CKCK612's Profile

依段時間，真係都唔知食乜好。所以食下啲街坊小店，簡簡單單就最好。海南雞例牌，海南雞已經去晒骨，無骨，雞肉夠嫰，味道亦都10分好，值得一試。生牛肉湯河，最緊要梗係啖湯，一嚟梗係試吓個湯先，個湯底十分濃郁，夠味。牛肉就好似想睇咁樣夠鮮嫩，河粉夠滑，依個生牛肉湯河合格有餘，對得住個價錢。脆皮鮮牛腩，係三個餸入邊我最鍾意嘅，面頭真係夠脆，牛腩亦都夠淋，咁樣先係最難得，依個餸真係會令人追住咁食，首先要個牛腩做得好，第二個皮都要做得夠脆，咁樣先至會好味，呢度就正正做到呢樣嘢，屬於必食推介，如果大家幫襯嘅時候絕對要叫黎試下。…Read More

一嚟到嘅時候，首先飲番杯咖啡。依度嘅咖啡，係用精品咖啡，入口果香濃厚，係一杯好好嘅cappuccino。正在就食個沙律先，Caesar salad with smoked salmon，味道不錯，分量充足。嚟到呢度，梗係冇可能唔食Pizza，諗來諗去，又唔想咁Heavy，所以就叫咗個truffle pizza，有truffle cream同mozzarella，味道相當唔錯，上面有ruccola 好freshVery nice 會再黎…Read More

經過門口，聞到好香嘅麻辣香味。見好似好耐都冇食過麻辣火鍋，所以決定試一試呢一間麻辣火鍋，門口已經聞到重重嘅麻辣香味，我相信鍾意食麻辣嘅朋友，一定會好鍾意。呢度可以揀一鍋大紅鍋，即係麻辣火鍋或者可以揀雙拼鴛鴦鍋，即係麻辣火鍋拼一種唔辣嘅火鍋，可以選擇大骨、蕃茄、芫茜、野菌。我就選擇咗麻辣火鍋加野菌，呢度數火鍋湯底，係斷人頭計。火鍋配料方面，就選擇咗重慶耗兒魚、手打蝦滑、重慶炸酥肉、新鮮龍躉片、串新鮮蝦、特色迷你燕餃、新鮮雲吞、現炸豆皮、萵筍條、黃金菇、田園菜籃同埋油條。食晒所有嘢之後，一定要食甜品，紅糖冰粉。呢個係我今晚最鍾意食嘅野。食完麻辣火鍋，食過冰粉中和下簡直係完美。…Read More

今日係石門，專登想試吓雞煲。所以就試下呢間火鍋雞煲。叫咗個滋味螺片花膠雞煲，夠晒補。香味突出。中真係好足料，湯同埋雞煲料係分開上，等到個煲滾左之後，先落料。有好多花膠，雞就半隻。花膠同埋啲雞都好新鮮，勁好食。打邊爐配料，就有四寶丸。安格斯牛小排，呢個真係要講一講，切得夠薄，肉質亦都十分鮮嫩，牛肉質素十分高。即炸紫菜響鈴，同平時嘅響鈴嘅分別就係，入邊加咗紫菜，口感豐富左。仲有手工即炸魚皮，夠晒香口脆。另外，緊係食下啲蔬菜健康。依度嘅裝修佈置都幾俾心機。食品嘅質素亦都非常好，絕對值得黎，而且黎多幾次。…Read More

依度係酒吧嘅格局，但除咗酒吧，呢度都係一間意大利菜餐廳，主要係唔同嘅意大利菜。今日見唔係幾肚餓，所以就只係叫咗一個Pizza，同埋意大利粉。Pizza方面揀咗一個意大利傳統四色芝士薄餅，意粉方面就選擇咗，黑松露野菌意大利粉配日本北海道帶子。先講個pizza，份量啱啱好，唔會太大，唔會太細。真係只有，芝士味道十分濃厚，餅底趣卜卜，夠薄。10分好味。至於個意大利粉，黑松露味道夠香，啲菇嘅味道都好好食，帶子就出邊煎到香脆，入邊鮮嫩。總體來講，呢間餐廳質素十分高特別係喺大圍，冇乜其他類似嘅選擇。如果喺大圍嘅話，絕對值得一試。…Read More

