Kawai Tsoi's Profile

最近比幾個風搞到我超冇癮, 原本班朋友約好晒同我慶祝生日, 但一個八號風球將所有約會取消, 被困在家不能出外。5點幾落波後第一時間出街Shopping, 行完Sogo後, 再行去World Trade, 續層行到上四楼見到一間裝修頗有特式的餐廳”黑瀧板蕎麥專門店”, 見都好耐冇食過蕎麥麫, 决定入去醫肚。D裝修真係好Special, 好有日本feel。餐牌D選擇琳瑯满目, 正當唔知選邊樣之際, 職員説京都和牛做緊Promotion, 見到個特選一人前套餐都有好多嘢食, 包括牛油果炸蝦沙律, 雜錦刺身, 燒鰻魚配炸魷魚圈, 黄梅燴京都和牛鍋巴, 白飯麵豉湯, 我唯有放棄食蕎麥麫, Order咗個京都和牛雅特選一人前同自己慶祝啦!牛油果&沙律菜及雜錦刺身食材新鮮, 感覺好清新, 燒鰻魚也很鮮甜, 但炸蝦就略嫌唔夠脆及炸粉太厚主角是黄梅燴京都和牛鍋巴, 黃梅是杏脯, 又從來冇諗過黄梅配上和牛是咁討好, 和牛肉質鬆軟, 入口即溶, 餐廳提供埋個爐興住, 用鍋巴一口一口點着甜甜的黃梅汁食, 不覺的成個鍋擦晒, 碗飯就冇辦法完成。呢個一人前份量好足, 食完唯有畀藉口自己再去Shopping行吓消化吓, 買份禮物俾自己添。…Read More

同好多人一樣, 去了外國一段時間返嚟好想食碗地道雲吞麵, 放低行李第一時間去咗平時食開呢間豪仔記嘆返碗雲吞麵, 老闆娘例牌問要唔要菜, 我例牌都要。鍾意呢度嘅雲吞麵是因為真材實料, 睇住佢哋即場包,不是一般交來的行貨。用嚟包雲吞嘅蝦又大隻又爽脆好彈牙, 粒粒都好鮮, 湯底又調教得味道啱啱好有蝦鮮味。另外碟腐乳通菜就不過不失, 腐乳味道也調教得很好。這間簡陋的小店子除了雲吞做得出色外, 另一推介是牛筋, 炆得軟硬適中非常入味, 價錢亦非常相宜。好多時費事諗食乜時, 就會自然走進這間麵店, 包冇失拖!…Read More

美國和日本的舊同學到港旅游兼聚舊, 我今天負責安排他們在銅鑼灣Shopping及招待下午茶, 美國同學話想食拉麵, 日本同學又是個咖啡精, 一時間真係諗唔到邊到可以迎合兩位嘅口味, 好彩行到京士頓街見到大大隻Le Grand 招牌, 想起自己又有會員卡, 就覺得這是不二之選美國同學叫了一個叉燒拉麵下午茶餐, 日本同學叫了一個蛋糕下午茶餐, 我對這兩個餐興趣不大, 因我經常都吃, 今天試新嘢, 叫了一個肉醬焗餃子下午茶餐, 這個餐共有五件餃子份量十足, 由於是用芝士焗比較heavy, 我請他們每人吃一件, 自己都有三件美國同學上二樓洗手間在楼梯見到很多明星相非常興奮, 店内剛剛做緊藍山咖啡的推廣, 日本同學就與經理大講咖啡經, 他們對此兩層高及華麗裝修擺置的讚不絕口之餘仲話有少許家的感覺雖然本人間中有來此餐廳用餐, 但都忽略了這餐廳的優點, 其實在這裡招呼朋友聚餐一D都唔失禮, 唯一的缺點就是不太就腳。Anyway, 在旅遊業經濟低迷的日子下, 我總算為香港盡點綿力, 令游客留下一個好印象…Read More

剛剛出嚟做野的二十年前已經開始在UCC吃這個茄汁海鮮意粉, 雖然價錢不斷上升但質素仍然保持著一貫的美味, 主要是濃湯及煙韌度恰到好處的意粉及鮮味十足的海鮮, 包括帶子，蝦，墨魚，蜆及青口, 令我成為這個茄汁海鮮湯意粉的忠實FansSogo這間UCC是開放式廚房, 管理得也算整齊, 很喜歡坐在Bar枱是因為能看到職員炮製新鮮的咖啡過程, 另有一番風味祇希望不好如此頻繁加價…Read More

約了銀行一時在中環開會, 索性11點幾早點在中環蘭桂芳覓食, 行到德忌立街California Tower, 被”俺の割烹”的名字吸引, 决定入去一試, 店裡裝修舒適優雅。這裡午餐定食選擇頗多, 餐牌上有百幾蚊至幾百蚊都有, 最吸引到本人都是銀鱈魚西京味噌燒定食。成個餐都幾豐富, 有一個沙律, 餐前小食, 麵豉湯, 主菜銀鱈魚及一碗白飯。沙律菜就一般, 同其他餐廳無兩樣, 但銀鱈魚就非一般水準。在香港真的從未食過一個製作咁認真嘅超水準日式西京燒銀雪魚，魚肉鮮甜嫩滑, 從食材至醬料一絲不苟, 好味指数爆燈果然是米之蓮水準貨真價實, 12:30前埋單竟然還有折扣, 絶對是超越期望, 一定會再嚟…Read More

