為食小忌廉's Profile

開工前食件甜品叉叉電～😌開心果味嘅甜品唔係咁多地方整得好，通常一係好甜又或者開心果味唔夠突出，但呢度呢個開心果巴斯克芝士蛋糕，估唔到超好味❣️😍好濃郁嘅開心果味加埋香濃嘅芝士，仲有側邊嘅開心果cream，雖然好邪惡，但真係好正～～🤤每一啖食落都好幸福🥹唔怪得知見咁多人都讚👍🏻開心果迷真係值得去試吓～👍🏻☺️😋咖啡都算唔錯，下次要試埋佢啲開心果味嘅飲品先得～呢度雖然係一間小店，但係感覺都好舒服同靜靜地，呢度都有好多其他嘅主食供應，有機會真係要嚟試吓先得～😋…Read More

尋日係小小的慶祝日💕第一次來到Rosewood酒店地下嘅BluHouse，好鍾意呢度嘅氣氛好Chill，環境空間夠大，唔使同隔離啲人坐得好近，服務亦都幾好～食物方面，叫左比較多人推薦嘅幾款款式：頭盤嘅八爪魚沙律、Margarita pizza、Lasagna千層麵、燒豬腩肉～八爪魚有趙口但又夠軟熟，配埋調配過嘅橄欖油汁一齊食，送酒一流👍🏻薄餅唔係薄身果種餅底是厚的，但熱辣辣好鬆軟，一樣很好味～😋Lasagna 裏面好足料，芝士同埋肉醬配搭非常好，而且份量好大份，真係邪惡嘅美味～🙊燒豬腩肉幾有驚喜，皮好脆肉好嫩，不過得兩塊皮如果多少少就好了～旁邊的炒薯仔都好好味，好香嘅香草味～👍🏻甜品有好多選擇，最後叫咗朱古力泡芙，出邊嗰層係黑朱古力醬唔會好甜，裏面包着一啲好濃嘅吉士忌廉，唔錯～👍🏻不過如果忌廉可以軟滑多少少更加好，唔知係咪可能雪得耐咗～呢度嘅食物份量都比較多，我地兩個人食呢幾個真係超非飽了～期待下次去再試試其他的菜式😋…Read More

同👨🏻慶祝生日，揀左嚟Morton’s食扒～🥳💞好Lucky坐咗將梳化位，所以都好舒服～每樣嘢都好好味，好鐘意佢餐前個洋蔥包，雖然勁大個，不過都忍唔住自己食咗半個🫢生蠔勁鮮甜，個porterhouse steak好正，可以一次過食晒兩種牛扒嘅口感～🤤而個Side dish creamy Spanish超有驚喜，勁好味！雖然好邪惡每啖都係忌廉汁，不過好快就俾我哋清咗🤣甜品之中最鍾意佢嘅疏乎厘，整得超好👍🏻，超有空氣感，食落好似食咗陣風咁❣️🤣😋而心太軟都不錯👍🏻Staff都好Nice，慶祝生日會幫我哋影張相即刻哂返俾我哋～超滿足嘅一晚～～❤️❤️…Read More

由中環幫襯到銅鑼灣嘅Al Forno，食物質素每次去都係咁好，而且性價比高～🥳海鹽和黑椒炸雞翼：外層炸得好香脆，裏面嘅雞肉嫩滑多汁，送酒一流🤤肉丸配芝士蕃茄醬：呢個有驚喜，肉丸質感好好，上面佈滿蕃茄醬同埋邪惡嘅拉絲芝士，好好味🤤蜜糖燒烤醬烤雞件紅洋蔥菠蘿pizza：平時通常食開佢嘅北京填鴨pizza，呢個第一次試，估唔到呢個配搭都好出色，即叫即做，甜甜哋嘅BBQ醬，配上嫩滑嘅雞肉、酸甜嘅菠蘿，兩個人極速已經K.O.咗成個～🤭Al forno Tiramisu :呢個招牌甜品必定要食，做法同好多西餐廳都唔同係比較傳統，底層有鬆化嘅手指餅，上面嘅cream亦都好軟滑，yummy~~😋雖然呢度係一間小店，但係店員每一位都好親切，特別係老闆Gary除咗用心製作食物，亦都好用心招待客人，係傾吓飲下食下嘅一個好地方～❤️😙👍.…Read More

