~Jacky~'s Profile

3月3號 (星期五), 咁啱係旺角經過呢間舖, 諗住買碗外賣糖水試吓, 點知貼錢買難受.Order完之後, 大約幾分鐘, 就拎咗外賣, 見佢用紙袋裝住, 諗住都幾環保啦 (好過用膠袋), 點知就係惡夢嘅開始.拎完外賣, 我托住個紙袋底嚟拎, 因為我怕個紙袋揈揈吓, 唔穩陣, 而且怕糖水會係蓋與腕中間漏出嚟.咁跟住就行去地鐵站 (銀行中心出口, 旺角站E出口), 路程都近, 點知行到去地鐵站, 開始覺得隻手濕濕地, 最後落到月台, 連紙袋都爛埋 (有相為證), 咁我就即刻影相,  再立刻經Instagram send 個message 俾間鋪, 同佢講過碗糖水個碗底漏糖水. 我check 個, 蓋同碗之間無糖水漏出, 係係個碗底滲出嚟.成程車到返屋企都勁尷尬同麻煩.返到屋企, 要即刻搵個碗裝住d糖水.最後店家的Instagram咩都無回覆, 淨係係兩日後 (即3月5號 星期) 已讀不回.有圖有真相, 大家買外賣就小心啦.…Read More

外賣燒味飯盒，啲擺盤係好靚嘅, 但叉燒同燒腩仔唔掂落單時叫咗肥叉，點知啲叉燒瘦到柴皮, 柴皮可能係外表，點知咬落去, 真係柴皮一樣啲叉燒完全無脂肪，同煲湯瘦肉無分別，仲要啲叉燒切得太薄，薄過正常紅腸另外，啲燒腩仔並唔係燒腩仔，係燒肥膏，啲肥膏佔咗一舊燒腩仔80%以上，外皮一般，唔算脆呢次係第一次幫襯，亦都係最後一次…Read More

我排隊買外賣先, 我講咗食啲咩, 個阿姐又唔落單, 隔咗20秒, 有個男人打尖要埋單, 之後又有個男人排隊埋單, 個阿姐都唔幫我落單先, 幫呢兩個男人埋單收錢先.如果係咁樣, 我排隊嚟做乜?…Read More

諗住入去堂食, 明明有位, 一行入去, 佢咩都無講,就叫我出去等等咗一陣, 無理過我係出面, 但係就眼見其他人全部入去自己坐. 根本就唔洗等位.咁好啦, 自己入去坐, 點知叫個炸兩都無, 所以最後放棄.…Read More