hotpro's Profile

這裡的環境舒適，當天晚上order左壽司、軟殻蟹手卷、牛肉鍋及吉列豬排蛋定食。軟殼蟹手卷很好吃，紙菜脆，飯則微黏及略有質感，而軟殼蟹則暖及脆，沙律醬及蟹子的份量剛好，確可再三回味。而牛肉鍋、壽司及吉列豬排蛋定食的質素也佳。店內環境舒適，座位寬闊，燈光光暗度適中，而且員工服務態度良好，可悠閒地慢慢地享用晚餐。順帶一提，此餐廳的冷氣充足，如果男孩女孩拍冷又或是與老人家到餐廳享用晚餐，記得多帶一件外套。…Read More

上網見到宮崎放題1900前入坐$218每位，所以去試下。食物質素不錯，2人同行優惠選了冰鎮大頭蝦，好好食，肉質爽口。刺身：另外，刺身種類多，吞拿魚刺身的質素比想像中好，帶子就薄切，都鮮甜。壽司：壽司應該沒什麼人會叫，我叫左個幾件同一個軍艦，賣相一般，不過都好食。燒類：燒肉種類都多，其中推介燒凡立貝、海鹽小牛排同牛仔骨。熟食類：芝士年糕好味，不過好個胃無咁多位，熟食淨係試左呢樣另外，佢有個小食吧，有d中華沙律、菠蘿片俾你食下咁，當然菠蘿片燒一燒仲好味。其他：員工勤力，細心；交通方便，價錢合理。…Read More

昨天晚飯後到大埔中心行街，行到累累地想食下雪糕，點知手作之店裝修無開門，咁就搵下D 糖水舖，行行下去左殿糖級，佢個Menu都幾多野食，不過想食雪糕，所以叫左香蕉船。佢個香蕉船雪糕用朱古力、芒果同雲呢拿，朱古力雪糕就有彩色個d朱古力粒粒、果仁同棉花糖；雲呢拿就都幾香雲呢拿味；芒果有少少果肉，都幾驚喜。香蕉就正常香蕉，擺得幾靚。員工都好Helpful，態度好好。下次有時間試下中式糖水，會再嚟。下次要問下雪糕有無得自選😂…Read More

12人餐，加1位，即13 人餐。不過加左位，黃金香翠百花球都係得12粒。仲話，13人食12粒。有興趣就嚟試下。推廣圖片擺隻乳豬出來，原來係乳豬拼盤，問下佢佢仲要話係乳豬......拼盤哈哈哈。上羮既時候叫你自己傳，然後仲問你地幾多人。態度好差，傳菜講嘢夾雜粗言穢語，激親我家人。我唔識講，有興趣自己體驗下。食物味道一般，希望叫佢地會改善下d市場推廣唔好咁誤導，同埋d態度唔好咁差。我其實係來食野，唔係食氣。…Read More