人氣超高巴斯克芝士蛋糕網店，終於開咗實體店响K11 Musea 👍之前一直都超鍾意食佢哋嘅鐵觀音味巴斯克芝士蛋糕🤤，今次試埋新出嘅炙燒奶蓋芋泥巴斯克芝士蛋糕（芋頭味Fans🙋🏻‍♀️🤭），好特別嘅層次😍👍最頂嗰層係好似焦糖燉蛋嘅奶蓋免頭係脆、奶泡口感好creamy，中間係一層厚厚嘅芋泥，最底層係軟心半熟巴斯克芝士蛋糕～🤤因為唔係即刻食，所以返到屋企自己先至用火槍炙個焦糖脆面～估唔到呢三個層次配搭出嚟效果係咁特別，食落有幾層嘅口感～🥹次次都忍唔住自己K.O.半個🫢🫣So yummy～～😋💜💜鍾意食芋泥嘅真係要試吓👍😁，不過記得要預訂喔～…Read More

同好友慶祝生日🥳，因為朋友係食素所以揀咗呢間全素食嘅法國菜～🌿呢間嘅老闆主廚係一個法藉人叫Tina，每一款菜式都係好用心製作同埋好精緻，餐廳內裝修格局都好靚好舒服，大部份嘅枱都係窗口位～特別讚服務員首先好用心咁介紹每一款食物，而每一樣菜式來到嘅時候佢哋又會再講解嗰度菜嘅做法～👍對於第一次食全素西餐嘅我，係好好奇每一樣菜式係用啲乜嘢做～😆估唔到大部份都係用腰果做出來的～😮其實好多款都想試，不過得兩個人所以都係叫咗兩個前菜、一個芝士拼盤再加兩個甜品～.開始嘅時候會送上兩個餐前小食Frittata西班牙蛋餅，因為全素嘅關係所以唔係用雞蛋整，而係用豆腐製成，有啲似蒸蛋嘅感覺，味道不錯～🍽芝士拼盤Cheese platter：呢度有好多款自家製嘅全素芝士選擇，佢哋全部芝士都係用果仁製成，服務員推介左呢兩款，兩款都意外地好好味～🤤成個拼盤擺盤好靚，上面仲有啲生酮麵包同埋穀果脆餅、無花果將用來伴芝士食～🧀Brie: Pink Peppercorn：平時最鍾意食Brie cheese，第一次食素食版～😆入口好軟滑，裏面有啲紅胡椒，食落嘅時候會有少少胡椒粒嘅香味同口感，Nice～🧀North Pole Star:係一種blue cheese，呢個超鍾意，食落佢充滿鹹香有腐乳嘅味道，味道軟滑濃郁，好夾送紅酒～🤤🍽鵝肝醬Faux-Gras liver pâté(Dried fruit chutney, keto bread, flaxseed cracker)：肝醬係用腰果製成，雖然冇真鵝肝嘅羶味，但口感濃滑，配埋嗰個無花果醬、脆餅同生酮麵包一齊食，好特別好甘香，同埋完全冇平時食完鵝肝嗰種邪惡感～😌🍽魚子醬Chiaviar(Chia seed, cashew sour cream, quinoa blini)：呢個一上枱好吸引因為真係好似真嘅魚子醬一樣😍擺盤好靚，呢個素魚子醬係用奇亞籽整成，仲有海藻，食落去會有啲黏黏哋同埋一粒粒嘅口感，充滿鹹香～配埋個藜麥餅同埋酸忌廉一齊食，出奇地好味～👍🤤🍽焗蝸牛S-Car-Go!(Medley of mushroom, morel, mashed potato, garlic butter sauce, parsley cream)：呢個係由炒蘑菇整成，上面有啲好滑嘅焗薯蓉、牛油蒜蓉醬，整體都幾好食，不過就未算好大嘅驚喜～不過擺盤真係好有心思上面仲有個蝸牛殼👍甜品有好多款，選擇困難之下揀咗兩款：🍰Classic "Tinamisu"(Coffee, chocolate, vanilla) ：呢個個名係用咗老板主廚Tina個名改的，係絕對必食！🤤本身冇太大期望因為知道佢唔係平時嘅Tiramisu整法，冇酒同埋唔係嗰種質地，但如果當佢係另一種款式嘅甜品去嘗試的話，係真係好驚喜！😍呢個蛋糕裏面有咖啡、朱古力同埋雲呢拿，食落有三個層次、三種軟滑嘅味道，呢個我同朋友都超鍾意！🤤❤️👍另外因為係慶祝朋友生日，蛋糕隔離仲放咗一個會轉嘅音樂盒，播住生日歌，好靚，影相一流👍🥳🍰雜莓芝士蛋糕Triple deck mixed berry cheezecake：呢個芝士蛋糕擺得好靚，都係用果仁製作成，底層有少少餅底，配上好多新鮮嘅野莓同埋莓啫喱，酸酸甜甜🍒🍇不過味道就一般，始終都係鍾意另外嗰個甜品多啲～另外叫咗兩杯紅酒，都係服務員介紹的，係from意大利，medium body帶果香，同啲食物好夾，Nice~👍🍷整體呢餐嘅體驗都係非常好，無論環境、服務、食物嘅賣相同味道等等都係好出色🌟用全素嘅概念都可以整出咁高級嘅菜式，真係超贊！👍.其實有時候唔想食太多肉，不妨試吓呢類型健康、天然嘅菜式，都係一個非常好嘅選擇～😊🌿…Read More

