ki7733's Profile

見佢喺樓下搏命唉有二百幾種食物， 有試下新嘢囉。 一上到𨋢大約有二十人喺度唔知做緊乜嘢， 請咁多人 但係又冇做到嘢真係戥個老細陰公。 睇完menu開始落單 就要叫條友仔過嚟，佢幫你喺tablet落單，落完單之後要行去counter畀錢。 跟住 搵個位坐低之後就要去搵返你自己嗌嗰間餐廳 ，問極啲員工只係識講向前向前。 終於搵到自己個 food counter， 佢顯示屏嗰度明明話if You cannot see your order ，speak to our staff， 所以我咪選擇speak to their staff, 條友話等下啦,個顯示有就有冇就冇， 佛係阿叔。來到食物啦，我哋order咗個韓式香辣雞撈麵， 返到埋位朋友話隻雞呢， 跟住朋友2話你拎返去啦,阿姐留咗放隻雞。 拎返去之後阿姐話嗰啲肉咪就係辣雞囉。 呆咗跟住嗌嗰個 檳城嗰條 等咗十幾分鐘 佢用一架 有人推嘅車仔喺廚房推出嚟乜都凍曬啦。跟住嗰個泰式牛肉炒糯米飯超級油。overall 體驗， 寬敞闊落闊court 請咗一大班人喺度行行企企，高智能低科技， 嘢食差過留下任何一間食肆。…Read More

成日放工都見到好多人喺度等外賣, 以為佢應該唔會差得去邊, 今日終於試到. 係極之差嘅味道. 我冇諗過 泰式炒粉 , 竟然喺個兜嗰度就咁夾出嚟就放落外賣盒. 完全唔係即炒, 凍冰冰點食呀. 佢送一個例湯個例湯嘅味精簡直嚇到驚魂. 跟住嗌咗個肉碎雞蛋飯 雞蛋係凍嘅肉碎係凍嘅 , 最慘連啲飯都係凍嘅. 真係未試過喺香港食一間泰餐會好似港式三餸飯咁求其bug落去. 返屋企途中發現個袋全部都係湯, 本應以為 夥記唔記得 撳實個兜, 返到屋企先發現個膠兜蓋同個兜, 根本就係唔合適完全吸唔實. …Read More

見到網上好多人話呢間好食， 所以一行四人喺中環放工特登過尖沙咀。 去到餐廳門口 沒有人招呼， 行前幾步去到吧檯 同bar tender講話我哋book咗位， 佢嘅反應係你同我講吧鬼咩，我點知啫， 佢望一望我哋 跟住冇出聲。入到餐廳後， 裏面啲侍應服務態度 同出面明顯唔同, 非常友善。 佢介紹當日可以吃 semi buffet或者食麵餐。 朋友行出去semi-buffet bar 望一望， 返嚟就同我哋講 食麵餐算吧啦。 出面所謂semi buffet 個樣唔係好掂， 所以最終我們選擇了吃麵餐。叫了兩碗龍蝦冬陰功麵， 淡而無味， 加上 麵湯只是微溫。 接著碗船麵係當晚最好食的 一碗， 起碼個味比較濃一啲， 雖然唔好食，但起碼食得落口。最後來碗喇沙就犀利囉， 有兩條沙甸魚，四個圈嘅洋蔥， 跟住就見唔到有啲乜嘢配料， 味道亦都係非常極之超級淡， 一啲馬來西亞泰國風味都沒有。 最尾我哋選擇叫侍應 畀個 sambal source 車曬落碗麵度食咗幾啖就放棄.嚟到甜品環節 真係好抵食加$20就可以喺餐車裏面揀 cake， 見到係好開心嘅。 但係食咗落口就知道點解$20, 因為佢其實同美心西餅係冇分別㗎。…Read More

公司喺荔枝角已經有三年，每日晏晝諗食乜嘢都係一個非常超級大嘅難題， 朋友介紹終於搵到呢間 monster kitchen. 呢度有個露天平台及一個榻榻米角落， 可以畀你無限咁hea。 環境舒適寫意 ，最好上嚟 抖一抖，hea一hea， 蛇王👍👍👍嘢食方便雖然選擇不多，但係貴精不貴多， 食物質素與CP值高, 以荔枝角水平已經非常之高。今日值得一讚嘅係個餐湯 clam chowder, 幾十蚊嘅 lunch 都 serve clam chowder湯, 真係不得了， 好飲，驚喜，非常驚喜. …Read More

