cf.yu522's Profile

我同老婆結婚五週年啦!!今年, 我同老婆大人都想係週年紀念日食西餐, 搵左好幾間, 終於選擇左呢間係日航酒店既名仕餐廳.  呢到係少有既半自助式西餐廳, 我同老婆都係第一次去呢種餐廳, 呢度俾我地既感覺係較寧靜, 燈光柔和, 音樂都係比較古典的.  侍應既服務態度都非常唔錯, 有效率同埋有笑容.  頭盤就係自助式的, 估唔到竟然連刺身同壽司都有, 海鮮就有凍蟹腳, 青口, 面包蟹, 花螺同龍蝦, 真係食到停唔到口, 我同老婆都忍唔住要叫支白酒黎飲下.  不過, 好戲係後頭, 最正都係個凱撒沙律, 聽侍應講, 原來呢度既沙律汁係每日同新鮮魚仔做架.食完頭盤, 當然輪到唔少得既餐湯啦, 係周打蠔湯, 個湯真係好"蠔"呀~好飲得黎又夠特別.至於主菜方面, 我同老婆都點左銀雪魚柳, 汁甜肉滑, 再陪上我地點既白酒, 真係一絕!!最後就係自助甜品, 有生果, 朱古力同蛋糕仔...誠意推介有法式燉蛋.總結: 服務態度友善, 食物都好有水準, 我同老婆都會再黎~…Read More

其實我都幾鍾意去d清bar飲野, 但係每一間清bar d服務同價錢都好唔同.前日, 我同老婆係日航酒店食完自助餐, 本來想去老蘭飲杯野, 但服務員話我知, 原來呢度14樓都有間清bar, 叫做sky lounge, 上到去發覺環境都唔錯,都幾浪漫同有太空feel, 咁我同老婆就點左兩杯野飲, 唔係好記得名, 不過係兩本杯日本feel既cocktail, 飲左一陣, 見有少少肚餓, 又口痕,咁我地就點左d小食, d種類都有好多, 有中西日三款, 真係一次過滿足晒你三個願望, 不過就等耐左少少, 但都幾好食, 推介有芒果鱈場蟹沙律同印尼炒飯, 正, 仲有個幾nice既侍應同我地傾下計, 問下d食物同野飲好唔好, 服務態度真係唔錯, 埋單每人大概$180, 酒店黎講, 算差唔多. 有機會可以同老婆再黎~…Read More