dc312487's Profile

呢間小貴，但真心易回本。 揀左日本黑毛和牛A4+ 套餐，7點半前離座平少少，$458加一。黑毛和牛，油脂分佈均勻，入口即溶。鍋底揀左鴛鴦鍋，聰明魷魚沙茶鍋比較濃味，有D烤魷魚既風味，而養生菇菌燉雞鍋，菇味好出，相對比較清。除左黑毛和牛，仲有鮑魚、海鮮，同雪糕都係回本推介。有齊Mövenpick, Häagen-Dazs 同Dreyer's, 仲有大熱笨NANA。好少見會齊晒三大品牌雪糕。套餐仲送海鮮拼盤同M9和牛牛丸。飲品除左汽水、冷泡茶，仲有手調飲品，連啤酒同港式檸檬茶18+都係任飲，即係Vodka，檸茶中帶有少少酒味，非常易入口。多款食品台灣直送，仲有特色台灣小食，鹽酥雞、甜不辣等。推介蝦蝦霸霸脆多士，勁脆勁好食。阿嬷豆乾魚蓉麵都好香，好好食。…Read More

之前食過屯門果間，今次試荃灣，估唔到有D驚喜。離座前半小時截單，上菜速度快，未有出現漏單情況。揀左套餐A - 77品，食物上同屯門店有D唔同。荃灣店有蟹腳食，感覺刺身款式比屯門站多。榴槤控注意，免費升級D24榴槤任食！餐廳掃Code落單，另有自助區提供前菜、小食、甜品同飲品，梅酒、啤酒、清酒，全部任飲，仲有酒水吧，提供雞尾酒。 雪糕款式超多，多款特色蛋糕，連笨nana都有，仲有Häagen-Dazs, Mövenpick 全部任食 ， 仲有牛奶軟雪糕。回本推介，海膽手卷、花雕醉鮑魚、鮑汁燴花膠。熟食方面，有串燒、天婦羅、炸物、燒蠔、羊架、連酸菜魚都有。總括屯門熟食較多，小朋友比較多選擇。而荃灣店則刺身款式多，雪糕款式更多得誇張，相對地更易回本。…Read More

一直都想試火山排骨，今次終於有機會。店內座位闊落，牆壁佈滿塗鴉，服務員態度友善。火山排骨 $228必食‼️打卡一流，好大份，好震撼眼球。 排骨配上泰式醬汁，酸酸辣辣，肉淋得黎保存住肉汁，餐廳提供埋手套，拎住成舊食，勁滋味😋海鮮媽媽麵 $178講起泰國美食，就會諗起媽媽麵。期間限定，有Thai Suki同冬蔭功兩款味。冬蔭功味夠酸，唔會太辣，勁足料，有鮮蝦、墨魚同魚片，仲有泰國燒腩肉，外皮勁酥脆，肥瘦均勻，吸收左冬蔭功湯香味，勁香勁入味。炭燒豬頸肉 $98大大份，表皮略為焦脆，豬頸肉脂肪分佈均勻，配上秘製醬汁，酸酸辣辣，十分惹味。…Read More

最近經過Vcity 先發現原來開左間拉麵店。紅色招牌加上店內黑紅色設計，非常搶眼。拉麵同小食都相當吸引，麵底可以揀粗或幼麵，拉麵份量比其他店多，非常夠飽。粗麵更有咬口，配比較清既極上和牛野菜拉麵最合適不過，而幼麵就建議選擇味濃既湯底比較好。 極上和牛野菜拉麵 $158和牛即使揀左全熟，依然係入口即溶，湯底比較清，食到拉麵既蛋香味。配菜都唔少，有波菜、、椰菜、糖心蛋、鵪鶉蛋等。 極品叉燒拉麵 $158叉燒4大片，肥瘦均勻，又香又淋，好香油香味，豬骨湯夠晒濃，十分推薦。 小食一D都唔遜色，章魚小丸子，$48/6粒，大大粒，燒得非常脆，入面較黏口，質感似年糕。日本粟米球，$48，香甜粟米加上外皮脆卜卜口感，一份唔係好夠喉。…Read More

行開Vcity 一田，先發現多左間賣飯糰，入面飯糰既款式好特別，種類都非常多，大大個，非常足料。有D成份三文治咁，食一個已經夠晒飽。 特製味噌肉醬 $18.8人氣No.3, 賣相貌似富士山，好足料，肉碎淋得黎有咬口，醬汁味濃，大人小朋友都岩食。 三文魚玉子燒 $18.8飯糰混合左甜蛋同三文魚，個一口都食到三文魚同玉子燒，味道比較清淡，岩晒小朋友食。 仲有其他款式都一樣已經混合好，例如柚子山椒小魚、昆布和風梅漬嫩雞、日式昆布咁。 店內人氣No.1 既炙燒雙層和牛壽喜燒非常吸引，但價錢有D貴，$42，份量非常大，相信一個已經可以頂一餐。…Read More

