Lau9233's Profile

由於下星期會去日本旅行，於是去觀塘廣場買定張電話sim卡，買完就順便係附近搵下食，經過一個停車場，竟然見到裡面有個餐廳入口，好奇下入去睇睇，叫諸勝堂，有d似中醫館既名稱，幾特別，由於仲未夠12點半，冇咩人，直接入去就叫野食啦！我地分別叫左义燒日本滑蛋飯同XO醬豬扒飯。滑蛋真係好juicy,义燒肥瘦比例啱啱好，我個friend成碟清哂，碟都埋。我個豬扒飯都唔錯，豬扒新鮮有彈口，唔似雪藏死屍肉，超多XO醬，味道偏甜，唔辣既XO醬，仲配上大量沙律菜，是我最愛，食食下發現牆上貼有一張旺記既poster, 唔怪之餐牌熟口熟面啦！但聽d職員講，佢地做埋呢個月既堂食服務，下個月開始就只會提供外賣服務，所以想再食到咁正既滑蛋，應該要去飯油塘旺記了。觀塘附近返工既朋友仔不防試試諸勝堂既外賣啦！…Read More

今年冬天氣溫持續高企，難得今天凍DD, 即刻去打個邊爐先，聽聞吞pop7點半前點菜有半價，咁啱老細唔係office, 最好時刻就係即刻啦，提早收工去吞pop啦喂。吞pop位於23樓，一開就見到個超大魚缸，裡面有蝙蝠魚大烏龜大龍躉。。。 有魚睇等位都唔覺得悶啦。因為時間早，分到個窗口位，可以睇到成個mk街景。入座後見到好多人食雞煲， 不過我哋就想清清哋打邊爐 ，叫咗個鴛鴦湯底 一邊係 蕃茄濃湯 另一邊係皮蛋芫茜 ，打邊爐當然唔少得肥牛啦，另外見到佢有個即炸芝士響鈴， 芝士同響鈴都係我嘅最愛唔係唔叫呀嘛，跟著仲叫左鱔同 墨魚滑，鱔好新鮮， 墨畫就比較鹹咗啲，牛肉用 蕃茄濃湯嚟烚味道夾到 天衣無縫。不過最最推介真係個響鈴，唔放湯，咬一口，又脆又香， 鹹香芝士簡直一流。放湯又另 一番滋味。…Read More

平常星期六好少出街食晚飯，因為度度都好多人，等位等到暈，但母親大人今日要去友好嫁女飲晏，掉低我孤兒仔，唯有搵兩個freinds6點幾早少少親未多人排隊，就去醫肚。友人住淘大，佢話龍城不錯，咁我就唔諗啦！去!未到peak hour 自然馬上有位啦！我地個個都中意食辣，叫左個川未茄子海鮮煲，牛肉炒通菜，仲有牛仔骨。麻辣川味啱哂胃口，正呀！又好餸飯，牛仔骨好林好滑，d汁甜甜地都好野味，通菜就不過不失，正常另外叫左兩杯紅豆冰，同薄荷咖啡，紅豆冰我like,因為唔會太甜，飲得安心，薄荷咖啡我個fd都沒投訴，絕對有下次。我地食完一直吹水，職員都冇話即時催枱，都隔左好耐先埋黎問齊野未，我地先發現時間唔早，出面已多人等位了，拿林埋單走人。總結食物味道，服務都真的滿意…Read More

今日陪個朋友出廣華做咩check up,因佢佢要空腹去，所以 檢查後大叫肚餓，話要食雞，而我好耐之前就好想試下咩叫奶奶雞，好低能咁以為用牛奶煮，但原來係辣雞，不過佢都有大小辣揀既。我地去到門口剛剛開緊門，職員好禮貌咁招呼我地安坐，餐牌內既選擇都唔少，飲品酒水唔少，朋友想食野蠻奶奶雞，我當時先知呢個奶奶，不過因為午市只提供set lunch,就只有元祖奶奶，於是就先試下鎮店之寶，再叫左個海鮮煎餅，雞我地女仔就只叫半隻，不過都相當大大碟，裡面仲有水晶粉，索哂d汁黎食，好正，雞肉好滑，海鮮餅感覺只有尤魚餡料吧，因為好尤魚味，食唔到其他海鮮味，都幾香口，不過係唔脆口既。間舖係有2樓既，樓上有用愛情橋式樣既網間開既房，如果一班人慶生之類都唔錯，佢地仲提供左d icon手牌比大家影相打卡，啱晒後生仔女式情侶，下次再約多幾個朋友去晚市至得。…Read More

