kikssuen's Profile

不嬲都有食開 ，，食咗幾年，，由佢舊鋪係廣華街食到佢搬新鋪起碼都有幾年了 。幫襯過好多次，但覺得搬新鋪之後，質素好似開始下降…….次次都有少少參差今日啱啱去買個雞蛋仔，即叫即整要等不嬲都知，所以都預咗要等，無行開喺門口企咗20分鐘等，一嗌號碼就即刻拎，點知攞上手係凍嘅…….諗住係咪天氣凍？咬一啖食完入邊都係凍嘅…係裏裏外外都凍，應該吹咗好耐，又冇即刻嗌number….點解我要企20分鐘，食個凍嘅雞蛋仔😂…Read More

平日一至五Lunch去，無book位，walkin (用餐時間限一個鐘)男店員認真禮貌差咗少少，有改善空間嗌咗個滷肉飯+滷排骨，同一個新竹炒米個飯食第一啖…啲滷肉好大陣燶味, 再試下個排骨，無乜味同埋幾有咬口應該係成煲滷肉個煲底燶咗……但照serve..新竹米粉偏淡，又係無乜味…野飲方面嗌咗個火龍果檸檬蜂蜜，火龍果味 無。檸檬味 無。蜂蜜味 無 。另一杯野飲，嗌咗個芭樂紅茶，呢一餐嗌咗咁多嘢之中，唯一係呢杯嘢飲算OK…Read More

同慈雲山個間質素差好遠排隊排成個鐘，一點排到兩點先入得，啲員工好唔得，出邊排晒隊，有客出唔識得即刻執枱放人入去，等咗成粒鐘終於入去，發現其實有幾張空枱入到去，點餐問個員工建議，蕃茄配龍蝦好定雞湯好，佢答我佢冇食過唔知，重點係佢個Menu得十幾樣野，自己員工都識點介紹俾客人🤦🏻‍♀️ 煲仔面內基本上得兩種面，公仔麵同粉絲，但lunch time peak hour都無粉絲，即係其實得公仔麵揀嘢飲方面，普通茶記嘅奶茶咖啡檸茶檸水全部都冇🙂 話啱啱開張得雪櫃嗰啲基本罐裝飲品，其實都開咗成個禮拜，呢啲嘢飲係茶記基本野，我見佢又冇水吧，我諗之後都係唔打算有(飲嘢可參考返圖片)2:11落單, 2:40先上菜，普通公仔麵等半粒鐘，個番茄湯極淡，公仔麵食落應該係好平嗰啲公仔麵，唔係出前一丁，亦冇出前一丁呢個選項(想揀粉絲亦無), 眼見前面嗰個用瓦煲裝但唔係用瓦煲煮嘅公仔麵已經心諗..”伏”，人哋慈雲山嗰間真係用瓦煲煮，原汁原味，一食落口，湯底勁淡，我諗其實揀龍蝦湯定雞湯應該都分別不大😂 食落口就知啲公仔麵係平嘢，我諗仲平過福麵，但賣70幾蚊一個🙂 上面擺兩舊應該煎咗好耐嘅豬肉餅，咬落口…..凍嘅，完。擺喺熱嘅湯入邊都係凍，就算整定可唔可以有誠意少少整返熱佢先上？😂 至於沙嗲，慈雲山總店不嬲標榜勁濃沙嗲，但又係淡到爆，呢間野各方面都同慈雲山有好大出入。收成70幾蚊嘅一個公仔麵都做唔到嗰個水準。食完之後嘅總結，完全唔值得等，入邊好多食客都等到嘈底，一個公仔麵要等成半個鐘，重點係質素差，完全唔值…Read More

第一次試平日番工lunch time 去試過個炒麵同炒飯，幾好食，份量又夠哂大不過落單同上菜都真係好慢50分order，21分先上菜，等咗30分鐘，lunch time 有限真係要諗諗個場唔full, 應該係員工唔夠，眼見得兩個waitress, 要兼顧帶位落單上菜…Read More

有食開啲態度麻麻，都係久唔久食一次。啱啱黎到搵位(兩位), 朋友遲到咗10分鐘被安排喺樓上坐 (有樓上樓下)之後突然間過咗5分鐘, 侍應過黎叫我落去坐話我未齊人要坐下面 (?????) 上邊下邊有咩分別？可以叫我等齊人先比位我， 唔明樓上樓下有咩分別？ 之後又串串共講句”我頭先叫你坐樓下你唔坐咋嘛!”好啦，到落單嗰時...嗌食物名係唔知咩嚟嘅，要嗌Number！其實佢哋都冇心返工，連公司餐牌有咩嘢食都唔又食過彌敦道同埋通菜街, 兩間態度都係差，彌敦道嗰間好少少🤏 可能係公司特色…Read More

食過兩間”紅茶”態度都勁差好學唔學 學澳牛啲衰野又話市道差？入黎食野次次都要受氣😑落親單都要俾人鬧無嗌number “咩number呀？嗌no.吖”，態度其差 連自己公司個餐牌咁細都唔知有咩....啱啱叫阿姐落單，嗌咗阿姐一次，佢好唔耐煩話 “等等吖再！”, 但佢好得閒，手上無攞住任何野，又唔係趕住落單，又唔係有客啱啱落完單要入機, 員工態度差 職業怠倦 野食唔差普通野，但次次入黎受氣邊有人想食唔會推介紅茶， 野食普通，態度勁差…Read More