之前燒烤場停業，非常失望，好期待佢終於開返。 一收到去whatsapp知道佢開返馬上去book位。 食物種類同以前爭好遠， 基本上只有雞&雞， 前菜同小食冇曬。加上食物質素好差， 當日的金沙骨，只有骨基本上冇肉而且有怪怪地味道，接近壞嘅邊緣， 翠玉瓜係已經變色冰到冇朋友。 牛丸魚蛋類都係最差嘅貨， 尤其是獅子卷已經硬曬。 唔知道餐廳係轉咗手淨係咩原因， 我好希望店主見到我舊年11月個post，就會睇到 以前嘅你，同今日嘅你，真係爭天共地。…Read More

之前經過兩次因為排隊條龍長到不能接受所以走咗。 今日四點幾唔使等位當然入去試一試。 叫咗蝴蝶腩牛肉牛腩河粉。 啲餸嘅份量超多， 但係啲麵就淋得滯， 碎濕濕咁唔好食， 同埋唔知點解一碗粉煮咗好耐， 可能係用心煮， 坐咗咁耐先出到一碗粉，唔怪之門口平日排隊排到人都癲。 佢嘅辣椒油係 幾好味， 但對於我嚟講太辣， 有冬菜配搭非常潮汕感覺。 啲肉煲得 好淋，好入味，但係可能用上太多味精關係，食完之後出到門口頸渴到出唔到聲。 如果可以嘅話麻煩落少啲味精。 呢個價錢真係算抵食。…Read More

阿女之前食過話超級好食，所以咪特登專程去試下。 去到嘅時候11點，要排隊大約十五分鐘，以一個網紅店嚟講上可接受。嗰度最值得一讚嘅係啲阿姐嘅服務，雖然係老店，但係完全冇 老店夥記鬧人嘅感覺，非常窩心， 又有禮貌又主動問你要唔要細碗仔share food. 嗰日我哋去食咗煲仔沙嗲牛麵 同埋鹹牛肉雞蛋三文治。 沙嗲公仔麵 味道可以接受但係絕對唔係網民講得咁誇張。 佢個沙茶抵 炒得唔夠香。 咸牛肉蛋治偏鹹，可能唔記得咗嗌烘底關係麵包淋曬。如果行過附近經過可以入去食下嘅，68蚊一個公仔麵， 就睇你點睇啦。 如果特登去就應該唔需要喇…Read More

經過舖頭 見到openrice有好多好評，價錢又好似好平 ，所以咪入去睇睇。 叫咗個船麵配河粉同埋咖哩牛腩配麵。船麵落到枱嘅時候，已經係淋曬一pat pat，感覺好似煮咗好耐擺埋一邊等有人叫嘅時候就加啲湯落去， 啲河粉係黐住隻碗嘅。咖哩牛腩份量同味道係ok，但係配嗰個麵就小到太搞笑。 一個麵餅幾錢呀，唔使少到得一啖㗎。食完之後出到門口就已經感覺到味精超級頸渴， 飲咗好多水但係都不能解到， 味精唔係唔畀你落，但係都唔使咁重手。…Read More

好想寫返封情書給店長， 希望佢可以train下啲員工， 亦都希望佢可以improve 下啲出餐速度。今晚七點幾去到，小貓三幾隻， 睇落真係唔係好忙(等外賣area都係得我一條友), 入去買咗半隻雞外賣，竟然要等咗12分鐘。接過外賣後，問店員攞一份餐具， 佢話買淨雞係冇跟餐具，唔可以畀餐具， 我話下！！咁點食呀， 佢靜咗，冇答，費事為難佢唯有走啦。 好唔明白呢個係乜嘢規矩， 唔通要食粉麵飯先可以用餐具，淨雞要用隻手食， 如果係，麻煩下次跟對手套畀客人。…Read More

