AlyssT's Profile

好多住係元朗既街坊都應該有聽過「有益甜品」，呢到既中式糖水真係好出色👍🏻早幾日返工忙到冇時間食飯，到左差唔多10點幾收工就諗起好耐冇食「有益」既糖水，決定黎買返個豐富既宵夜先返屋企·魚蛋腸粉 $18魚蛋係我鐘意既陳皮魚蛋腸粉就緊係甜醬、花生醬、辣醬全部都要先好食😛·熱芝麻糊 $24芝麻糊既芝麻係店舖自家磨製，好夠滑溜～而且唔會加太多水令芝麻糊變到好稀，稀結度適中；又唔會加太多糖令味道變到得返甜味，會食到黑芝麻既香。所以每次黎都必叫芝麻糊😋…Read More

作為1個米線狂，去到邊到都要搵米線食😛公司附近就有呢間「景霖正宗四川麻辣米線」，我係會成日黎幫襯既今次就係晚餐時間黎，因為好遲先食lunch，仲飽飽地，所以淨係叫左1個餸 — 雞肉酸辣米線（小辣）佢呢到既酸辣湯底係屬於比較清淡，唔會話有好多味精，食完會好口渴果種～雞肉都幾大片下，不過米線就比較少建議下午茶時間黎就最抵食，$38就有一餸米線+2隻雞翼+豆漿烤雞翼有麻辣味同香草味，兩款我都試過，都好食，雞翼烤到好夠入味！…Read More

高鐵站都開左差唔多1年，係附近返工一直都冇黎幫襯過，見到最近做緊優惠，星期一係OpenRice用MasterCard叫外賣自取滿$80有得減$50，咁抵就決定試下菜式既選擇都唔少，有喇沙、海南雞飯、麻辣米線、燒味飯等，最後我簡左日式既咖喱吉列豬扒定食套餐沙律菜夠fresh，但味噌湯就略咸而主菜咖哩吉列豬扒飯，炸豬扒keep到夠香脆，咖哩味道適中岩哂用黎送飯高鐵站黎講呢個套餐$82既價錢屬正常，今次我用埋優惠只係$32，真係好抵！…Read More

之前中秋節拎月餅盒黎換左張$50現金劵，早幾日就同媽媽黎食返個tea~我地叫左1個烤雞有機鮮蘑菇湯扁意粉，另1個就叫左迷你火雞片有機鮮蘑菇湯長通粉配煙三文魚炒蛋+法國貴族牛角酥扁意粉同長通粉唔會太淋；蘑菇湯唔會太濃，感覺幾清新。而且份量都好多，扁意粉好似食極都未食得完咁😂煙三文魚炒蛋呢個組合我都係第一次食，味道好夾食到有粒粒煙三文魚，炒蛋唔會太老夠滑溜！大大個牛角酥食到牛油既香味，外酥內軟👍🏻餐飲我簡左ice latte，咖啡同奶既比例適中，加$9係值得既～…Read More

次次黎到元朗屋企人好鐘意黎呢間雲貴軒食下午茶，貪佢質素ok，又抵食～而我就最鐘意食蜜糖雞全翼配西多士再加碗香辣炸醬米線米線份量都唔少，食完基本上都飽飽地，但米線略嫌太淋..大大隻蜜糖雞全翼有陣陣既蜜糖甜味，亦炸得好香脆👍🏻西多士夠厚身，裡面都有唔少花生醬😋值得一提既係佢地既水吧，每次我去到無論係叫檸茶定係奶茶，佢既沖調比例都係岩岩好，水準唔會好飄忽，好岩我既口味！食到飽一飽都係$40，真係好抵食～…Read More

依家OpenRice都有叫外賣，真係好方便～見到元朗既選擇有台灣黎既咖啡蛋糕烘焙店 — 85度C，諗起之前食過佢既蛋糕味道都唔差，收工覺得有少少餓又食唔到太多野，就諗住買杯野飲+麵包我就預先用OpenRice App訂左杯大size既朱古力鮮奶咖啡，依家有迎新優惠，第一次連MasterCard消費就有得減$30，所以只係補左$4就換到杯咖啡！咖啡既朱古力味濃郁，咖啡冇苦澀味，但就甜左少少然後去到等拎飲品既期間，就簡埋個鮮奶合桃芝士堡$15，麵包唔會太硬，有淡淡既奶香味，而且裡面有唔少合桃粒同芝士粒😋…Read More

早幾日食完飯之後覺得唔係好夠飽，突然諗起已經好耐冇食中式糖水，就一邊行街一邊睇下附近有冇糖水舖。路經主打豆製品既「一豆花」，望一望menu覺得價錢ok就入黎試下我叫左熱芝麻糊豆花，始終中式糖水都係熱食好食😛豆花唔算太熱，暖暖地易入口，好夠滑溜；但芝麻糊就略嫌有少少稀～另外，朋友叫左淡奶豆花，我都係第1次聽豆腐花+花奶呢個食法，平時都係加黃糖或者薑汁，就叫朋友比我試下，點知兩者竟然係出奇地夾，下次食豆腐花又有多個選擇！…Read More

今日入左屯門搵朋友，到晚餐時間又要諗下食乜好，突然諗起已經有好幾日冇食米線，米線癮發作好想食🥺 於是就叫朋友帶我去食米線，朋友帶左我黎一個小型舊商場，話入面有間佢覺得好好食既米線舖 — 雲川燒好彩我地黎得早，7點就到左，唔洗等位～之後一路食一路發現等位既人流不斷，就知道呢間米線舖應該好受區內既街坊歡迎我叫左香茅豬扒酸辣小鍋米線，湯底酸味同辣味都好平均，好開胃；豬扒有5大舊，好入味，不過因為豬扒冇另上，所以有少少淋左，不過整體黎講呢碗米線都好好食！…Read More