呢間Habitu係我其中一間好鍾意嘅Cafe，經常都會帶個電腦去做吓嘢，環境舒服食物又OK，最鍾意佢杯玫瑰咖啡～😚今次第一次試佢呢款King of Cocoa特濃朱古力蛋糕，估唔到超好味！😍裏面嘅黑朱古力味非常濃郁，仲有啲Rum酒提子、最底層係合桃Brownie，整體又唔會太甜，每一啖食落都好幸福～～🤤朱古力迷必試！👍👍咖啡方面就係佢哋一貫水準，都係好好飲～😋杯Irish coffee係第一次叫，未試過飲咁大杯😳如果酒味濃可以再濃多少少應該會更好～…Read More

第一次試呢間百年老牌的意大利式甜品，環境幾舒適，每件蛋糕都好精緻好靚，每樣都好想試😍最後揀咗三款蛋糕、半打迷你撻：開心果櫻桃蛋糕：裏面有開心果慕絲、仲有酸酸甜甜嘅櫻桃， 最底有一層薄薄的朱古力蛋糕，慕絲都算滑溜，味道只屬正常質素～鮮果吉士千葉酥：呢個係佢哋招牌甜品，估唔到呢個幾好食～👍每一層酥都做得好薄好鬆化，裏面嘅吉士醬好滑，配上新鮮嘅紅桑妹，完全唔會覺得漏，呢個應該要每人一件先至會夠😋意式薩赫蛋糕：呢個係一個傳統蛋糕，之前響奧地利食過已經好鍾意，香港唔多地方有呢款蛋糕～呢度味道做得非常不錯，朱古力味濃但係又唔會好甜，蛋糕裏面有淡淡的酒香，反而我自己就最鍾意食呢個👍🤤反而果6件迷你撻就真係非常一般，個撻底皮好厚好硬😅下次去都唔會再叫呢啲撻，都係食返蛋糕比較好了～飲品方面當然要試返呢度嘅傳統意式咖啡，呢度杯咖啡好驚喜！雖然冇加奶，但係咖啡味道香濃，好好飲👍，前後忍唔住飲咗兩杯🤣呢度整體環境都坐得舒適，如果想食下甜點同朋友傾吓計，呢個係一個不錯嘅地方～下次會來試試佢哋嘅晚餐～😋…Read More

