Delights V's Profile

同老公慶祝周年紀念，搵搵下就搵咗呢間試吓。入到去暗暗地如幾有情調，同埋覺得好有驚喜，因為嗰啲係卡位同埋有高嘅椅背，感覺坐得舒服。餐廳有個二人燒肉套餐都有晒想食嘅嘢，有肉有海鮮，可以唔使諗。餐廳企理又乾凈，食得好安心。枱上仲有多款醬料，有自家燒肉汁、日本醬油、檸檬汁等等，咁可以試到唔同口味，唔使點嚟點去都係得一款。先食沙律，沙律菜都乾淨、好清新。主要落咗黑醋同蟹籽令成個沙律好脆口同新鮮，份量適中，夠2個人食，當然多少少會好啲，始終食燒肉配菜係不可分割嘅！可以食埋先付二品，即係前菜仔有牛蒡、蘿白漬，都算係咁。之後餸菜都陸續快速送上，樣樣都睇上去好優質。套餐本身有丼飯，入面有味素、溫泉蛋同蟹籽，只需要拌勻加紫菜碎就係絕配丼飯，好味其實可以好簡單，就算無味素都好味。至於刺身三點盛就有二人份嘅大蝦、帶子同八爪魚片，每人試食式食各一片咁，又新鮮冰鎭咁，點到即止。未食紅肉之前，呢碟時令海鮮三盛盤可以話係成個等套餐嘅重中之中，有大大粒帶子、一小錫紙盤嘅生蠔（要熟食）、仲有新鮮鮑魚，可以大飽口福，唔使一人食一舊。之後食安格斯牛小排、安格斯牛粒、厚切牛舌心、蕯摩赤雞腿肉、赤雞腎，感覺似食貴價燒肉咁，肉質都實凈，無騷味。p.S.呢度服務好好，都好耐心介紹餐點，有問必答，好有禮貌、親切。…Read More

行行下千色店肚餓，見到呢間餐廳燈光好光猛，見餐牌選擇都多，好多都想試，於是入去慢慢揀。最後食豬扒雞蛋意粉，擺碟乾淨令人食慾大增，而且份量都好足。第一啖梗係切件豬扒食先，煎到有焦糖色，好香。唔厚唔薄但有肉感。最最最意想不到、越食越起勁係個牛肝菌忌廉汁，以為普通洋蔥汁，第1次食呢個汁好香好濃，好後悔無問到可唔可以加多啲汁，可以當係撈麵食。至於意粉就軟硬適中，蔬菜食落有汁水，唔會乾爭爭，整體野食不錯。此外，留意到每枱都有一支水同水杯，方便客人飲水、洗餐具，但有客自行倒水入自己水樽，極度不衞生，同埋上手可能無用過支水同水杯，見職員無收依舊放原位俾下一枱客人用。最後點餐過程體驗麻麻，無人理，揮咗幾次手，穿西裝嘅男職員又無禮貌，黑口黑面好似趕客咁。…Read More

咁啱宋皇臺站落成無耐，我frd話不如去下九龍城搵下食，比以前夠方便。Search過呢間由地鐵站行過去只係10分鐘左右，行幾個街口，易搵，加上最近鍾意食烤魚，啖啖肉浸泡喺麻辣嘅湯汁，熱辣辣夠哂過癮，同個frd一拍即合決定試吓！呢度環境都夠闊落，坐得舒服。快快趣先點個魚先，叫咗小邊麻辣。本身唔食得太辣但又想過下癮，叫BB辣。望上去香料好足，但真係BB辣，都夠晒味！條魚夠兩個人食，食落無泥味，問店員話係鯇魚黎，又唔係多骨bor 留意返條魚本身無啲芽菜、支竹、蓮藕，如果有埋就更加滿足喇。我哋另外仲有嗌泡飯，兩條友基本上係無飯不歡，加上食烤魚無理由齋食白飯咁dry，呢間店有好多款嘅泡飯，今次試吓魚腐同川味口水雞，無論泡飯同啲餸都超大碗，鍾意食飽嘅人可以一試。最後點咗兩條串燒，包括鹽燒帆立貝同秘製雞串，一陣陣嘅孜然粉味，呢度加埋杯啤酒應該好啱傾8卦心事。…Read More