小時候經常在大角咀街邊食豬油渣粉, 今天適逢舊地重遊, 在英記回味一吓豬油渣麵的情懷。 舖頭内選擇不多, 當然豬油渣粉是鎮店之寶, 有大碗及細碗選擇, 配上足料新鮮厚身冬菇大量香蔥同冬菜, 豬油渣的情懷仍在, 略嫌不夠彈牙雞翼方面煎得香脆而且嫩 $7/2隻夠哂平, 非常美味這家餐廳的的價格非常合理, 會再來:)…Read More

經常在北角出入, 一諗唔到食乜野對腳自然就會入左去佳豐粉麵食車仔麫幫襯原因由於這間車仔麵檔價廉物美 這裏款式很多, 應有盡有, 是一間頗傳統的車仔麵檔最特別的是韭菜餃很新鲜, 還有特製辣醬辣得嚟很香不可以錯過。 每次必吃的就是西洋菜, 七蚊大大碗, 又有菜味又香又嫩每次幫襯完一碗車仔麵都覺得大滿足…Read More

我很少去元朗, 這個月是我元朗的朋友的生日, 並且我聽說Le Grand 最近進駐了元朗形點, 所以我們放棄了前往九龍區。第一時間去試試, 感覺跟其他的Pokka完全不同, 裝修獨特, 感覺很有田園風味, 座位的設計, 可以適合不同的組合。 食物方便也跟其他分店不同, 今次同壽星仔share兩個主打, 美國特級安格斯西冷牛扒同埋香草烤春雞窩夫, 喜出望外, 五成熟的牛扒肉質香嫩, 極之Juicy, 加埋廚師自家熬煮的醬汁, 真係Ichiban 至於香草烤春雞窩夫同樣滋味,半隻嫩肉烤春雞, 加個煎蛋 , 實在滿足晒我呢個食肉獸 看見其他檯很多order 40cm法式多士, 由於能力有限, 要等我的生日才試。今次美中不足是餐廰未有酒牌, 不能與好友共享杯中物。期待下次!…Read More

今天去尖沙咀The One 諗住歎番一個下午茶, 上到4樓見到Suzuki Cafe, 入去叫左個豬軟骨烏冬, 烏冬嚟到賣相都OK, 但一放入口, 完全感覺唔到熱度, 只係暖暖地, 豬軟骨味道一般, 溫泉蛋就一D味都冇, 最可取只係個烏冬, 有咬口。 之後再嚟埋一杯餐飲黑糖熱咖啡, 唉! 都係一樣完全唔熱 唯一可以稱讚就係環境舒服店內有免費wifi提供…Read More

打風唔成三日雨，放假唯困在東港城內同 friend shopping，行到肚餓好自然入咗去意粉屋，可能因為幫襯左好多年，價錢又唔算太貴同埋有會員卡。餐廳內客人不太多，不用等位可以直入, 今次點左蜆肉飯套餐同埋茄汁意粉套餐，兩個都轉酥皮湯。同以往一樣各種食物都好有水準，只是蜆肉飯比較鹹咗一啲。差不多食完嘅時候仍未停雨，朋友提議坐多陣叫個甜品，商量之後決定叫個幫襯多年從未食個的法式焗檸檬班戟全個甜品很有層次感, 班戟香軟帶脆，將班戟包著雪糕來吃超好吃，而全個甜品的精髓就是檸檬汁, 將整個甜品變成好特別，有相逢恨晚之感覺…Read More

32度熱辣辣的今天放假， 除左去游水或者行商場都唔知做乜好， 決定揀左去旺角行商場shopping，行左朗豪坊半小時都係覺得無新意， 於是轉移到附近的雅蘭商場， 行左一陣買咗幾件衫之後, 想嘆番一個下午茶，見到一樓角位處有間好似好高級的餐廳大和豚總本店， 裏面唔係好多人，心想價錢應該不低，想入唔想入之間， 終於決定入去。 入到去覺得環境好優雅好靚， 侍應帶左我去裏面一個角位坐在落地玻璃傍望著朗豪坊當侍應遞上餐牌給我的時候，有少許驚喜，下午茶餐48蚊就有交易, 我決定叫了一個餃子湯麵， 餃子略嫌細一點而麫的湯底好濃好岩味道最後再歎埋杯咖啡，侍應除左遞上糖和奶之外還有一小樽白色的骨膠原粉， 唔知飲左會唔會靚D㗎呢餐廳提供免費WiFi, 一路歎咖啡一路上網，一樂也成件事我覺得呢個下午茶餐好超值~食拉麵, 歎咖啡, 免費上網。第日唔使去連鎖咖啡店同人迫， 可轉移陣地來這裡…Read More

平時做嘢做得攰攰地最鍾意就係去Pokka歎番杯皇牌咖啡。今日經過將軍澳PopCorn商場, 如常想去歎個下午茶，見到POKKA CAFÉ 搞搞新意，做了個雷頌德經典名曲Crossover的菜式除了食物還有很多雷頌德特別設計的紀念品今日歎咗一件芝士蛋糕及一杯大師作品〜爆谷咖啡此外我還買了一個iPhone外殼, 有好嘢食又有特別嘢買, 感到非常滿足。正！…Read More