前幾日book咗呢度，一家人同嫲嫲補祝生日食飯，點知換來極差嘅體驗😤👎👎.食物方面，除咗一開頭嗰個乳豬係最好食之外（乳豬需要一早預訂），其他小菜等等都係非常之一般～片皮鴨直程差到一個點，啲肉超老好鞋，嗰個侍應切片皮鴨切到係好厚一塊塊，好求其，完全唔係平時薄身嗰種切法，我哋12個屋企人一致都覺得好失望～龍蝦伊麵，龍蝦份量少，仲要啲殼多過啲肉～叫咗個花菇海參煲，呢個仲離譜，成個煲得幾片海參，仲要貴，超級無敵唔抵食👎.食物普通都算，最差嘅體驗都係來自於佢哋嘅服務，幫我地嘅一位男侍應由一開頭其實態度已經好差，問佢乜嘢、有啲咩要求佢全部都會Say左 no先！（如果係有好嘅服務，其實應該係可以按着客人需求睇吓會唔會幫到手）片皮鴨都係佢切，完全冇心機片，出嚟嗰啲根本唔係片皮鴨而係一件件嘅鴨肉囉！.態度差都唔緊要，好戲在後頭！片皮鴨剩返嘅鴨殼，我屋企人想拎走返屋企，然後我哋同嗰個侍應講可唔可以幫我哋斬件，首先佢已經一口話唔可以斬件，（但係其實片皮鴨嗰把刀同埋張枱都仲響度，點解唔可以幫我哋斬開幾件方便拎走呢？就算係點解唔可以拎入廚房處理呢？！）😤.然後我哋要求用外賣盒幫我哋pack起拎走，佢竟然走去搵個外賣膠袋，然後竟然連膠手套都唔帶，就咁搵佢哋酒樓嗰啲濕紙巾套包住鴨殼，就咁好似掉垃圾好用力咁掉落嗰個外賣袋度，跟住就俾我哋！🤯我問佢點解會唔用盒而係用膠袋呢？然後佢就話個盒唔會放得晒，基本上平時啲人都係用呢個袋，我話好唔衛生，上邊又唔係封口，跟住佢同我講話已經好乾淨，又話個個都係咁拎㗎啦，跟住又話啲盒好貴㗎，其實我心諗如果你俾我嘅話就算啲盒貴啲我都唔會介意，因為企理同埋衛生係最緊要囉！😠.最扯火就係見到佢膠手套都唔用，竟然用嗰啲濕紙巾套，就咁揸住嗰啲鴨殻掉落個袋，仲要係好粗魯嗰隻，當刻我感覺覺得自己好似乞兒？好似乞求食物咁然後被粗暴對待！😡去到最後成餐飯真係好唔開心，中間上菜又急，佢唔會理你點樣亦都唔會理你張枱夠唔夠位放，總之就拎晒所有嘢出嚟，成餐飯又唔係抵食～.其實到最後我個心真係好嬲，本來難得成家人團聚食飯想開開心心，明明以前響我心目中嘅鴻星係唔會咁差的，估唔到今次換來一個咁嘅體驗！本來真係好想即刻搵經理理論，因為同屋企人一齊而且又有老人家，所以當晚始終我冇即刻咁樣做，但係我已經記低嗰個侍應嘅名第二日向經理投訴～.今時今日，一間食肆要做得住其實服務真係好緊要，食物質素可以改，但係如果因為一啲咁樣嘅服務體驗影響到的話，你叫客人點樣夠膽再嚟呢？！重點今次令我咁憤怒係，呢樣嘢係完全關乎涉及衛生問題，喺而家嘅疫情底下，竟然處理得咁唔衛生，難道平時佢哋都係咁樣對待所有客人的嗎？.鴻星由咁多間而家最後變到得返兩間，其實都希望如果可以有更多客人同好嘅口碑的話，睇來真係要嚴重改進同埋重視返服務、衛生、食物質素等等～不過經過今次，我成家人同埋包括我自己以後都唔會再去幫襯了🙅🏻‍♀️🙅🏻‍♀️🙅🏻‍♀️…Read More

