傻仔笨's Profile

買咗團購套餐，真係覺得遠超水準。鵝肝，外脆內軟磨菇湯，很濃，若有埋粒粒菇相信會更有咬口。藜麥沙津，個汁做得好好。T骨排，4成熟，火力控制得好。但友人略嫌唔太夠熱。油鴨脾，外皮脆，沒有“蘇”味。燒雞，少少辣，D肉好滑，完全無雪味。炸豬手，勁脆，酸菜好醒胃，讚。飲品，試過咖啡太苦，奶茶淡如水。兩樣都比不上大家樂，但檸茶唔錯。我之前曾兩次walk in都full house，之後兩次嚟都係book位。…Read More

一個餐，有齊湯，點心，蒸飯，都只係五十五蚊。套餐內之點心叫咗咸水角，熱騰騰，但略嫌硬，居然有三個，一個人份量，實飽，一句講哂，十分街坊價。而且係即叫即做，抵讚。食品是不錯的，分量賣相也吸引，唯一強差人意的，是咸魚蒸肉餅飯，居然唔係咸魚，而係一片鯇魚，貨不對辦。至於收三元茶錢，係車仔茶包，如早些說明會好些。總括也是不過不失的。…Read More

透過團購買魚生飯定食套餐，上枱份定食，有前菜、沙律、麵豉湯、魚生飯同飲品，睇落真係好豐富。點知一食落去....嘩，真係好耐未食過咁無質素的食品。D沙律醬好似唔駛錢咁，我自問係一個鍾意食咩都多醬的人，連我都嫌多，咁就真係Too much。前菜有魚翅、鮑魚、中華沙律、八爪魚。但魚翅偏硬、鮑魚預咗係假，所以接受得到。中華沙律最正常，但八爪魚都係怪怪的，不知怎樣形容，總之並不像平時食到的。魚生仲離譜，好似去素食店的仿製品，三文魚完全無魚味，墨魚好似魚旦製造嘅仿製品。最耐人尋味係...當夾起件吞拿魚時，居然D飯有一灘向血水，我真係懷疑真係血水定係吞拿魚上的染色素。即刻用手機照低，可惜未能成UPLOAD功在此評論上。論服務，也是不合格。我同隔離檯同一時間叫十件三文魚壽司，人哋食剩四件，我都未嚟，就同經理反映，經理有點唔耐煩回應，“鍊”緊，壽司係即叫即做，要時間“鍊”，唔關係咪同一時間落單事。成間餐廳，侍應佈滿場，游來游去，問親嘢都答唔到，要轉問經理。後來經理都忍唔住，在水吧大大聲聲罵班下屬瞓醒未，質問佢哋究竟想開開心心做嘢，定係返工俾佢勁罵？個個俾佢罵到低哂頭，我作為一個客，都感到不安。咁樣嘅食物質素、差劣的服務態度及週六也逃避不過經理的訓示，唉...即使免費請我食，我都唔會再去囉！…Read More

8:45p.m.去到酒樓，由於太餓，二話不說攞飛。門口寫住宵夜小菜/火煱於晚上九時後開始，一心諗住相差15分鐘，緊係等到宵夜時段啦，咪同知客講2位宵夜小菜。知客回應特價時段須在門口先排隊，九時才開始派飛，咁咪排囉。到排完、攞完飛，九時安排入座。坐低後，問侍應攞特價小菜餐牌，佢居然好晦氣話今日開始取消宵夜小菜，我問咁點解要我排隊等到九時，佢無理就走咗去。都算了，問佢攞大餐牌，佢搵完走近我張枱，自言自語話“D人攞哂D餐牌去邊呀，無哂嘅”，講完之後等咗五分鐘都無拎餐牌俾我。我咪唯有出大堂問其他侍應，個侍應聽完指下個口兼擰頭(意思應該係佢喉嚨唔舒服，答唔到，但身體語言俾我的感覺係唔耐煩:(。嘩，做飲食業唔舒服都帶番個口罩啦)。我轉身搵咗個部長問，佢算係全場最正常的服務性行業人員，態度友善，找了3分鐘後，在我打算起身走之前，終於搵到個餐牌俾我。前菜點了牛𦟌，略嫌乾身，但味道尚可。白灼蝦，鮮甜，但居然有沙。鴨掌西蘭花鮑魚菇，用煲仔上保持熱度，抵讚，但味精很重，食完好口渴:(:(。白飯，用砵仔上，份量比用飯碗明顯少許多。一邊食，隔離枱多次投訴上菜慢，眼見佢哋食到十時，仍有兩個餸未到，部份親友等不了先走。催了幾次，終於上菜，傳菜嬸嬸慘成箭把。客人投訴大嗱嗱幾千蚊食圍餐，要自己酙茶、無侍應分翅，上菜又慢，部份親友吾到都走了，要求餘下兩款餸退錢唔要。在側負責上菜的侍應一粒聲都唔出，無理客人退款要求，繼續把餸放在枱上。無辜的傳菜嬸嬸被質問後定一定神，很有智慧又不失禮貌地回應“我都明白你好勞氣，但我只感到無奈”，高人呀！但我真係睇唔過眼個侍應，明明係自己服務態度差，累同事俾人罵，但也不出聲道歉。總括而言，我都食到一肚氣，今時今日都應該很難再找到服務如此差的食肆，我決不會再惠顧。差差差....…Read More

