Gi-two's Profile

平時唔多寫食評，不過呢間餐廳嘅鐵板燒對挑選食材嚴謹嘅程度同埋對調味配菜配搭嘅細心，令我好想記低佢！千幾蚊食一餐當然唔係可以日日食，但係間唔中一次獎勵下自己嘅肚皮仍然值得，辛苦得來志在食丫嘛！而且試過，知道食材嘅質素，就會覺得物有所值和牛一向係我至愛，所以不假思索我就點左近江和牛套餐！今次食評重點講下塊和牛點餐無耐，就見到塊色澤好靚脂肪均勻嘅近江和中送左入嚟慢慢解凍師傅處理過程十分認真，最後仲用猛火烤一烤外皮，將肉汁鎖著，呢一下真係好有視覺效果切開咗嘅和牛見到肉色仲係粉嫩，剛剛好5成熟，近江和牛嘅脂肪感無咁重，唔會有好膩嘅感覺，而且牛味好濃，又多肉汁，真係好令人享受，師傅嘅烹調掌控應記一功！除左和牛之外，我仲好難忘拌碟嘅蒜片，連蒜片都係來自日本，炸到脆卜 卜，蒜味好香，下次去日本都要帶啲蒜頭返嚟個套餐其實仲有好多嘢食，由小吃頭盤前菜主食湯最後以水果甜品作結，真係捧住個肚走，而且無一樣嘢令你失望，呢餐確實驚喜！小吃：鱈魚片，一啲腥味都無，每片都好薄，話咁快就清晒三式刺身：新鮮肥美，入口即溶燒鰻魚：外皮極脆，鰻魚肉夠滑又juicy，非常香口沙律：其實串海葡萄先係主角炒野菜龍蝦麵豉湯：個龍蝦麵豉湯好鮮味甜品：焦糖多士，呢個焦糖多士確係驚喜，師傅預備緊嘅時候已經聞到好香嘅焦糖味，仲見到塊多士煎到脆卜卜，放到我前面嘅時候真係忍唔住即刻放入口，多士有香脆，焦糖嘅味道亦索晒入去，除左塊和牛之外，令我最回味嘅竟然係呢兩片小多士，哈哈！最後，仲想提下餐廳特製嘅調味料，雖然無乜點用嚟點嚟食，因為食材太靚，我比較鍾意原汁原味去感受食材，但係我每款調味都有試左少少，真係調製得用心出色，令我覺得餐廳係好有誠意去做好每一件事…Read More

約咗朋友嚟諾士佛臺食飯傾偈，平時出嚟都無特定揀邊間餐廳，咁啱呢日見到呢間餐廳入面坐咗幾枱都唔同國藉嘅人就揀咗呢間喇多啲外國人感覺Chill啲丫嘛！仲係happy hour時段，當然叫番杯啤酒先啦，Draft Beer 1664Blanc 咁悶熱嘅天氣，番完成日工，飲杯冰涼嘅啤酒的確係一種享受！朋友嚟到話好肚餓，所以由佢揸主意叫嘢食，因為我地2個吸收過好多次眼闊肚窄嘅經驗，所以今次我地叫咗3樣嘢share嚟食，唔夠先再叫👆白酒忌廉煮鮮蜆其實我一向都唔特別愛好食蜆嘅，不過朋友想食所以都試下啦，個sauce好香濃夠晒creamy，仲帶有微微嘅蜆味，蜆肉都唔細，有咬口，我都忍唔住口食咗好多粒👆酥焗菠菜芝士釀大蘑菇呢一道大蘑菇，我同朋友都覺得好好味，菠菜芝士做餡料，好香口開胃，帶少少咸味，但係連埋個蘑菇一齊食就啱啱好，呢店真係想encore👆Grain Fed USDA Prime Beef Filet Mignon呢個steak嘅肉質好嫩，有少少脂肪，口感好唔會韌 ， 而且一啲羶味都無，伴隨而來係好香嘅牛味而且仲好juicy，個牛係抵食嘅！值得一試！除咗食物之外，仲想讚下啲staff，個個都好nice好有禮貌好helpful，個個都有笑容，令成間餐廳嘅氣氛輕鬆舒服好多…Read More