四季嘅afternoon Tea一向係我最鍾意嘅頭幾位之一，水準一直都好穩定，環境舒適服務又好～👍今次一聽到今個月做緊白桃主題🍑，即刻心心眼😍忍唔住同朋友嚟試吓～今次估唔到每樣款式都超好味，連朋友嗰個素食嘅鹹點都好出色～💓鹹點有四款：👇🏻🍑鴨肝撻伴紅桑子白桃啫喱：超香濃嘅鴨肝醬，配上紅桑子白桃啫喱，成件事好夾，鴨肝味道濃郁～🤤🍑燒鴨伴溫室青瓜、海鮮醬、海藻粉配迷你法式泡芙：鴨肉絲好幼細混合左響海鮮醬裏面，配上法式泡芙嘅口感，好味～😋🍑金文畢芝士伴焦糖白桃、黑醋珍珠配酸種麵包多士：軟滑嘅芝士上邊配上酸酸甜甜嘅醬，呢個組合唔會輸～😙🍑雪蟹沙律、雞蛋配法式曲奇：呢個有點意外地好食，本來以為係普通曲奇餅底冇乜特別，點知上邊嘅雪蟹沙律同蛋食落好Juicy有蟹肉汁，配上嗰個鹹鹹甜甜嘅曲奇餅，成件事好夾好好味～😍甜品方面有五款：🍑北海道忌廉及白桃茶啫喱：好軟滑好清新，一啲都唔會偏甜，好容易就清晒成杯～🤤🍑鮮日本白桃撻：呢個超好味！撻上邊嘅白桃好清甜好Juicy，裏面嘅吉士醬好軟滑，呢個食落充滿幸福感～😍🍑白桃雲呢拿卷：呢個我又係超鍾意～雲呢拿卷蛋糕軟熟，裏面嘅cream好滑，配埋上面嗰塊清甜嘅白桃，yummy～🤩🍑開心果法式小蛋糕伴鮮桃及紅桑子：法式小蛋糕，相比其他就唔算突出～🍑幼滑白桃忌廉伴杏仁餅乾：白桃味都突出，不過呢個就略偏甜少少，不過配埋塊杏仁餅乾食就會中和返～四季特色鬆餅配傳統英式忌廉及白桃馬鞭草果醬：四季嘅鬆餅一向質素都不錯的，今次佢哋嘅鬆餅配上咗白桃醬，白土醬裏面仲有好多白桃果肉，同鬆餅好夾，轉眼間啲仗就俾我哋K.O.晒了～🤭總括來講，今次四季呢個Tea真係好高質～👍🤤不過可惜只係做到七月尾🙁，希望酒店可以延長呢個主題嘅時間，等我可以下個月再同朋友去再食過就好了～🥹又係一個滿足又relax嘅下午～❤️…Read More

尋日老公俾咗個驚喜，安排咗呢間之前一直想試嘅法國米芝蓮餐廳，慶祝我哋嘅相識紀念日😍🥹（其實我完全都唔記得🤣🙆🏻‍♀️🫢）每樣嘢食都好高質：🍽Angel hair pasta, Kristal caviar, black truffle, kombu：好特別呢個係用來做頭盤，黑松露魚子醬天使麵加入咗昆布，入口超香濃嘅黑松露味，天使麵非常之Al dente，仲有高質嘅魚子醬～So nice!🤤🍽Smoked organic egg, potato, chorizo, buckwheat：煙燻流心有機蛋，底層係超軟滑嘅薯蓉，配埋面頭嘅Combination，出奇地好好食～😋🍽Roasted yellow chicken,Niigata rice 'en cocotte', salad：嚟呢到必食嘅招牌燒黃雞🎖，呢個真係超正～🥹雞皮薄脆，肉質有口感得來一啲都唔鞋，好香濃嘅雞味，同個汁好夾～仲有原個鑄鐵鍋上嘅雞油飯，用左日本新瀉米，吸收晒啲雞湯仲有雞皮響面頭，超正～🤤雖然隻雞同啲飯份量好多，但係我哋兩個人極速就掃晒～🤭🤣甜品方面，Raseberry Pavlova同埋個Madeleine兩個都好出色，最鍾意係個Madeleine，係傳統嘅法國貝殼蛋糕，即叫即焗外脆內軟，食完仲好想食多幾件～🥹🤭😍總括呢餐飯真係由頭到尾都好好味，好滿足，環境好靚好舒服，服務亦都好好，介紹嘅紅酒亦都好好飲～👍多謝👨🏻嘅安排～Happy 2000 Days🥰💕…Read More

