meifung007's Profile

天氣終於開始涼, 我同朋友出去搵食的目標又轉返去雞煲邊爐喇! 自從香港興起雞煲邊爐後, 每年冬天都會總會食好多次, 今佢補身又暖胃, 雖然天氣仲未係好凍, 但我已經忍唔住要食喇!呢間尚上下夏之前已經食過, 記得上年都唔洗等位, 但上個星期打黎book 位有幾日已經full 咗, 唯有等到今個星期先食. 鍾意呢間雞煲的原因係因為佢D雞好入味又夠嫰滑, 辣得黎又味道豐富, 的確係一試難忘.今日我地5個人, 同樣地叫咗個鴛鴦雞煲, 今次我地只係叫咗半份雞脾同半份雞胸, 想留肚食邊爐. 兩邊都係叫小辣, 就返大家口味. 雞脾就好嫰滑; 雞胸就啖啖肉, 各有各特色. 但兩款雞同樣都好入味, 佢個醬汁係可以滲到入去雞肉裏面, 每一啖都有香辣味道, 好正!食完雞煲就打邊爐喇. 我地叫咗蕃茄湯底同埋龍蝦湯底. 雖然雞煲食完仲有少少醬汁係裏面, 但加埋落去湯底度個味道又唔怪, 而係覺得個湯帶有雞香味. 我地5個人懶得諗, 叫咗一個牛魔王拼盤同一個海鮮拼盤. 牛魔王拼盤份量都好多下, 而且每一款都好有牛味, 均屬靚料. 而海鮮拼盤配料都好新鮮,好豐富, 我最鍾意佢地個蝗子同埋新鮮鮑魚. 好鮮味好甜.…Read More

今日友人約咗我出去食飯, 佢介紹咗我黎呢間新開酒吧試下佢地d野食. 其實本身唔係咁鍾意飲酒, 不過朋友話呢間酒吧除咗飲酒之外D野食都唔錯, 而且環境幾relax 就約好去呢間喇!朋友叫咗杯cocktail, 我就叫咗杯mocktail, 個名叫"LOL Mango" 佢係用熱情果, 芒果同埋青檸調配的半沙冰飲品, 望落個樣好靚呀! 而飲落就甜甜地但好fresh! 好啱我飲!頭盤方面我地叫咗藍青口配香蒜白汁. 青口好新鮮好甜, 而個汁做得好香, 每隻青口都入晒味, 我地食到停唔到口呀!頭盤方面我自己就叫咗個香煎挪威三文魚, 三文魚切得厚身, 外層煎到香脆, 裏面肉質都好夠滑, 一D都唔會鞋烚烚. 我平時食野除咗食味道之外, 都好鍾意一D賣相靚的食物, 好似呢一款咁個伴碟都做得好唔錯, 睇得出廚師好有心機. 我地兩個都覺得今餐好好呀!…Read More

香港地租金貴, 好多食肆都被迫搬咗上樓, 但好多時d樓上舖樓底都比較矮, 感覺比較焗促, 我自己就唔係咁鍾意. 尤其係燒物店, 樓上舖通常都會搞到煙霧彌漫. 不過如果去遠少少, 筲箕灣都可以搵到一間舒服的燒物店. 我講緊就係呢間安安燒.地鐵行過去5分鐘都唔洗, 而且大街有巴士2x 等出返灣仔個邊, 算係好方便. 呢間餐廳唔算大型, 望落有30-40個位左右, 但有露天位可以選揀, 食煙人仕啱晒. 室內的話樓底都幾高, 唔會有油煙味, 坐得都幾舒服.食物方面好多選擇, 我同朋友都鍾意食健康d, 所以都係半肉半菜, 肉類叫咗花枝丸, 牛丸, 芝心丸, 雞軟骨串同埋雞腎串, 因為佢每樣都唔貴, 所以可以叫多幾款一齊Share, 丸類同埋肉類都燒得幾好, 唔會乾, 而且加埋D孜然粉同埋辣粉真係好香口!!另外我地叫咗燒四季豆, 金菇菜, 燒茄子同埋燒栗米. 四季豆燒到乾身, 卜卜脆好香口; 金菇菜就係用鍚紙包住黎燒, 牛油味好香; 燒茄子好大條, 食落口D肉軟綿綿, 加埋蒜蓉同少少辣椒係面個味道做得好好; 而燒栗米都好正好甜!…Read More

食完晏又餓餓地..又食唔落幾多野..所以就決定去搵d小食食下啦跟住就比我發現左街邊有間野食點心坐低我就叫左個堆野食野飲叫左個洋甘菊咖啡幾smooth又有d花香味, 幾得意拉絲芝士酥: 真係超級芝士!!!!好似有牛油又有忌廉,芝士味好重食完超有罪疚感..但又好好味!!外面又脆,,入面芝士半熔又香濃鍾意食芝士既一定要試下煙鴨胸腸粉: 無用到豉油而變左用燒汁好似襯返個煙鴨胸咁甜甜地中間仲有d菜, 爽口, 其實都幾好食燒賣皇: 2粒大大粒, 真係足料有蝦有蟹子,熱辣辣, 幾好味, 滿足!之後仲叫左d其他小食, 都唔錯!下次有機會再黎…Read More