da810's Profile

求其喺openrice睇下有咩食諗住買外賣啦見到呢間之前有bookmark過但未試嘅所以就喺openrice落咗單簡簡單單咁叫咗一個蘑菇飯加一個細薯條夾埋冇記錯係$41 真係幾抵食好耐冇食過蘑菇飯 好開心覺得好正呢個汁我好鍾意啲薯條拎到返屋企最後先食都唔會淋晒真係唔錯職員態度都好好 會再encore的我諗其他食物都可以一試…Read More

好鍾意食但真係可遇不可求嘅小店經過十次八次可能只係撞啱一兩次有開就算有開門都好多時冇晒我想食嘅嘢佢個扎肉法包好好食 平時都係叫呢個不過今次有啲肚餓就叫咗撈檬同飯拎走叫咗一個越式春卷撈檬一個香茅雞肉撈檬一個香茅豬扒飯佢個魚露酸辣汁好好食少少辣得嚟係好爽好惹味嗰種個香茅雞肉好好味 好嫩唔鞋口春卷都唔錯 但如果可以將一條剪成兩嚿會更加方便客人食香茅豬扒飯冇諗到佢仲加隻蛋落去哈哈就當係bonus啦連配菜都唔少㗎 夠晒飽肚三樣嘢百五蚊都唔駛 好抵又好食下次再試下佢啲撈麵先 好似未見過越南舖會有撈麵食…Read More

之前喺openrice訂咗位所以唔需要等就可以入座 book位送咗2分不過星期六日同公眾假期真係好多人呢間食物唔錯 但啲位真係比較窄份量好足夠兩個人叫咗一個牛油浸日本帆立貝椰汁意大利飯一個日本櫻花蝦蟹肉蘆筍扁意粉一個初雪窩夫（芝士奶蓋）本身已經好鍾意食risotto啲帆立貝夠晒大隻 都幾新鮮個sauce係椰汁嚟幾得意唔會好似平時食嗰啲咁容易膩呢個係我嘅心水推介朋友鍾意食意粉所以叫咗日本櫻花蝦蟹肉蘆筍扁意粉個人覺得偏鹹少少 同埋個sauce比較稠所以對我嚟講比較膩 但朋友都幾鍾意有樣嘢好值得一讚喺openrice book位時揀咗係慶祝生日嗌甜品嗰陣係冇request要寫字/有任何要求冇諗過甜品上嗰陣發現佢哋自動波寫咗happy birthday朱古力字可能唔算係咩好大嘅事但覺得呢間cafe真係特別細心好抵讚令到朋友好驚喜整體嚟講 係可以encore嘅舖頭…Read More

朋友生日 一行6個人所以之前就打去book咗位去到唔駛等直接入座啲裝修佈置都幾有趣哈哈中西合璧嘅感覺 有黑膠有胭脂扣仲有Audrey Hepburn相中呢個腐皮卷真係好好食個人推介黑松露燒賣都值得試雪山叉燒包係超乎我想像因為本身唔太鍾意食叉燒包但呢個好得魷魚鬚有少少過腍 唔夠脆但係味道上係唔差嘅豬潤粥都幾深印象嚿嚿都好大 真係熱辣辣咁上整體六個人叫咗兩至三round埋單都係七百幾八百 真係好抵食仲要味道唔錯 幾值得去…Read More

朋友之前book咗枱所以唔駛等位直接入去舖頭有廁所 雖然要經過巷位有少少窄因為等齊人已經太肚餓淨係影咗一張相咁多全部揀咗少辣落孜然粉牛舌好好好好食原條茄子清酒花甲 冇沙好乾淨 好惹味煙肉金菇牛油金菇包都好好食以上呢幾樣嘅話 個人覺得牛舌真係必試虎皮椒好有後勁嘅辣 唔食得辣要三思飲品得啤酒同少量支裝罐裝飲品揀 但有啲貴 整體嚟講真係食到好飽 CP值好高海鮮類佢有每日優惠嘅款式但我哋叫嗰款就冇做優惠價錢應該日日唔同四個人埋單都唔駛一千 叫咗五六round個位置就有少少偏都值得一試…Read More

