Ssingmak的個人專頁

本身諗住食嘅餐廳竟然冇做晚市，咁唯有搵其他嘢食啦，之後就發現咗呢一間嘢啦，間嘢就冇乜裝修有樓上樓下，佢安排咗我哋坐樓下，呢啲咁嘅天氣發覺食麵真係好熱。因為下面個冷氣真係十分之不夠，主要係佢個湯太好飲，忍唔住不停咁飲，搞到真係好熱，如果冬天食嘅話真係一流。。講返叫。咗啲咩先，我同太太一人叫咗個面太太叫好頭好尾，即係牛嘅一啲唔同嘅部位，試咗一啖，個牛湯都好濃。我就叫海龍王湯，個名都幾有霸氣🤣個湯真係好好飲，因為個湯入面都有啲蟹肉碎，飲吓飲吓，忍唔住飲晒咁滯。餐廳都幾體貼，會俾埋張濕紙巾，食完蝦之後抹手，整體都唔錯，係比較熱少少，個價錢方面如果食麵嚟講我就相對覺得係會比較貴少少，不過味道OK，所以都可以…查看更多

聽住日本歌食壽喜燒嘅感覺又真係不錯本身想普通食個lunch，不過見到佢有個壽喜燒二人餐又好似ok ，所以叫左，價錢$388（+1），同平時夜晚比又真係平咗嘅，所以决定試吓。喺牛肉方面會有兩款牛由於太太有左，叫佢煮熟啲，都幾有牛味另外可以跟兩款小食我哋叫咗雞皮餃子🥟出奇地好好食同埋明太子玉子燒，店員好窩心，幫我哋將蟹籽分開，我可以蟹籽自由了🤣🤣之後食埋啲配菜同烏冬，都夠飽套餐仲有斤兩杯嘢飲加布甸甜品，滿足！！…查看更多

一間性價比極高嘅腸粉店。真心好平。味道仲要唔差，有家既感覺🤣🤣🤣一碟腸粉加一杯豆漿竟然23蚊。平到我有啲唔敢相信（平時食開要20尾30頭。冇包野飲）。。佢份量係多過出面嘅腸粉。以往我一個人要食2到3碟先飽，雖然都有叫其他嘢食，但今次只係食咗一碟腸粉加半份炒米。我已經覺得好飽。最後係夾硬食埋。見到佢有啲潮州小食，都有試下。個牛肉餸似牛肉丸，不過彈牙。鋪頭姐姐好好人，會主動介紹。唔飲凍野又主動話幫我地加熱！good good！幾好！！會再光顧！…查看更多

去到荃灣想食個下午茶，俾點心半價呢個字眼吸引左入左黎。首先個知客完全唔理人。。。最後要自己行入去搵位。坐底左又係冇人理。要叫左兩次先有人俾點心紙。再叫佢俾一壺水，叫左3次先有人俾。。點心上得算快。但叫任何醬料都起碼要兩次以上先有人拎嚟。有少少俾錢買難受咁。由入嚟到坐低，眼見都起碼8個員工，會聽到佢哋成班喺度傾偈吹水，但係冇人理我哋。。怪唔知下午茶時間但成間店都冇乜人，食物係好美觀，係好有心思但係食物質素麻麻哋。真係好普通。除咗預咗打卡令。真係唔好有其他期望。。。可一不可再，不會再幫襯。…查看更多

本身係想食燒烤，之後搵到呢間嘢，望一望地圖，見到佢個位置喺深水埗同太子中間，開頭都諗緊會唔會太遠，諗緊要唔要過嚟，但見到好多人都話呢間好食，所以就決定過嚟，嚟到出奇地覺得氣氛幾好！絕對要啤啤佢！成個氣氛係好適合傾偈吹水！最後叫咗烤魚同埋燒烤拼盤，佢個燒豬肉。又估唔到出奇地好食！本身諗住打埋邊爐，但係真係好飽，低估咗條魚嘅威力。。條魚真係好大條，不過最後都叫咗個響鈴，仲要係即炸嘅！所以都要試一試佢。不過美中不足嘅個烤魚嘅湯底好多人，搞到最後好似食緊油咁。不過整體嚟講都OK！好食！！…查看更多

