mudan's Profile

例湯好飲，即剪漢堡包好食！炒烏冬都好食！但炒碟嘢要等半粒鐘有多，真係幾好食都無晒心情！快餐店黎架大佬！即叫即炒，但問題係不斷出晒啲外賣，熟客黎到又優先做俾佢，所以唯有祝佢繼續靠熟客keep住啲生意啦，我就食完無下次！生意就想做盡，但一啲都唔識尊重咩叫先來後到，幾好食都無下次！P.S.個收銀阿姐係咁催隔離枱落單，真係短短幾分鐘催咗10次都唔止，結果人哋咪離開唔食囉，有得揀就係老闆啦！…Read More

相馬開到黎美食沙漠嘅火炭，已經算為區內帶黎一啲生氣！揀咗牛肉之中最高價果個餐，牛肩肉質素都Ok，一人一鍋又特別適合疫情，自己揀自己飛佛湯底，又有串燒炸物任食，特別一提炸雞翼特別好食！打邊爐任飲任食兩個鐘，真係去邊度搵！特別值得一讚係幾位伙計，非常有禮貌，今時今日黎講真係好得！綜合黎講，絕對有回頭！…Read More

食過好多間Urban，喱間都算最難頂！Tea Time入去，落單時遇著一個十問九唔知嘅阿妹，加埋佢慢3拍嘅反應，估計應該係新手掛，花咗一輪功夫先落到單。咁啱又係喱位阿妹出餐上枱，隻碟有點咗嘅1/4烤雞+沙律，我以為薯條係另上，所以問阿妹係咪咁，佢呆咗足足3秒後行開，見佢搵番個下午茶餐牌，恍然大悟知道個餐有跟薯條後，再問入面同事，再行番埋黎我度話薯條無晒。我問：跟頭先落單時妳唔講？佢又呆咗3秒，然後又行番去問入面同事，再行黎我度話「一係加啲菜俾你」，然後拎起我隻碟，我講多次落單果時你又唔講，加菜俾我做乜！然後阿妹同唔知係咪經理嘅人講（黑色衫），加埋答訕果個水吧，3條人就圍住咗我隻碟小組討論，水吧果個仲加多句「咁無薯條都無辦法架」，然後黑衫人就走過黎話「唔好意思，頭先無講到無薯條」，我重申不滿後，喱位面色都係同件衫黑黑地嘅，無論面色同語氣，都只係話我知你嘈完我就行開喇，唔見得佢真心想化解客人不滿。問餐牌內容又唔識答，廚房無薯條唔提樓面照出餐、樓面懵盛盛唔知個餐無咁啲嘢（更加唔想提點餐無薯條又唔講，因為佢新到根本唔會為意，又或者廚房跣佢唔話佢知），然後拎走我碟嘢圍住係咁噴口水，所有嘅應變處理都係一團糟！我而家寫出黎，唔係要故意找店員麻煩，當時我亦拒絕加啲沙律嘅做法，因為我唔係要R著數，只係純粹表達不滿！喺Urban好少可有咁差嘅經驗，元朗喱間可以講拜拜！…Read More