AdrianTo's Profile

以後唔會再去。今日一行八人興致勃勃去食燒味飯，事前已經打咗電話，問清楚八個人一齊坐有冇難度，對方話可以，會替我哋安排，叮囑我哋準時到，因為中午多客人。我哋超級準時到，一分鐘都冇遲，點知帶位嗰個鄉音阿姑一見到我哋就破口大罵，怨聲載道，話我哋令到佢好麻煩，有好多人睺住個位，要為我哋霸住兩張大枱令到佢好麻煩，好難做，一直係咁鬧，我答佢：「我哋已經準時到。」佢充耳不聞，依然繼續鬧，仲要我哋凳都未坐低就要落單，我話等一陣，佢猛催，到我哋可以落單，佢就叫停我哋，要我哋聽足佢吩咐，佢問一句，我哋先可以講一句，佢落緊嘅時候，其他人唔可以出聲，同埋佢只會落一次單，佢問嘅時候唔及時出聲，就唔會落，如果期間有人插嘴，搞到佢落錯單，佢唔會負責。請問呢位阿姑有冇接受過九年免費教育？其他人遇到咁樣嘅情況，會唔會縱容佢哋咁嘅態度呢？我係見啲同事餓，先唔同佢開拖，其實可以報警、call食環、消防、屋宇署（check佢個閣樓），仲有地政，好多嘢可以同佢檢查一下，睇吓邊度出咗問題，如果係個腦出問題，仲可以call白車。至於食物質素，只係普通街坊級數，所謂「馳名」燒鵝脾位肥、胸肉柴，瀨粉湯淡如無味，如白開水，只有叉燒中規中矩，正常發揮，唔明白佢邊得嚟咁不可一世目中無人嘅傲慢態度。…Read More

第二次來吃，侍應多了很多貌似業餘性質的，著侍應寫菜，一個推一個，原來很多不諳廣東話。旁邊客人說單寫錯了，另一邊客人說甜品裡有蚊子，不要了，我開始有點點擔心。終於也輪到我，跟一位侍應點了菜，她糊裏糊塗的走開，我著另一位侍應替我跟進，她竟然發脾氣厲聲斥喝：「你同佢講咗就唔好同我講啦！」另一位侍應馬上前來問發生何事，說她是兼職：「佢係咁㗎喇⋯」此時那位相當離譜的侍應還周圍目露兇光。我罵他們一個狗血淋頭之後隨即取消所有點菜，離開。發神經的。我當晚在霞小飛點了醉雞和酸辣湯。醉雞的酒味略嫌太濃烈，帶苦，雞肉內也夾雜了不少碎骨，吃的時候要小心。酸辣湯味道普通，不算太酸也不會太辣，普普通通。…Read More

呢間餐廳雖然其貌不揚，但係佢嘅醉雞米線實在太好味。佢招牌雖然寫「醉雞米粉」，但我個人覺得佢配米線更好食。醉雞同米線係分開上嘅，食嘅時候，阿姐或者會溫馨提示成盆雞連醉雞汁一嘢掃哂落碗米線度一齊食，話咁樣食香啲。我試咗，真係非常好，自此次次都係咁食，原本裝雞隻碟就用嚟裝骨。叫嘅時候記得可以講明要咩部位，譬如雞胸、走背（脊）、黐住脾，如果要全脾就要加$10，OK啦。另外我亦都試過佢個海南雞飯，麻麻地，醉雞贏太多。…Read More

今晚點咗三樣嘢：椰子雞湯、泰式春卷同泰式雞塊炒粉。首先，所有雞都過熟、鞋口、韌到吊頸都唔斷，失敗。泰式春卷啲嘢散嘅，一夾啲嘢飛哂出嚟，兼夾乾爭爭，失敗。炒粉太甜，我以為撈咗茄汁，失敗。南亞裔服務員態度超差，埋單時掃跌我張卡，唔執，等我朋友好心烏低身執俾佢。問佢Asia Miles嘅嘢，佢非常唔耐煩咁一味話冇冇冇，想鬧我咁濟，我一再澄清我個問題，佢話：「You talk to my boss.」然後掉頭走。等咗幾分鐘，佢先同佢個boss嚟遠指住我話我有「reservation」嘅嘢要問。想點？以後唔會再嚟。…Read More