babepinkyc's Profile

唔知係咪換左人定點 之前成日食蕃茄湯牛腩粒通粉 都好好味 但宜家係要睇好唔好彩 有時買左外賣返黎 又油又冇味 唔知煮完咩好油又加埋落個湯度 又冇蕃茄 食緊油浸水通粉咁 牛腩粒又少左好多 係好難食 水準咁飄忽 點會想要幫襯 好嬲 買左外賣午餐但難食到食唔到 😥…Read More

附近開左間新餐廳 個樣睇落都幾好 所以同朋友落去試下 順便慶祝生日 結果一肚氣 入到去叫左野飲先 有麵包送上 7:30齊人就點野食好肚餓 樣樣都想食 中途有侍應幫我地換碟 等待食物 點知一等就等左差唔多成個鐘都冇上過一樣食物 問個男侍應 佢話我地冇落order 後尾佢了解完 原來女侍應扔左我地張單冇落到 ！！！ 係扔左！ ！！我地個日坐係餐廳既正中央位置 成個鐘都可以醒唔起我地落左單 咁點解要換碟？真係好古怪 仲要冇道歉都算...我地冇抱怨過一句 仲重新再落過單 然後.....又等左半個鐘 都仲係一樣野食都冇！！ 我地有order到牛扒 冇理由牛扒都煮半個鐘咁耐卦 由未到7:30坐到接近9:00都冇野食 再追問個男侍應 佢話：你地張單前面仲有4張單 要再等下我地即刻晴天霹靂 意思係個女侍應做錯扔左張單 我地仲要重新再輪過？ 餐廳做錯 要顧客承擔？ 落左單一個半鐘 俾個咁既答覆我地係好合理？ 忍唔住要搵經理講 點知個經理態度都係差到爆！！ 叫顧客包容下新餐廳 再等下！到底要等到幾時 我地唔係冇俾個機會冇包容過！但都唔係冇了期咁等..同接受佢地好差既態度！其實我地都係想要餐廳承擔責任要做錯既同事say 個sorry 條氣都順d 9點鐘咩都未食都真係好肚餓 有冇同理心 照顧下客戶既感受 有麵包或熱湯食住先好過一等再等！ 最後我地決定唔等 走 個男侍應舉姆指比讚 都唔知佢咩心態 後面佢走出黎話野飲唔洗埋單 我地就走左 同朋友慶祝生日 成9點都冇食過野搞到氣氛咁差朋友又嬲到喊哂咁 真係好激氣！！！無論間餐廳野食有幾好 我都唔會再幫襯！！…Read More

朋友們比較忙 冇時間走返深圳食酸菜魚 見到網上推薦呢間係：香港必試酸菜魚打著 太二酸菜魚班底 心諗都唔差得去邊 亦都預左香港一定唔會比內地抵食 但都冇理由差到咁我地一行4人揀左大份既酸菜魚 店員告知 4人揀豪華份會比較好 大份會唔夠 咁就當然信店員喇 另外可以揀最多3樣配菜 我地揀左寬麵 萵筍 同 腐竹 再揀左個小食 諗住應該都夠喇 呢間主打酸菜魚 為主菜 冇咩其他食咩 連麵飯都冇 同埋諗住最多只可以揀3樣配菜 應該會就返我地4人份量 點知完完全全錯哂！！ 自問4個女仔都唔大食 但食完可以好似冇食過野咁 ！ 個酸菜魚 鍋就大啦 裡面有3個魚頭 好似份量好多咁 我地每個人食左5-6片魚 3-5條麵 3-5舊萵筍 同1-2片腐竹 就冇啦 點解記得咁仔細 因為成晚8xx蚊就係食左呢d野 每人2xx蚊食左個魚蛋粉既份量都冇 再加上味道又唔係好出色好好味咁 貴唔緊要 食完1d滿足感都冇 真係超級超級失望呀！ 想補飛填飽個肚 餐牌上都冇其他野選擇 好多前菜 冇飽肚既食物早知個3個配菜都揀麵 起碼食飽左都冇咁伏到底係咪要每人配碗白飯 ？我真係唔知道唯一值得讚係環境幾舒服 不過我唔會再去第二次 :(…Read More

年三十晚想打個邊爐 周圍都full 哂 見呢間仲有位就試試 場地唔算好大 但坐唔滿 得幾枱 都覺得古怪食過就知點解咁少人食 揀左個有得燒烤加打邊爐既餐 以為可以雙重享受 點知雙重中伏 燒烤配幾款配料 都算樣樣有 弊就弊在個爐慢到喊 燒到天光都唔會燒完 我地燒左2款個爐就熄左 燒左個幾鐘都只係燒左2款 都冇哂意慾再開火燒 個邊爐d配料係任食既 但好少好少款揀 都冇咩野好食叫左牛肉 一碟得3-4塊 仲要硬到結哂冰 新鮮程度係0 個湯底不過不失 鴛鴦湯底 個辣湯係街邊辣魚蛋個湯 新奇得黎又古怪 仲有 所有野都係自助再自助 連落單都係QR code 場地又唔光猛 昏昏暗暗咁 冇咩人氣冇咩氣氛 明明打邊爐好熱鬧好開心 但呢間完全冇咁既感覺好可惜既一餐晚飯 …Read More

