shirley804's Profile

嚟呢度食過好幾次，今晚呢餐唔係好滿意。首先係呢度必點嘅片皮鴨。過往響呢度或者旺角分店食都冇問題，但今日嘅餅皮好「黐」紙，幾乎張張都爛左。我地5個都有呢個comment。 同埋唔知點解上完凍盤，第二個菜就係片皮鴨。到差不多食完隻鴨，有個服務員埋嚟講我地點嘅魚賣哂，個陣已經落左單超過半小時。問過佢點解唔早d講，佢有解釋但戴住口罩其實聽唔到。到呢度我對佢上菜嘅次序同點嘅菜唔available 之餘又遲通知，我已經扣左分。隔左一陣有人嚟換碟，只係佢放左隻新碟響枱面，唔講野又冇眼神接觸，so 邊個拎起個碗？ok, 我做。之後我地叫左甜品，都係佢過嚟，拋咗個叉響我個筷子匙羹架。好輕力嘅，位置唔準甘解。點解唔可以放低個叉?Btw呢間分店到8點都唔係滿座。 食完甜品我地都只不過坐多左15-20分鐘，期間想搵服務員攞牙籤，見到佢一見我地揮手就拎起部碌卡機。呢下真係好唔高興。到最後埋單，呢位服務員第二次拎卡機，今次做啱喇。佢俾番收據我時不發一言。即係唔該、多謝都冇。入得嚟食咩價錢埋單心裡有數，亦唔係覺得自己係上賓。但今晚嘅dining experience 真係好一般。價錢包埋服務，要收就麻煩俾番相對嘅服務，thanks。…Read More