最近學人跑街，著開對波鞋唔多合適，所以走去MK波鞋街逛逛，餓了，就腳在金雞搵食，隨意看看樓下的水牌，揀了呢間station3。去過金雞既人都知，部完全係K場味，不過一入到station3就聞到一陣類似消毒清新劑味，個鼻馬上舒服左。餐廳既裝潢以白色為主，簡單，乾淨。打開menu,見到海鮮并盤有炸蟹夾，好開心呀，好耐冇食過呢樣野，雖然知道其實冇蟹係裡面，跟住每人叫左個lunch set, 意粉滑而不會太淋，意大利飯好夠彈口，蒜香雞翼炸得外脆內嫩，但就唔多覺有蒜味，呢點差左dd。佢地 塔羅特飲 d飲品既名堂都幾有趣，而我地就叫左咖啡同香草茶，食完炸并盤飲兩杯茶消下濟唔錯。值得一讚係員工態度，有禮，返應快，落單唔洗寫，記性好好。有機會會再上去。…Read More

平時喺觀塘搵食 ,多數會去工業區後面d隱蔽餐聽，尋日貪就腳唔想 捐窿捐罅 就喺apm隔離 過去 裕民坊既天橋側邊呢棟大廈見到佢，小火焰，就上去了。下午3點幾下午茶時間唔多人，即時有位，4個個人坐卡位，唔算好 寬敞 但都舒適。 我們分別叫了兩個tea set 和兩個lunch set。分別係流心奶皇多士配烤杏仁拿鐵，炸雞小食併盤配熱朱古力，太陽蛋牛肉炒粉絲配綠茶拿鐵和芝士湯烏冬配 岩鹽焦糖咖啡。多士既質感同味到似 屋邨舊式麵包店 賣的車輪鮑 ，令人懷念 切開是奶黃真的流出來了 炸雞 和 薯條 外脆內滑， 也不會太甜 醬汁太多 ，本人不太喜愛韓式的酸甜醬汁， 所以覺得這個是改良版 至於炒粉絲 並不是 韓式粗身粉絲， 但有比廣東粉絲粗一點， 味道很濃是濕炒不是乾炒， 但對本人來說 略為甜了一點， 加點辣醬 還是可以的 ，芝士烏冬 套餐 還配上火腿 蛋牛角包 十分豐富。 整體環境，食物和服務都滿意， 可惜當我們 食完食物 嘆著咖啡的時候， 有四個大媽走進來了， 就坐在我們旁邊的桌子， 十分嘈吵 ，於是我們就不再坐了 ，下次再來吧！…Read More

油塘呢區食店選擇唔多，食來食去果幾間，口都掛埋，最近在大本營food court 入口，新開左間旺記，更係試新野啦！開頭以為叫旺記冰室，應該係茶記茶餐廳feel, 但一去到見到裝潢係和式，職員反應幾快，馬上招呼及帶位，我地坐既卡位都夠寬落，枱櫈既高度也剛好，不過晚餐menu選擇唔多，只得11種，而且當日冇烏冬，所以9號同10號餐冇左，我叫左鮮牛濃茄蛋花湯一丁，夠濃香，我碟都0黎埋，麵唔會煮到爛哂，但麵身較幼，食左一丁幾十年，我覺得唔係出前一丁囉…我朋友叫左豬扒印尼撈麵，係雙撈，有兩隻麵，男仔都夠飽，仲有少少沙律菜，增加健康感，每次試新餐廳多數會試一試佢奶茶先，得，地方乾淨，人手足夠，食物都幾特別，整體合格有餘，有機會一定會再試佢早餐同下午茶，希望會加多d組合同選擇。…Read More

