chungsn2012's Profile

有次行街，見門口菜色吸引，午餐大致四十至六十蚊，於是入去試下。點知，碟碟都大份兼好味。。。之後再食左3次，無一次失望過。性價比高，夠鑊氣，有川味，仲無限提供自己加的配菜(有時辣蘿卜，有時酸辣豆角)。員工招呼都有禮，周到。值得支持的小店!…Read More

聞風呢間餐廳口碑好壞參半，都係自己親身一試至知。老惹嘅環境一般，好似茶餐廳。D人話侍應態度差，但我又感覺OK喎。我坐低等朋友，菜都未揀，就送來一碗熱湯叫我飲住先。講真，碗例湯味道麻麻，不過招呼態度夠窩心。叫左蟲草花湯菜芯、冰鎮咕嚕肉、豉椒炒花甲米粉底，買相吸引，又大大碟，味道亦唔差，仲配埋2個白飯，我哋三人食啱啱好。食左$380，價錢唔算平，不過都可以再試其他菜式~…Read More