Sarika's Profile

性價比極高嘅午市 Omakase 仲有好多唔同嘅俾大家選擇。如果淨係鍾意食壽司，都有 6件，9件，12件，14件 同17件嘅壽司餐比大家選擇。如果唔想淨係食壽司，又想有啲刺身，有啲酒餚，都有好幾款唔同嘅 set 選擇。環境都幾舒適。壽司師傅服務非常好👍🏼係個樓面妹妹就差少少😅，唔係冇禮貌，服務都好，係有啲遲鈍。😅😅 對餐牌上面嘅酒亦都唔係話好熟悉。不過都唔怪佢，始終都係做樓面姐～ 喺呢度食午餐就真係好抵。食物嘅質素，款式同數量其實同晚餐差唔多，但係價錢就平一半。嗰日我食完呢個晏晝都唔使再食晚餐。魚生刺身材料新鮮。亦都有啲創新嘅菜式。有個醃製咗嘅BB西瓜配鮟鱇魚乾壽司都幾特別。仲有四色白子。👍🏼👍🏼讚。 …Read More

🥢喺香港其中一間我覺得最好食同我最鍾意嘅點心餐廳!One of the best and my favourite Dim Sum Chinese restaurant in HK！ 港灣壹號 ~ One Harbour Road 裝修優雅帶點懷舊氣息。環境非常舒適。服務一流。 啲嘢食真係好好味！ 🤩Nice decorations with great ambiance! Service was excellent too ! And the food…. OMG!! Sooo Good! 😋😋 必食推介Must try：黑豚肉松露煎蔥花蝦米腸粉Pan fried rice flour rolls, Iberico pork, Dried shrimp, black truffle and onion 杏汁蛋白雙耳浸時菜Poached Vegetables, wolf berries, fungi, egg white, almond soup 葡汁雞粒香芋角Crispy taro pastry, diced chicken, mild curry sauce 酥皮焗鮑汁海參柚皮 （超好味!）Braised Australian sea cucumber pomelo peel, abalone sauce in puff pastry (So Good!!!) …Read More

好抵食！材料新鮮！食到超飽！我哋兩個人去叫咗個lunch Omakase. 有12件壽司，茶碗蒸同甜品。因為我哋去嘅時候咁岩係食白子嘅季節。即刻問廚師有冇得食，佢就即席整咗俾我哋食！ 裝修環境舒適，服務亦都非常好。…Read More

都聽聞過呢間餐廳啲嘢好好食，所以特登咁遠水路到揸車入去粉嶺食。樣樣嘢食嘅水準都好高，真係好食㗎。不過每碟餸嘅size唔算大，如果多啲人一齊食，就可以試到好多唔同嘅菜式。餐廳都幾爆，所以我哋坐嘅位都幾迫，我哋五個人，佢都係比張四人枱我哋姐。餐廳門口裝修望落去都幾靚，但係入到去其實感覺就有啲hea feel 。 但係嘢食就真係好好食，必食嘅係有豬腳筋，佢哋仲有炒青瓜苗，真係第一次食同第一次見！ 不過價錢來講真係有啲貴，似係中環嘅價錢，但係喺粉嶺就會覺得有啲唔值。…Read More

嗰日我哋一班朋友準備去旺角麥花臣場館睇演唱會，所以就決定喺附近搵一間中菜，可以坐埋一圍食飯嘅。有朋友就介紹咗呢間旺角海鮮菜館。我仲有提前book位，所以去到唔駛等，即刻就可以入座。餐廳嘅裝修係有啲舊嘅，應該都開咗一段時間。侍應嘅服務都幾好。佢哋仲因為知道我哋要趕住睇演唱會，所以特別安排廚房幫我哋上菜上得快啲。我哋叫咗個餐超抵食！鮑魚、扇貝、龍蝦粉絲煲、炒蟹、雞、蔬菜，樣樣齊！真係超級抵食！ 侍應姐姐仲提議我哋可以炒個麵開嚟撈炒蟹嘅炸蒜頭。所以我哋最後追加左個豉油王炒麵，係好食嘅。 性價比高，值得推介👍🏼…Read More

