬，十分貼心。呢間餐廳嘅肉骨茶係純正馬來西亞派，湯底顏色較濃較深，藥材香味更為濃郁，慢慢滲出濃郁而不苦澀嘅藥材味道。看似細細一煲嘅肉骨茶，卻十分足料，除了有排骨外，仲有腩肉、冬菇、豆卜、枝竹，應該像我見多最足料嘅肉骨茶。招牌海南雞飯（例牌）配清雞湯招牌海南雞飯嘅雞肉已經拆骨，皮靚肉質嫩滑，啖啖肉，配有三樣調味料（薑末、辣椒醬、黑醬油），配油飯一流。油飯粒粒分明，但又唔會好油膩，配埋碗清雞湯，清甜好飲，配搭得啱啱好。招牌火山排骨香港比較少見嘅火山排骨呢度都有得食，一樣有個爐熱住，一共有三條嘅大排骨，有芫荽同蘿蔔搭配，份量十分足夠。排骨肉質唔柴，十分嫩滑。森巴蝦仁通菜森巴蝦仁通菜真係第一次聽，有四片蝦仁肉鋪面，就算我唔食得辣都覺得辣度可以接受，醬汁十分惹味。斑蘭咖椰多士多士兩面都烘得金黃色，入口香脆，中間夾住斑蘭咖椰醬同牛油，甜度啱啱好，外脆內滑好好味。手標牌正宗泰式奶茶、鮮鳳梨泰式冰茶最後梗係要叫埋飲品，泰式奶茶十分正宗，香濃嘅茶味，亦唔會太甜。鮮鳳梨泰式冰茶亦相當唔錯。總括而言，係一間性價比相當高高嘅馬來西亞菜，除左有海景，食物質素亦相當有驚喜，菜式亦十分豐富，一定能夠滿足大家嘅胃。…Read More

相信大家對永年車仔麵一定唔會陌生，由小檔口做起，當晚同男朋友係沙田行街，一於去試下沙田新城市分店。一去到門口就見到大大隻嘅餐廳名😲，餐廳座位亦十分闊落，而且仲有香港特色嘅佈置。永年大碗麵🍜呢碗麵真係包羅萬有，超級豐富😱，包括：豬腸、豬紅、豬皮、雞翼、雞翼尖、魷魚、紅腸、魚蛋、蘿蔔同埋時菜，大部分車仔麵嘅精髓全部都有。豬腸乾淨無異味，豬紅、豬皮、雞翼、雞翼尖都滷得相當入味，魷魚口感爽彈，魚蛋有陳皮味，最後車仔麵精髓嘅蘿蔔又甜又入味😋。如果食辣嘅，記得可以配埋永年辣汁，令成碗車仔麵再升華👍🏻。頂級西冷扒配意粉（蒜蓉汁）🥩估唔到竟然都會有鐵板扒餐，即刻嗌左試下。鐵板上枱已經「吱吱」聲，即刻倒入蒜蓉汁，店員仲好貼心提供紙巾俾我地擋一擋啲汁。塊西冷扒都幾大塊同厚身，我地叫左5成熟，切開生扒仲係粉紅色，牛肉肉味濃郁，入口十分嫩滑，仲有大大舊嘅洋蔥墊底🧅，配埋跟餐附送羅宋湯，酸酸甜甜幾開胃。小食：懷舊蝦多士🦐、牛三寶🐮跟餐加左兩款小食，懷舊蝦多士有3件，多士金黃香脆，蝦膠彈牙。牛三寶我地叫左BB 辣，雖然細細一碗，份量都唔算少，有牛柏葉、牛肚、牛筋，全部都好入味，好淋身。飲品：奶茶紅豆冰🫘、菠蘿冰🍍最後點會少得叫返杯港式飲品，奶茶紅豆冰十分香滑，茶底香濃有茶味，大大粒紅豆冰起曬沙，越飲越上癮。另一款港式特飲菠蘿冰，充滿港色風味，亦唔會太甜，剛剛好。總括而言，幾有驚喜😍，車仔麵保持水準，鐵板扒餐亦相當吸引🤤。…Read More