為食哈's Profile

因想和朋友聚聚，下午6時30分左右到店，店內也挺多人，有八成客。見到差不多枱枱都有點籠仔飯，每籠$26，好大籠，下次一定會試下!!! 茶位每人$3，總括來說這裡的點心有一定的水準，而且價錢合理，聽朋友說這裡的點心大約2個月便會轉款，2個月後再找天試試!!! :)…Read More

因為實在太多原因的關係，寫食評的動力越來越少了....有日剛好見到雜誌推介這間越南餐廳，家住元朗不時出荃灣行街，有日便順道去試試。位置不近地鐵站，西鐵站行過去約10-15分鐘，門外有好大個招牌！雜誌話必試的有咖啡、生牛肉湯河、咖哩牛腩紅米飯！咖啡：都幾好玩，有一個杯在個咖啡斗下面，一滴滴咁滴 d 咖啡出去，幾 milky，因為我第一次控制所以不太識玩，整到杯咖啡都幾甜，開頭有少少埋怨，因為又無人介紹點玩。但原來好多人都知道越南咖啡係咁，只係我鄉下妹未玩過。楊枝金露：味道配合得幾好，不太甜不太酸，芒果肉都算幾多，加3蚊換的，好抵！生牛肉湯河：雜誌介紹的湯河真係OK，好耐無食生牛肉湯河，主要因為覺得之前食的生牛河 d 湯不夠熱，生牛肉真係生牛肉。不過呢碗 d 湯就夠熱，而且碗湯好香，有得選擇牛肉味或者雞肉味，生牛肉本身都算幾滑，不過根多少少，但味道都OK。咖哩牛腩飯：不算辣，但咖哩味道十足，但怕辣的朋友都可以試試，反而好求辣的則記得同侍應要求要「辣辣辣辣辣d！」牛腩好腍，入口用脷已經可以推散牛肉，一定唔黏牙。總括來說‧食物款式其實都算多，都是傳統的越式小食，下次有機會再試下其他小食。結賬時佢派了張印花卡，儲夠一行就有禮物，下次有機會會再幫襯！…Read More

家住元朗，元朗像拳頭般大的壽司人人都知，但已經n年無去食過了...始終，壽司大不等於好味，只可以說抵食。朋友生日，建議來這裡，等了一個鐘，間舖超細，坐得好不舒服。 三文魚壽司：大件，都算新鮮 凡立貝壽司：不夠鮮甜 炸蝦：好味，好脆 炸南瓜：完全無南瓜味雖然大件，但比起元朗的一番好味，起碼比較新鮮，不過舖實在太細，又不是好好味，一次就夠了。…Read More

由於十分不舒服的關係，男朋友專程到北角接條死屍放工，因為牙痛又發燒的關係，無胃口，想食粉，去到東記已經關門，兜兜下，去了榮記。 牛腩河：牛腩好腍，河粉好滑，OK喎 貢丸河：頁丸好香因為早上和下午都只可以食粥，所以覺得今晚這碗粉特別好味 :)…Read More

2pm終於食lunch，餓到手軟腳軟，加上睡眠不足，好似快要倒下.... 即刻叫了很多點心： 流沙包：一定要熱食！我大約15鐘後先食，怎知，一d都唔流，好可憐！但友人即到即食，好流丫，最衰自己遲食 :( 椒鹽豆腐：very good，夠滑，但好大舊 蟹籽春卷：味道好奇怪 樽子盏：好好味丫，甜度剛好，而且個酥皮好鬆化，好鍾意今次一役，一定要記得：流沙包即上即食 …Read More

男朋友終於交完艱困無比的paper，夜晚去食糖水happy happy... 腸粉魚蛋：腸粉好好好滑，魚蛋好彈牙 鷄翼尖：OK辣，不過還是少吃為妙 喳咋：芋頭好腍最愛的都是腸粉魚蛋，好味好味 …Read More

