Shu sharon's Profile

我特登係3星期前book左上星期日中午帶bb去玩同慶祝，但係星期五（即2日前）收到餐廳通知突然要我改booking，由中午改到同日嘅晚餐時段（6:30-9:30pm)，相信呢個時間大部分小朋友已經差不多上床瞓，而餐廳嘅原因係「有人包左場」。一早plan 好曬weekend行程，一句有人包場就要取消/更改原有客人嘅booking（仲要係咁短時間前通知）。以一般理解，餐廳坐位係先book先得，而大樹先生就話如有人包全場就會取消曬所有一般預約，對餐廳呢個安排真係好失望。雖然係我強烈要求之下，餐廳叫我地照去玩，但都希望其他媽媽知道呢個情況，避免有其他媽媽遇到而令小朋友失望🥲依家親子餐廳愈來愈多，我以後都唔會再去（因為冇大樹先生荔枝角嘅page，所以留咗喺銅鑼灣分店）…Read More

打電話去就話冇得電話訂位、只可以親身去訂位、亦都會預留啲坐位比walk in客。第一次去時6:30到，想等7:30walk in位，佢就話7:30 full book（仲over book!) 咁之前又話會預留位比walk in客？！好啦、橫點去到就book下次啦。第二次去到時7:35，係我地遲左5分鐘，跟住佢就已經將將枱比左walk in客，今次又比人walk in嘅？！咁佢地4個人，我地得2個人，賺多一倍喎、龍門任擺、你玩曬啦、一定唔會再黎…Read More

#馬介休沙律 黎到澳門兩日、食左三餐葡國菜、今次點了葡國菜必食的馬介休，馬介休其實是用鹽醃製的鱈魚，肉質較實帶鹹香，配上清新的沙律，一鹹一淡一次放入口，味道配搭得非常好，來澳門旅遊是不可不吃的傳統菜式之一！#非洲燒雞另外點了一碟廚師推薦的非洲燒雞、燒雞一上菜就聞到好香香料味，雞皮燒得香脆而雞肉依然嫩滑，可惜的是雞肉略肥，碟底滿是雞油、隨配的薯條被沈在雞油中，索曬油同淋曬如果只係講隻雞、就真的不錯、半隻雞兩個人分、份量亦剛剛好。…Read More

除左雞蛋仔有多種口味選（原味、咖啡、朱古力、綠茶），仲可以加錢自由配搭入面嘅配料，餓底今次出動就係要一試聞名已久嘅綠茶雞蛋仔，係我猶疑緊入面加必勝嘅 #紅豆 定朱古力粒時，友人已先我一步決定了。.雞蛋仔即點即整，當日是星期日下午，只有我們一對客人，所以很快已到手。雞蛋仔呈深綠色、每一粒都脹卜卜、咬落外脆內軟、入面呈濕潤的狀態，令濃郁的綠茶味得以保留、係餓底食過咁多綠茶雞蛋仔中最出色的一個！.每一粒雞蛋仔都有半熔的朱古力在內、朱古力本身味道較重、少不免會搶左啲風頭、但總括來說都很不錯!…Read More

大熱soufflé pancake！除左K11大排長龍那間之外、係Element嘅The Pantry都不錯！#soufflepancake $120相比The One那間的pancake、這裡的味道較淡、無論係奶味、蛋味和甜味都較少、沒有令人食一口就覺得好驚喜的感覺、但因較淡味、所以食完都唔會覺得好膩。（我地食完再睇其他foodie嘅相先知原來餐廳冇俾糖漿、怪不得咁淡啦）至於質感方面、確實做到souffle的空氣感和濕潤度、又不會很水👍🏻 .#eggbenedict on #waffle 好食👍🏻👍🏻 waffle 的外層是脆的、上面鋪上英式煙肉（較美式煙肉少脂肪）、軟身的牛油果（熟成度剛好、帶來清新感)、7成熟的雞蛋（蛋黃過熟了、所以冇咩蛋汁），以英式食法：每樣食材叉少少放入口、要咁食先可以充分發揮egg benedict的設計！超滿足！.餐廳就在Grand Cinema旁邊、可睇戲前後去食、show當日戲飛仲有9折！…Read More

Lunch time由九龍灣飛的去九龍城，趕就趕左啲，不過佢嘅麵包真係好好食！上枱時麵包烘得外脆內軟熟，夾著不同味道的醬汁和肉，比西式三文治heavy，但超好食，咩都唔理啦，吃左先算！.#慢煮咖喱牛肋麵包 - 小辣的咖哩汁（都好辣）+疑似係沙律醬（中和左少少辣味），味雖重，但食完唔會覺得好口渴#照燒雞肉麵包 - 牛肉包太好食、相比下雞肉包就覺得冇咁出色，但都值得推薦，雞肉煮得又甜又淋，唔食牛嘅朋友可試試雞肉、又冇咁肥#蝦餅扎肉撈檬 - 普普通通啦、不過分量成座山咁多.呢度嘅份量偏大、一個人應該會食唔曬、但兩個人share又唔夠、所以都係叫多幾個人一起食啦！…Read More