一向都勁鍾意食自助餐既我地，久唔久都會搵自助餐食😂 特別Target D小朋友可以免費既自助餐，慳返唔少🤣 呢間 100cm以下免費，7 至 8 月暑假檔期做緊新加坡主題，海南雞、胡椒龍蝦鉗、新加坡肉骨茶、 新加坡咖哩雜菜等。晚巿分左3個價錢，最早5點食到7點，價錢平好多，但原來食物都差好遠，一分錢一分貨。7點半後除左海鮮、刺身唔同左，多左即開生蠔、龍蝦任食、刺身蝦、帶子等。連熟食都多左和牛漢堡、鴨肝多士等。海鮮Refill 速度仲快左好多。呢度仲有畫碟甜品，心太軟，岩晒節日慶祝。餐廳提供紅白酒飲，仲有雞尾酒，仲有士多啤梨香蕉奶昔，岩晒小朋友。…Read More

御滿屋開到黎屯門，我地揀左套餐A - 80品，經典雙重鮑魚鵝肝撻海鮮海洋盛宴。 晚巿時段$258起，2小時任食，半個鐘前截單。仲有任食馬來西亞榴槤，座位闊落，坐得都舒服，冇漏單。餐廳掃Code落單，仲有自助區提供前菜、小食、甜品同飲品，梅酒、啤酒、清酒，全部任飲。仲有糖果區，簡直小朋友恩物。雪糕款式多，連Häagen-Dazs 都係任食。刺身款式選擇都唔少，油甘魚、三文魚、劍魚腩帶子、北寄貝、 赤蝦等。 刺身新鮮，油甘魚好肥美。竟然有海膽手卷添，細細舊，一口一件，食多幾件都唔怕飽。至於熟食方面款式都相當多，串燒、天婦羅、炸物、燒蠔、羊架、燉湯，仲有花雕醉鮑魚，同勁厚身既鮑汁燴花膠。最估唔到連酸菜魚都有得食。總括套餐 A 都已經好夠食，小朋友都相當多野岩食。 不過見到隔離枱食長腳蟹、魚子醬同避風塘炒蟹，勁吸引 。 下次要試埋套餐 B 先得。…Read More

千之味係屯門竟然開放題店，平時食外賣就食得多，一於試試。位置近西鐵站，新墟街市附近。超長用餐時間， 210分鐘。 大量刺身、壽司、卷物、爐端燒、飯類、沙律、小食、炸物全部任食。甜品、飲品同小食以自助形式供應。升級加$198可以升任食海膽、藍鰭吞拿魚、鵝肝 。小童同長者唔收升級費用。多加$18可任飲清酒同生啤，抵飲。店內座位不多，建議先訂座。生日有8折優惠。升級刺身藍鰭吞拿魚大施羅，油脂味重，超肥美。鵝肝有芒果同焦糖兩款口味，好creamy，個人口味比較喜歡焦糖味，甜甜脆脆，出奇地夾。海膽鮮甜，先後提供兩款海膽。刺身鮑魚都好好食，好爽甜，好新鮮。仲有長腳蟹提供。炸物款式都多，忌廉蟹肉薯餅、粟子紫薯餅、炸魷魚等。自助櫃除提供汽水、茶外，仲有小朋友果汁飲品。另有甜品、小食，仲有乳酪。 另外，每人可嗌movenpick 雪糕一杯。…Read More

出開銅鑼灣，發現地鐵站附近原來有間勁正既餐廳，唔止環境舒服，食物仲好好食。午餐選擇多，仲幾抵食，一個餐已經有齊沙律、前菜、主食、味噌湯同餐飲。 另可$15加配各款小食。需收取加一服務費。銀鱈魚西京燒定食 $118擺盤靚，令食慾大增。前菜酸酸地，非常開胃。銀鱈魚煎到皮好脆，肉好嫩，配上蛋黃醬，點唔點醬都一樣咁好食。咖喱吉列美國豚肉定食 $88日式咖哩，好香咖哩味，微辣，美國豚肉外皮包住炸粉，超鬆脆，豚肉一D都唔韌。 …Read More

估唔到係港島區到搵到間性價比高既西餐廳，環境同服務都好好。餐廳坐位唔多，好有情調，以為專做情侶客，點知有兒童餐供應😱 晚巿套餐 $388，有齊餐湯、餐包、沙律、主菜同飲品，仲可以 $69 加配甜品。叫左美國平鐵牛扒同挪威三文魚配奶油大蒜醬，好有驚喜。三文魚魚皮煎到超脆，肉好厚，但一D都唔鞋。好嫩，好juicy，薯蓉質感有少少粒粒，配上奶油大蒜醬好香，好好食。美國平鐵牛扒煎得好靚，有咬口得黎唔會韌。牛扒好厚身，切開中間微紅，好Juicy。配上香脆薯條同沙律。份量雖然唔算多，但食物質素同環境，絕對值呢個價錢。…Read More