收咗工去到6點幾左右會合埋朋友唔駛等位就即刻可以入座最深刻係叫咗個紫菜肉鬆蛋卷好好食 而且賣相都好靚所以真心係必食推介但個炸雞就唔係幾入味 不過肉質都幾嫩 或者下次叫其他味再試下雜菜粉絲同窩飯都唔錯 幾飽肚粉絲用嚟解下膩都係一個幾好嘅選擇朋友即場買咗openrice現金券可以即場用所以都幾抵食 人均嚟講百六七蚊都真係算好抵不過飲品選擇就唔算太多 自己叫咗杯奶茶 都可以接受嘅溫馨提示係用qr code落單同埋都算早收舖 …Read More

訂咗座唔駛等 不過hold枱就係得10分鐘去到明明未坐滿跟住隔一陣已經full晒 好誇張叫咗八個餸 有一個雜菜冇影相個雜菜就好普通 有韮菜芽菜咁炸饅頭幾好食 蠔烙即係蠔餅啦 餡料足夠係幾豐富但粉漿有啲厚 一擺得耐咗就出晒油 變到好膩醬滷拼盤幾多嘢食 百幾蚊幾抵食個玉子豆腐勁juicy勁入味 外脆內軟推介不過我唔知佢喺餐牌個菜式名係咩椒鹽鮮魷正常 不過不失個人覺得唔夠椒鹽味另外有個苦瓜炒唔記得咩都幾入味 唔錯虎皮尖椒豬頸肉食得好過癮辣辣地又有鑊氣豬頸肉唔韌好惹味 同個椒好夾最後埋單八百幾蚊 好抵食食到勁飽 好好彩一開始冇叫到白飯不過5個人叫8個菜又真係眼闊肚窄咗少少嘅但飲品選擇唔多 除咗象水同烏龍茶啱飲之外都冇其他咁不過服務要扣少少分 冇加過水畀我哋但整體都ok 可以一試地理位置偏少少但都唔會搵唔到…Read More

喺openrice訂咗位 幫襯滿$399就有85折優惠去到唔駛等 直接可以入座環境好靜 好適合朋友情侶傾下偈咁第一個叫咗6號嘅Appetizer好似叫咩空心炸球 $68個汁酸酸哋 真係幾開胃不過我哋叫完食緊聽到其他枱客人想叫已經話冇晒所以好好彩本身叫咗39號嘅菜同埋47號嘅咖哩羊點知嚟咗個我哋冇點嘅butter chicken同47號不過我哋初時唔知係錯所以食咗就費事換羊好好食 唔羶 好夾個咖哩少少甜辣甜辣嘅感覺個butter chicken都幾入味 唔老兩個餸我哋都有就咁食同埋連埋烤餅食亦都叫咗fruit punch $48正正常常不過不失咁啦但略嫌少少貴叫咗77同78號嘅烤餅一個係garlic 好香但唔算油 $28都幾大塊 應該有3塊 一個係乾果 細塊啲嘅就係 好似有4塊入面有nuts同提子乾 幾特別 $38甜甜地又唔會膩 呢個好似喺其他印度餐廳比較少見最後埋單真係有85折 都係二百幾蚊一位起碼都係特色菜 又夠飽肚上下層都有廁所 上面算乾淨整體都算滿意嘅 一試無妨…Read More

見係紅日所以之前book咗枱去到就唔駛等即刻可以入座兩個人叫咗一個冬蔭risotto一個四川擔擔意大利粉 加咗個小食炸蝦menu上抹茶燕麥奶寫住可以轉豆奶所以點咗抹茶豆奶朋友嗰個好似係蘋果生薑之類唔係好記得個名係咩抹茶豆奶嚟到見到有拉花 跟餐就+$26都有少少驚喜 算係幾有心思朋友嗰杯佢就話正正常常冇乜咩特別 跟餐叫+$30冬蔭risotto好入味 好好食冇諗過冬蔭同risotto咁夾 辣辣地幾開胃炸蝦就 本身都知道呢間係食素嘅覺得texture上就唔係太似 但味道就唔錯嘅四川擔擔意粉真係份量過多啲素肉食落好似真咁 但真係好飽哈哈所以最後都食剩嘢整體cp值高 味道都唔錯而且出菜都快 佢啲idea都好特別好似fusion菜咁值得一試！…Read More

