aprilkoshuku's Profile

一向上open rice 呢個網，見好多朋友對呢間食肆既評語都唔係咁正面，尤其是係指佢地既服務有問題。講真，我真係一次都未幫襯過呢間野，前曰我行經家樂商場，經過呢間食肆，好奇心之下望下d 職員係點做野，d 食客個表情又係點，開頭睇都冇乜野，係d 侍應多d 野講，企埋一邊係咁吹水，食客們都唔見有乜唔滿意既神情，之不過~~~~~~就係果個moment 終於比我見到個驚哧鏡頭，有個著住類似經理服既男職員，當眾~~~~~了牙，而且仲了得好肉緊，幾乎半邊咀比佢「嬌」起，the main point is 佢站立既位置正正係大堂座位與座位之閶，亦即係即場為食客們表演佢了牙既奇技，當時我望到眼都瓊埋，我估自己當時個樣一定好「有趣」，以致呢位「了牙先生」一邊了一邊望住我~~~~~~~~~~~~~天呀，果度係食肆，唔該你身為該處staff，做事之前先用大腦過濾一下先啦，做得出就做。…Read More

星期日同媽咪離朗豪坊shopping，行過euro go go，見肚餓，於是就走入去醫醫個肚。查實今次係第一次幫襯，我地點左「酥皮蕃茄湯」、「芝士椰菜花」同埋兩杯「奇異果橙」首先講講佢\地既service先，d staff 好有禮貌，order 食物時好有心機咁同我地推薦好味食物，平時有人向我sale 野，我總會覺得好煩厭，但因為佢\地實在太好禮貌啦，所以我一d 都唔覺煩。食物味道方面好ok，尤其是個芝士椰菜花，當你叉起佢\地時，果d 芝士偶斷絲連咁，好味啊~~~~仲有果杯奇異果橙，好新鮮果肉，唔單只係飲緊果汁，仲有食緊果肉既感覺，唔會希到水咁款，雖然媽咪話好似酸左d，但我覺得好飲喎…Read More

上星期五行過日之船，咪試下佢地d 小丸子囉我覺得佢地d 小丸子味道冇乜特別，但勝在夠熱，如果築地既小丸子夠熱，我覺得築地既好食d，日之船的小丸子只可以話ok la之不過佢地既肥手金菇扎就好好味啦，佢地唔係好似其他小食檔咁，用一支簽串垉哂d 金菇扎，而係燒熱放入一碗汁料之中，夠味夠熱，爽口彈牙，唔錯。佢地仲有好多食物我都仲未試，打算第日逐一咁試下…Read More

有時經過旺角地鐵站，都會被佢地香噴噴既ｐｕｆｆ香味吸引住，買件離食，個ｐｕｆｆ皮香不特只，裏面Ｄcream凍冰冰，真係好好味架之不過星期日果日，係屯門吉之島逛逛下，見到開左間分店，咪立即去幫襯囉~~~~點知其實味道依然係咁好味，但最可惜就係d cream 唔夠凍，冇旺角果間食落咁涼快~~雖然我了解自己唔係食緊雪糕。…Read More

沉日係母親節，同媽咪離呢度食LUNCH......第一次幫襯。一離到，發覺冇咩人，心諗：死啦！唔通D 野好難食既，點解冇咩人幫襯架？不過食落都唔係呀，都幾好食呀！我地一行四人點左以下食物，如「葱油大餅」、「雞蓉鍋餅」、「酸辣水餃」、「椒炎豆付」，仲有一碟蝦，好似仲有，大概如此(好大食)食物味道好夠，而且唔會油膩，四個人食完咁多野都只係啱啱好飽。最重要係平時醃尖到死既媽咪都話好食，總算達成目標。(母親節至緊要主角鐘意呀嘛)…Read More