餐廳環境歐陸風格，黑白色地板加上柔和吊燈同吊扇，環境十分寫意。假日都有早午套餐提供，價錢由$95起，另可優惠加配小食及甜品。另有提供兒童餐，$88起。阿根廷安格斯肉眼牛扒 $205海量薯條，牛扒煎到剛剛好，淋得黎不失咬口，配上巴黎牛油汁，酸酸地加埋牛油同香料味，令牛扒味道層次提升。凱撒沙律拌有烚蛋同醃菜，非常開胃。兒童餐 - 牛肉餅配薯條 $128牛肉餅肉淋，有牛肉味，配上煎蛋同大量薯條。香蕉可麗餅 +$30， 香蕉配搭榛子朱古力醬，絕配。跟餐送鮮榨果汁，相對健康。…Read More

提早食母親節飯，揀呢間因為有畫碟甜品。本身餐廳環境已經好靚，好colourful。揀左個新奧爾良海鮮盤二人餐，套餐包括餐湯、沙律同小食，另可加配飲品。驚唔夠食，嗌多左個飯，點知份量超大，食唔晒。海鮮盤真係好豐富，可辣可唔辣，仲有冬蔭公醬汁揀。多款海鮮同蔬菜，鮑魚、聖子、青口、蜆、蝦、墨魚仔等海鮮，另可選波士頓龍蝦或松葉蟹腳。另可加購海鮮，推薦巨大化手臂大頭蝦（+$48）， 仲大隻過龍蝦，啖啖肉，勁正。小食拼盤非常吸引（+$58)，芝士薯條、唐提炸雞、吉列蠔、吉列魷魚，大人朋友都岩食。北海道帶子海膽意大利燉飯份量足，海膽味道香濃，帶子嫩滑大粒，加埋魚子及三文魚子更鮮味。必嗌畫點甜品，可預訂圖案及文字，杜拜朱古力奶蓋巴斯克蛋糕（$118半件）蛋糕質感順滑，加上開心果脆脆，口感層次豐富。仲送埋仙女棒同即影即有相架，最岩節日慶祝打卡留紀念。…Read More

香港都竟然有串燒$10-$20一串，2串起叫，相當抵食。五花腩都係$10串，用餐限時90分鐘。上菜速度唔算快，加單等候時間較長，但起碼冇漏單。串燒選擇相當多，另有有惹味小食、沙律、主食及甜品供選擇😍重點推介👍💫鹽燒西班牙五花腩 $10抵食之選，五花腩肥瘦均勻，表層香脆，內裏入口溶化💕💫紫菜鵪鶉蛋卷 $20豚肉包住鵪鶉蛋，配上沙律醬及紫菜，簡單但美味💫鹽燒雞腿肉 $20雞皮燒得香脆，雞肉又香又滑💫咖喱牛舌菠蘿包 $58咖哩味香，菠蘿包再配上煎蛋及厚切牛舌，大滿足💫豚肉荔枝卷 $15豚肉包住荔枝，荔枝又香又甜又多汁…Read More

原來屯門時代廣場開左堅信號，平時食外賣就食得多，堂食都係第一次，估唔到堂食真係好食超多。 生煎包外脆，食落去仲係熱辣辣，多汁到噴晒出黎。堂食仲有晚餐揀！加$1×-$20就有埋小食，仲包埋飲品！加2個生煎包都係$15，抵好多！ 雲吞雞配白飯 $72雲吞雞好正，個湯勁燶郁，雞又嫩，金華火腿既咸香味同娃娃菜既甜味落晒個雞湯度，勁香甜。 秘製豬扒上海粗炒 $78豬扒甜甜地，味道似叉燒，好淋甜。粗炒比一般餐廳食既粗身，略帶甜味。 紅糖糍粑 $32一碟4件，外脆內軟，淋上紅糖甜甜地，細細碟，2人食岩岩好。…Read More

120分鐘，任飲任食🤩美國、澳洲、韓牛任食，4人仲送飽魚海鮮拼盤。加多$108，海鮮、刺身任食，啤酒、燒酒任飲😍直接手機掃QR code落單，非常方便。 食物款式選擇多，肉類推介美國安格斯、霜降一口牛，熟度可以根據個人口味調整，建議選擇中等熟度，這樣能更好地保留肉質的多汁感。生菜包住蒜片及韓式豬頸肉，非常惹味。 韓燒必食韓國小食，韓式柚子單骨雞、野菜粉絲、泡菜煎餅、紫菜包飯、魚片串、水冷麵、韓式蘿蔔湯等。最愛韓式炸雞，外皮酥脆，內裡鮮嫩。 刺身任食款式多，帶子、赤蝦、甜蝦、北寄貝、三文魚、希靈魚、墨魚、吞拿魚等，新鮮度不錯。 海鮮回本之選有鮑魚、廣島蠔、扇貝等。個人最愛韓式八爪魚仔、魷魚鬚、虎蝦。 另設有自助區，有甜品、飲品、軟雪糕、窩夫、韓式前菜、蔬菜等。…Read More