之前book咗枱 所以唔駛等就可以入座其實都算幾full 但好在佢有兩層我哋就上咗上層 當時啱啱有人離開tatami枱所以我哋就揀咗坐tatami啦真係幾特別 記得要除鞋但上嚟嘅staff就冇幫我哋落單然後見到有啲客都係自己落返去order少少麻煩不過都可以接受叫咗一個和牛漢堡 一個蟹肉明太子蛋餅同埋一個髒髒牛角包窩夫除返開都係$180一個人左右性價比都算幾高出餐真係有少少慢 但就幾適合大家去傾偈hea下嘅cafe嚟嘅和牛burger好好食 一食就知真係即整啲cheese好多 好鍾意 和牛都juicy嘅薯條就正正常常呢個main course其實都幾飽蛋餅就係見係招牌 同埋好似好多人都叫咁樣幾入味 但因為我哋擺咗一大輪然後先食所以變凍咗啲 但都滿意嘅同埋呢個嘅size方面就好似細咗少少嘅book枱嗰陣明明佢mark咗我想食甜品碟嘅名然後落去點餐嘅時候已經再confirm係咪會寫佢都話係 結果嚟到就淨係得happy birthday...真心有少少失望 好在壽星女唔介意都好開心staff有整定蠟燭嗰啲都算細心嘅整體水準都唔錯 都算滿意嘅同埋喺鬧市中都有一間唔趕人走唔催人落單嘅cafe都真係幾難得…Read More

因為預先book咗枱 唔駛等可以即刻入座不過間舖真係冇乜冷氣 所以真係有啲熱但食物質素一流 服務都算ok 會keep住問有冇嘢漏咗 會幫我哋check呢個焦糖青蘋果鵝肝多士真係好正必食推介另外如果唔怕食比較特別嘅部位嘅人可以試吓叫「提燈」喺香港嘅串燒舖真係比較罕見有得食呢part有個包住牛油果嘅肉都好好食 唔會油膩和牛都推介整體上所有點嘅嘢都好食係一間好有質素嘅串燒！埋單八個人加埋加一食咗超過二千九未到三千咁上下人均三百幾 都食得幾飽 而且有叫飲品…Read More

見到新開就諗住試下啦除咗burger仲見到menu有意粉/飯甚至仲有all day breakfast嗰啲價錢都係喺合理範圍不過都係叫返舖頭名嘅主題先啦$48 burger餐 有burger+小食+飲品揀咗加多$2嘅大大菠蘿牛堡食得出真係安格斯牛肉 佢有寫明係用呢種其實個burger好大個 但我影得唔係咁好個sauce好好食 菠蘿都好大塊好juicy有啲似去韓國食isaac toast嗰種沙律醬薯寶好食唔算熱氣 如果提供埋茄汁會更加好仲包一罐汽水 真係好飽又幾抵食整體嚟講 係會有下次嘅當時都6點幾7點 所以就外賣自取佢係即叫即做嘅 大約等10分鐘返到屋企都冇覺得凍晒/冧晒…Read More

