GraceMan5045's Profile

今日星期六去荃灣食晚餐，夜晚6:00見都冇咩人，平時星期日中午係需要排隊，今日經過見到唔需要排隊就入咗去試食，同小朋友一齊揀咗一個火鍋，同埋咖吔多士，個火鍋出場同餐牌張相係一樣，豬肉有五塊，然後成鍋都係菜，因為所有配菜都唔會另上，所以等咗好耐先熟，煮嘅期間，不停漏啲湯出嚟，等好耐同埋煮得好辛苦，如果肚餓就千祈唔好叫呢個餐，同埋個湯底係好飲嘅，但係偏向淡口，如果鍾意重口味嘅都唔適合，最後一大一細都食唔晒呢一個火鍋，可能因為個多士食飽咗！成鍋都係菜，最後食唔晒，性價比唔算話好高，因為除咗幾快豬肉之外，冇任何肉類！另外，架央多士都唔錯，牛油好香～會再嚟試多一次雖然嗰日唔多人，但係樓面都比較忙，好難先搵到一個人，但佢哋都有禮貌會提醒小心熱水，期間我主動掉位，佢哋即刻換返張單俾我，有一個是侍應姨姨仲請我食個小朋友食糖果～…Read More

仔仔特別鐘情呢到嘅燒牛肉飯，呢到嘅飯可以揀M / L size一大一細可以揀大，一齊分享個設計都適合親子嚟食啲肉好林，小朋友食都無問題啲汁都好入味，每次嚟到都會叫牛肉食，今日食仲有午巿優惠，可以配搭埋飲品同沙律，佢仲好彈性，唔要沙律可以揀兩罐飲品，我哋兩個人，一人一罐唔駛爭，哈哈門口仲可以拎氣球🎈，小朋友食完仲有得拎，好開心😁…Read More

太夜返到屋企無煮飯，於是落樓食野，一家四口叫左三個餐，食食下先記得影相，基本上我哋係呢到嘅常客，一入到嚟幾乎滿座，因為邨內餐廳選擇少，所以呢間係我認為邨內最好食嘅餐廳。今日叫左煎肉餅、金銀蛋莧菜、霸王雞飯，三大一小啱啱好，煎肉餅夠脆，熱辣辣，要放一陣先食到，雞嘅豉油好好味🤤雞都滑，有血水，介意就唔好叫！金銀蛋莧菜就正常，小朋友每餐都要有菜先得。另外，十分推薦咖哩牛腩同埋印尼炒飯，好香，好野味！行山經常的朋友可以一試！…Read More

自己返學前去試呢一間餐廳，平時好少見到，諗住試吓，見到門口餐牌嘅選擇好多，食物圖片都好吸引，最後驅使左我食黑武士叉燒蝦炒飯，真正出嚟嘅食物賣相同張相一樣，但係就唔見叉燒，只有蝦同埋炒飯，蝦食到少少雪藏味，唔係咁新鮮，但係我覺得唔難食，價錢還可以接受，因為都幾大碟最後加咗$3 ，加杯凍飲，下次都會再嚟試吓招牌嘅石頭飯，發現在場都幾多人叫，同埋飾物款式多好多，花多眼亂，唔知食邊樣…Read More

今日仔小朋友落堂，佢好想食炸雞。因為上堂經過KFC門口，經常聞到好香的氣味所以決定落堂再去，排隊的人都多，雖然只係叫一個餐 但都等左十分鐘左右，座位差唔多滿，終於開餐啦 叫左新出香蒜炸雞，好脆好香蒜味，會再買薯角就有啲冧左啲。至於葡撻，一開始比錯左，因為我升咗級要芝麻麻糬撻，但係結果比左原味，最後成功換返熱愛芝麻味嘅朋友可以一試，好濃厚嘅芝麻味，但食完一件撻已經好飽，所以細食就唔好叫啦，哈哈😆…Read More

返夜校之前食個茶餐，呢個時間周圍都冇乜人，有好多空凳坐得好舒服但係就要留意一下餐廳嘅位置因為佢同一粥麵一齊用同一個空間，喺出面買完飛，但係要經過一粥麵先去到大家樂坐嘅位置我傻更更喺一粥麵等左好耐都未等到嘢食🤣今日叫咗台式麵線 + 紅油抄手原來個台式麵線係辣嘅紅油抄手，有三粒食物味道不過不失麵線偏鹹，建議加杯嘢飲，可以幫手解辣添！一個女孩子就夠食，但係價錢唔係話好化算熱菜蜜偏甜，建議提早講少甜，最後冇飲哂，因為偏甜…Read More

接完小朋友放學，仔仔主動話要食元氣壽司，基本上呢個係我哋嘅飯堂佢最鍾意食三文魚籽壽司脆卜卜 好過癮仲有每次必食嘅燒汁牛肉壽司，唔食生冷野必點，燒汁牛肉好入味，仲有香脆嘅脆脆係上面好夾依家限定嘅龍蝦湯拌烏冬，龍蝦湯好濃郁，值得一試，過一排就會冇同埋最近推出咗新嘅優惠，只要你係會員用手機app scan QR code落單，就會有壽司優惠，不過呢兩款都唔啱食，所以冇食到呢兩款，哈哈最後推薦埋大家食蔥香油甘魚，油甘魚好新鮮，好鮮味，必食推薦之一薯條都唔錯，熱辣辣出爐，新鮮炸起，要放一陣先食到，同埋啲芝士醬另上好細心最後埋單，$250 ，但係可以用coupon$50，都幾抵食…Read More