經過旺角。行到攰攰地🥵🥵，是但入左間餐廳食下午茶，好彩冷氣都夠！涼晒。個份量味道都算對得住個價錢。叫左個芝士黑椒焗雞扒飯，連埋凍飲 $55。個焗飯係即焗，叫左之後佢都有講要等15分鐘，個餐到左之後的確睇得出有幾熱。個焗飯仲見到d油跳下跳下，除咗焗飯，下午茶都算有啲選擇。餐廳面積唔算好大，不過我2點幾入到黎。都幾乎每枱都有人坐緊。不過好彩一個人都唔洗搭枱。食完仲休息左陣都冇人趕。算係咁了。🤣🤣🤣…查看更多

這頓餐點在視覺上就已經讓人垂涎欲滴，餐盤上色彩繽紛，各種美食令人期待。首先在選擇方面，有冷熱咸甜多種選擇！係選擇果陣都己經心大心細。最後我地两個人都選擇咗兩熱一冷。我叫左主菜的燒雞腿肉，表面焦香，肉質鮮嫩，伴隨著甜玉米的清甜，口感更加豐富。湯品清淡而不失風味，為整個餐點增添了清新感。最後，搭配的水果飲料色澤鮮艷，清爽解膩，為這頓美食劃上完美的句號。整體而言，這頓餐不僅豐富多樣，而且每道菜都展現了細緻的用心，讓人感受到食物的魅力。這是一場真正的味覺盛宴，值得一再品味。…查看更多

好耐冇出觀塘，一個人唔知食乜好，突然間想食日本嘢。都喺附近行咗好耐，最後醒起駱駝漆會有好多嘢食，誤打誤撞就揀咗呢間嚟食。餐牌都好多野食最後叫左個梅花海鮮丼 ，價錢係$168。入面有三文魚 帶子 油甘魚 吞拿魚 海膽 三文魚籽 赤海蝦，我啲最愛喺晒度好新鮮😍😍食完心心眼！！驚唔夠飽仲叫左芝麻雞翼 $28 有2件！。正！今次夠飽了新鮮即炸！正！😂第一口差啲俾佢焫親。整體嘢食不錯👍👍環境ok 坐得幾舒服！😝😝有機會過嚟觀塘會再食…查看更多

616打邊爐就試過幾次，但係燒肉就第一次試。本身佢會有啲二人餐，不過由於大家都有部份嘢食係冇興趣，所以叫咗個特上盛宴，另外加多份牛舌，當然燒肉嘅話一定唔少得啤酒la佢呢個set入面都幾多嘢食，有魚有雞有豬有牛，平均每樣都有4件，另外仲有兩塊好大塊嘅西冷。佢仲會俾埋生雞蛋你沾黎食。坐嘅環境幾舒服，幾有日本餐廳feel，雖然得一個服務員，但係佢都幾細心，每上一款肉佢都會講解吓個食法。最後食食吓落大雨，由於趕住返屋企所以我哋都keep住7成飽咁走人。…查看更多

返過幾次大陸，但係每次都好似排唔到食佢。今日經過沙田本身想食其他餐廳，不過都話已經過咗last order ，之後唯有試吓一入到去個服務員第一句係講普通話。我哋都以為聽錯🤣🤣之後全程都好似好難搵一個人幫手拎其他嘢。好似唔太夠員工咁樣，唔知係咪因為都差唔多收工嘅原因2個人食左500幾蚊叫咗一個鮮青椒哇哈哈烤魚一份海陸空天團燒烤香烤花菜同埋飲咗兩支酒個烤魚真係好大份。估唔到。。兩個人食的確真係好飽。。。好彩冇加其他配料。美中不足嘅係啲蛙竟然都係要炸咗先。食落去搞到本身炸咗嘅位軟腍腍，冇想像中咁好食，但係條魚就唔錯，冇乜骨。因為本身都真係唔太識吐骨。呢下幾好嗰份燒烤就真係。😑😑本身都預咗應該同大陸啲燒烤差唔多大細，但係出嚟既效果係比想像中更差。仲要真係唔好食🙈🙈本身諗住烤魚會加菜做配料，之後見到有花菜，都叫咗， 價錢都比較適中因為食辣都係要有啤酒，所以我哋都叫咗啤酒飲，佢呢隻啤酒都幾好飲，都易入口嘅…查看更多