今晚同爸爸提早慶祝父親節，揾左呢間隱世小店一試～餐廳環境比較細，我地5個人安排坐在最後嘅枱，亦都冇多餘位置可以放自己嘅物品，空間感一般～食物方面，套聲性價比高，平均$188-388一個Set Dinner~套餐跟嘅黑糖包熱辣辣好軟熟，好味～煙三文魚沙律：正正常常嘅沙律菜+煙三文魚～南瓜湯：呢個好好飲！好甜好Creamy~套餐加配嘅生蠔：呢個生蠔超抵食，價錢雖平但質素唔錯，幾大隻而且都新鮮同鮮甜～三文魚籽帶子忌廉蟹肉意粉：個汁好Creamy同好濃芝士味，帶子煎得啱啱好，意粉好Al dente~西班牙黑豚豬鞍：呢個我只係試咗少少，質素唔錯！厚切令到口感好好，肉質亦都唔會鞋，邊位煎得夠香～脆皮德國鹹豬手：呢個係咁多個主菜之中最好食！鹹豬手個皮非常之香脆，肉質幾嫩，呢個真係整得好好食～🤤蜜糖黑椒汁都幾夾👍之前睇咗好多食評片都係推介呢個，食完都真係真心推介值得來試吓佢嘅鹹豬手～～👍安格斯肉眼扒：呢塊扒份量夠大，但肉質偏林，牛味唔夠濃，脂肪位太多（比起平時嘅肉眼扒位置嘅肥膏位多咗），叫咗medium rare,不過來到就似係medium～整體只屬一般質素～反而配菜嘅炸薯角就好好食～甜品方面叫晒三個跟餐嘅款式～法式焦糖燉蛋：味道不錯蛋味濃，不過就唔夠滑，如果可以滑身啲會更加好～朱古力心太軟：呢個有驚喜好好食！裏面朱古力夠晒流心，朱古力味好濃，個雲呢拿雪糕都好好食😤🤤Tiramisu: 呢個比較失望，雖算軟滑但可惜酒味不夠濃亦都唔夠濕潤，整體一般～呢度嘅服務，男仔侍應服務態度尚可，兩個後生女仔感覺比夠新手，不過都睇得出佢哋用心嘅～整體呢度雖然食物未算好突出，不過以呢個價錢嚟講已經係性價比真係好高，如果鍾意食鹹豬手真係值得來試吓👍…Read More

今日朋友帶咗我去呢度食飯，推介性價比高又好食～估唔到小店都有驚喜，而且服務員態度亦都好好👍（謝謝一位好好嘅男仔哥哥，細心態度服務又好）煎帶子配哈密瓜蘋果沙律.胡麻醬：帶子煎得香口，沾滿胡麻醬嘅沙律菜上面鋪咗一層哈密瓜蘋果粒，幾清新～☘️如果帶子可以再生少少會更好～溫泉蛋配黑松露卡邦尼意粉：呢個好食，個汁好香濃，朋友食素所以走咗煙肉，雖然冇肉但係味道依然好味，意粉煙靭度啱啱好😋香煎比目魚伴龍蝦汁雜菜：比目魚皮脆肉嫩滑，龍蝦汁鮮味，仲有好多雜菜伴食，唔錯～果汁如果再咸返少少更好～炸番薯條：叫咗呢個用嚟送酒，配上黑松露蛋黃醬，好香口送酒一流😋白酒叫咗兩杯Riesling，正正常常易入口嘅味道～總括呢度性價比真係好高，下次要你試埋佢其他出名嘅主食先得～😍…Read More