原本以為有得book枱點知因為想book嗰日係紅日所以職員話只能walk in好在當日唔算等咗好耐但有限聚令 所以都同朋友分咗兩張枱膽粗粗叫咗杯凍Popcorn Latte估唔到又幾得意喎上面有幾粒爆谷浮喺面咁 配埋latte都幾有趣 可以一試 唔伏朋友就叫咗Maple Latte正正常常 都幾滑跟住仲叫咗呢個Fruity Black Sugar Earl Grey Waffle 陣earl grey味都好出 配埋黑糖漿又估唔到咁夾啲生果好新鮮 都好甜配埋個雪糕 食完會好開心比想像中大份少少朋友叫咗New England All day breakfast佢話好好食個煙肉一啲都唔會乾 唔會整到豬肉乾咁另外兩個朋友都叫咗Burger一個叫咗Flat White但佢唔鍾意陣肉桂味一個Cappuccino 正正常常都幾香見佢哋兩個男仔食burger都食咗好耐份量真係好多有配埋薯條 都幾脆疫症期間話用膳時間限60分鐘但我哋未食晒都冇趕走我哋如果唔係紅日去嘅話應該係可以靜靜地慢慢傾下偈嘅cafe但Coffee Talks呢間嘅食物水準真係唔錯真係好值得支持嘅黃店…Read More

預早幾日喺openrice book咗位見到山東街呢間係新嘅舖頭 睇相覺得比較乾淨同小清新搭正6點先入得 環境同相差唔多乾淨企理 仲有洗手間白色佈置覺得比較舒服同relax我哋等齊人先落單嗌咗Dinner set 兩個D兩個ED係牛肝菌Risotto $95E係蘆筍大蝦黑松露Risotto $110好鍾意佢整到唔太濕唔太乾 剛剛好啲飯又唔會冧晒 有啲咬口咁牛肝菌都好香 朋友都話好食但份量嚟講真係偏少我哋女仔都覺得少咗啲 好快就食完隨餐有飲品嘅或者跟餐可以用半價優惠嗌特別啲嘅飲品我哋就寧願用半價飲特飲 $23蚊杯嗌咗兩個熱情果Smoothies 一個白桃Smoothies 其實係沙冰嚟嘅 幾清新啦一個熱情果Soda 飲完覺得喉嚨好舒服 嗌咗一個小食 辣炸魷魚 $68冇諗過咁好食其實係炸魷魚圈嚟嘅 但一啲都唔會韌 啱啱好冇overcooked佢提供個sauce都好夾地點好易搵到 有大大個招牌喺上面 就算大廈門口都有 仲要有兩層成個餐廳環境都算係靜靜地嘅可以同朋友傾下偈chill下嗰種不過始終weekend可能比較多客啦所以職員都係咁嚟收碟到我哋入座計大概1.5小時嘅時候職員直接出單兼同我哋講要我哋走喇 有少少可惜啦 人均消費大概$150-$170左右整體上都係一間質素唔錯嘅黃店嚟建議weekday嚟可能會好啲啦…Read More

朋友大概2點用咗the GULU拎飛雖然係星期六晏晝但都冇諗過要等咁耐等咗接近兩個鐘先入到去...真係4點左右先入到去企到腳都斷咁滯實在太餓所以冇影相湯底嗌咗甘露 千夜 美肌 美肌鍋真係幾溫和 食落唔會燥仲有一個辣嘅 但唔記得咗咩名揀肉方面揀咗$169 90分鐘嗰款 有豬有牛 亦都refill咗兩三次 滿意嘅個人覺得比一般火鍋店好嘅就係叫職員幫手Refill湯底唔係倒熱水/清湯就算係真係用返你揀嗰款 所以唔會越食越淡味 抵讚可以自己揀食物 buffet形式咁但而家係一定要帶口罩出去攞嘢食少少唔方便但可以理解嘅亦都保障客人同員工啫平常打邊爐有嘅嘢都有嘅推介係豆腐好香好滑係偏向素食少少啦 都幾啱我哋飲品大多係韓式/罐裝嗰啲 例如milkis 可樂 芒果汁 荔枝汁之類亦都有自家製果汁貪得意試咗個fruit punch有少少藥水味 少少伏但都還可以接受嘅不過唔建議囉最後有拎到雪糕食當時得三隻味 雲呢拿 朱古力 同埋香蕉埋單嘅$180-190一位價錢合理 不過等位方面有待改善環境都坐得舒適嘅但夠咗90分鐘就會請你離開都明白嘅啦 希望快啲唔好限死一半入座率會好啲啦真心欣賞一人一鍋 尤其係而家呢啲時間…Read More