終於訂到位食！！7:00到達，雖然book咗位，但係都要喺出面等一陣，但係出面已經有10幾個人喺度等緊候補位。可想佢嘅吸引力！ 一入到去員工會叫我哋落咗咗單先我哋一人套餐，同埋淺積泡菜同埋薯仔沙律仲叫咗杯檸檬燒灼套餐內容會有三件和牛漢堡扒同埋白飯任裝，麵豉湯。如果驚唔夠食仲可以追加，不過我都已經覺得好飽了。座位尚算舒服，前面會有廚師喺你面前搓漢堡扒，見你食完就會再幫你上第二塊。食之前仲會教你塊嘅食法。如果怕唔記得嘅話都唔使驚，因為會有張紙會有教學，同埋會有唔同嘅調味料，可以因應返自己鍾意嘅味道而試。見你食晒碗飯仲會問你需唔需要再添。由於我去食嗰陣時係夜晚，會有好靚既夜景Tim🤓🤓🤓最後人均消費大概二百零蚊左右。我覺得都幾滿意。而我個人最喜歡係一開頭嘅原汁食法😋😋…查看更多

食完晚餐就梗係甜品啦！！去到都唔使點排隊，店員就安排我哋入座啦。因為都見到隔籬左右食緊，所以都知個份量都應該幾大。兩個人嗌一份都已經好夠。叫咗個伯爵奶茶味既刨冰。第一口食落去已經好有伯爵茶味個口感幾好，都入口即溶。因為天氣好熱，所以都擔心食食吓會溶咗。我哋好快咁樣影完相就開始食！所以建議大家就算打卡都要快少少😂因為我哋食淨三份一左右，已經見到個底全部都已經溶咗兩個人食，最後一人都係大概$50左右😂因為如果一個人食一個。相信應該真係會好飽😂😂請三思！！😂當然啦，如果你唔係好似我哋咁樣食完晚餐先過嚟，我相信一個人都食得晒嘅🤓🤓…查看更多

人生路不熟黎到屯門做野一日，諗住是但搵一間舖頭食早餐，快食，所以就入左黎。😋😋早餐種類係幾多，但係本身我嘅目的就係入嚟食牛腩，所以其他都吸引唔到我🙈🙈最後叫左個牛腩米線，加左杯凍奶茶。睇完個價錢係幾驚訝😂。以往食呢d叫野飲都正價，或者跟餐半價（可能有其他麵舖都係咁，不過我食開嘅都加嘢飲比較貴），之後了解得知，呢度11點前原來熱飲free。凍加3蚊。最後埋單$40。嘢食方面都唔錯。係我鍾意食嘅牛腩。11點呢個鐘數冇乜人。喺坐方面都幾舒服，又唔使同人搭枱。…查看更多

早幾日專登帶外國返黎嘅朋友去試老闆娘雲南米線！今日幾好彩可能早d 去大約六點幾，竟然唔使點排隊，但走嘅時候七點幾大排長龍🙈🙈個湯底真一流，我朋友揀咗蒙古湯底，我揀咗麻辣湯底一路被喻為被炸物耽誤嘅米線，炸物果然冇得頂特別推介佢個炸雞同埋魚肉風鈴卷。服務方面除咗比較繁忙之外，但個個禮貌都好好唔係傳聞中嘅態度惡劣 每日都會有佢自己煲嘅茶賣，今日試咗佢個羅漢果茶值得一試 味道清甜！價格兩個人食咗200幾，但係淨係炸物都叫咗五樣啊，感覺價錢還好，的的確確係食咗一個有質素嘅米線🍜😂我外國朋友已經想再食，又話想打包返去😂😂…查看更多