“尚鮮” 一聽到就覺得係食新鮮食材嘅火鍋 果然無令我地失望私隱度高嘅卡位設計, 我同朋友們傾計都傾得幾舒服, 唔洗同隔離枱你眼望我眼冬蔭功 x 芫酒湯嘅鴛鴦鍋, 點冬蔭功湯底嘅好處係順便可以飲埋個湯 平時去泰國餐廳飲都要差唔多一百蚊架嘛 XD然後先黎嘅係特尚手切牛 同埋木耳鮮蝦雲吞 X 西洋菜香菇水餃唔好講笑碟牛真係好好食 又濃味又夠滑 太細碟唔係幾夠喉添呀! 手切牛已經咁正, 下次要試下佢個Prime級牛頸脊雲吞同水餃見佢都包得幾靚靚仔仔, 粒粒d餡都漲卜卜 脆鯇片 X 廣島蠔 鯇魚我就不嬲都唔食既, 同行嘅朋友話幾好味, 廣島蠔正仲有最正既嘅餐肉, 切到咁, 幾有心機 哈哈台式黑椒腸 X 蟹柳黑椒腸好香, 不過平時少用黎打邊爐,  覺得都係BBQ啱feel d.  蟹柳無咩特別 正正常常打打下阿姐都會走埋黎幫手隔起湯面嘅污糟野, 幾細心. 哩度仲有幾多款啤酒揀, 連Estrella支黑色星星啤酒都有, 配埋佢專屬嘅酒杯, 我位朋友以為我開左支白酒~ 從此打邊爐唔洗只配藍妹青島大hoe啦  哈哈!!下次要黎試下佢個貴少少既海皇餐 見d野食好似正好多!!…Read More

海鮮九層塔興咗一輪，試過自己喺屋企整，雖然自己買海鮮整係經濟實惠啲，但係買完又要處理清洗都幾費功夫，而且有時同朋友食飯都想食埋個氣氛，今次難得朋友約食飯，仲要喺屋企附近，又海鮮癮發，所以揀咗九重鮮！呢度有好多套餐，我同朋友揀咗中價位嘅首爾塔套餐，呢個套餐已經有好多種唔同嘅海鮮！餐廳佈局好韓式，有好多韓式擺設，而且空間感十足，座位十分闊落，成餐飯都食得好舒服！服務亦都好好，基本上全程都有店員招呼唔駛自己落手！貝殼類海鮮包括有蟶子，大花蛤，刀蚌，象拔蚌，元貝，全部都有做好吐沙，食貝殼類最忌係食到沙粒，但係全晚都無食到一粒沙🖒而且都好新鮮、鮮甜，蟶子同象拔蚌都好大隻爽口！另外仲有海蝦、花蟹、鮑魚、龍躉，花蟹啲膏好正，如果再多啲膏就好喇，蟹箝又多肉，龍躉都好厚肉亦無蒸煮過度變鞋口！每層海鮮都有唔同種類嘅蔬果做配菜，感覺健康好多，又可以清一清之前果層嘅海鮮味道，依家諗番起個木瓜都仲係好甜！全餐飯最令我驚喜嘅係個粥底，我地揀咗韓式豬手湯做粥底，個粥真係好好好好味，好濃烈嘅海鮮鮮甜味，而且可以食到係好多種海鮮精華混合咗嘅味道，我忍唔住食咗2大碗，個豬手亦好入味！我諗我會因為呢個粥底再去幫襯！…Read More