去到葵涌廣場，又唔知道想食乜，突然之間想食下辣野，又咁啱見到呢間百味川。咁就一於試吓啦，叫咗兩碗野，同埋一啲小食。一個清湯薯粉，叫咗炸醬，豬大腸，紅燒肉，韭菜餃另外一碗係，麻辣湯，豬肚、紅燒肉、雲吞、雞肉配米線試咗呢幾個餸，我會介紹大間叫豬肚同埋紅燒肉。呢兩個幾好味另外由於想試吓佢其他嘢，所以就叫咗兩個小食。一個係麻辣手撕雞，另外一個係蒜泥白肉。味道不過不失。我個人下次嚟會再食麻辣手撕雞，同埋佢嘅麻辣米線，麻辣真係唔錯。…Read More

見到呢間火鍋店新開，於是就決定試吓。石門最近真係多咗好多唔同嘅新食肆，返工食晏晝又好，或者專登嚟搵食，都一定唔會失望。依到係一人一個鍋底，肉係任食嘅，搵服務員落單就可以。而出邊嘅配料就係可以自己住攞，有好多唔同嘅蔬菜，丸類，麵食。飲品都係任飲，有唔同種類可以選擇。最正係雪糕都係任食而且係Movenpick肉方面我選擇左prime，個人覺得性價比唔錯。肉嘅質量唔錯，肥瘦適中。我自己就揀咗麻辣湯底，因為我覺得辣會比較惹味d。 …Read More

喺大埔唔知食乜好，咁啱經過呢一間漢堡包店，所以就決定食下burger所以就決定叫個漢堡包再加一個卡邦尼意粉，跟餐嘅有蒜蓉包，同埋薯角。個意粉十分creamy，煙肉都好香。十分之好食，如果蒜蓉包亦都非常香同埋脆卜卜。之後就係嚟到主菜，雞肉漢堡包，用了非常之豐富有雞、沙律菜、流心蛋、洋蔥、沙律菜同埋紅菜頭。紅菜頭同埋流心蛋係精粹所在，紅菜頭有口感又夠清新，但就充滿蛋香。真係不得了。薯角趣卜卜榛子朱古力奶昔都相當好味，奶昔同埋漢堡包絕配。…Read More

網上面見到呢間潮州餐廳，知道係主打唔同嘅海鮮生滾粥。但係今日得自己一個，所以決定叫下唔同嘅香口炸物，輕鬆下嘢飲。牙籤雞，顧名思義，用牙籤吉住啲雞粒，加埋少少芝麻同埋炸漿去炸，一口一粒，方便食，用黎送酒一流。椒鹽九肚魚，周圍都有，好唔好食就係睇個炸漿，依度嘅椒鹽九肚魚都算唔錯，面頭嗰炸漿唔算太厚。食落個感覺都唔錯，魚肉有非常軟。另外見佢呢個小米餃有推介，所以叫黎試吓，果皮有少少似粉果嗰個皮，細細粒咁一啖一粒，做小食都叫唔錯嘅。整體來講食物都不錯，價錢還可以，一班人聚會係不錯嘅選擇，下次叫埋一班人黎食一定會好好多可以試多啲唔同嘢食…Read More

一個人食雞煲，加支啤酒，加埋響鈴同滑牛，簡直係完美。聽講原來依間野好耐之前已經有，不過佢都係而家喺呢個位我先來第一次。不食由此可，一食真係返唔到轉頭。食完就知道點解呢間打邊爐餐廳叫做魔芋。原來所有雞煲都會加魔芋，魔芋係一種植物，整到一舊舊咁 ，口感QQ。加埋雞煲嘅辣真係好好食，完全係追住黎食。雞上枱嘅時候仲係八成熟，係我面前再炒多一陣就食得。食完雞煲就加水打邊爐，呢啲就係指定動作啦。咁我就叫咗響鈴同埋滑牛，正。…Read More

