TwiggyDerek's Profile

:(叫左彩虹+藍莓乳酪⋯雪糕味道唔係好特別，即使所謂既彩虹味道亦唔見得雜果味凸出⋯藍莓乳酪藍莓味亦欠奉，而且雪糕都好快溶⋯口感亦唔係特別軟滑，唔洗一陣都已經滴到成手都係。…Read More

唔知係咪香港有太多好味而又出色既牛雜店鋪，我覺得呢間鋪有點兒名過於實。叫左2碗牛雜米同樣走腸，所有牛內臟都做得十分淋身，但牛味就真係相當之欠奉⋯佢哋嘅所謂秘製辣椒，亦唔覺得十分特別出眾。…Read More

呢間野第一次食，已經令人回味無窮⋯我黎咁多次澳門呢間我覺得係最好味，價錢又非常合理既葡國菜。叫咗葡式乳豬焗飯，乳豬外皮非常脆口⋯配上既飯直程好味到食唔停口，飯既質感非常乾身⋯但陪埋香料真係十分好味。另點左葡式白酒煮蜆，雖然有少少咸左啲⋯⋯但係可以接受，可能加左檸檬汁感覺呢碟煮蜆比較清新D 。馬介休炒雜菜味道不咸亦不淡，食到馬介休既咸香⋯又一好味之選。此店絕對下次訪澳必定再黎之店之一。…Read More

呢一間好似係又一米之蓮推介食店，不過我多年前來親澳門都會啲黎買嘅手信老店鋪之一⋯次不過今次第一次買肉切餅黎食，肉切餅口感十分之香脆⋯味道鹹鹹香香有少少似雞仔餅，特別得黎又好味。另外亦有買雞仔餅，食落煙煙銀銀得黎⋯啖啖豬油香簡直注滿你成個口，齒頰留香⋯簡直冇得頂。…Read More

去親官也地必定會到莫義記買返杯甜品黎食，今次就整返杯D24榴槤雪糕邊行邊食⋯坦白講我覺得杯榴槤雪糕根本唔似雪糕，似足榴槤蓉多啲就真⋯食落口啖啖榴槤肉，香口又滑溜⋯咁多年依舊保持得有水準。…Read More

如果唔係上網睇都唔知呢間野咁好味，間野仲要山長水遠行來行去至搵到⋯不過又真係好值得去買黎食，因為佢可能係全澳門整得最好食嘅杏仁餅⋯皆因佢係全港澳唯一一間仍然仲係用炭火整嘅杏仁餅，而且你真係會食到有陣陣嘅炭火香味。買咗肉心杏仁餅，同埋粒粒杏仁餅，肉心杏仁餅第一次食⋯好特別，食落去會有陣陣既豬油香味⋯而粒粒杏仁餅又鬆化、又香杏仁味⋯而且咬落去滿口都係杏仁粒⋯必推介啊。雖然係小店，但味道絕對遠勝澳門多間手信連鎖店。…Read More

呢間野去親澳門都會例牌必會嚟食，因為佢真係好低食⋯而且味道亦唔差，真係會有大大塊魚翅比你食到。今次叫咗兩個魚翅湯，一碟菜同埋兩碟野⋯加埋都係二百幾蚊⋯又有魚翅又有鮑魚又有鵝掌同埋魚肚，都係咁嘅價錢⋯真係抵到爛。不過入得去食，要預左D侍應姐姐個個都黑口黑面。…Read More

呢間野晏晝去到嗰陣時已經有八九成坐滿，點左雞件同埋一隻雞翼再加左杯五花茶⋯都係＄52咋，而且件雞件大大舊超厚肉。呢度啲雞好似係事先已經醃好，然後至拎去炸⋯雖則佢隔主層炸漿D雞肉都好入味，但佢一大堆炸漿都炸唔透⋯食個陣時會食到一層漿糊咁樣，呢度完全敗筆之作。而佢呢度有埋涼茶叫，不過你唔使旨意佢會好濃好好飲⋯呢一間係我飲過最淡口既涼茶。…Read More

呢間鋪只可以買外賣，第一次黎到⋯買左個時令嘅無花果撻，老闆娘仲話無花果撻買埋呢個月就無得買架啦。無花果香甜⋯內裏吉士亦都十分軟滑，最好之處就係佢成個無花果撻都唔太甜⋯而且個撻皮仲十分香脆。酒店嘅質素，平民嘅價錢＄30⋯⋯我覺得絕對物超所值。…Read More

路經此地，見到呢間都有芝士撻買⋯就買一個試試啦。14大元一個，捧上手仲係熱辣辣嘅⋯可惜味道完全係強差人意，佢既撻皮就好似我哋平時食蛋撻既牛油撻皮一樣味道⋯而呢隻佢仲要做得十分鬆散，加上芝士既鹹香味唔夠凸出⋯奶味較重，又唔流心、又黏口⋯食完必須要飲水。而家周圍都係芝士撻嘅熱潮，但係質素就非常參差⋯而呢間我覺得不試也罷。…Read More

呢間野好抵食，牛雜腩米雙拼都係買＄35，外賣加一都係36⋯仲要分量十足，牛腩、牛蒡、牛肚牛利每樣野都有兩至三件，牛腩、牛肚炆得尚算夠林，不過牛利食落就有小小腥味。…Read More

星期二去過一次摸門釘，所以強烈提醒必須留意營業時間⋯呢日星期六唔憤氣所以再去多一次。自己本身都好鍾意食拿破崙，見網民話呢間小店都好出名⋯所以專登由新界弓佢出嚟。買咗四件⋯士多啤梨拿破崙、芒果拿破崙各兩件，佢嘅酥皮真係好脆⋯但係佢既吉士生果餡料好唔均勻，你話佢好好味又未至於⋯個人覺得味道比較普通。題外話：見到好多食友都話呢間野店員態度囂張，但我呢一次去度又唔係喎⋯⋯店員姐姐仲好熱情同有禮貌添。…Read More

呢間小店係我讀中學時已經營業，大大話話起碼開左有十幾年⋯見佢早年裝修過一次，而佢旁邊亦有經營一間連鎖西餅⋯但呢間小店仍然客似雲來。小小一個迷你撻＄4，芝士撻食得出芝士嘅咸香味⋯但由於太多芝士食落反而會有啲膩，不過只係買$4試吓都無妨。雜果撻食落反而有驚喜，雖然佢嘅雜果都係用罐頭個種⋯但係佢加埋啲cream，再另加個撻皮底有朱古力⋯味道好夾，值得推介。…Read More

佢既xo石窩腸粉...唔止食過一次，水準依然好味⋯潮州粉果見佢既餐版寫明攞哂奬，就叫黎試下⋯果然無令人失望。仲有叫左星洲抄米⋯可惜食哂至記得未影相，辣度十足⋯又夠乾身。其實呢間酒樓質素唔差，絕對係一盅兩件好介紹地方。…Read More

聽講呢間餐廳最出名就係綠茶食品，是日下午茶就專登黎試吓⋯⋯叫左2件蛋卷+雪糕。佢既蛋卷口感比較濕潤，但味道就過於普通⋯本身自己係綠茶迷，可惜佢既綠茶蛋卷綠茶味完全不足⋯小許綠茶既廿香味都無，反而甜度就十足⋯草莓蛋卷就更加普通，粒草莓又酸⋯忌廉亦唔夠軟滑。綠茶雪糕唔係唔好食，但真係有太多店鋪既綠茶甜品都好食過佢⋯完全名過於實。…Read More