wai52's Profile

見到個環境好崩潰，通常啲人都係坐喺路邊都幾有風味，但係有啲枱下面全部都係垃圾。佢有房嘅，但係房入邊係勁大浸煙味，個地下又係超污糟。所以最後都係坐咗喺出邊，嗰日仲落緊微微雨，成個感覺好唔舒服。比既碗感覺係未洗乾淨，重油油地。西蘭花豬頸肉，西蘭花爽脆，豬頸肉入味，鹹味啱啱好咕嚕肉，幾有鑊氣，不過個汁偏甜醬爆生腸，第一次食，口感極度爽脆，非常惹味，一口接一口，停唔到。送啤酒一流。要讚下個姐姐，服務態度十分誠懇又有禮貌又勤力。…Read More

湯底味好夠，唔淡，唔係好似水咁，冇永年咁多味精，叫左微辣，呢到小辣都好辣，所以叫辣度要保守d。豬腸份量多，鹵得岩岩好，洗得乾淨，易入口。咖哩魷魚，魷魚都係一般食到嘅水平，佢個咖喱汁好惹味，超辣…Read More

泡菜煎餅，唔夠脆，冇問過人，就即刻夾舊煎餅落你隻碟到排骨薯仔鍋，好微既辣，湯好易入口，湯底濃郁，入面有年糕，今次兩個女仔食，食多左會覺得味道單一，多d人share會好d排骨好大舊，d肉唔算好多，幾入味冷麵好足料，拉麵十分煙靭，又夠凍，不過我覺得好辣，辣到係咁飲水。黎過食幾次，每次一坐底都話d 醬油蟹好新鮮好肥，推薦人食。只要白髮姨姨唔係到，個感覺會好d，個白髮姨姨好似成日想趕人走咁，人哋都未食完就即刻上甜米露，又問幾時買單，感覺好差。…Read More

叫咗高級海鮮拼盤二至三人餐隻蝦有少少甜味龍蝦挪威鱈蟹腳海鮮拼盤，有波士頓龍蝦、挪威鱈蟹腳、生蠔、加拿大翡翠螺、原隻南美白蝦，d海鮮唔係好得法式焗釀蟹蓋，唔好食炭燒頂級牛西冷，之前黎食係好有炭燒味，但係今次食係冇乜炭燒味，都幾有肉味，易入口蟹黃海蠣子海膽意大利飯冇咗，所以就轉左海鮮意大利飯，酸酸地，幾開胃98%野菌忌廉湯，好濃菇既香味招牌頂級和羊，食到呢度已經超級飽，楊味濃郁肉質滑，d薯角配Wasabi幾特別，幫助清一清口腔，d配菜燒到啱啱釋放甜味出嚟，不錯。未食過咁好食嘅甜品…Read More

叫左個雙人套餐，呢碗係是日餐湯拼盤好多野食，有煙三文魚、意大利火腿、炸黑松露蘑菇球、燒茄子、雞蛋薯蓉沙律、包同鱈魚醬，份量多，但冇野特別好食龍蝦海鮮鍋入邊係只得海鮮，有半隻龍蝦、魚、青口同魷魚，仲有d蔬菜同包，配上蕃茄汁，冇記憶點。脆皮燒豬腩，燒豬腩嘅外皮幾脆，但係有少少難咬開，兩個女仔，一人食兩舊，我地都食唔哂。下邊既蓉係由粟米打成嘅，食落去既味好似食緊奶粉咁。火焰橙酒可麗餅，d酒落得太多，好苦我知道食呢間野係有限時，但係都冇人排隊，餐廳又有空位，食到第二個main，話要上埋甜品比我地，張枱又細，又要轉枱，又趕住我哋買單。隔籬枱啲人啱啱先食，我唔明點解要趕我地？！…Read More

姐係以前食既一包包撈麵，放到落個碗到，再upgrade d 餸。本身以為d醬係特別d，冇諗過係兒時既味道。雞。嘆撈，手撕雞+辣雞軟骨+青瓜+櫻花蝦+芫荽，我揀左涼麵，好夠味。手撕雞好碎，感覺唔到係手撕，辣雞軟骨好惹味，如果d青瓜切到係一條條短d，個口感會好d，而家d青瓜太長。五寶滷水拼盤，萵筍、金錢肚、鹿茸菇、鵝腎同牛柏葉，呢碟係食汁，d餸本身都冇乜味，好多汁，唔太辣。正常黑糖冰粉，我懷疑有冷氣機水滴左入去檸檬愛玉，可以接受…Read More

泰式焗黃咖喱釀蟹肉普利球，姐係普通黃咖喱加啲蟹肉再放入一個脆嗰度，個名好特別但係食落去唔特別冬陰功偏酸唔太辣，但係隻大蝦係我食過史上最霉嘅一隻越式軟殼蟹米紙卷，好乾，佢比沙律醬我地加落去，好唔夾印度烤雞肉，好勁香料味，但d雞好霉咖哩正常…Read More

老式，有冷氣聽講個滷水鵝咁出名就即刻嗌，仲特登嗌個貴d嘅潮州靚鵝片，個staff重話快d嗌，好快冇，講到好好食，令我滿心期待。但係上到黎，好似切到好求其，食落去，唔係好滑，有少少失望。生炒骨，d骨偏細，層炸粉有d硬。黃金魷魚，層炸粉幾薄，咸蛋味好濃，由於厚薄程度適中，但有少少油。蠔仔粥d蠔幾大隻，份量多，唔可以用甜黎形容，同有幾粒蠔殼碎。冰鎮芥辣墨魚片，其實冇驚喜，即係墨魚片配Wasabi，但係呢一條碟係食刀功，我之前 切過墨魚片，我冇刀功，所以係好難切到咁薄…Read More