依度從個名就知道係咪一樣，都有唔同嘅酒，啤酒清酒。咁賣得酒既，咁梗係要有啲小食送賣，而呢度主打嘅就係串燒。叫咗好多唔同嘅串燒，有秋葵、雞肉免治串、雞腎、蒲燒鰻魚、牛扒、味增甲羅燒、羊架、煙肉蘆筍串。全部都調味都好好，味道相當唔錯。最後不得不提嘅就係燒白鱔，真係好好好好好好好好好好食。燒個鱔既皮係脆博博。依度泊車又方便，選擇聚會絕對合適，揸車唔飲得酒都有其他不含酒精嘅飲品選擇，絕對可以作為最腳地首選。…Read More

琥酌一定係食吉列牛～～～～(^^)之前都食過幾次，黎呢度一定係食吉列牛。叫咗三樣嘢，明太子手羽燒、安格斯盛合、琥酌丼^ ^明太子手羽燒個皮燒到脆卜卜，入邊嘅明太子好香，夾埋一齊味道一流～～～～～～～～安格斯盛合，質素真係好好，外層嘅吉列面炸到脆卜卜，牛肉就好soft，有牛味，再喺個熱石嗰度燒兩下，簡直係好味～～～～～～丼飯調味做得好好，應該係用整吉列牛裁剪出黎嘅頭尾做，味道不錯。大家嚟嘅時候可以考慮吓叫，性價比極高～～～～～～～…Read More

晚餐係尖沙咀，唔知想食乜，見到呢間十二味音樂餐酒館新開，所以決定入去試吓，原來係川淅菜，咁就啱晒我口味，咁啱我又想食下辣野。叫咗一個經典香辣鍋，加咗鮮蝦，滷水肥腸，亂牛肉，蓮藕片，同埋寬粉。基本上如果兩個人只係食呢個都應該夠飽。香同辣都好惹味，材料都好新鮮。呢度就好似川菜版嘅車仔麵，你鍾意食乜就叫乜餸，自由配搭。但為咗可以再試多少少野，另外叫多一個紹興臭豆腐，外面脆卜卜，入邊就好soft。正裝修都好型格。一定會再嚟…Read More

今日黎開銅鑼灣，專登嚟試吓呢間米芝蓮甜品店。依度主打疏乎厘pancake，咁梗係要試吓我哋有四個人，我自己就叫咗天使口味疏乎厘pancake 軟林林上面再加上忌廉，焦糖脆脆，再加埋雪糕同行兩個有人都揀咗芒果試咗少少，就明白點解佢哋要叫芒果有芒果，雪糕加埋其他配料，配疏乎厘pancake真係超級好味窩夫原來都好好味，真係估唔到窩夫面層係脆卜卜，加埋雪糕同生果，好好食全部野都好好食，而且價錢又抵值得一試再試…Read More

登龍街自從唔同嘅新大廈落成，越嚟越多唔同嘅新餐廳，如果要全部都是均，可能都要一頭半個月。今次決定試 Omakase 鮨蕾依度有四個唔同嘅選擇：楓、堇、蕾和松（素食之選）大家可以按自己想要嘅份量選擇唔同豐盛度而我自己唔係好餓，所以就選擇左個最light嘅楓首先你嘅前菜有蜜糖南瓜，蛋同漬物之後係刺身，特別要講下拖羅加利尻島海膽，拖羅入口即溶，海膽甜，兩樣野加埋完美配搭，非常好味。再黎壽司都係非常出色，赤身、拖羅同埋海膽都相當出色，新鮮。之後係燒吞拿魚額頭，燒得剛剛好，油脂好豐富。之後係麵豉湯，同埋生果。咁就完結左完美嘅一餐。…Read More