美少楠's Profile

very very hungry呀！今日唔想食牛肉、豬肉、雞肉，奇怪嘅心情係好想食魚。見到個晚餐牌有魚食，即入「翠華餐廳 」。呢份晚餐嘅頭盤係牛油脆豬，湯有紅有白，我揀咗粟米忌廉湯，至於主菜係芝士焗脆蝦龍脷魚柳飯。焗魚柳飯對我嚟講係好有情意結，因為我個老豆生前最鍾意帶我食焗魚柳飯，由其是細個返學嗰陣時，每個星期都最少會食一次焗魚柳飯。焗飯係雞蛋炒飯底，芝士汁鹹鹹香香，原塊龍脷魚柳蓋住炒飯，可以算係啖啖有魚有飯，不過隻脆蝦就攪鬼，大隻得嚟卻縮喺魚柳下面，好難先揾到佢，食落冇蝦味。…Read More

話說，宋皇臺站，就宋皇臺站啦，講乜嘢九龍城呢，真係好唔明白！我就係喺呢個宋皇臺站，「原味家作」外買咗3份魚肉燒賣嚟食，本小姐一向都鍾意食魚肉燒賣，呢度嘅「木耳魚肉燒賣」真係有驚喜，而且差唔多係最好味！燒賣好飽滿，有魚味之餘仲有木耳絲，食落去好有鮮味，咬口感又好，又夠重量，加少少豉油真係好食到震！除咗燒賣好食之外，有一點我都要提一提，讚揚一下，呢間店嗰個店務員，「肥姨姨」好有禮貌 service 好好，而且解釋得好詳盡，所以我都入咗會。…Read More

朋友請食飯！佢話食泰菜，仲去佐大商埸嘅高級Thai菜，咁咪去食囉😝反正唔使我比錢。我哋叫佐個set dinner(2人餐)，呢個set有好多嘢食！冬蔭公湯，好大兜，可以有6細碗，仲竟然有六隻蝦！好鮮好大隻又彈牙，係新鮮貨！湯酸酸辣辣，香口又好飲。泰式炒集菜，好香又有鑊氣，咸咸香香，又大碟，廚師嘅炒功應該好勁。Pad Thai泰式鮮蝦炒金邊粉，酸酸甜甜，金邊粉炒得好香又惹味，好豐富好足料，我好中意食。辣椒膏炒軟殼蟹，好香口勁惹味，軟殼蟹好入味，蟹好鮮又入味，好好食，係泰國嘅味呀！…Read More

老闆太好人日日請食飯，今日食素！再係咁落去真係就嚟唔洗再帶飯。今日去呢間餐廳好新潮，不過係食素嘅，全部都係素一定冇肉。Water-fall Fried Vege.Chicken with Vege-cheese sauce 瀑布芝士炸雞定食，一睇就知係韓式風味，食物好豐富，全都是蔬菜同雞蛋，飯係藜麥飯，炸雞當然都係素，食落應該係用豆類做嘅，味道像真度好高，而且一咬爆汁！素芝士汁超正，真係好味又健康！麵豉湯，有好多蔬菜菇類，係超足料，勁好味！…Read More

今日有口福，老闆請食飯！完全冇諗過，普普通通嘅冰室竟然會有Beef Wellington, 嘅種傳統嘅英國菜食。話時話，家下冰室其實啲質素有啲都可以媲美大餐廳，咁樣其實點解仲要叫冰室黎？？真係一個迷。羅宋湯，味道濃郁好有蕃茄同埋蔬菜香，仲隱約飲到有橙皮嘅味道，感覺好似好正宗。Beef Wellington威零頓牛柳，套餐包括餐湯、牛柳+薯菜、餐飲；Beef Wellington威零頓牛柳，焗得好香，酥皮好脆身，牛柳係好鮮嫩，牛柳同酥皮中間係有一層肝醬&芥末醬；係好好味。…Read More

天氣太熱，真係冇心機食大餐，食碗魚蛋粉麵就係最正！我叫嘅係，Hong Kong styled Fish balls with sliced squid's head with noodles, 魚蛋拼墨魚頭撈粗麵(蠔油汁) + 凍檸檬茶。魚蛋拼墨魚頭撈粗麵(蠔油汁)，墨魚頭好有鮮味，夠爽口，而且份量多；魚蛋有三粒，魚片都有三片，爽口彈牙，好有魚味，係鹹香嘅魚鮮味；配合蠔油撈麵，係好正嘅一餐，真真正正係香港漁村，艇家嘅味。凍檸檬茶，完全係消暑良伴，正！…Read More

好高質又cp值高嘅日本料理！劍魚腩壽司$20/粒，劍魚腩肉質係好新鮮，魚味好香，壽司鈑唔會太實，同魚肉好夾，真係高質。花之魚生飯$168，魚生有魷魚、三文魚、劍魚、池魚、油甘魚，每種魚生約有兩件，魚係厚切，好新鮮，仲有好正嘅日本飯，真係正！好好味呀！前菜都好特別，好味呀！ 不過前菜要收錢啊，$20/位。未必係好平果啲，但肯定係高質素實力派嘅日本菜餐廳，唔係果啲街頭街尾屋邨二打六港式日本料理店可以相比。我真心推介。…Read More