每月一次同姊妹既約會, 難得有個姊妹話過海就我地又話想食串燒就去呢度啦!一去到, 原來同樓下個層泰國餐廳係一齊既, 而我地今晚就被安排坐左係下面個層泰國餐廳。 都無所謂啦,  好似仲好坐, 而且可以叫晒2間餐廳既menu, 即係串燒又得, thai food又得! 得左!裝修幾得意, 成個感覺好似入左拳館咁!見佢menu本來有幾款draft beer, 本來想叫杯mahou 但staff話無左了, 得返hoegaarden同blue girl, 我揀左大hoe, 朋友叫左杯西瓜沙冰, 幾fresh wo 又唔太甜!串燒方面, 先提一下有得揀大中小辣, 我地梗係揀大辣啦!! 燒原條茄子 日式燒法加左木魚碎 甜甜地又辣辣地明太子燒雞翼 第一次食到落咁重手既明太子(心心眼) 送酒一流~~而下面隻雞翼, 不過不失吧~另外仲點左燒牛舌, 雞腎, 墨魚咀, 牛丸, 秋葵, 雞脾菇, 金菇等等等等 最有驚喜估唔到係個翠玉瓜 加埋d辣粉真係勁惹味!!食串燒食到悶悶地, 睇下佢個thai food menu, 嚐辣既我地決定叫個冬蔭功湯同埋金柚salad黎試下, 個冬蔭功都幾足料, 夠香夠辣, 2隻大蝦仲幾彈牙 同埋真係幾大隻下! 金柚salad撈埋d 醬汁, 惹味得黎仲可以清下食完串燒既油膩感! 感覺哩間野thai food做得比較出色, 下次可以約多幾個人黎試多幾碟B-)…Read More

已經聽過幾個朋友介紹話呢間蒸氣火鍋任飲任食好抵食，今日終於有機會嚟試下，平日8pm前入座每位$338，都真係好抵，最正係佢連啤酒都任飲，仲要唔係cheap牌，今次真係過足癮，唔覺唔覺傾下傾下都飲咗幾支😆餐廳感覺好乾淨，可能用咗白燈關係😃呢個套餐完全係一個full dinner，頭盤有燉湯，前菜小食有乳鴿，主菜有一系列海鮮俾你揀，唔夠仲有一堆肉類丸類蔬果類包點類俾你任點，唔好忘記主菜仲有集合所有食物精華嘅粥底，甜品仲有西瓜一碟，我真係食到捧住個肚走㗎！值得提一提係呢度店員個個態度好好，招呼周到，全程都照顧住個蒸爐，唔駛怕啲嘢蒸過籠或者唔知啲嘢熟唔熟，因為店員會幫你set好timer同埋留意住，仲會幫你分埋上碟！不得了！介紹下幾樣我特別impressed覺得特別正嘅嘢食先首先個燉湯真係一定要讚，我本身係燉湯控，好鍾意飲老火靚湯，呢個老黃瓜燉唐排，超級足料之餘，燉製嘅時間足夠令食材出晒味，零味精，好飲又健康跟住有碟開胃酸菜，中間款白蘿蔔，據店員講用咗來自意大利嘅醋去醃製，酸度剛好，好開胃乳鴿亦都係我好impressed嘅其中一樣，我平時唔太鍾意食乳鴿，因為覺得層皮好油，又無乜肉，啲肉又唔係特別滑，但係今次完全無油膩感，而且咬落去唔係得啲骨有啲肉咬下，同埋我無點醬汁都覺得好夠味鮑魚係好好味，蒸嘅時間啱啱好，新鮮又彈牙啲花甲都好鮮味，而且處理得好乾淨，食咗幾款貝殼類都無食到有沙不得不提呢度嘅蟲草花清遠雞好滑好香，第一round點咗兩舊，食完忍唔住encore多咗2 round，真係好耐無試過喺街食到咁滑溜嘅雞和牛粒都係必點，好香牛味，一啲都唔靭，食多幾粒都唔覺滯呢餐真係食得飲得好滿足，潮福原來仲有好多間分店，下次試下第二間先…Read More

成日聽啲同事講話呢間嘢好正，啲魚生好新鮮，今日終於有機會親身一試晨早11點鐘就嚟度，啱啱開門咋，啲店員仲擺緊檔，我都忍唔住問一問其實開門未啲薯餅同魚賣相超吸引，其實好想食，不過今次target係魚生外賣刺身份份都好靚，好有衝動買番去俾同事食睇完menu，我揀咗特式四色丼，因為有我最愛嘅三文魚，赤蝦，又可以試下啲海膽鮮唔鮮，仲有蟹棒可以食好大碗，其實我真係食唔晒成個飯，但係啲主菜當然清晒啦！首先，海膽，一望個顏色都知道新鮮，一啲都唔腥，都算鮮甜；赤蝦，超大隻又新鮮，啖啖肉；蟹棒，我就覺得稍為咸咗啲；而三文魚，係厚切架，好肥美隨丼附送海帶三文魚麵豉湯，好足料，真係有成舊三文魚喺入面，成個麵豉湯嘅味道係好豐富同事推介芝士龍蝦同燒魚，不過今次真係食唔落，好飽喇，下次再試…Read More

