阿成's Profile

澳門兩天美食遊完結，但太座大人食唔到熱荳花，咁又點得呢！好彩仲有呢度！李康記同榮記一樣係細街，都要搵一陣。入去叫兩碗熱荳花($5.5)，亞姐問加糖水定花奶，太座大人揀糖水，我都係揀花奶。奇怪既係，呢度既熱荳花係連碗熱住，而且有少少薑味（薑汁撞奶？）。不過冇所謂，好食就得啦！呢度既荳花絕對唔係榮記之下，同樣香滑好味。而且兩間都同樣將荳花削到好薄，花功夫但好聰明，削得薄食落去就會覺得滑啲。另外，亞姐好親切有禮，讚！:)…Read More

澳門兩天美食遊，戰鬥要繼續。聽講呢度白粥好食，所以來試下。我地叫左白粥($3.5)同鬆糕($3)，亞姐仲好細心咁幫我地將鬆糕開四。:)白粥又香又綿，真係好得， 但係件鬆糕就好似放左好耐咁，唔係太好。:(…Read More

澳門兩天美食遊，試完榮記荳腐花，繼續戰鬥。潘榮記金錢餅咁出名，更係要試下喇。金錢餅有兩種包裝：1. 盒裝一磅$56（要訂）2. 袋裝一份$10於是我地買$10一份試下，金錢餅又香又脆，好有蛋味。由於太座大人唔食油膩香口野，又係我獨食！ 問題係，一個人食，一份未完已經開始覺得膩:(，而且$10亦比較貴。…Read More

澳門兩天遊第二天，係酒店食完早餐，去試榮記荳腐花。榮記唔係大街，所以都搵左一陣。太座大人同我都鍾意荳花，但太座大人唔食凍既，點知亞姐話未有熱既，唯有我自己獨食。亞姐問加唔加花奶，更係加啦！荳花加花奶之後香夾滑，香港九龍城義香既花奶荳花要加錢架。呢度既荳花好滑，加埋奶香真係好味道！:)…Read More

澳門兩天美食遊，食完晚餐當然要食宵夜啦！於是決定外賣杏香園既糖水同添發碗仔翅返去酒店慢慢嘆。我地叫左$20碗仔翅，味道不過不失，亦絕對談唔上差。但我唔明白既係……點解加一支湯匙都要加錢？（亞姐冇收我地錢，只係話下次唔好喇……）…Read More

澳門兩天美食遊，食完晚餐當然要食宵夜啦！於是決定外賣杏香園既糖水同添發碗仔翅返去酒店慢慢嘆。我地叫左椰汁合桃杏仁湯圓($29)，味道唔錯。對湯圓既印象比較深刻，又甜又軟綿綿，正！但價錢的確比較貴……:(另外，因為返到酒店心急食，唔記得影相。…Read More

澳門兩天美食遊，終於到左晚餐時間，因為太座大人以前試過祥記，於是我地試下呢間聯記。晚飯時間冇乜人，情況同祥記既人山人海相差好遠。太座大人食雲吞麵($16)，侍應哥哥推介我食雲吞蝦籽撈麵($24)，於是試下。雲吞細細粒好味道，蝦籽咸咸香香，麵亦比較一般既有彈性，唔係普通麵店既麵，咁既水準加上咁既價錢絕對係低食。…Read More

澳門兩天美食遊，本來第一戰揀大利來豬扒包，但條人龍實在長得嚇人。食完新好利蛋撻之後再經過，人少了，於是排隊，排了大約15分鐘，終於買到出名的豬扒包。豬仔包外脆內軟，豬扒很熱很好味，也不算太油。但個人認為，某些香港茶餐廳也有這種水準，冇必要用$18同排咁耐隊。…Read More

澳門兩天美食遊，戰完沛記，轉戰新好利，因為店內人多，唯有外賣。本來想試燕窩蛋撻，但見到葡撻新鮮出爐，立即改變主意。兩款蛋撻的味道也不錯，特別是葡撻，因為是新鮮出爐，好燙口。但總括而言，沒有太大驚喜。…Read More

澳門兩天遊第一天，到官也街買手信，經過沛記，當然要試一試呢度既蛋糕仔。睇一睇餐牌，原來蛋糕仔係「本店之寶」！蛋糕仔上檯既時候仲係暖暖地，味道一流，外面又鬆脆，真係想再食一個，但要留肚繼續戰鬥，唯有忍口了。 太座同我各試一種味，加上飲品埋單$32。…Read More

家住北角多年，並沒有試過德成號蛋卷。有同事偶爾提及，於是去試：第一次（～4:00PM）：是日蛋卷售罄，明天請早。第二次（～2:XXPM）：是日蛋卷售罄，明天請早。實在太過份啦！第三次我上午 11:00 左右去買，終於買到（原味）啦！:)回家之後當然急不及待試食啦！好味道！蛋卷十分鬆化，也很有蛋味。以前試過咀香園的蛋卷，也不錯，但的確比不上德成號。今次有同事 order，大手入貨牛油味。牛油味也不錯，不過個人認為略甜，比不上原味。…Read More

家住七姊妹道十年，係康甜既熟客。呢度既麵包質素中上而且穩定，比新鳳凰好上多倍。有次我係新鳳凰買左個腸仔包，食落好乾，口感好差，但有時買又冇事。所以，以穩定來講，新鳳凰絕對比不上呢間康甜。有次有位親戚來，係康甜買西餅（$7 果種）招呼，外表好似美心或聖安娜 $8 果種餅，食落真係有驚喜，味道完全比得上。後來大哥結婚，都係康甜買西餅。:)…Read More

今晚早左d食飯，見唔駛排隊，所以入來試下。食物普通，未如期望中好，兩碟三文魚一碟新鮮一碟唔新鮮。呢餐只係食左少少就拿拿聲走人，因為竟然有食客係度幫 BB 仔換紙尿片！簡直離哂譜！果對父母完全係混帳同冇公德心！呢間野單講食物係普通，環境同服務本來都好好，但我覺得作為一間日本壽司店，絕對唔應該容許食客做 d 咁野。所以我將「環境」同「衛生」既評分定為最低，希望老闆或員工睇到呢個食評，可以避免同類事件發生。更希望有其他在場既食客留言，一齊指證果對混帳既父母！…Read More

除左雲吞同水餃，呢度既墨魚丸都係好野，真係實實在在，一個字，正！麵質方面有時好正，有時又普通d（當然，都唔會難食），唔知點解．．．…Read More

呢度既麵包好平，但要係四點後，四點後都有麵包出爐，有餡包$2，冇餡包$1，但近來不敵通脹，加價$0.5（根據某雜誌報導，老闆話十幾年冇加過價．．．）。因為住係附近，以前我返屋企既時候都會買兩個剛剛出爐、熱辣辣既腸仔包食。老實講，呢度既麵包唔係特別好味，但新鮮出爐既麵包價錢咁平，仲有乜要求？但係，有次我買左條瑞士卷，竟然有d電油味，而且已經有d乾同收縮（即係已經放左一段時間）。另外，衛生都係問題，如果你有機會係夏天經過呢度，隨時可以見到老闆只著一件背心係度搔痕！所以，我既提議係，係呢度買麵包，應該係冬天買剛剛出爐既。（事實上，自從果條瑞士卷之後，我已經冇再係呢度買麵包。）…Read More