呢間日本餐廳俾人感覺係生活嘅享受，以前唔捨得去食，最近出咗花紅就去嘆吓啦！蟹癡嘅我點可以錯過皇帝蟹炒飯呀！！啖啖蟹絲撈飯夠晒滿足，仲有啲細細粒嘅紅蘿白粉扮下蟹膏，鮮香撲鼻呀！想添飯！嚟呢度食點少得食串燒！每串都有焦香，右手邊係鹽燒牛脷串，薄切唔靭！左邊係鹽燒豬腩肉，肥瘦比例ok，食串燒都係就咁落鹽嘅好😋仲有點咗左邊嘅汁燒免治雞肉棒，有啲似食雞軟骨嘅口感，不過啖啖肉！右邊係沖繩網燒鮑魚仔，入味唔靭再嚟呢條個人都感到驚喜，因為好少會見到元朗日食店會有一夜干食，呢條黃花魚風乾後再燒，個肉質實凈咗、有好濃味嘅咸和同炭焦香，原來咁好食！就算只係半條，感覺都好多肉食下！encore!…Read More

今日男友帶我去呢間日本餐廳度預祝我生日，我最喜歡食日本野，而呢間無令我失望！可以食盡自己想食嘅野之餘，男友嘅荷包又唔會肉赤！😍呢度環境幾舒服嘅，有bar枱、有卡位，任君選擇，唔會坐得好迫。叫咗個HK$168嘅一人前，叫岩石燒黑毛豬定食，豬肉同紫菜飯嘅份量都幾多，而且頗肥，同男友share 啲肥肉就到好嘞！油份好夠，食幾塊都可以嘅！仲有三點刺身，都係熱門受大眾歡迎嘅刺身，仲有湯同蒸蛋、同甜品，都咪話唔飽，好滿足！睇下啲豬肉燒到幾金香，又厚切咁，兩個人食無問題！食得滯就要嘆返個和風軟殻蟹沙律，啲菜好脆，係因為加咗大量嘅蟹籽，加埋啲醋解膩，仲有每次食和食必點嘅軟殼蟹，不得了！(不知不覺食量可以大咗！) 男友就點咗呢個瀨户風鰻魚炒飯，好濃郁嘅鰻魚香，成碟炒飯都有呢個汁醬嘅味道，口感豐富好creamy，有驚喜！再點呢個嚴選串燒5品盛！16元左右嘅串燒同元朗街頭串燒店差不多！但呢度有得坐有環境享受下都叫值！有雞翼串、帶子串、雞肉串、煙肉mini茄同冬菇串，每串都有2件，可以兩個人都食到啲！有埋支酒就完滿嘞！…Read More

冰室旁邊係golf場，一大片綠草如茵，放假嚟食個早餐，係種賞心樂事！我真係好喜歡係茄湯底，酸酸甜甜懶健康咁，早餐食好醒胃！個茄湯都幾濃味，餐廳都算細心咁切開一塊塊雞扒，可以方便食，雞扒無雪味，有煎過，厚厚地肉！咁呢個通係配黑松露炒蛋，黑松露可以唔使放咁多，會好重味無晒蛋味。店舖仲好捨得奉送兩塊牛油豬仔包！仲要係好食嘅豬仔包，無俾劣貨，仲要好脆！男友就點咗個經典早餐，沙嗲牛麵。牛肉無筋，沙嗲醃牛肉醃得入味，個賣相都不錯！跟餐都係炒下蛋呀腸呀包呀總之好飽。要特別讚啲蛋，好滑！半熟之間加錢餐飲可以飲紅豆冰，好綿呀啲紅豆！…Read More