6:30p.m.到，剛剛好有位，之後D人都開始要等位。枱與枱之間較近，不太適合傾偈GATHERING。菜肉生煎飽，OK，唔係多汁果種，但好軟熟:)，好味！口水雞：我第一次食，雞幾滑，很惹味，食完個口有少少麻痺的感覺，辣度剛剛好，$50多都有10件左右。蚵仔琵琶豆腐：食唔到一粒粒的蚵仔，但吃到蚵仔的香味。琵琶豆腐的竹質感與一般食開嘅唔同，這款是乾身的，有8件，吃到第3件已覺太乾。燒賣：即叫即做咁，超熱，裡面有蝦，唔會好似酒樓咁多肥豬肉，很好味:)！龍蝦湯海鮮刀削麵：個湯雖然唔太飲得出龍蝦味，但湯本身味也頗濃。蝦、帶子、魚塊各有2件，每件也鮮甜，唔似普通雪藏貨。刀削麵也很滑，時間掌握得好。…Read More

飲品真的一般，凍檸茶唔夠冰，要額外問佢加冰。熱奶茶夠滑，但唔夠茶香:(。娘惹麵線，酸酸辣辣，都幾醒胃。再加上兩隻半熟蛋，晶瑩剔透，但唔知係咪因為先食了麵線，太濃味，而吃不出蛋香。另叫咗傳統多士，即咖央+厚厚一片牛油，出奇地夾。咖央中和了牛油的膩，好味！環境方面比較擠迫，見整多士嘅姐姐做到不停手，好辛苦！所以多士等候嘅時間較長。…Read More

前菜不用加錢，傳統的味道，很別緻。茶水也是免費，韓式帶點粟米、玄米味的茶水，很香:)！辣味湯年糕粉絲：味道不錯，只是份量比較少，4人食都唔知點分！韓式炸醬麵：曾試過新世紀廣場的x 膳，很難食。但今次在南大門吃卻是出奇地好味，很香、很滑！鐵板牛肋骨：$90多，但份量算多，調味很濃，我好鍾意食。遺憾骨的位置燒得唔熟，想食都食唔到。石頭煱飯：無料，d飯又太腍，無咩味道，難食。唔夠food court嘅韓式食肆咁好味！4個人食咗$298，唔夠飽，其實唔算貴，但份量偏少囉！…Read More

免費的黑糖麵包仍然是我的至愛，兩個人食了2條，這間店的黑糖麵包均能保鮮新鮮熱辣，極好味！燒安格斯牛排：要了4成，不會血淋淋，很軟、極有牛味，以燒的方式處理，很香口！提供黑椒汁及磨菇汁，我嫌黑椒汁搶去牛肉的原味，磨菇汁則恰到好處，至於友人則認為只點芥末是最能帶出牛味。12安士兩個女仔share已夠飽。配菜要了雞飯及甜蕃薯，蕃薯這回不夠甜，比較遜色咗！白酒茄汁煮青口：青口比預算中細隻，我不太鍾意D茄汁味太濃，搶去青口的鮮味。OUTBACK的服務是很有水準的，令你食得稱心。…Read More

午餐約$75有交易，包餐湯、主菜及飲品，抵！建議選擇入面近玻璃位置，相對較靜。餐湯:)：試過薑味南瓜湯及薯仔忌廉湯，前者令我一試難忘，感覺好驅風囉，南瓜味亦濃。另試過薯仔忌廉湯，也很濃薯仔味。兩款湯的質感也是FEEL到將薯仔及南瓜磨碎，很濃、口感一流！芥末薯蓉龍脷柳：估唔到份量咁大，芥末薯蓉超得，精神為之一振！龍脷柳也好味，起碼食到有魚味而唔係雪藏味！意大利雲吞:(：我認為一般，始終覺得裡面有D粉狀，而且皮厚，唔太鍾意。餐飲：又係估唔到咁大杯，我要咗凍檸茶，茶味似英式，不會“鞋”脷！以這個價錢，有這個水準的餐湯，我覺得好抵囉！…Read More

餐牌裡數款食品，可加$9加餐湯/飲品/沙律/甜品，自由配搭！拼盆B($62)，我覺得超抵，份餐包括沙律、蝦意粉、4片牛肉、煙肉菠菜撻、茄子，份量也不少，滿足到貪心的我。蝦意粉炒得香口，兩隻蝦算大隻，但欠鮮味，有點假。牛肉都有牛味，比預期中好。煙肉菠菜撻出奇地花心思，很巧功夫，好香、推介！鮮茄咖喱海鮮意大利飯($68)，個汁好醒胃，茄汁和咖喱平衡得很好。總括蜆肉、青口、小柱子也鮮甜，而蝦較拼盆的蝦好味、爽，亦帶少許蝦味。至於個飯，似日本米多過意大利米喎！這份餐感覺很精緻，有心思的配搭。以這個價錢，無諗過有此水準，只是環境方面比較嘈，位於沙田一田百貨超市樓層，餐廳只用離笆圍住，周圍人來人往，欠私隱:(。而且坐位比較少及密，這點比較遜色！…Read More