初試呢間國際咖喱館。聽聞過原來開咗好多年。所以鍵盤入邊嘅裝修都係比較舊試。本來想單點幾款菜式，睇完個Menu睇到眼花撩亂😅 後來侍應姐姐推介我哋食個二人餐。我哋揀咗雜菜咖喱角（今餐係牛咖喱角，但係可以轉雜菜咖喱角）、咖喱蝦、非洲辣雞。跟咗一個飯同一份薄餅。 之後再追加一份吉列豬扒咖喱汁另上。 個雜菜咖喱角好好有家鄉風味，似 home made 嗰隻。咖喱蝦就正正常常冇乜特別，但係個咖喱汁係好味嘅。非洲辣雞味道都幾特別，同平時食開嘅非洲雞好唔同，甜甜辣辣咁。個咖喱吉列豬扒就真係必食！吉列豬扒炸得超好食😋 侍應姐姐超級親切。送俾我哋自己揀咖喱汁嘅味道。本身咖喱吉列豬扒同咖喱蝦個汁係一樣啲，侍應姐姐俾我哋轉另外一款嘅咖喱。 本人覺得跟飯配咖喱係好啲嘅。個薄餅都係一半，不過亦係好有 home made feel 。 我哋最後都只係食晒啲飯，薄餅就食淨一半。 如果突然間想食咖喱，呢度都係唔錯嘅選擇。…Read More

之前有朋友大力推介佢個大叻薄餅，所以特登過嚟試吓！ 大叻薄餅： 餅底勁脆，味道特別，個人覺得偏甜。 燒豬腩肉： 燒得幾香，肥瘦適中，但係個汁都係偏甜。 蒜香雞翼： 香脆可口，炸得一啲都唔覺得太油嚟，不過面頭果汁都係偏甜。豬腩肉法包： 好味！不過最好叫咗即刻食，因為如果唔係啲汁就會滲到個包變淋。 煮蜆湯：呢個有驚喜！個湯好好飲！啲蜆亦都好鮮甜。 所有食物嘅份量都係偏細碟嘅，所以可以嗌好多一齊share食。 最後追加咗個香茅豬扒鴨蛋飯。都唔錯，如果隻煎蛋係窿邊就會再好啲。飲咗杯斑斕撞奶，叫咗佢少甜，所以味道啱啱好！有好香嘅斑斕葉味。…Read More

最欣賞就係佢哋有一位員工嘅服務態度👍🏼 嘢食係唔錯嘅，不過性價比就唔高。有啲菜式係 overpriced。叫咗杯 whiskey highball, 幾乎淡到冇味，似杯仔梳打水。 環境裝修都係屬於casual嘅。不至於會係好想返去再食嘅餐廳。Overall 都ok 嘅。 …Read More

同班朋友嚟咗呢間新開嘅餐廳試吓。個場都幾爆，但係因為我哋事先book咗枱，所以去到即刻就安排入座。侍應嘅服務態度都好友善（有個外國人嘅男仔侍應原來仲識講廣東話添！感覺非常親切） 餐牌上面嘅嘢食唔算太多，但係因為咁就好容易揀食咩。魚生、卷物都非常新鮮。串燒方面就過得去，有少少偏淡。但係佢哋有燒牛油果食🤤 熟食方面，我自己就非常鍾意佢哋個炸雞🤤🤤 飲品方面，因為食日本嘢我哋都選擇咗嗌 sake。見到佢哋餐牌上面都有啲特色嘅 Cocktail。 侍應仲介紹咗佢哋有由日本進口返嚟嘅 high ball (即係威士忌梳打) ，口味偏淡，適合一啲唔係好飲酒嘅人。佢哋仲有波子汽水！重拾童年回憶！餐廳嘅地方唔算好大，但係裝修非常之有特色。門口嘅招牌超級搶眼！餐廳入面仲有好多個打卡位！連廁所都貼滿咗AV 相🤭 仲有個小小嘅露天平台，方便大家出去呼吸。 雖然嗰日都幾爆，但係佢哋都冇冧檔，…Read More