kafi's Profile

今朝睇隔離個post已經好想試😆 一睇地址長沙灣🫠 心諗應該佢執咗我都未黎😂，但咁啱今日黎附近做嘢又咁啱提早收工🥹 就有機會嚟啦！一個人想食好多嘢但無肚食(◐‿◑) 想食炒意粉又想食素雞腿🍗 叫咗冬陰功意粉🍝拼雞翼（轉素食🍗，佢又俾我轉）泰式奶茶（轉椰奶，佢又俾我轉）意粉炒得好味😋👍🏻奶茶糖漿分開上加分🫶🏻彈性轉椰奶加分🫶🏻彈性轉嘢食加分🫶🏻聽講可轉走五辛加分🫶🏻高彈性又好味嘅暈素餐廳唔多，碟頭都幾大，推薦住附近嘅素友約多啲人嚟食💞以為會食唔晒，最後成碟食晒🫠 下次再黎附近會再黎食！仲有risotto 果啲都好吸引🤤 …Read More

之前食過一次覺得好食，今次再黎多次，但今次之後唔會再黎。事原9:30左右叫左一個濃雞湯拉面，一個蔬菜拉麵，兩個面啲送都係凍，啲湯微煖，個面生生地，成個拉麵都差到無野好講，反映返俾個年長員工知，之前黎食啲野都唔係咁，問點解今次啲野水準咁差，佢問返我之前係咪早啲黎😦 （哇，姐係啲食物品質同客人到訪時間有所差異？）仲話啲野食一早整定，呢啲野我都知，但拎一碗凍既拉麵出黎俾客食，真係令我覺得好出奇，之後年長員工請左個後生廚師出黎，個解釋係因為佢跟返公司個標準做，跟返個標準做佢無錯，會反映返俾日本果邊知😮😐🙄😡 佢講到咁我都費事同佢再講落去，叫佢請店長出黎，原來係個年長員工，個解釋都不外乎呢啲係公司set 既standard, 佢地都無計要跟公司指引做，我都冇野好講，對食品失望不如話對人工作態度更失望，原來而家啲人打份工可以咁樣，自己唔使負責任，其實見到啲人咁樣hea自己真係好睇唔過眼，如果呢位後生仔見到呢篇食評，想請你睇一本書：態度決定高度，希望你地日後事業成功。無論點，感恩呢餐飯。…Read More