又係團購出事，$188包八款牛部位+湯底+甜品。湯底：要咗醒胃鴛鴦湯底，即係沙嗲+清湯，沙嗲底偏油，個湯底就正正常常。八款生牛部位：每款有5片，但唔新鮮，睇到D牛肉片邊偏黑色及硬，好明顯唔新鮮！其他部位無特別，牛舌好“蘇”。甜品：四位有4款甜品，甜品好味過正餐。以下係自己加嘅食品，加埋小費埋單要成$650多，一D都唔抵!黑豚肉：難食到呢...都唔明點解豬都可以咁“蘇”。雜菜、雜菇：細碟到，每碟到成$80碟，超唔抵！西洋菜餃拼豆苗餃($58)：OK啦，每款有3隻，但隻餃好細。白鱔片：鱔味不算濃，薄切，唔爽。脆肉鯇：好食，大件同脆！墨魚滑：有陣唔新鮮嘅味道。醉雞件：沒有油味！4個人食，1男3女，其中一位係長者，但都食唔飽。一句講哂，用料唔新鮮、份量少、唔抵食。以這個價，我寧願俾多少少去不到翁囉！…Read More

已經變咗outback的忠實fan，以前唔識叫，總覺得好貴，現在學叻了！這條黑糖飽，真係超好味，送的，唔夠可以再叫，我們兩個人去，叫咗兩條，有d類似cream又似牛油的物體，塗上食一流。凱撒沙律，咸咸的蒜蓉飽，加上芝士，好好味！:)要咗一份慢火烤牛，分8、12、16安士，兩個人，要咗12安士，好似$230多，抵食。要4成熟，沒有向水，質感超軟滑，淡淡的牛味，好正！炸磨菇，略嫌外層嘅粉“張”太咸，但可能係for送啤酒掛！但咬落去有磨菇原有的汁，juicy！兩個人埋單$300都唔駛，抵食！…Read More

麻香椰菜：餐牌介紹係食到停唔到口，真的，幾開胃、好特別。無諗過椰菜可以生食的。牛角飯：如果你去過韓國食地道紫菜飯，又或者買過一些由韓國入口專用作混在飯內食的紫菜食，你就會覺得牛角飯不夠好食。但若從未食過的話，你會覺得好特別、好好食！我就略嫌紫菜太少。厚燒牛舌：幾軟，有牛味，有口感。加上檸檬汁，很醒胃！:)牛粒：好似$56，份量也不少，而且肉質很好，最特別側邊的牛油同蒜，係放在爐上溶後再點牛肉粒食。但個人認為不能突出蒜味。但整體係好食的。牛肋骨肉：有5件，有牛味，平均$10一件，好似貴d喎！自己動手燒，別有一番風味。爐溫十分平均，唔似d韓式放題的爐具，個火時大時細。抹茶銅鑼燒：我第一次要放在爐上整熱，好有驚喜，冷與熱、硬與軟之間，推！裡面除了抹茶雪糕，還有一層紅豆，十分有心思，好味極了！:…Read More

Openrice 大多數個個讚好嘅老字號 “馬華餐廳”，果個Set Lunch 真係難以形容咁難食!! 先來個超稀羅宋湯@@味道都…不得了 >.< 唔合格超求其!!! :(牛仔柳飯仲可以揀汁, 只得個虛函掂 , 梳打粉完全覆蓋所謂嘅牛屍體!! 正因為呢間係馬來食品出名咪揀咖喱汁囉…真係唔好抱有希望就唔會失望!!! 飯底仲要唔得熱添?! 另一款叫焗菠蘿排骨飯, 係正宗表面焗囉! 得個面d汁邊燶燶地!! 件肉根本係豬扒…咁點解唔就咁叫焗豬扒飯呢??? 個名就幾好聽話菠蘿係主角但都係得兩粒仔咁大把!!! 件肉唔理牛定豬都係嗱到焾晒唔使用牙咬!!! 最正常味道係杯餐飲檬茶!!! :)平均每位午餐$43, 環境一般但偏嘈…真係唔咁再幫襯!!!…Read More

由於差不多2:30p.m.才去到，仲要係平日，所以不用等位。店舖環境真的一流，富有特色，加上赤柱環境又靚，坐得舒服。雖然環境一流，但食物質素都好緊要嫁....餐飽一般，如果再熱D就好了！餐湯，質地幾CREAMY，OK的。沙律，好普通，沒有特別！但以幾十元一份SET LUNCH，都算係咁！主菜，本應是戲肉的德國咸豬手居然令人大失所望，好咸，而且又唔脆，好失望！甜品嘛，亦是不過不失，賣相就幾靚！總括而言，如果閣下係喜歡食環境的，絕對係首選，但如果想食好嘢，依間不會作推介囉！…Read More