gucciguccilau's Profile

2008年起源於杭州龍井茶園的綠茶餐廳，主打中國八大菜系之一的“浙菜”。原來香港已開左數間分店，今日同屋企人去了圍方食個晚餐，星期六未夠6點到達，已全場爆滿，未入座在門口見到裡面啲裝潢雅典，令食客猶如置身於古代吃飯一樣！ 入座後服務員態度非常好，上菜又快，令到只有1:30hours 用餐時間可以慢慢品嘗食物。必食1 龍井烤雞綠茶餐廳招牌菜之一，外皮烤得脆脆，雞肉很嫩很多汁，食落總有充滿龍井茶業的香氣👍🏻2 粉絲裹蝦由員工在客人面前處理，先開火焗煮4分30秒，夠鐘員工會在客人面前扳動食材，咁就食得，一開蓋啲蒜味撲鼻😋蝦仁非常大隻，而且夠彈牙，鐵板上熱辣辣，重點是粉絲，索晒全部汁液，送飯一流3 東坡仔排東坡肉排，色澤誘人，入口肉質軟嫩，味道非常惹味，一啲都唔會覺得油膩仲有多款菜式未試，留待下次再去慢慢品嚐…Read More

星期六約左朋友在圍方食lunch , 傾下計，圍方咁多選擇，最後揀左 TERA , 好舒服嘅一間Cafe，見佢啲食物太吸引，去一次試唔到幾多樣，下次會再去試埋其他食物。因為在openrice 訂左位，一到即刻有位坐，而且仲要比左一個最入嘅位置我地坐，傾偈都傾得好舒服👍…Read More

較早前訂左位去食晚餐，因遲左5分鐘才到，最後要我在門口等位，要等第一輪客人食完先有得入坐，最後放棄唔食。今次為免有同類情況出現，未夠六點就已經去到，成功入座，今次去係為咗要食佢的富貴雞。一落咗order個富貴雞就可以即刻上，因為廚房一早準備好，富貴雞係要用四個鐘時間烹煮，所以食落啲雞肉係已經林晒，雞骨好快就可以拆開，裏面嘅冬菇花膠鮑魚都好淋，最緊要又唔會好鹹，味道適中👍🏻，配埋佢四個小飯團就非常好。其他菜式都唔錯。下次外國親戚回港，可以介紹佢哋去試吓。…Read More

本身四月就會去韓國，但唔知點解成日都好掛住韓國炸雞，唯有在香港搵間食住頂下引先，銅鑼灣近排開左好多韓式炸雞店，真有選擇困難症，因為這間有烤雞又有炸雞，見食評都唔錯，就決定上網訂位，現在有得網上訂位已經係我揀佢嘅其中之一原因啦，實左太方便了因為星期四嘅關係，人唔太多，可以坐梳化，又無時間限制，可以同朋友慢慢暢所欲言。大家未食過烤雞，最後揀左一份甜辣烤雞，黎到見到咁多件有啲驚，一定食唔晒啦。真諗唔到烤雞都可以咁好味，肉質嫩滑，食落肉汁都不停落出，今次只叫左一隻🌶️，真唔太辣，好惹味下次可以叫兩隻🌶️🌶️海鮮煎餅煎得好條邊脆脆地，好香口，餡料真係豐富，有大大條魷魚🦑，有蝦仁，仲有蠔仔，仲諗住叫佢比啲汁，怕佢太乾，原來係唔需要，又夠晒味，煎得唔錯最後埋左單先記得有生日8折優惠，韓國人老闆幫我地void 左張單再出過左新單，非常友善，抵讚…Read More

星期六晚臨急上網搵晚餐地方，打去即時話有位，即刻行快兩步，要在預定時間到達，地方比較偏僻，但都唔難搵。6:45去到已經差不多滿坐，就本身期望唔大，入到去啲侍應不斷介紹菜式，侍應服務一流，介紹咗啲餸唔叫都冇黑面。先叫左杏汁豬肺湯，入口飲到好香杏汁味，估唔到咁好飲。侍應問我地食唔食聖子皇，$65一隻，就跟佢推介叫左4隻，黎到啲粉絲勁多，又多炸蒜，聖子又唔會蒸得過火，讚見2018米之蓮推介-千絲芝士球、金勾銀柳及冰梅欖豉骨就叫埋這三款冰梅欖豉骨，少少酸酸甜甜，又帶點咸，骨又煮得好淋，真係必食千絲芝士球，面層啲炸面同出面食開得唔一樣，比較柔細，好脆口，若蝦球再大粒啲會更好，比啲沙律醬配襯下更好金勾粉絲個名好特別，原來是粉絲加左啲炸魚肚再加埋啲XO醬去炒，都好野味以上所有菜式一落單就好快上菜，而且仲好有鑊氣，下次要再去試埋其他菜式…Read More

預早網上訂位，晚市有85折優惠，非常抵食。一家人共12人在這裡食生日飯，叫左好多款餸菜（有啲都唔記得影相），每人一杯飲品，折埋埋單每人都唔駛$150， 又沒有時限，非常合適大伙兒聚會地方。…Read More