嚟呢間餐廳食咗好幾次，貪佢環境暗暗地啱密密斟，食下西餐呀又可以食亞洲菜。呢度竟然有拉麵食，我朋友話想試吓，心諗喺西餐廳食乜鬼拉麵🍜，但都點咗碗黑蒜油叉燒豚骨拉麵，係出乎預料地好好食！黑蒜油夠香，麵嘅硬度偏硬但個人好喜歡嘅硬度，叉燒夠入味，成碗麵嘅溫度係好平均好溫暖，爭啲食晒我朋友碗麵。叉燒有兩塊當然唔夠喉，叫咗客照燒一口牛肉，份量都幾多下，同每口牛都大粒，扮晒野都要分兩啖食，慢慢細味。肉質夠腍無酥味，真的好怕有果啲味，會令食慾大減。另外見到一個菜式幾特別，唔係度度餐廳有得食，叫米意粉，即係米仔粉，佢配埋鮮蠔同龍蝦汁一齊煮，感覺好似食緊多汁版嘅海鮮risotto ，不過米仔粉係硬身少少，整體都係個新感覺。最後食埋個tiramisu 格格多士伴雪糕，呢個似係tiramisu嘅變奏板，以軟綿綿嘅多士代替手指餅，加埋朱古力粉、吉士醬，食落唔太甜，所以唔使擔心好肥。…Read More

古色古香嘅門面，成為宜昌街嘅亮點。幸好，暫沒入排隊，這樣就可以衝住去食。我是衝著滷肉飯來的，像肉餅一樣，只有肉和飯，就可以吃得滿足，吃得飽。份量還可，特別時豬肉油好香，這樣就扒光一碗。川味紅燒三寶牛肉麵，有牛腱、牛根同牛肋條。一次過可以食匀三款牛確係興奮。最驚喜係個自家製辣醬原來有牛骨髓淆製，有牛蘇香，味道統一和合。另外叫埋台灣小食皮蛋豆腐，豆腐似係平時盒裝豆腐，但食落好冰涼暢快，份量較少，似一人前。而皮蛋有流心感覺，加埋木魚好完美。…Read More

放假最享受嘅事莫過於同男友去嘆早餐。呢間轉角茶記，座落喺唔顯眼嘅地方，但人流冇少過，不停都有人嚟食。無他嘅，確係幾好食，價錢又合理。叫咗個經典早餐，包括沙嗲牛肉麵、牛乳炒蛋、厚多士、火腿同凍奶茶。炒蛋好滑又香。多士輕輕烘過，最喜歡放火腿上去一齊食，好滋味。個麵都幾好，牛肉夠腍，份量又足。麵唔會好腍。整體都好好食，放假可以encore…Read More

永順位置唔近大街，但好多人都專程嚟食，就算冇餐點都照樣食晒啲招牌菜。第一次嚟食，感覺係重口味嘅。服務都唔錯，唔會因爲太多人而忽略咗其他客，會溫馨提示話今日人太多，要等等；又唔會夾硬迫啲人密質質咁坐埋一齊，大家互就，幾好。先嚟沙嗲牛肉麵，招牌菜冇理由唔叫，好濃郁嘅味道，啱晒重口味嘅人。牛肉份量夠食唔算多，本身個麵係配丁麵，加兩蚊個仲可以試個蟹王麵。可能太多order關係，啲麵全部都腍晒冇口感。至於另一招牌豬扒雞翼麵，本身可以散叫加配大塊啲豬扒，可以兩人share，跟麵就細塊啲食下過口癮，個皮薄又脆，帶重少少咸香。雞翼冇咩味個炸得脆口。順道點埋有個like嘅奶醬多，不過不失，烘得脆唔燶，醬料可以再重手啲。杯奶茶正常啦。…Read More

朋友帶我去食芋圓甜品，太好了！第一次食，食凍紫薯雪糕芋圓西米露，食落時係暖冷交融嘅感覺，西米露還是暖的，被紫薯雪糕的凍弄得半冷半暖。主角芋圓再煙靭啲則更好，而家較為粉粉地，各式味道並不突出。紫薯雪糕幾好，夠濃味，紫薯味相當突出。仲好似食緊紫薯薯泥呢！我朋友食涼粉同綠豆沙，看樣子都吸引的。…Read More