友人一向不愛韓燒 為了向她證明 現在的韓燒已不如以往劣質 精心挑選這間較多好評 而又入圍得獎的running 燒 但結果卻不如預期 餐廳是全點任食 沒有圍爐蛋 肉類不太新鮮 肉質又差 我們叫了一次都不想encore 個爐奇差 易燶 落油枝油又爛 油又會去哂爐底 爐面冇油 食物一燒就燶 但燒好個食物又出奇地油 解釋不了服務又不好 最後追加了10隻蝦 大概追了3次也沒有上 反而就催交枱第一次食韓燒沒吃飽就想放棄 感覺上這餐廳跟十年前的漢x韓燒沒大分別 只是餐廳外觀包裝比較像新式韓燒是次韓燒令友人對韓燒印象維持以往感覺 劣質 都不知道這麼多好評哪來 …Read More

本來打算book 隔離吉吉燒但full 左 咁就試下呢間啦 諗住隔離又係bbq應該唔爭得遠唔試由自可 一試冇回頭 首先已經貴20蚊一個人 但服務真係好一般 入座之後 得一個員工負責透爐 我地坐街尾 拎哂野食黎都未燒得 雖然唔限時遮 但都話聲我地聽 好冇 走去問d員工 d員工態度又唔好 好似唔耐煩咁 食物方面 bbq黎講 黎黎去去都係個d架啦 都冇咩要求要多花款 唔係丸呀 就雞牛豬扒咁 都齊既 弊就弊在d丸全部未解凍 燒到燶哂入面都唔熱既 有心做生意 d野食準備好小小啦D豬扒牛扒都係雪到硬哂 又唔入味 樣樣野都冇咩味 但食完又好口渴都唔知食左咩黎同埋可能食開吉吉燒太大對比 食開d蕃薯 粟米 金菇 係包好哂一份份 呢度係全自助 自己包又唔夠調味料 好失望呀 呢間野真係冇下次真心唔推介 …Read More

所有野都不過不失既 環境寬敞 食物都算可以 上菜唔算慢 唯獨員工完全唔得閒serve 客 嗌左15分鐘 都冇人加水 加茶 諗住自己加 d大水壺都冇水 要行入茶間卙 D員工見你自己卙 更加唔會幫你 裡面仲貼住「卙茶重地 不得進入 如有意外 後果自付」類似既野 不如改做自助茶樓啦 …Read More

之前行過見到幾多新口味揀 都幾吸引 今日專登走返黎試 好多口味都想試 好似蜂蜜 芝士 班蘭 同 羅宋湯 都好似好正但由於岩岩食完晚餐 比較飽都想揀個清清地 甜甜地既口味 唔好咁濟 於是揀左伯爵茶味 食左2啖先記得影相聞落都幾香但食落就唔脆 有小小1 pat 野咁感覺 伯爵茶味係有既 都幾好 略嫌差咁d蛋味 另外再加小小甜味就好喇 當下食完係覺得有點失望 口味係創新 但冇左雞蛋仔既神隨 試一次就算 …Read More

為左濃湯打邊爐而來 但個濃湯稀到水咁 友人問我做咩加d水落去 咪仲冇味 但其實我加既係濃湯 同水冇咩分別所有野都好似白烚咁 冇咩味難食到我連烏冬都冇烚冇食 點解可以咁難食 可能係我重口味啦 但去吉野家係食濃湯邊爐架嘛 白烚唔駛係度食啦 希望吉野家之後可以溝返好少少個湯 俾返少少味黎 …Read More

想食雞煲而來 見折實152蚊1位 任飲任食 覺得都幾抵食 點知中伏了!!!!!!!雞煲味道還好但份量少之又少 都唔知有冇半隻雞又唔係任食 1枱限1煲 4個人確係唔夠同唔抵加左湯打邊爐淡左勁多 完全唔係個個味食材極差 cheap都冇朋友可以話係樣樣食物都係最cheap個個level又難食 又唔抵 質素惡劣即係連豆卜呀 街邊車仔麵都好過佢 D牛肉一碟恰完得返1啖 少到丫但無論你嗌幾多碟牛肉佢都只係會俾1碟你 點夠食呀4個人 1碟得1啖 侍應態度又差 好似唔想serve 你咁 個個都企埋1 2 邊 野食1係就好快上俾你 1係就等勁耐 上菜係就咁pat 低係枱就算有冇諗過做生意既呢食完好似食左陣風唔係話預左俾咁既錢就食咁既野去酒樓打邊爐都係差唔多價錢 野食同服務都好好多囉 唯1好就係有汽水任飲 但好多餐廳都有嫁啦 唔會再幫襯呢間野 如果負100分係滿分 佢1定負120分…Read More