去大球場支持南華，好趕急地食晚飯，男友的同事們點了4人套餐，我到時再叫多碗生牛肉河。 生牛肉河：難食，味精湯，牛肉一點也不嫩 春卷：好難食，皮好韌好韌 蒜蓉鷄翼：蒜蓉味的鷄翼有點奇怪，加上鷄翼的皮好硬，最愛食鷄翼的我真的好失望 蝦餅：不夠彈牙 蒜蓉包：還可以，夠脆 糖水：整晚最好味，但實在太太太太太甜...以食物的質素來說，真的未必再來了。但有個伯伯侍應好好人，好有禮貌。$78/位結賬，價錢還好，但食物真的.............:(…Read More

男朋友在荔枝角返工，不時到新星一齊飲茶。 蜜糖芋頭：不用多說，已經是我的最最愛，芋頭炸得好脆，配蜜糖簡直絕配，不過要趁熱食，不然蜜糖會變硬 流沙包，今次不夠流，失望!! 有款記不起是什麼餃，都幾好味的，皮好簿，入面有蝦的 椰皇西米布甸：明明已經飽死，但見阿姐手捧問我要不要，心郁郁，好想食甜品，未想好，朋友已經點了。真的好好味，有少少焦，好惹味，不過始終都是甜品，好漏，都幾甜，2個人share會好d整體來說，都是最愛蜜糖芋頭和椰皇西米布甸。…Read More

朋友專程到北角一起食lunch，於是我提議到東橋，怎知，出事了。 芝士肉醬意粉：還可以，但芝士少很可憐 :( 咖喱豬扒飯：咖喱完全不像咖喱，好奇怪，豬扒又乾又韌又鞋，好難食 :(服務可能因為客人多，比了食物我們，但刀叉還未有....三吹四請才把刀叉送過來。多客人忙都能體諒，但以食物質素來說，真的不OK!!…Read More

媽媽生日食飯，媽媽突然說想食越南菜，便到金滿都。第一次惠顧，感覺店舖好窄，環境十分一般，不過都是預料之內。食物的質素還可以： 酸辣鳳爪：不太辣 金邊粉：都ok，不過顏色和我食開的有點不同 小食拼盤：蝦餅不夠彈牙，又不夠熱，問侍應拼盤有無春卷，她說有，怎知....一粒都無!!好失望!!侍應是不是初來報到? 生滾牛肉湯：湯有牛味，牛肉軟腍，不錯 咖喱海鮮煲：不夠咖喱味，海鮮不多 蒜蓉包：夠蒜蓉，但好燶 珍多冰：好甜侍應一開始的服務態度好差，叫了3-4次拎水都沒有拎，明明客人不多人手又足夠!!比爸爸明話他們服務欠佳時，即刻作出改善。事事服務周到，即使切蛋糕和影相都OK!!…Read More

男朋友最喜歡椰汁，每次見到椰汁大王都要買，椰汁大王的椰汁很香很濃，好重椰汁味，好好味！…Read More

好喜歡這裡的蛋糕，今次買了blueberry cheesecake，blueberry不算好濃，淡淡清香，cheesecake好滑，cheese味剛好，very good!!食多件都仲得，不過男友說好飽了!!唯有下次覆診再買!!…Read More

和朋友好久不見，天氣好熱，隨便在商場食下午茶，想坐得舒舒服服，於是去了維苑。點了兩客下午茶餐，味道普通不過，不算好難食，但超碼人少少，坐得好舒服，1345坐到1500，不停和朋友傾計。不過話說回來，如果天氣不是這麼熱，我一定會去其他地方不去維苑。…Read More

lunch想去想不起來，怎知中秋休息兩天，本來想去維苑，途經見到此店，便入來試試。因為我不太食羊肉，所以點了牛肉拉麵，牛肉都幾腍幾有牛味。但對我來說，湯底太油了，不太喜歡。店舖好細好窄，再去的機會應該不太大了。…Read More

一向我都不好日本菜，是日補祝同事生日，便到他最愛的元氣。1230即刻放lunch到元氣，不便等位，立即入座。 鰻魚飯鰻魚好肥美 帶子壽司，帶子超鮮甜，好新鮮 刺身新鮮鮮甜雖然我不好日本菜，但對食物質素都感滿意。同事有VIP卡，有折，請埋同事價錢也很經濟。…Read More