wongtszphoebe's Profile

最近喺網到見到有間新開嘅越南美食，今日特登去路德圍試試佢雖然下晝5點左右去到嘅時候暫時冇貨但好彩夜晚再去嘅時候都仲有兩種越南法包買🥖最後買左一個特色越南法包($65)味道都唔錯特色越南法包餡係扎肉黎一個都幾大個，標準越南法包size，夠晒飽肚個法包外鬆內軟，表皮夠脆又唔會好硬入面夾住好幾款扎肉、醃白蘿蔔、青瓜絲同埋芫荽醬唔多 食到牛油香味 但唔係好食到豬肝醬味依款口味偏清淡少少 唔會話好咸好濃味醃白蘿蔔幫手解膩 食完成個包好滿足下次再早啲去應該會多啲選擇！會想試撈檬同埋其他法包~總結係好味的🥖🥖…Read More

今日終於試到長沙灣網上知名度都幾高嘅cafe LUNGO💖網名果然冇介紹錯，好好味🥹今次好早就去到，叫咗Smoked Salmon and Mentaiko Tuna同埋Avocado and Guacamole兩款Bagel都好好味🥯Smoked Salmon and Mentaiko Tuna $74煙三文魚同明太子吞拿魚醬好夾，好有海鮮嘅鹹香加埋少少cream cheese同沙律菜更加好味Bagel 係All in one bagel，稍微烘得硬咗少少，但係都好煙韌，好好味Avocado and Guacamole $64本來諗住淨係叫一個Bagel，點知食完煙三文魚之後忍唔住非常放肆地叫多咗一個Bagel嚟試🤣揀咗個牛油果Bagel，味道都好唔錯！帶微微辣，加埋沙律菜同少少沙律醬反而鍾意依個Bagel多啲，雖然都係all in one，但佢冇烘得咁脆硬，仲帶少少面包嗰種煙韌軟熟嘅感覺💖Cafe lattle $42本來諗住要黑芝麻latte點知原來依家已經冇得叫了:(((Cafe Lattle就普普通通冇咩特別 味道比較淡 冇咩味總結：環境坐得好舒服，可能我去得比較早都冇咩人地方好幽靜，氣氛唔錯🥯有機會一定要再去食過！正正…Read More

今日去左試荃灣AEON STYLE food court 入面嘅天米🍙味道唔錯 有機會會再去食鋪頭喺AEON入邊都好易搵，佢有唔同嘅飯糰套餐選擇，今次我揀咗Set A(一個飯糰+是日湯品)醬油漬蛋黃雞肉碎+野菌湯 $48飯糰大大個🍙一個都夠晒飽，佢唔只係上面有餡，成個飯糰入面食到最後一啖都係有蛋黃雞肉碎，味道都唔錯，蛋黃醬油味幾香，又唔會太鹹因為係即叫即整所以會等耐少少，不過師傅握得唔係好實，食到尾會散，有啲狼狽🤣勝在佢仲會送埋一條獨立包裝嘅毛巾仔俾你抹手，都幾貼心是日湯品有三款，嗰日係野菌湯，個湯好清好鮮甜，有野菌京蔥同魚板，飲完個胃暖笠笠好舒服，另外兩款係雞肉湯同埋豚肉味噌湯，有機會都好想試吓🥹明太子玉子燒 $15追加咗一份小食，玉子燒甜甜地，面頭有用火槍燒過所以有陣火炙嘅味道，加埋明太子醬，味道都唔錯佢飯糰都有好多唔同嘅選擇，朋友嗌咗個芝士明太子飯糰，啲饀爆曬出嚟，試咗一啖都幾好味🍙Food court雖然唔係話好大，但地方都叫做坐得舒服，飯糰即叫即整熱辣辣又大大舊，有機會會再去食！希望下次可以試到雞肉湯🥹🥹…Read More

