oxox1224's Profile

呢個係我期待已久嘅high tea🤩 終於約到朋友一齊黎試下。餐廳有戶外位同室內位，個景超靚，有機會一定要坐外面。😎頭盤係芝士焗龍蝦同生蠔龍蝦OK，幾彈牙但就冇乜芝士味，愛爾蘭生蠔好食，creamy得黎爽口，有少少金屬味😋總共有4款咸點同6款甜品吉列鵝肝漢堡好香，一定要早啲食。熱情果慕絲蛋糕， 紅桑子黑朱古力蛋糕，甜甜圈都係我嘅推介👍🏼總括來講，咸點同甜點都唔錯，最正毫無疑問就一定係個景啦。😎…Read More

全年都好少出街食飯，好彩喺限堂食之前都同朋友食咗餐好嘅🥰好耐之前黎過幾次，次次都係散叫嘅，第一次叫松葉蟹腳鍋4人餐。每人一份嘅前菜，一黎到我嘩咗一聲🙊啲顏色好靚😍海葡萄點柚子醋食好開胃，我真係好掛住沖繩呀😢大根沙律🥗又係好開胃嘅前菜，幼切嘅大根好爽甜，超多鰹魚碎。叫咗燒牛舌試下，下次都一定會再叫！厚切好正。🤤刺身個擺盤真係超靚🥰好有驚喜，全部都新鮮，個海膽超甜。除咗叫套餐，我地都忍唔住叫咗個粒貝，好爽好鮮甜，個擺盤又係超靚。💖呢個係廚師發板嘅壽司🍣每人一份，我鍾意個玉子同拖羅。松葉蟹腳海鮮鍋配和牛其實未食個鍋我都飽咗八成🤣，跟餐仲有兩個烏冬，蟹腳幾鮮甜，和牛好食，其他海鮮都OK。食完真係飽到反艇了。好彩甜品係另一個胃😝本身以為得雪米糍或者雪糕，但竟然有奶凍，和菓子同埋煙韌嘅蕨餅，為呢一餐畫上完美嘅句號。總括黎講，係非常滿意嘅一餐，高質又唔算貴，估唔到屯門都有呢個質素😋👍🏼食完呢餐令我更加掛住日本，希望下次再食都keep到水準，同繼續俾多啲驚喜我啦。…Read More

又係東大街上次都想試下呢間餐廳，可惜太夜去已過last order, 今次七點幾去到，終於食到。招牌臭豆腐 估唔到竟然有得食臭豆腐，味道同台灣嘅一樣，仲配埋泡菜，好驚喜！鹽酥雞塊 味道ok，肉質唔乾。滷蛋正常味道，但要加10蚊有啲貴大腸蚵仔麵線足料，有沙茶醬調味。紅燒牛肉麵牛展好淋好入味，湯抵幾濃。黑糖珍珠奶茶啲珍珠好好食！總括來講，兩個人叫兩個套餐加咗隻滷蛋都只係128，價錢合理，另外上菜超快，食物味道唔錯，有台灣嘅感覺。…Read More

東大街實在有太多好野食，今次朋友介紹，去食呢間花膠撈麵。餐牌都幾多選擇，但既然第一次食，梗係要食豪啲試下撈喜豪華餐。原盅燉湯，飲得出無加味精，有好大塊花膠，非常足料，好好飲小食揀咗泰式豬頸肉，焦香爽口，唔錯！主角到。撈麵上面灑滿蝦子，好香，花膠超大塊！呢個價錢真係算好抵食。另外點咗薑葱安格斯撈，個汁同花膠撈一樣，多咗葱香，牛肉厚切，幾有咬口。套餐仲有碟生菜總括來講，食物味道唔錯，用料十足，員工好有禮貌，會再幫襯。…Read More

銅鑼灣實在有太多餐廳選擇，誤打誤撞下竟然俾我地搵到間唔錯嘅意大利餐廳。一出lift已好有聖誕氣氛。Dinner Menu只係由$188起，係銅鑼灣區算係幾抵食嘅。鍾意餐廳嘅環境，好適合同朋友傾計飲返杯。Soup of the day 好creamy 嘅南瓜濃湯，真係好滑好香。Insalata Di Quinoa 各種顏色嘅蔬菜加上藜麥同咸香嘅Parma ham，係一道簡單但有心思嘅starter。Mollusco Con Vino Bianco 蜆肉無沙，個汁好鮮好好味，如果有埋餐包就perfectPollo Di Primavera 充滿驚喜嘅烤雞！雞肉好滑，切開發現原來裏面包咗好多薯仔同紅蘿蔔，香草嘅味道加上蘑菇汁，味道有層次。Tiramisu 香滑嘅tiramisu令呢餐飯更加分！總括來講，係非常滿意嘅一餐。…Read More