#八爪魚薄切 - 有8塊切得好薄嘅八爪魚，口感好un、咬好耐先吞到、同日式完全唔同、味道主要來自帶甜味的紅菜頭醬汁#八味吐司 - 吐司烘得好脆、配試手八款不同口味的topping，包括鵝肝醬、毛蟹肉醬、番茄莎莎、紅酒燉牛肉、蒜香虎蝦、煙火腿、黑松露滑蛋、辣魷魚，餓底試左其中三款、特別推薦紅酒燉牛肉、濃郁的牛味令本來冇味的麵包增色不少，至於較淡味的蕃茄莎莎就比較一般，似是普通蕃茄而已#西班牙海鮮飯 - 有4隻大蝦、大隻青口、蜆同魷魚，材料十足，味道方面好普通，食到盤底見到好多油😮即刻嚇左一跳、尖沙咀就另一間西班牙餐廳整得好食好多…Read More

「盲終終」沖入左間Cafe，又幾好食喎！#紅菜頭雜果沙律 - 用蜜糖做醬、味道微甜、比起一般沙律醬或油醋更好食、用料亦很新鮮#煙三文魚意粉 - 以為係一塊塊的煙三文魚、原來係煮熟了的三文魚碎，意粉煮得剛剛好，不會太淋或太硬，醬料則是一般的蕃茄醬#大烤菇芝士牛肉漢堡 - 大烤茄切片夾係五成熟的漢堡扒上，麵包烘得香脆，但全個漢堡太厚身唔可以一啖咬入口是一敗筆🙈但味道很好、很juicy但不會食到成口油…Read More

BESPOKE 轉左餐牌後食物比之前更高水準、更多選擇！#Grilledsalmonsalad 一盒內有食極唔完嘅新鮮沙律菜同兩塊三文魚、三文魚帶有微微的鹹味，少少乾身。#櫻花蝦飯團飯粒較黏身，好多蝦仔係入面，為平凡嘅飯團帶來不平凡…Read More

大閘蟹季實係要食用蟹粉為主嘅野啦！第一次黎係openrice好評排第一嘅上海餐館，唔單止食物好食，價錢都好貴🙈#蟹粉蝦仁 $5xx 蟹粉十足、蝦有蝦味（好多上海鋪胖嘅急凍蝦仁係完全冇蝦味）、味道較濃、適合配白飯或花卷（饅頭）一起食，不過就貴左啲啲啦#醉雞 #醉豬手 $110份量太少，$110得幾舊，醉雞一般，醉豬手切開細細舊，好易食、啖啖骨膠原，唯酒味太淡。#酸辣湯 $1xx 兩個字-普通…Read More

餐廳係九龍灣同牛頭角站中間、想食好野就唯有行多兩步路啦！堂食位置不多，幸好早到攞到位。食物有好多選擇、三文治、薄餅三文治、意粉、蛋糕😍呢個價錢食到健康又好味嘅食物真係不錯！今次我就食左紅菜頭三文治，麵包有多款選擇，大家記得問問店員當日有咩包可以㨂。我試過黑麥包後就愛上左黑麥獨有的麥味，所以今次都唔例外，麵包烘得脆脆的，同微凍的醬汁和微溫的紅菜頭扒一起咬入口，醬汁味道有啲似泰式辣醬，素三文治不比有肉的三文治差、怎至更好食！友人點的是素食的mushroom pizza pocket，呢個就差少少啦🙈內裡芝士同蘑菇都好少、食完完全唔覺飽…Read More

#墨西哥卷 （$75）XL size墨西哥卷、麵粉皮內包有自選配料（原味牛肉）、黑豆、生菜、蕃茄、有味飯、忌廉芝士、芝士，每樣配料都超多、特別係有味飯、可能有一碗飯咁多！如果可以切開一半兩人share會好啲。直徑長達約8cm，餓底口雖大、但都要分幾啖先食得曬啲配料、今次選了小辣的醬汁、食落味道較淡、每樣配料味道分明、用料新鮮、感覺健康，但相比之下，餓底較中意食重口味的土耳其kebab。…Read More

好多人讚呢度嘅雞蛋仔比外面的好味、又好香炭燒味，唉⋯⋯一試之後、大失所望，成底雞蛋仔得個甜字、又唔脆又冇炭燒味，可以用難食黎形容、枉我企左係太陽底下等左十幾分鐘…Read More

店內由四位老人家打理自製煙un糯米皮用黎整茶果同糯米池餡料有三款（花生、眉豆、豆沙）今次就試左兩隻味，餓底較喜歡甜的花生味、仲夾雜左啲椰絲、正常野，而鹹味的眉豆就好似感覺怪怪的；外皮做得不錯，煙un得黎容易咬開，唔會太痴牙…Read More

#任食 #韓燒 （$158）餓底每次想食韓燒都會黎呢間、因為佢啲#自助 食物又多款又好食、而且甜品真係好出色！介紹番韓燒料：有牛雞豬魚、仲有好多款蔬菜，最好食係梅頭豬肉、醃得入味、用生菜包加韓式辣醬，正宗韓式食法，生菜可以減輕油膩感，正都爆！熟食：#刺身、#壽司、#冷烏冬、#凍蝦、#青口、#沙律、#炸物、#泡菜、中西湯、仲有十款#熱食，天啊！味道唔算驚為天人般好食，不過都不錯，就算唔韓燒、只食呢啲其實都好滿足！甜點：好多#蛋糕、又有#雪糕，餓底最最最中意食綠茶蛋糕，綠茶味濃，微甜，#綠茶迷#必食！…Read More