上個月去觀塘晚善，經過日昇中心見到好多美食，昨日有假同朋去完觀塘泳池游水，好鬼肚餓，所以就行去日昇搵下食，揀左呢間龍門冰室，本身好餓想鋸個扒，但當時未只係5點幾，未有晚餐，所以叫左其他野啦！我係食肉獸，揀左個韓式炸雞，新鮮熱辣，雖然味道方面好明顯係港式化左，但返而啱我口味，因為正宗韓式就太甜又太辣了，朋友中意食菜，叫左個黑松露芝士焗雜菌西蘭花，但我都好buy,因為d菇好新鮮，爽脆，另外我地怕唔夠飽仲叫左個卡邦尼意粉，本身想叫個朱古力綠茶pancake做甜品，但佢地冇哂雪糕，所以只叫左杯木糠布丁，好彩冇叫到pancake,因為西蘭花同卡邦尼都好大碟，所以啱晒d大胃王黎食呀！ 本來已好飽，但木糠布丁都超好味，超滑，又食哂，整體服務同食物味道都不錯，下次再來晚餐食扒先…Read More

最近淘大商場新開左好多間食店，打算續1試一試，於是星期六約左兩個好姊妹去巡視業務。淘大平時都你人頭湧湧，呢兩日打緊1號風，又落雨，商場就更多人啦，行左個圈，幾間食店都有人要排緊隊，發現呢間喜喜冰室沒人等位，都驚會伏，上openrice look look又ok喎，就入去，搵左個卡位坐低。裝飾以60年代粵語殘片既冰室設計，影相打卡都唔錯，好有特色，食物都係細個時老豆帶我地去冰室食果種風味，雖然我係淑女但就叫左個猛男餐，因為我驚唔夠心飽，猛男餐包含竹番茄牛腩麵，係伊麵，好少有，湯底夠濃，好味，火腿炒蛋加蔥花，又係好少見，成個奄列既香味提升左，仲有半片厚多士，佢既牛油唔做左咩手腳，可能祕製過，咸咸香香，同平時食開既係唔同，而片多士應該係乾煎而唔係烤既，姊妺叫既全日餐簡直就係super大碟，飽到要分比其他人食，餐飲我叫左谷古，係純70%朱古力完全冇奶冇糖架，中意苦既人先好叫喎，我就好like。最難得係好食既冰室，境然大把位比你揀，我地hea左成兩粒鐘，出返商場又人頭湧湧，兩個世界，仿如隔世。…Read More

呢間cafe pho 1975已經開左幾個月，初期去食過午餐，可能人手唔夠，員工又未熟習運作，張點餐紙又複習，字又細，好混亂，之後我地就沒有再去過。今早見佢人少少，大把位，就比多次幾會佢。佢有提供all day breakfast, 西式同港式都有，雖然都係要去cashier自己點餐，但就取消左張白痴點餐紙，有改善，我叫左個 越南 牙車快沙律，牙車快即係 芽菜仔， 越南嘅芽菜仔就好似泰國嗰啲咁比較肥短，個沙律菜同雞絲都好多，大大碟再加埋青瓜，紅菜頭，營養十足，如果多少少汁就更好，牛角包既新鮮度就一般，唔夠鬆口，話哂 越南餐廳 我老公本來 想要個檬粉或者湯可，但原來早餐沒有此選擇，於是揀左個 香茅豬扒公仔麵，30幾蚊，價錢公道啦！豬扒都夠林。我叫既coffee香濃度不錯，但隔離兩台叫奶茶既，我聽到話太濃，其中一枱仲要求加奶， 下次再去食午餐，睇下佢有冇進步。…Read More

昨晚襯住暑假，唔洗管d仔女溫書做工課，幾位媽媽出黎聚一聚，上個月試過即日book，冇位，所以我地提前一星期預約7點左5位，佢個地點有少少 刁鑽， 好彩有朋友喺觀塘工作 熟路， 觀塘人多擠迫 天氣又熱 ，入到高興坐低， 唔使再等， 冷氣都好夠涼 ，環境舒適 ，牆上壁畫 色彩繽紛， 裝修帶點懷舊的風味 ，枱與枱的距離不會太近 我哋五個人坐嘅係八人枱 ，好闊落，叫左OR都有人推薦的薯條 和墨西哥脆片 ，薯條 是新鮮切開即炸， 又粗又長 十分脆口 醬汁果然好特別 ，很好味 。另外 還叫了肉眼扒 鹽燒鱸魚 和意大利雲吞 牛扒我們要五成熟 ，不過有少少over 但牛肉味還夠濃的， 油脂也很足夠。 鱸魚外貌似鹽焗雞， 侍應貼心地 讓我們先拍照， 然後再拿到廚房替我們切開 ，肉質嫩滑 ，不過就鹹咗少少 可能係醃咗一段時間，有order先攞去焗。意大利雲吞性價比很高，我很喜歡上面的 橄欖油波波 口感一流， 主菜可以以半價叫飲品， 可惜 佢哋甜品選擇不多 ，最後我哋叫左apple crumble 同朱古力香蕉pancake ，喜歡他pancake的質感 軟得嚟 帶點煙韌， 雖然人手未算好足夠 但整體服務 令人滿意 以呢個價錢 有呢種味道， 難怪即日 book唔到位。…Read More