Bookmark左好耐嘅Bagel店，見到有好多人推薦，滿心歡喜特登去紅磡食，點知中了大伏...份量又細又貴味道都好一般，完全同網上睇嘅係可以話一啲關係都冇叫左厚切雞扒菠蘿Bagel，煙三文魚Bagel同埋一杯latte同椰青美式咖啡厚切雞扒菠蘿Bagel 加一杯lattle $104.4價錢嚟講佢係一啲都唔平，重點係佢叫厚切雞扒，到底厚切左喺邊？一打開個Bagel一邊係得一塊1cm都冇嘅薄雞扒而另一邊係得一粒雞皮喺入邊無錯係一粒雞皮我哋係要自己問職員攞份刀叉切開塊薄雞扒等兩邊都有肉食無論係同網上嘅圖定係佢菜單上面嘅圖都可以話係一啲關係都冇，個Bagel仲又凍又硬，菠蘿係冇味嘅，雞扒就普通屋企煎嗰隻味，真係好失望杯lattle得死甜味，而且好細杯有圖有真相：煙三文魚Bagel加椰青美式咖啡 $104.6個實物同大家嘅圖依然係一啲都冇嘅三文魚就應該得兩塊都算個Bagel我揀咗混合Bagel(洋蔥加蒜加芝麻)，同樣係完全唔熱，而且好硬係比雞扒嗰個全麥Bagel更加凍同硬杯椰青美式咖啡我仲以為佢落漏咗椰青水喺入面，係得咖啡味，0椰味兩個包都又薄又凍，明明啲食評全部都話好足料點解會咁嘅:(鋪頭地理位置一啲都唔易去今次係特登去食真係好失望絕對唔會第二次警世文 大家想食好味Bagel有好多選擇唔駛特登去食依間…Read More

之前喺社交媒體網站加入左香港cafe關注組，見谷友推薦屯門嘅Pal.💭作為大西北人類星期六就去左試下，味道都唔錯-店舖位置唔算難搵，喺何福堂輕鐵站附近，但舖頭比較細，客同客之間就坐得逼啲，周末要等一陣位，我地星期六1點左右等左10分鐘左右就有位，職員有4個(態度友善)，野食等左15-20分鐘左右就上齊有得食我地兩個人一共叫左慢煮雞胸自家製青醬意粉🍝煙三文魚沙律🥗同埋一杯熱Cappuccino☕️-煙三文魚沙律🥗$118沙律份量ok，食材幾新鮮，牛油果雖然細小小但好熟同淋，個南瓜烤得好好食menu寫個醬係自家製洋蔥蜜糖汁，加埋新鮮蕃茄仔同啲醋漬洋蔥，酸酸甜甜咁仲有水波蛋汁一齊食唔會覺得得沙律菜食好寡，好味！而且食完都飽嘅慢煮雞胸自家製青醬意粉🍝$98雞胸好滑一啲都唔柴，意粉掛滿青醬，味道都唔錯，但係份量就比較細啲，朋友食完之後都唔飽🤣Cappuccino(熱泡沫咖啡)$42(偷飲左一啖先影;;)味道正常，普普通通嘅一杯咖啡，凍冰冰嘅天氣飲杯熱飲人都暖返哂~☕️總結：食物味道唔錯嘅小店，但因為店舖細，人流多坐位貼，就唔多適合想去cafe慢慢chill嘅人啦會回顧，下次想試下Bagel同檸檬氣泡咖啡🥯🍋下餐見~(btw for可能因為份量比較細而唔夠飽嘅朋友仔食完可以去隔離舖買越南法包試下，轉角就係，味道都ok㗎🥖🤣)…Read More

一直bookmark左好耐嘅韓式餐廳🔖店面唔大 星期日夜晚去都有人等緊位 建議預先訂位三個人叫左辣炖雞湯(大份)加刀削麵👐🏻韓式無骨雞腳👍🏻燒酒加cass啤酒同埋活動送嘅韓式糖餅🥯-辣炖雞湯(大份) $478 + 刀削麵 $40雞湯湯底加左一堆蒜蓉同京蔥夠哂香辣惹味，啲雞好滑夠入味，可以唔駛點醬油食，配菜仲有年糕同薯仔，年糕煮到腍身就食得，啲薯仔都好腍好入味，個湯越煮越濃，加埋個麵夠哂飽韓式無骨雞腳 $150掛住食冇影到相，一入口燒烤味好香，有種程味珍豬肉乾嗰陣炭烤味，味道夠哂辣，係辣到個口食完之後會有少少發苦嗰種，煙煙靭靭，份量都多，整體黎講可以一試-韓式糖餅今次撞中店舖活動滿$500送一份糖餅，感覺似係加左肉桂粉同蜜糖加少量瓜子嘅煎堆😂，普普店員都好有禮貌，整體黎講會再回顧！下次想試炒章魚同清湯炖雞🗯下餐見~…Read More