or#Tm66084444's Profile

爆爆鍋，石頭鍋，睇呢兩個名都覺得好台式，心癮起就想試吓啦，落咗單冇3分鐘就嚟齊啲嘢，心諗咁大鑊，石頭鍋唔係即刻爆嘅咩，原味湯底個面剩係得洋蔥粒，乜都冇，試完個湯仲衰過落一粒濃湯寶，就將焦點放喺加$20嘅麻辣鴨血度啦，聞落去都幾香嘅，點知試完一啖個味又係淡如水，試過包嘅配料，一啲都唔新鮮，蕃茄霉霉地，沙白蜆得嗰一粒又腥又有沙，真係喊出聲，食咗半個鐘已經唔想再食落去，埋單用咗差唔多$300 ，又難食，完全冇味，大伏，仲話係牛大人嘅副線連牛大人10份一都冇，名副其實係搵人笨嘅港式餐廳…Read More

伙記態度相當惡劣。一入去禮拜地問你地可唔可以轉兩人枱（人地岩岩走），好似前世欠左你老母咁，好惡咁話要坐圓枱，一定要迫人坐一入門口張圓枱，本身已經有4個西裝佬，人地張腳突哂過黎，想像下有幾迫。重有，雞飯係你地招牌，為左要令其他飯都清到，留1.30再賣。咁我係12.45-1.00去食，唔洗旨意食到雞飯啦。d人就係出面等到1.30先入，成個場其實有5成枱係吉既。一係咁，你增加多d雞飯，減少其他款式，咁又番到枱又比客人食到雞飯囉。野食就正常啦，因為食到一肚氣。…Read More

康強街新開左燒味舖，之前經開都想試，今次終於有機會。叫左個叉燒薰蹄飯，店員都冇問我係瘦叉，肥叉or半肥叉。首先上左味精老快人湯，正常啦！叉蹄飯，一上枱，心諗大檸樂，我唔叫你招牌燒鵝姐，洗唔洗瘦到咬唔落既瘦叉我，咬到我牙痛，薰蹄就好普通。失望見到隔離台有叫肥叉燒鵝，先有正常叉燒，你咁大間舖頭，個客唔講咁切咬唔入既瘦叉比人？唔係呀嘛，走之前都真望下個燒味櫃，重有好多叉燒喎，你咁樣蝦d第一次黎幫襯既客仔？老表燒鵝，莫非只有燒鵝先有普通燒味舖既質素？…Read More

由深水埗重係小店嗰陣開始食，餐牌雖然款式唔太，但每一款都係誠意之作。小店開始出名，太子開分店，人流越黎越多，開埋係尖沙咀。QR code 落左單，好快就上哂菜。首先，個雞鎚飯原全圖文不符，我以為自己叫錯？！圖片既咖哩汁份量充足，大家係後面嗰兩張相比較下。個飯又同圖畫唔同，係斑蘭飯而唔係白飯。個蘿白糕重好笑，52蚊比9粒我，只係有炸既感覺，個醬不過不失。好遺憾小店已經保持唔到原有既水準，餐牌越黎越多野揀，例如海鮮，貴價既小食。可以同蘇媽講再見了。…Read More

次次見到呢間野出面都有人排隊，今次友人鼓勵我買，就諗住試下。買左先知驚，女店員左手帶住手套，然後一時就收下錢，一時又整下熱狗，一時又撥下頭髮，然後見到佢拎住支熱狗又會撞到爐邊，超污糟。最好笑係個男店員話宜家先8點，然後個女店員就話fxck!想點先？等左10mins你重未出餐，你重嫌未收得工？我等左好耐，連人地既餐都有，終於到我。一拎上手，想去醬料區擠蕃茄汁都冇，其實支支都冇咁濟，要同佢講先換比你。味道呢？就係一條普通不過既炸熱狗。28蚊？等15mins?好後悔，咬左一啖要即刻影低有幾難食。…Read More

本身想食湯咖喱加左口魚西京燒，然後雞脾又冇，左口魚又冇，其實本menu既野都係只供參考，有咩都係scan qr code 作準，但係個網又冇相參考，最後叫左三文魚西京燒同牛小腸鍋。個牛小錫鍋偏咸都算，牛小錫又碎又韌，好似橡筋咁，然後收我兩百幾蚊一個鍋。唔知係咪真既日本味係咁既呢？…Read More

早幾個月前已經睇到呢間餐廳，一早save低想試。星期六太概4點30黎到，重需要等位。明明舖入面已經走左好多人，點解我重未等到職員安排入座既呢？咁就諗住入去問下個職員，一入去個職員就用態度極差既語氣同我講出去等叫number。無問題，咪出番去等囉。由於要每位最低消費38蚊，所以起碼要叫兩樣野，最後叫左四隻黑白土匪餃同埋六隻鮮蝦菠菜蒸餃配常溫四季春。首先四季春淡而無味，衰過佳之選既盒仔菜。第二樣上既係黑白土匪餃，屬於炸餃，外皮厚得黎吸哂油，內餡唔講唔知係雞肉，35蚊得4隻？食譚仔土匪雞翼好過！最尾上既係六隻鮮蝦菠菜蒸餃，上到黎，同招牌差天共地，蒸餃唔飽滿，個饀太重豉油味，一d菠菜同肉味都冇，實屬難食。咁就收我$86，職員服務態度又差！學我友人話齋，食$10一包既灣仔碼頭餃子都好味過食咁難食又貴嘅垃圾餃子。…Read More

