呢間餐廳嘅炒飯真係難食到極點。成碟飯炒完仲係一舊舊冷飯，完全冇鬆散嘅感覺，食落去好似啱啱從雪櫃拎出嚟咁。炒飯竟然係用電磁爐炒，完全冇鑊氣，冇晒靈魂，食落去只係鹽味加咗啲餸，完全唔值E個價錢。炒飯係一個好基本嘅菜式，但呢度嘅表現簡直係侮辱咗「炒」呢個字。至於佢哋嘅炒通心粉，真係連「炒」都不如。啲通心粉根本就係「撈」完算數，冇任何高溫爆炒嘅痕跡。粉質又軟又爛，冇咩口感，加埋肉碎同泰式醬油，味道單一到令人懷疑係咪即食麵包裝拎出嚟改造嘅。講真，呢間餐廳嘅廚師好似完全唔識基本嘅煮食技巧，食完只會令人激氣。除非佢哋肯正視問題改善出品，否則大家實在冇理由再俾錢光顧。…Read More