茶理史前前後後幫襯過2次第1次就試左碧璽白玉奶綠同海鹽雲頂芒芒·碧璽白玉奶綠有別於平時飲開既奶綠，係真係綠色既😂但係奶綠似係用粉沖出黎既，味道有d假假地·海鹽雲頂芒芒食到有唔少芒果蓉，配埋綠茶底好fresh，然後奶蓋上面鋪左少少海鹽，咸咸甜甜既感覺幾特別第2次黎就試腐竹白玉奶茶同芋香鮮乳地瓜小芋圓·腐竹白玉奶茶原來腐竹加入奶茶到係咁夾！豆味夠濃郁，入面有細細片滑溜既腐竹，白玉亦煙煙韌韌😋·芋香鮮乳地瓜小芋圓有芋頭蓉同芋頭粒，除左芋頭粒略嫌冇味同太硬，整體既味道都好好，有奶味、芋香，小芋圓亦都有淡淡番薯甜味👍🏻…Read More

平時路經千色既媽咪雞蛋仔都會有好多人排隊等候，所以一直都未有機會幫襯。琴日難得見到淨係得幾個人等緊，於是決定試一試。依家既雞蛋仔愈出愈多味，媽咪雞蛋仔都唔例外，但係我始終都係覺得原味既雞蛋仔先係真正既雞蛋仔，所以睇都冇睇到個menu就簡返原味雞蛋仔😛每底既雞蛋仔都係即叫即製，等左5分鐘左右雞蛋仔就熱辣辣到手。雞蛋仔外脆內軟，應該係因為風乾既時間岩岩好先做到呢個效果，難怪有咁多間分店，果然係有品質既保證！…Read More

上星期日同左朋友去行V Walk，行到咁上下見餓，就係云云眾多既食肆當中簡左BUGIS黎食返個星馬下午茶～我簡左鮮蝦干撈幼面，有大大隻蝦鋪面，份量唔少既蝦干，配上惹味既醬汁，撈勻之後真係食唔停口🤤不過醬汁略嫌太多，之後愈食愈咸而朋友就簡左迷你海鮮叻沙摻摻，眼見都幾足料，有魚蛋、大蝦、青口、豆卜，試左一啖叻沙湯底都幾夠濃郁另外，跟餐附送飲品，有幾款特飲可以選擇，我地簡左熱生薑龍眼茶，龍眼既甜同生薑既辣，飲完之後胃口大開！…Read More

晚餐時間又黎左T Town搵食～印象中好耐之前黎食過lunch，覺得味道都ok，而且幾抵食，所以今次就同屋企黎試一試晚飯見到佢d石鍋系列都幾吸引，仲有飲品送，我就簡左韓式牛肉石鍋珍珠飯。送餐黎既時候，侍應有貼心咁提醒返我地個石鍋好熱，唔好掂到👍🏻石鍋裡面都好足料，有唔少牛肉，仲有d粟米同紅蘿蔔粒等既配菜，加埋惹味既醬汁同煙煙韌韌既珍珠飯拌勻，真係好開胃！另外，屋企人叫左個韓式石鍋肉醬豆腐，味道都唔錯，肉醬辣辣地，豆腐好入味，用黎送飯一流！…Read More

食完lunch經過見到有Italian Tomato就忍唔住停底係蛋糕櫃前面望下，款款都好吸引😖同同事幾經辛苦先1人簡左1款味返公司share食～眾所週知Italian Tomato最出名既係士多啤梨蛋糕，而我地今次見到有個期間限定既白桃系列，就簡左白桃·真味，另外就簡左件栗子蛋糕白桃·真味有種好fresh既感覺，桃既口感爽脆，唔會太甜，加埋幼滑既cream同鬆軟既蛋糕👍🏻👍🏻而栗子蛋糕都唔錯，鋪面既栗子蓉同大大粒栗子，加上蛋糕入面栗子粒，配埋cream同蛋糕，味道岩岩好，唔會太甜太膩😋…Read More

因為做左KABU會員既關係，所以都會經常去牛角同牛涮鍋食飯。儲左差唔多1年既積分，今次儲夠4900分就換左1位晚市美國上級牛胸腹放題😋牛涮鍋既性價比都算高，有時仲會有信用卡優惠！無論係豬、牛、雞既肉質ok，火鍋配料既選擇都多👍🏻 而我就好鐘意佢既沙律吧，蔬菜好新鮮，每次我都會係開始火鍋前去夾左一大碗沙律食先～而且佢既甜品櫃都好出色，有別於一般火鍋放題既甜品淨係得雪糕，佢仲有泡芙、麻糬、細細件既cake等，味道都算ok😛…Read More

茶湯會係台灣算出名既飲品連鎖店，但香港就暫時有幾間分店。最近我先發現係公司附近有一間，珍珠奶茶不離手既我緊係要黎試下😋我第1次黎就簡左佢既Top1觀音珍珠拿鐵，唔知係因為個人口味問題定係沖調出左問題，我覺得有d失望～奶味夠，見到係用明治既奶沖製；佢既鐵觀音茶底比較出名，所以對個茶有d期望，但係好可惜個茶底好淡，飲唔出佢既特別之處😢我同事就買左珍珠冬瓜拿鐵，我試飲左一啖，發現呢杯先岩我口味！奶同冬瓜茶味真係好夾，但同事就覺得太甜，而重口味既我覺得無論係奶味冬瓜茶味甜味都岩岩好！搞到過左幾日，我就心思思要黎幫襯第2次，當然今次係黎買珍珠冬瓜拿鐵😍…Read More