喺APM食lunch到悶，無意中發現附近工廈新開咗間新餐廳，趁住今日有充裕嘅午飯時間一於去試下。接近1點鐘去到，餐廳已經差不多滿座，得番戶外座位，今日唔係好熱所以我都唔介意，最緊要有位原本想叫西班牙黑毛豬豬鞍架set lunch，不過好可惜已經被搶購一空，於是揀咗青芥辣牛肉粒意大利飯是日精選餐湯 - 蘑菇湯，Creamy得嚟唔會膩，有少少唔夠喉，如果配多塊蒜蓉多士就perfect喇！飲完個湯開始落毛毛雨，店員即刻幫我轉返去室內位，好彩已經有啲枱埋咗單有空位，如果唔係呢個lunch一定會好難忘XD青芥辣牛肉粒意大利飯，呢個意大利飯好驚喜，wasabi味若隱若現，唔會搶咗牛肉粒嘅味，一入口就有微微嘅“攻鼻“嘅感覺，雖然“攻鼻“但係會想繼續食，因為呢個味道好開胃！好多時意大利飯嘅汁都會比較膩，好快就會食唔落，但係呢個唔會，食晒成碟都唔覺膩，所以話好驚喜！牛肉粒雖然唔係用好top嘅牛，但係一啲都唔失禮，好香口，有咬口！Lunch Set包埋餐飲，都幾抵！我揀咗Iced Mocha，合格，唔太甜總結：環境舒適光猛寛敞，坐滿晒人都唔覺得迫，食物質素亦好ok…Read More

心血來潮想飲杯凍奶茶，所以走去揾間茶餐廳食個下午茶，之前呢度重新開張嘅時候食過乾炒牛河，好夠鑊氣，好好食，但係今次經歷真係切底失望。叫咗個下午茶餐（雪山西多士+凍奶茶）$35，凍飲加$3，承惠$38，心入面其實覺得好貴，西多士都要$35，不過坐低咗又想食都無計啦！賣相其實係ok嘅，望落都幾吸引，不過蛋漿味好濃，面包索咗好多油，好努力食咗兩舊就放棄咗！另外杯奶茶仲衰，同飲糖水無分別，好甜，甜到完全入唔到口！或者茶餐廳都只可以食炒粉面飯，但係我估唔到奶茶都會係咁嘅質素，失望！…Read More

估唔到星期一都會full booking，7點去到諗住攞定位等朋友，不過店員話今晚full booking，walk in只可以坐bar檯，無所謂啦，今晚係衝住呢個餐廳而去到K11，而且店內環境都幾舒服呢間餐廳有幾點要讚下，所有店員都好有禮貌，個個講嘢都好温柔，喺呢度用餐完全無趕時間嘅感覺，我一個人坐喺度等朋友等咗幾個字，都無人會催促你落單，俾你好安靜咁去睇個menu或者發下呆，到啲嘢食晒，你仍然可以盡情傾偈，唔會三不五時走嚟收嘢，催你埋單，所以都幾鍾意呢個地方嘅態度同節奏！最重要係，就算坐滿晒人，都唔覺得好嘈講番嘢食先，我地叫咗一個“朝食“，一個“蜜糖炸雞“，一杯“櫻花梅子梳打“，一個“蝴蝶豆斑蘭香矛茶“。櫻花梅子梳打賣相好靚，店員好細心教你要攪勻咗底部再篤兩下粒梅子，飲落清清甜甜又帶少少梅子嘅酸味，都ok嘅藍色嘅花茶，影相一流，味道我就無試過，朋友話ok啦，有啲lemongrass香味招牌“朝食“好豐富，前菜到水果都有齊，份量亦好足夠，味道就不過不失啦“蜜糖炸雞“就比較印象深刻啲，雖然係炸雞，但係食落又唔覺得好熱氣，而且啲肉好嫩好juicy，外面一層蜜糖，係會令人不停食下次想同朋友揾個地方傾下偈飲杯嘢，我會再嚟呢度：)…Read More