上星期日同媽咪去呢度食自助餐，食物一次比一次好，式亦都比以前多，最鍾意係雪耳蛋花糖水(因為我鍾意食糖水嘛！)之不過今次D侍應服務就冇以前咁好啦！第一，黑面神侍應。果個侍應唔坐上神檯扮關帝簡直浪費人才，次次離親收碟，面色黑到好似我地一家人殺左佢全家咁，大佬，我離食野姐，唔洗咁下話。第二，唔識添水。因為係韓燒加火鍋，有時真係要麻煩侍應小姐們幫下手添水(會煲乾架嘛)，但行到埋離望望，見D水煲到所餘無幾都唔識做既，要叫先識，係唔醒定係乜呀！第三，提早埋單。講明先，叫埋單果個唔係我地，而係班侍應，佢一早同我地講，如果有人等位既話，我地就只可以食兩小時，如果冇人等，就可以坐耐D，OK，你話點咪點囉，後來個侍應同我地講，而家開始有人等位啦，你地可以坐到7點50分(佢同我地講呢番話時正值7點15分)，過冇耐，我地聽到：「多謝343元呀！」哇，驚死我地坐過時咩，咁早離收錢，埋單又咁落力，其他又唔見做得咁好，結果我一蚊貼士都唔比，佢塊面更黑，黑咪黑，驚你呀？唉~~呢間野如果唔算D 侍應在內，在新界區質數都算係咁既。…Read More

前果排行經旺角築地，口痕走入去食小丸子，已經有一輪冇幫襯架啦~~~見佢有隻日式咖喱味出左，鍾意試新野之下咪簡左咖喱醬囉~~~之但係~~~~唔係想像中咁好味，冇果種惹味既感覺，只覺得係食緊一D 咸既醬汁，我都係鍾意食番蛋黃醬多D…Read More

每次同家人或朋友去朗豪坊，梗會諗起呢間野，因為真係超好食呀！首先佢地係即製，整好即刻食，夠哂熱，正！我大多數會選擇雞肉口味既饀餅，外層煙筋，口感正，裏面d 饀夠熱又夠味，唔洗點醬都咁好食。有一隻冇料薄餅，你淨係食佢，都可以滿足口感！仲有薯條呀，講真呀~~麥記賣左咁多年薯條都唔及佢地咁好味啦！脆脆辣辣咁~~~~~而家諗起都想食…Read More

去pappagallo食雪糕真係好講彩數架，有d 人會「不」多d 比你，但有d 人唔知係唔係打算留返成筒比自己食呢！非常孤寒地掘一下，就咁「不」上個waffle筒就算數，有時不是太過份也就算了。我試過有一次在屯門區幫襯，真係離哂譜呀！佢難道不覺是問題？份量少到得返平時三分之一，所以，我也不怕不好意思出聲了，出聲結果，佢當然會「不」返個正常份量比我啦，但好似勁唔like 咁囉~~…Read More

聽朋友介紹，去呢間野度食小丸子，第一次去，排哂隊，D 小丸子啱啱係格仔中吉起嚟，嘩~超熱超好味，連一向有點楝飲擇食既老媽子都話好好食，但之後就好似有點退步啦......唔知係咪驚做唔切，佢地將D 小丸子，大舟小舟咁放哂係枱面(灘凍)，咬落去裏面D 粉一PET 野咁，應該係灘凍後的後遺症......但一樣咁多人幫襯......…Read More

d puff 都幾好味，好多凍冰冰既cream，無論出邊款口味都一樣咁夠味道，但係食既時候就麻煩d 啦，咬落去, d cream bit 好容易bit 出離......一定要先準備紙有先好食......…Read More

本來佢地d 蛋糕都好OK 架，但係佢地既服務真係想死......入到去要自己搵位、要自己拎野食都算啦......有一次，我囉住盆食物埋位坐低，點知唔記得囉糖，咪離位去囉law，點知當我返埋位時，我見到個waiter 將我d 蛋糕la、lemon tea la、全部放哂係桌上面，然後將個盆囉走，有冇搞錯，我食都未開始食，就咁快收走個盆，又唔係人多，而且膠盆亦夠用呀，而且佢仲當我透明咁，粒聲唔出，我就企左係度等佢做完哂以上工序先可以坐埋位，如果再遲d 返離，佢咪連我既lunch 都丟埋......真係莫名奇妙......一d 禮貌都冇呀......…Read More