霹靂舞break dance，我知，我以前都跳過。霹靂火，喺套電影，我睇過。個friend同我講起「霹靂南洋」，我就唔知乜嘢，之後佢帶我去先知，原來係間餐廳！滷水四寶，四寶係豆腐、鷄蛋、豬腩、豬腸，滷得好入味，豬腸夠肥夠香，整體唔係好鹹，個presentation都靚，味道好到位！怡保芽菜鷄飯 (配油飯)，油飯好有油香味，芽菜好清甜，無骨鷄好厚肉，好滑好嫩，好有鷄味，好耐未有食得到呢種咁有鷄味嘅雞，沾三色醬嚟食，正。湯，濃味又清香。…Read More

我唔想「安心出行」，唔想填紙仔，又冇打乜針物針，唯一方法就係買外賣。買個外賣飯盒返到屋企食，方便又衛生，又唔怕肺炎。玉子汁煮豬軟骨飯 (燒肉汁)，豬軟骨好入味，texture又淋又嫩，仲好厚肉，味道係又有肉味又濃又香口，唔係果啲未學滿師就出嚟開餐廳果啲馬虎味道，呢個完全係高質日本料理店嘅味道，燒肉汁真係招牌，好好味。可以講話淨係個肉汁已經可以撈幾碗飯嚟食，之前真係冇諗過，咁簡單嘅豬軟骨飯都可以煮得咁出色，下次一定再叫番哩嗰食。…Read More

放工，約埋同事一齊食餐飯。我叫佐「左宗棠雞&麻婆豆腐＆白飯」要去食四川菜都expect一定會辣，衹係好好好辣，又或者係好鬼辣，理論上係咁樣啦，我唔係好頂得辣果種人，不過今餐嘅辣，我都仲Ok。左宗棠雞，呢道菜相傳係同大官 (左宗棠 &莫華倫) 有關，一定係除非唔係，雞件係有骨，好香口好惹味，味道係鮮明嘅中辣，雞件勁入味，送飯好正！麻婆豆腐，個麻婆汁係中辣而且好香，豆腐好滑，肉碎又夠多，再辣啲會更加好送飯！好好食！…Read More

約佐個friend食串燒！個friend話呢間「大門橫丁手打烏冬」好出名，多嘢食，仲好抵食。我冇叫烏冬食，因為唔係太饑，所以叫喲串燒食就ok。黑蒜牛肉露筍卷，夠味道，香口惹味，又有肉香又有啲爽口清甜，好有日式風味。豬腩蒿筍卷，燒得好夠火路，又唔會話太乾，好手勢，好似居酒屋咁好！茄子串，有三粒，茄子又香又夠味道又唔太鹹，係好食。蟹皇醬蒜蓉燒元貝，味道好特別，元貝夠鮮味，最勁係個蟹皇醬，同元貝好match，好special。…Read More

今日同朋友去佐「Woodlands Indian Vegetarian Restaurant 活蘭印度素食餐廳」食dinner。呢間餐廳好耐歷啦，而且衹供應素榮，話曬印度係素食大國，有超過7成人口食齋㗎！我哋叫佐「南印度套餐、乳酪蒸米糕、印式雪糕」南印度套餐，好大份，仲有齊幾種南印度食品 (咖哩)，仲包括 Chapati，白飯，印式甜品，食物都好好味，好而且唔算太辣，好啱我食。乳酪蒸米糕，印度米糕雖然唔係第一次食，但配yogurt就係頭一次，感覺好清新又健康。印式雪糕，好特色，好好味，沙沙哋又有杏仁味，我唔識形容，但真係好食！…Read More

葵湧廣場有一間好有特色嘅雞湯粉面店，叫做「#湯。雞」我一直都好想食，但每次同朋友行過都冇機會去食，今日機會嚟啦！一於去試下！醉鷄卷$48，呢嗰係切左一件件嘅醉雞，而唔喺平時食開上海舖嗰啲醉雞，酒味好香濃！雞肉好嫩滑而且冇骨，食得特別開心！砂鍋姬松茸蟲草花螺頭花菇雞 (淮山麵)$75，成個砂鍋上好有實力！湯底係用(姬松茸＋蟲草花＋螺頭＋花菇)煲成，湯係好清甜滋潤！雞肉件又好入味又嫩滑又勁有鷄味，超級好味！！…Read More

傾完單野，老闆心情大好，請我去公司附近酒吧 ND42 Bar & Lounge 飲酒，鬆一鬆。我老闆話去酒吧一定要飲酒，否則就係哼俾面，OK咁我就叫佐Asahi啤酒 & 炸魚薯條。Fish & Chips，我唔知係唔係正宗英式味道，不過睇樣就唔錯，有3塊炸魚，外脆內嫩，魚應該係鯰魚(可能係，除非唔係)，魚肉真係炸得好滑口又好嫩，加檸檬、他他汁嚟食，好有風味，好好食。薯條係粗條，外層有脆口炸皮，好好食。真係好chill，勁誠壓。…Read More

有句說話叫 "A Beef Bowl per day, is the best way to keep the troubles away"Beef Bowl 勁呀，但想食牛肉飯，梗係去「加藤屋」啦。「加藤屋」嘅自創飯「麻辣牛肉飯」真係好堅！麻辣牛肉飯 Hot and Numbing Beef Bowl，可自選辣度，我就梗係小辣啦，麻麻辣辣真係好過癮，牛肉又嫩滑，存豐盛呀！蝦薯絲 Shrimp with Shredded Potatoes (追加2粒)，脆口又甘香，蝦有蝦味，好好味！…Read More