難得我地3位愛辣bff聚頭，當然要刺激下味蕾啦！上到尖沙咀分店，一打開lift門已經好大陣麻酥味撲埋嚟！原本想試下鎮店九格麻辣湯底，但係到order果刻退縮咗，改做重慶辣+豬骨湯😋，個湯底好正，重慶辣嘅辣度對我地嚟講啱啱好，唔會越食越辛苦，除咗肥牛羊肉卷墨魚滑呢啲火鍋必叫嘅嘢，我地專登叫咗凍豆腐同竹笙呢啲吸味配料嚟配個湯底！肥牛同羊肉卷都不過不失，無一食落去覺得好鮮好好味，但係都合格嘅，反而凍豆腐同竹笙就好impressed，凍豆腐密度剛好，好有咬口，索晒麻辣湯，真係好正，不過記得唔好淥得太耐，淥得大耐索得太多湯會變咸，竹笙好爽口彈牙，食極都唔夠！不過喺度食飯想坐耐啲傾多陣偈都唔得，7點入座，8點半交枱，未夠8點就問到齊嘢未，有無嘢要再嗌，無就埋咗張單先，一到8點半就話有客等緊枱想我地快啲走，過多一陣又放星8:30留座牌喺我地枱面提我地，我地仲有半揸啤酒未飲架，8:50真係迫我地走喇，其實食火鍋真係需要時間架，要等湯底滾等食物熟都要時間架！如果淨係講食物，我會想再嚟，不過用餐時間呢……可能真係要揀日子！…Read More

同囝囝喺商場放完電，於是同佢去pizza hut食番個下午茶抖一抖，閒日嘅愉景新城真係好舒服，食嘢唔駛等位，餐廳安排嘅座位都闊落啲店員見到我有小朋友，好主動拎咗小朋友餐具俾佢🖒🖒叫咗2個下午茶餐，大蝦薯蓉配蒜蓉包($20)同埋雞翼配花生醬厚多士($35)，2個餐都等咗3-4個字先到，不過熱辣辣上枱就耐少少都無所謂啦！囝囝第一時間搶咗塊蒜蓉包食，蒜蓉包真係pizza hut嘅皇牌，咁多年味道都無乜點變，仍然好香，蒜蓉牛油都無手軟，成塊包都cover晒，囝囝食咗2塊半留返半塊俾我咋！今次反而想讚下個大蝦薯蓉，薯蓉好滑好軟，佢個白汁配埋啲薯蓉放入口，真係好好味！雞翼就standard啦，花生醬多士烘得啱啱好，脆卜卜！今個下午茶食得好舒服，坐得舒服又靜又唔會因為人多要食得好趕！…Read More

難得夜晚走到工業區，想搵間特別啲嘅餐廳，朋友就介紹左The Stadium話好係呢頭幾有特色嘅一間sport bar一開lift門已經好熱鬧，好多人等緊入座，由於我地無book位所以都等左大概30分鐘先有位兩個人被安排坐bar枱位，我地叫左個Beefy Mushroom Burger set dinner，＄168，包餐湯餐飲，另外叫左個黑松露pizza，同一杯啤酒本身都幾鍾意食burger，所以都有少少期望，burger賣相都唔錯，味道就中規中矩，漢堡扒唔夠juicy同埋稍為熟左少少，反而個黑松露pizza就會驚喜，都餅底好薄好脆，黑松露份量剛剛好，唔會太多太濃搶左個pizza味，熱辣辣上枱配埋杯啤酒一流環境係感覺好Chill，好適合成班大大聲嘻嘻哈哈，不過對於兩個人嚟講就其實都幾嘈，唔係好傾到偈 XD…Read More