收工後相約朋友去尖沙咀食飯，揀咗間係H8嘅西餐，7點左右唔算多人。餐廳氣氛好好，裝飾擺設同音樂都好有心思“In the end, it’s not the years in your life that counts. It’s the life in your years.”很有意思。每張卡寫嘅都唔同，謝謝餐廳提醒我生活嘅意義。龍蝦蟹肉天使麵 ($198) 大大隻蟹鉗，肉質鮮甜，龍蝦肉彈牙，天使麵煮至al dente，口感出色！香煎比目魚配黑松露忌廉汁($238)魚皮煎得香脆，魚肉滑嫩充滿油香，加上黑松露汁超好食！配菜爽脆清新，番茄juicy，薯蓉香滑，魚同配菜嘅份量都剛剛好。朱古力心太軟($48)甜度適中，如果有雪糕仲正。總括來講，餐廳氣氛好好，適合傾計。食物選擇唔多，但就樣樣都好食。員工服務態度好，有禮貌，每食完一道菜都幫我地換新碟。一定會再幫襯。…Read More

自從係大陸飲過喜茶之後就一試愛上。雖然知道兩者冇關係，難得去觀塘，就算要大排長龍都要試下東喜茶。星期六下午有廿幾人等緊，由於行人路唔闊，等嘅時候要小心唔好阻住路人，最終等咗二十分鐘，終於有得飲。芝士茶，綠妍($33)先唔用飲管，直接大啖大啖咁飲，但杯要斜少少先可以一次飲到芝士加茶，好香濃嘅芝士加上清新嘅綠茶，同喜茶一樣咁正。飲飲下芝士同茶已經mix咗做奶茶，可用飲管飲，mix 咗之後味道比較淡。總括來講，33蚊有啲貴，芝士唔係好夠，如果有多啲會更好。…Read More

行完一輪Aeon，係時候搵間餐廳醫肚。茶房別天神位於Aeon 2樓轉角位。好喜歡這樣不同款式嘅吊燈。餐牌選擇唔多，拉麵共有兩款，加咗$30轉套餐，有多個小食，我同朋友各點一款。仲有日式咖哩同班戟不過無肚，下次要試下先。枱上有各式各樣嘅調味料。試咗辣芽菜，幾好食。小龍蝦蟹子沙律薯仔沙律裏面有卜卜脆蟹子同彈牙嘅小龍蝦，口感好豐富，仲可以包紫菜食，有驚喜！日式餃子餃子外皮微焦，肉菜比例剛好，簡單但好食！蝦味噌豚骨湯麵 主角到！好香蝦嘅鮮味，加上味噌豬骨湯，令湯底好香濃，叉燒肉唔鞋，幼麵嘅軟硬度適中，半熟蛋流心超正！豚骨湯麵湯底一樣香濃，但竟然冇乜油，又唔會太咸，飲多幾啖都唔覺口渴。總括來講，拉麵質素唔錯。要讚一下店員態度幾好，好有禮貌，落單後不久就上菜，有效率！…Read More

一直以為油塘無野好食，無意中發現呢間幾抵食嘅海鮮粥底火鍋。星期二收工七點左右，餐廳已七成滿座。一望到餐牌就決定點呢個，十點後仲要有半價，會唔會太抵食呀？！尖椒皮蛋 ($38)非常開胃嘅小食。用咗糖心黃皮蛋，尖椒大大塊，個汁唔算好辣，充滿麻香！原隻大蜆蟹粥 ($198) 有成十幾隻蜆，大大隻好新鮮，隻蟹好多羔，蟹肉鮮甜，令成個粥都好鮮，未落其他料已忍唔住食咗兩碗美國安格斯牛肉($128) 活鮑魚 ($32/隻)到落鍋時都仲郁緊！真係好鮮甜，口感軟嫩，必點！脆炸響鈴 ($36)每次打邊爐都會點嘅邪惡食物花螺($68) 鮮甜爽脆唔小心點得太多，加上係粥底，食咗三個鐘，真係飽到不行了。總括來講，真係好新鮮好抵食同好飽。…Read More

試過幾次夜晚黎等位，都因為太多人而放棄。今次專登星期六下晝黎，終於有機會一試麻辣派對。餐廳環境好有特色，估唔到食川菜嘅餐廳會用花做主題。餐牌同環境一樣，都有好多花花。午市小菜套餐有好多選擇，除咗川菜，仲有其他小菜，可辣可走辣。五指毛桃燉雞湯，6小時嘅燉湯，十分足料水煮江團魚魚肉份量勁多，切得幾厚，連魚皮食彈牙有咬口，魚肉好滑，雖然有骨但好易食揀咗正常辣，辣度適中，係正宗嘅麻辣味。酸辣水晶粉，煙韌彈牙，份量好多。孜然蔥爆蒙古羊肉孜然味好濃，蓋過咗羊嘅羶味，加上辣辣地好惹味，送飯一流！蜜語水果茶有好多水果，個茶酸酸甜甜好解辣，仲好大杯，可以兩個人share 飲。總括來講，味道出色，份量十足，都幾扺食，一定會再幫襯。…Read More