第一次食全鴨，得一碟仔，同我想像嘅份量有一倍嘅落差，但索價港幣320元。味道又不是特別突出，鴨皮帶小肥有油香，肉質唔鞋但沒什麼濃郁嘅鴨味。至於水煮魚就大大盤，一大盤紅紅辣椒好吸睛，魚嘅份量都多，唔麻唔辣得個樣，魚塊嫩滑，食到底有粉皮食，呢個就吸收到啲麻辣味，幾正，再多啲份量就好嘞！值得一試有馬蘭頭卷，喜歡呢種菜有啲苦澀味，一口一啖，所有滋味在心頭嘅感覺。再有炒飯同小籠包，不過不失，但擔擔麵就不建議食，因為得個辣油味，冇花生醬嘅香濃味，麵質又似泡泡麵，冇質感可言。…Read More

港式車仔麵就食得多，但配合冬蔭功湯同新穎嘅泰式鱷魚湯底，都係第一次，帶俾味覺新沖擊。套餐夠晒抵食，62蚊包3餸麵、小食（大）同菜，飲品另外加幾蚊，好豐盛嘅一餐！我朋友點了冬蔭功湯底，味道帶少少酸，好多香菜喺面。食車仔麵配料最重要係吸湯，或者本身夠味，呢度必點金錢肚、豆卜同冬菇。（當晚豬腸同蘿白賣哂，否則必點！）金錢肚被滷水入晒味，味道偏甜。除咗惹味湯底，仲有媽咪嘅中湯系列—鱷魚肉湯底，加入紅棗呀杞子，食落好補好有膠質嘅味道。建議唔好加辣，否則把清甜嘅味道蓋過。話個餐包埋有營蔬菜，配搭都幾特別，叫咗馬拉盞芥蘭，芥蘭好juicy帶埋啲咸香都幾惹味。…Read More

每次去澳門，必食豬扒包葡撻，食葡式乳豬、馬介休等等 ; 而香港好像好少食到葡式澳門菜，今日去元朗yoho mall行街，見到呢家亞蘇爾有澳門美食，就試下啦。如果好食嘅，就唔使經常過大海先覓到食，哈哈！首先叫咗餐前小食沙梨頭手打墨魚餅，彈牙中加啲碎米粉，增加香脆口感，如果再厚啲會更好。當中有啲香葱同墨魚微粒，食落更香。加上有辣勁嘅醬，幾滋味！主菜叫咗個亞蘇爾秘醬青瓜乳豬脆包，乳豬係一絲絲，連埋青瓜絲，料好足爆滿了，而秘醬似乳豬醬，甜甜地好濃味，幸好個脆包夠厚夠脆，食起黎唔會膩。仲有大量薯條同沙律菜，建議同朋友share 。仲叫咗葡式椰香雞，一盤有成四至五舊大件雞，好嫩多汁。醬汁好濃味，一定要配白飯食，勁大碗飯呢，飽飽！呢外食埋啲甜點，先嚟個拼盤，有燕窩葡撻、抹茶牛奶、杏人餅同合桃酥。當中最喜歡抹茶牛奶，夠抹茶味又有牛奶香。至於沙冰都係不錯選擇，夠大杯，點了芒果柚子沙冰，沒有溝水感覺，又夠清新。…Read More

想去養心殿好耐嘞，今日捉住同事陪我去，邊打邊爐，邊打小人哈哈。嘆邊爐幾時都係一個盡情地講呀食呀嘅時間。呢度真係勁多人，坐無虛席。相信好多人都會一次過叫兩款足料湯頭，一款係美人鍋，因為有補充膠原嘅桃膠，全隻烏雞等養身藥材;另一款係麻辣鍋，有鴨血同蜂巢豆腐，可以揀辣度，小辣啱哂我呢啲又想試辣但又唔係好食得辣嘅人。呢度有好幾款菜式係個人認為嘅特色菜，因為未見過坊間火鍋店有，有啲又係自家製。例如呢個有空運標誌嘅翠絲水蓮，係蓮花嘅一部分，唔使恰太耐而保持爽口;恰耐咗口感又似蔥，都幾吸湯，可以一試。另外要試嘅係酒香白肉，起初睇佢個樣唔太討好，因為只不過係白雪雪嘅肥肉。但食咗一口，啲酒香就滲出來，係好香嘅花雕味。再黎紫淮山麵，食唔出有淮山味，感覺有啲似蕎麥麵，係爽口，唔會食到滯。…Read More