早上經常都會到墾丁食早餐，中意佢坐位舒適，比較闊落，但上星期幾天都爆哂，門口仲要等位，可能是暑假d小朋友唔洗返學，見入面好多阿媽同仔女，於是今個星期我早少少落去，果然，雖然卡位都冇了，但起碼唔洗等位，上個月都知佢轉左新menu,雖然大同小異，不過多左3色蛋豬骨粥同炒麵/銀針粉，我想叫炒麵，但已經冇哂，都未夠10點半，唯有要銀針粉啦！反正都好少會食到銀針粉。個粥夠杰身是我喜歡的口感，材料都好足，可惜應該係唔夠人手，個樣似係 扚起咗但冇人傳菜，個粥面已鯨鯨地，食落口只是暖暖地，唉～另外個銀針粉應該都係廚房所淨無多， 撈底果浸，所以好油下，下次都係穩陣d食返西式算了。西式一直都好ok既，雖然價位唔低。…Read More

尋日同個friend shopping 行到又餓又倦，正好路過818廣場，於是就走上去搵食，本來想上2樓食pizza,但經過一樓翠河，見門口既menu有鐵板扒，於是入去坐低，得一兩台客，好清靜，不過好可惜，原來過左9點唔可以再order鐵板餐，因因為佢地收10點半喎，咁為有叫其他set dinner啦，轉埋特飲都唔洗60蚊位，我叫左個肉醬意粉，即叫即焗上面既芝士都焗得好香口，我個friend叫梅菜扣肉就慘啦！扣肉係好常，但。d飯硬到好似生米咁，同個職員講，話比過一碗佢，點知原來要叮熱，即係過左9點，佢地會連飯煲都熄埋，杯紅豆奶茶就正常好飲既，冇叫少甜都唔會太甜，所以如果各下唔係至在食野，只係飲杯野吹下水係ok既，兩個人百令蚊，唔敢要求高了。一係就早d上去食囉！…Read More

因為要farewell從加拿大回來的親戚, 咁啱今個月仲有3個家人係生日， 人數較多， 婆婆又唔係好行得，所以近近地book左明星，我地沒有特別寫定菜式，去睇menu order, 見到有個歡樂晏$1688,最好係佢沒有牛肉，婆婆唔食牛，我地15人怕唔夠食，所以叫多隻片皮鴨。頭盤以為係乳豬，但上左花支螺片同燴雙蔬，待應話隻豬要即燒喎，咁我地又冇所謂既，就起筷，菜式味道不錯，但頭3個菜，螺片，雙蔬同炒龍躉球，基本上差唔多味，都好大碟，片皮鴨同乳豬都中規中矩啦，冇失望既，反而後來的荷葉飯好有驚喜，雖然個個都飽哂，但都清埋。要投訴既係呢間野既入口 (近爭鮮果邊)，有好大陣up味同垃圾味，食飽聞到真係想嘔，希望改善。…Read More

整理手機相片發現新正頭時食茶木既相片，雖然遲左d，但都想寫番片食評同大家分享下。茶木經常都會去，不過撈起就係期間限定，唔係新年就唔會有，我記得果日係下午茶時間去，不過撈起唔係下午茶餐，但我見7彩繽紛顏色好吸引，好想1試，另外就穩穩陣陣叫多個紅燒牛麵，一向好中意台式麵既麵質，夠厚實有口感，湯底雖然偏甜但可接受，牛夠林。撈起包含左3色麵，木耳，蟹柳，青瓜絲，另外配上一個秒製麻醬，比客人自記邊撈邊落，多少隨意，相當滋味，我地全部落哂嚴唔多夠添，邊撈邊食都幾過引架，如個下年新年再有呢個期間限定都會再食。…Read More