從來都冇食過新疆菜，晚飯時間經過天后呢間主打新疆菜嘅餐館，決定一試。新疆菜嘅餐牌大部分都係羊嘅菜式，雖然選擇唔多，但都有小食、主菜同粉麵飯等選擇。被安排坐近門口嘅位置，座位舒適。餐廳四周都貼左各款菜式嘅圖片，樣樣都好吸引好想試。除咗新疆菜，仲有粵菜同川菜。新疆手工涼皮子($68)涼皮子煙韌有咬口，青瓜爽脆，個汁似係鎮江香醋加少少辣油，酸酸地加上微辣，第一口覺得好酸，但越食越開胃。九轉豬大腸($68)豬大腸外面好脆，炸得非常香口，裏面冇乜多餘嘅肥膏，個醬汁酸酸甜甜好好味！馬拉盞炒通菜($68) 爽脆鹹香，頗有鑊氣。烤羊排 ($138) 食新疆菜點可以唔食羊呢烤羊排可以選擇4或者6件。一上菜已聞到好大陣孜然加上烤羊嘅香味羊排厚身，外皮烤得香脆，羊肉唔係好羶，肉質有彈性。另外，𣎴得不讚餐廳嘅服務，老闆娘非常友善，會同我地傾吓計，問我地啲野啱啱食，員工都好有笑容，不時幫我地斟水。總括來講，食物同服務都有水準，期待下次再試更多新疆菜式。…Read More

先去門口落單同俾錢，一坐返埋位兩個麵已經到，阿姐真係好有效率蘿蔔無渣，好甜好林。魷魚非常爽口。辣醬又甜又辣，幾過癮豬腸好彈牙，冇乜肥膏唔油膩，份量都幾多。牛腩雖然細粒，但非常入味。總括黎講，$25兩餸麵係抵食嘅，仲要啲餸樣樣都好食。聽講豬紅都好出色，下次要試下。…Read More

去完times square 買野，諗住搵間近近地嘅餐廳食晚飯。我同朋友係百樂中心樓下諗咗陣，最後決定試下深宵食堂。見到餐廳個名，令我諗起日劇深夜食堂。餐廳細細，各個角落都有日式小擺設，木色牆身加上柔和燈光，令人感覺放鬆，彷彿身處日本嘅居酒屋。燒雞泡魚乾雞泡魚乾甜甜地，表面乾身但咬落煙煙韌韌，加咗七味粉同沙律醬超好味。芝士蟹肉玉子燒差不多每枱都有點嘅菜式，啖啖都有芝士同蟹肉。如減少茄汁嘅份量，可以更加突出蟹肉嘅鮮味。芝士年糕又係芝士外皮有啲位燒到好似梳打餅咁脆，芝士咸咸地，非常流心，好正！一口和牛牛肉燒得剛好， 有鎖住肉汁，只用黑椒同鹽簡單咁調味都已經好好食。鹽燒雞腎，薄切爽口。生燒牛脷芯 厚切牛舌，好juicy好彈牙，邊位微脆。忌廉溝鮮奶，係解渴嘅！總括黎講，食物質素高，餐廳細但座位舒適，好適合同朋友小聚。…Read More

星期六一早去做運動，做完運動決定去呢間懷舊冰室食個靚早餐。凍奶茶甜度適中，用呢隻杯好似特別好飲兩塊薄薄嘅午餐肉，個公仔麵煮得剛好，但湯底太淡，無乜味。餐包微溫，食落係傳統麵包店嘅口感，裏面已經夾咗牛油。火腿炒蛋幾滑幾香，有鑊氣。…Read More

原來北角開咗間以宮廷為主題嘅火鍋店，見評價唔錯，就約朋友去試下。聖旨到！原來裏邊係餐牌呢個湯底實在太貴食唔起啦。餐具好靚，座位寬敞舒適。未入門口已經聞到好大陣雞湯嘅香味，我地喺麻辣鍋同花膠雞湯之間諗左好耐，最終都係決定點花膠雞湯。雞湯好濃好正，咸咸地好鮮味。半隻雞嘅份量已經好多，雞件已經八成熟，煮多陣就食得。花膠好大件，每件都差唔多成塊面咁大！黑豚肉唔係重點，重點係放咗乾冰會出煙。竹庶茅根清甜解渴，好好飲，encore咗幾支。餐廳送嘅飯後甜品。椰汁大菜糕？！賣相精緻，但味道有點怪。總括來講，餐廳嘅佈置同餐具都好有心思，食物擺盤好靚，味道唔錯。由於客人唔算多，我地食完仲坐咗好耐，好適合朋友聚會。…Read More