前幾天喺電視機見到佢介紹呢間蘋果批， 又講到喺西貢有幾咁巴閉，幾咁好食。 我哋住港島區，冇理由會去西貢食個蘋果批㗎，見佢灣仔有分店所以今晚就慕名而去試下呢個大名鼎鼎蘋果批。電視訪問又講到佢一日係賣幾多個， 賣完就冇，好緊張。 當晚八點半去到仲有 2 tray ，心已經感覺不妙。 蘋果批係熱嘅， 個酥皮冇牛油味， 層次感又唔夠， 蘋果同吉士餡都非常少。 $33一個 ，唔係好值囉。今次因為睇完廣告，慕名而來，但最終感覺是中伏的， 好彩喺灣仔啫，如果揸車入到西貢食咁就真係嬲嬲豬。…Read More

喺尖沙咀食完飯 朋友介紹話呢間台灣芋圓 好吃， 所以傻下傻下去嗰度排咗隊， 條隊好長都排咗一段時間， 你問我會唔會再去排隊答案係肯定唔會因為商店要求每位顧客最少嗌一樣嘢， 所以冇辦法 ，嗌到成枱都係台灣芋圓，地瓜 ，芋頭蓉，小丸子， 湯圓。 好滯好飽:(。 已經非常盡力但最後也無法食得曬。芋圓同台灣相比是沒有味道的， 芋頭蓉同潮州芋蓉相比是沒有味道的， 總結全部都係粉，唯有靠個base & 嗰支鍊奶畀味道。嗌咗個熱嘅紫米小丸子嚟到嘅時候係常溫， 但係另一碗紫米露湯圓就熱到出煙。我估咁多人排隊係因為cp值高， 四五十蚊就食到一碗 咁多料嘅糖水， 但係如果要排隊 ，排咁耐，本人就覺得多謝曬啦。…Read More

炸炸炸，今日全餐飯都係炸， 可能因為大家都覺得大排檔嘅關係所以同行每位朋友嗌嗰碟餸都係同炸物有關。 最尾啲餸上曬枱先知道成枱都係炸。首先要讚下大排檔夥記非常友善服務周到潮州炸蠔餅太油膩， 炸油炸鬼味道不夠， 炸大腸味道ok， 不過乾咗。炒麵對我嚟講淋咗少少。炸八爪魚咀是全晚最好吃的。…Read More

荔枝角/ 長沙灣 竟然有間咁正嘅炸豬扒， 價錢非常之平，而且份量好大， 食到你飽。 同出面幾百蚊炸豬扒分別都不大。 白飯仲可以加底， 又可以揀蒸蛋， 仲有沙律同 麵豉湯 好好抵食， 下次會再幫襯。…Read More

平靚正 市區燒烤場。 完全冇諗過emax有燒烤場地， 今晚幾乎包場， 只有兩枱客。 剛行入去的時候真係有Ｄ驚，以為 中伏， 心諗如果真係正，冇可能員工人數畀客人還要多。$168全包 ，汽水任飲， 燒烤食品任食， 還有沙律，生果, 及一杯雪糕。食物都算多元化而且味道適中， 個人推介厚切香茅豬頸肉及金沙骨。…Read More

十一點去到巳有十幾人在等緊枱， 排隊非常混亂， 有時就排隊有時就話要攞飛。 堂食外賣本應分兩條隊， 不過最後只有一句說話形容非常超級極之混亂。終於安排到位置， 坐低之後就拎咗一盤水，有杯碟筷子。因為第一次去，所以唔知應該去邊度攞嘢食， 行去近廚房位置就畀人鬧，呢度廚房嚟㗎去前面嗰度攞， 去到前面又畀人鬧，呢度買外賣㗎，你去後面攞。 咁究竟應該去邊度攞呢因為我們安排坐在第一張近門口， 嘆茶的 期間不停畀入嚟買外賣嘅人推撞。 最誇張係有四位阿妹衝咗入小店，望來望去，跟住話買兩籠奶黃包， 等待奶黃包的期間， 這四位阿姐全部塞住門口等外賣。 講返嘢食，最開心係食到薄皮糯米包， 好耐冇食過 食到一半突然間好多人企身， 衝去廚房原來有炸鮮奶新鮮出爐， 這個炸鮮奶味道就一般般，偏甜。所有食物都好懷舊食物係好食的， cp值超高， 五個人去，食到你唔食，都係四百蚊有找。…Read More