大大個logo，都幾易揾。叫左杯黑糖珍珠鮮奶紅茶2.0，鮮奶比例會多30%，茶香，夠滑。D珍珠唔會甜到漏，好煙韌，煮到岩岩好，好夠黑糖味，暫時我覺得係全港煮黑糖珍珠煮得最好既一間。…Read More

有好多餐可以揀，套餐入邊會有茶碗蒸、沙律、漬物、前菜、大蜆湯、烏冬/素面、白飯同埋甜品。之前食咗幾次餸嘅都係毛豆，今次係生椰菜，隔離係蒜香醬。鹽燒厚切牛舌，上邊嗰幾舊牛舌整到岩岩好，但係下面個三舊就好乾。上面個幾款係煙燻鴨胸沙律，烤魷魚，涼拌螺前菜同炸物。個茶碗蒸唔好食。大蜆湯好清，少少鮮。烏冬係有質素既烏冬，飯就偏腍。西班牙黑豚壽喜燒，與其話係壽喜燒，不如話係醬燒。豚肉比較簿，冇乜口感。d 菇好入味。甜品係蕨餅，呢到既蕨餅係走清爽輕盈路線。今次去左廁所，老闆娘好貼心，比左肥皂紙我。…Read More

今日下午茶時間黎食，冷氣唔夠西多士，d包冇飛邊，四條邊又硬又厚。燒茄子，微辣，好夠蒜泥，不過茄子兩邊燒到十分乾，食唔落。牛舌，係腍既牛舌，我自己唔中意，我中意爽牛舌。…Read More

環境優美，服務超級優秀先送上餐前小食，左面既ginger bread 配三文魚，最上既係wasabi cream，配合得好好，融為一體。仲有其他餐前小食同埋開胃酒。呢到既包，我覺得一般。反而牛油有幾有特色左邊係香檳牛油，右邊係魚子醬牛油。Brittany razor clams 係我覺得今餐最好食嘅，聖子嘅鮮甜同埋爽脆嘅口感配合唔鹹既魚子醬同埋最底嘅少少鹹既魚子醬cream，係出奇地夾。Hokkaido sea urchin box 北海道海膽配紅蝦及香脆小茴香，北海道海膽甜係人都知，而紅蝦本身都鮮甜，所以兩種好甜既食材一齊放入口，係會令成件事變得好普通。阿拉斯加帝王蟹配惠比壽蠔凍，上面層蠔凍似奶凍，下面係蟹，好鮮甜，但兩者配合唔到，分開食重好食。額外有個鬆餅蟹肉，好香。Grilled limousine veal tenderloin Noirmoutier potato mille-feuille & earl grey tea sauce， earl grey個味太重同太濃，完全蓋過牛味。Rock lobster steamed with squid, Fennel salad with bisque emulsion 龍蝦，普通。唔記得個名，但係係葡萄味，超級清爽，餅底十分脆，好岩夏天食！La Cabosse Diarta來自多米尼加共和國嘅朱古力，好濃既朱古力味，好多層次。Dark chocolate & Mucilage sorbet ，芳香濃郁，見到個果實好新奇。最後petit four，全部都好甜。…Read More

位置不多，入咗嚟之後聞到有浸怪味。叫咗個當歸乳鴿四物椰小盅，功效係補中益氣調理止痛。+焦糖醋香排骨配白飯，包特式茶同啫喱。個湯既當歸味好香，但係味道唔重。整體個湯好清甜，好有椰香味，重口味人士唔會中意。焦糖醋香排骨唔好食，又乾又硬。另外一個係織金竹笙烏雞椰小盅，功效係益氣養血，美容養顏。+自滷牛腿肉配紫薯飯。整體來講個湯係極甜，好似阿媽落咗好多料，但只加少少水煲湯咁。牛腿肉即係牛展都係好乾又薄，紫薯似白飯易入口。加左杯椰汁，叫左野飲就唔會有特色茶，椰汁唔太甜，但都唔夠濃。杯啫喱係羅拔臣啫喱粉整既，係兒時既味道。…Read More

嵐橋丼飯有好多款式，睇左好耐，最後揀左嵐橋什錦魚生丼，有日本牡丹蝦、中拖羅、三文魚、油甘魚、真鯛、帶子、蔥花拖羅魚蓉和三文魚籽。丼飯送一碗麵豉湯。D刺身擺放得好整齊，質素正常，唔係厚切，正正常常既一碗丼飯。清酒煮蜆，清酒味超濃，太強烈既清酒味蓋過左蜆味，平時唔飲酒既人會覺得唔好食。牛舌彈牙既，而玉子燒好濕潤…Read More

特選鮪盛 - 赤身、中拖羅及大拖羅(各2件)，赤身OK既，比起好多壽司店既赤身好，中拖羅幾腍，大拖羅係有失望，唔係想像中咁會入口即溶，食落去唔係睇落去咁肥美，唔係充滿魚油香。壽司定食都係一般質素。但係碗三文魚味噌湯幾足料，幾甜。碗沙律用左冰菜，又爽又脆，幾有誠意。燒鱔可以唔駛試散叫的壽司們既質素比大型連鎖店好D，新鮮D…Read More