KayK1202's Profile

因為住係附近見佢下午茶平平地咪幫襯下，都已經係常客，野食同味道都好正路….因為疫情關係成舖餐廳都俾半透黑色膠板遮住，但今次真係嬲嬲地，坐低揮手足足10分鐘係完全冇人理，但明明有職員見到！！真心建議！如果d職員咁唔得閒幫客人落單，不如俾多少少錢出嚟整個system俾客人自助落單啦！…Read More

好失望！由佢第一間係銅鑼灣開嘅時候已經好鍾意食….因為本人好鍾意食米線，所以間中都會去食午市單人餐。支持咗咁多年，睇住佢水準下降都無可厚非，可能轉咗師傅/材料供應商等……但味道都同以前差唔多。但今次係荔枝角分店食到嘅酸菜魚米線真係仲衰過我自己整😑酸菜份量太多，影響到成個湯只有酸味，辣度佢只可以揀唔辣同小辣🤷🏻‍♀️🤷🏻‍♀️但係酸到我feel唔到有辣味😑以一碗午時米線嚟講佢價錢已經唔係平，但仲要拎呢d質素出嚟，我真係接受唔到！…Read More

同朋友慶祝生日，好一段時間冇食過燒肉，不如試新野啦首先講下地點，位於街尾角落位置，其實真係唔好搵。生日梗係要食好d，所以我地一嚟就揀咗A5 飛騨牛set飛騨牛油脂分泌非常均勻，入口即融但食牛肉食得多都會有油膩感，但又未覺得飽我地另外叫咗個香蒜牛油黑松露焗什菌，焗得勁香！如果仲未飽，可以叫埋海膽冷手打稻庭烏冬，呢2款熟食都係極推薦整體環境都好舒服，唔會覺得好嘈，野食又好食（係貴咗少少），下次食燒肉都會再考慮再嚟…Read More

事源同朋友仔Gathering，之前都曾經試過一次，未至於到難食！見到佢2人同行一人半價，其他餐廳又要等好耐，唯有再試多一次啦...首先火鍋湯底我地嗌咗鴛鴦鍋，豬骨湯同麻辣，已經要額外加$50，但麻辣鍋只不過係用麻辣醬溝出嚟，已經好失望🤦🏻‍♀️野食方面：一開頭上嘅刺身都好正路，係三文魚切得較厚，之後嗌咗必食嘅牛肉，食落口係完全feel唔到係牛😵海鮮都係普普通通，蟶子有沙，全程我地冇再嗌任何肉類，最後埋單每人$2xx...所以平野真係冇好🙅🏻‍♀️…Read More

同姐妹gathering，喜歡食酸辣嘅我，就建議試下酸菜魚，就搵到依間。因為朋友唔食得太辣，第一次就試下小辣先。果然酸辣就是我的菜！3個人叫咗小份$3xx，魚好滑亦冇魚鱗，只係一兩舊魚帶有小魚骨。另外叫咗兩個小食，豬肚絲同麻辣鳳瓜....都麻麻地，如果3-4人可以叫豪華份會比較夠食$5xx，酸菜魚比想像中好食，下次會再食…Read More

鹹蛋炸雞真係第一次試，鹹蛋黃味超香，其實自己本身一d都唔會食蛋黃，但估唔到mix埋炸雞嘅效果真係唔錯配搭薯條芝士勁濃，首推（但忘記了是什麼口味）下次時間要book早d，當日太晏好多想食的都賣晒…Read More