見到黃埔近排開左串燒店，之前行過兩三都比經過出面，見到都唔小人等候入座，就一直想試。黎到餐廳，友人想要熱水/暖水，職員都表示冇，只有常溫水，唔緊要。首先叫左四串串燒同埋灸燒肩押肉拌麵，分別係牛舌、海鰻、雞翼同雞腎。四串上到枱，隔左三分鐘食，雞翼入口只係微暖，雞翼細隻不得止，重燒到乾哂身，毫無肉汁。而雞腎就細粒得黎又硬又乾，完全唔知食緊乜。牛舌入面者係凍既，而海鰻既皮一黎唔脆，二黎都係燒到無哂水份。極度懷疑火夫係煮定串燒，落左單先係咁燒熱番表面，先會導致所有串燒只係微暖。以48蚊得兩串黎講，真係係低於水準。之後灸燒肩押肉拌麵，見到個樣咁靚，心諗應該唔太曳，撈緊既過程見到個麵有標煙，心諗好彩係熱既。試下塊牛肉，得個甜字，而個醬汁得個咸字，成碗野好似唔多夾，唔好食。最後再加左兩串串揚物，好笑既位係店舖職員上菜既時候係話，我估呢串係煙薰肉，我心諗下，咁都得既。然後我話我地無叫過煙薰肉，佢先去廚房睇埋出菜紙，跟住更正番係煙三文魚芝士卷。職員咁樣靠估黎介紹，我第一次見。另外一串係雞肝啡菇。至於味道，兩串都不過不失，即炸，所以係熱既。食埋呢兩串，其實我地都未飽，但係我地都唔想再食落去，成餐292蚊，無下次！…Read More

之前已經食過呢間既火鍋，感覺都幾唔錯。今次就約左朋友，諗住試下新湯底，就揀左沙嗲湯。然後重揀左好多配料，包括響鈴同牛肉。一上左湯底，用個湯勺左搞左一搞，心諗咁足料，杰到咁既。然後就用呢個湯焯既牛肉，完全食唔到任何鮮味。個響鈴先係世界級，一黎就係唔係即炸，兩黎吸埋個濃湯，真係成塊枱布咁，吸滿哂所有湯汁。平心而論，餐廳既火鍋材料係新鮮既，但係個湯實在太足料，我地似飲緊沙爹羹，所有食材都只係得番沙爹味。 張相已經係將2/3既濃湯拎走，加熱水，都重係好濃味，又咸喎。最後連野食都食唔哂，全晚同第二日都想反胃，沙爹濃湯實在太恐怖😱。經過今次有陰影，唔敢再食任何沙爹野。…Read More

餐廳叫做蛋哥，見到個名咁有趣就想試吓，見到個菜單掙扎咗好耐，揀唔到，職員就推介肉碎煎蛋飯，佢話多人食喎，見佢咁誠意推介就嗌左肉碎煎蛋飯。碟飯一上枱第一個反應，就係同實物圖撐咁遠嘅？！明明餐牌上面影到d肉碎好有鑊氣，一上枱啲肉碎又淺色又濕潤，絕對唔係預期之中既乾身同埋有鑊氣，雖然隻蛋嘅顏色非常之靚但係識落其實都冇乜特別，就唔係好值$58一個飯囉。大家要試都好，都唔好肉碎煎蛋飯！…Read More

本身滿心觀喜試呢個小店，買左6個便當，有6杯野飲，店員用一個膠袋裝哂所有野，真係不得落佩服店員執外賣既技術。可惜，袋野真係好重，完全不便於運送。再者，個炸雞先係重點，一打開個蓋，黑得如墨汁一樣，以為係調味料先導致有呢種顏色，一食，陣燶味立即湧到喉嚨。炸燶唔係問題，炸燶都可以照出單賣比客人？！呢個唐楊炸雞不如改名叫致癌炸雞，睇呢個顏色都真係好開胃。…Read More

每個星期都會經過呢到，每一次都覺得好香，想試好耐，今個星期終於有時間去試，滿心歡喜。一見到個外賣盒咁細個，重要裝唔滿個盒，已經非常擔心。我叫左西蘭花忌廉汁雞胸扁意粉，意粉既味道係okay既，雞胸少得可憐，得5小塊，重要乾過柴，西蘭花切到好似比小朋友食咁。呢個午餐要68蚊，然後食完個肚重好空虛。總結，完全不值得光顧。…Read More