四季酒店嘅下午茶一向係我最鍾意嘅頭五位之一～呢排見到佢哋出咗櫻花主題下午茶，即刻忍唔住book去試吓～😍🌸鹹點方面有四款，其中兩款比較好食係個碳煮鮑魚、粉紅魚鬆、櫻花潢物迷你撻同埋叉燒沙律、玉子、蕪菁墨西哥卷餅，但鹹點整體唔算好突出～而甜品方面四款都係以櫻花做主題：🌸🌸櫻花香檳白桃寒天：呢個好似pudding咁樣，裏面係寒天，上面有啲白桃肉同埋脆脆，好清新～🌸士多啤梨樱花忌廉卷：櫻花味蛋糕好鬆軟，裏面嘅cream亦都好軟滑～😋🌸開心果粉紅法式蛋白杏仁餅：呢個口感都OK但係就唔太食得出係咩味道～🌸櫻花朱古力撻：最鍾意呢個😍，朱古力味香濃Mousse好滑，上面配埋櫻花啫喱，好味～😋🌸櫻花絲絨蛋糕：紅絲絨蛋糕配上櫻花味嘅cream，唔會太甜～👍🏻茶葉選擇咗個薰衣草伯爵茶味，伯爵茶中帶有薰衣草嘅香味，幾特別～朋友係食素所以一早預訂左一份素食嘅鹹點俾佢，聽佢講味道都不錯～最鍾意呢度嘅服務好好，環境亦都坐得好舒服，配埋個咁靚嘅粉紅色主題下午茶，好relax嘅一個下午～🌸☺️☕️…Read More

好鍾意hightea嘅我，估唔到呢度係我呢兩年來去咁多間最失望同唔好體驗嘅一間～🙁.呢度我諗都叫做係香港最難book嘅Afternoon tea，一直想試咗好耐，但係個個月1號朝頭早都要9:00入網站同人哋鬥快爭book位，點知次次都唔夠人快，幾分鐘内d weekend已經full晒😅今次終於book到可以來試了～本來抱着好期待嘅心情，點知最後失望而回🥲，環境亦冇我想像中咁好~.先講食物方面，三文治係真係幾出色，四款都好好味～👍🏻Scone就一般般，甜品方面雖然呢度嘅賣點係可以任Refill，佢哋會推架車出嚟俾你揀，而份量亦都好多，不過當中除咗個拿破崙同埋泡芙之外，其他就真係普普通通（當中有件士多啤梨海綿蛋糕，個味道感覺就好似普通西餅店嗰啲海綿蛋糕冇乜分別🤭），朱古力嗰架車除咗其中一款味道嘅朱古力好好食之外，其他朱古力味嘅甜品都係一般～而服務同體驗方面，以一間六星級嘅酒店來講，服務就真係不太好，未試過食Tea食得咁趕同埋咁大壓力～😵‍💫首先，本身book位嘅時候睇漏咗佢，冇為意原來有限時兩個鐘，然後直到行來提我地last order時我哋先知道原來限時兩個鐘，雖然都知道係我哋book位嘅時候冇睇清楚，所以都有問佢可唔可以如果之後啲客人未來的話俾我哋食多陣，不過佢哋就話之後都full所以唔可以安排到，搞到我哋要好急好趕咁樣係咁食埋啲嘢😩～（完全覺得嗰刻唔係享受緊美食）跟住臨夠鐘前5分鐘，個侍應行埋來話要幫我哋收起啲碟同嘢食，但係嗰一刻我哋兩個仲擺緊嘢食落口，雖然係有限時，但係點能夠見到客人明明仲食緊嘢，然後行埋黎問話要收起啲嘢食呢？？😨既然佢咁樣講當然我哋唔敢Say No，因為都見到佢哋一準時就叫晒成場嘅人離開了因為話有下場，但係其實當然我個心覺得好唔舒服～.雖然響規矩方面佢哋係真係限時兩個鐘，但係其實其他嘅酒店一般嘅做法都會比較有人情味，如果後面冇人等嘅話一般都會俾你食多一陣，又或者會建議轉過第二個位置或者bar俾你繼續飲嘢，至少一定唔會咁樣趕你走～食過咁多間afternoon tea真係第一次有被趕走嘅體驗～😪..Btw今次整體個體驗真的唔係咁好，真心講食afternoon tea當然都希望係可以好relax咁樣去慢慢享受，不過今次係完全相反～👎🙁.其實以$998呢個價錢，要食個舒服同好味嘅Tea香港都有好多選擇，仲要唔使book位book得甘辛苦，所以都真係未必會再去第二次了～👋🏻👋🏻…Read More