Fanny_l's Profile

蒜蓉牛油燒生蠔🦪生蠔燒得幾香，蒜蓉鋪底好惹味，上面灑嘅蔥絲增添清爽感，蠔肉夠大隻，咬落去仲幾 juicy燒雞軟骨🐔燒得金黃，表面有少少焦香，調味唔算太重，惹味～翠玉瓜🥒燒完之後保留咗爽脆嘅口感，表面微微燒焦，帶少少炭燒香，清淡得嚟又幾有驚喜，食完重口味嘢食呢個，好解膩～雞骨豬肉腸🌭外皮微脆，裡面肉質彈牙，灑嘅香料好香，錫紙包住手位，食嘅時候唔怕燙手呢間串燒店食材新鮮，燒烤水準唔錯，環境都幾有日式居酒屋 feel，下次想食串燒仲會再嚟試其他款😉…Read More

溫泉蛋大滿足丼睇個名就知有幾滿足！牛五花、牛舌、豚肉鋪到成碗飯都見唔到飯粒🤣 牛五花同豚肉炆到軟腍，吸晒濃郁醬汁，牛舌仲帶少少煙韌，配埋中間流心溫泉蛋，戳開蛋黃淋曬落飯度，每一啖都又香又滑，好幸福！日式咖哩雞肉丼咖哩控一定要試！咖哩汁濃稠得嚟仲有好多雞肉同蔬菜，雞肉炆到好入味，一咬就散開～ 旁邊仲鋪滿海苔香鬆，拌勻之後每粒飯都掛住咖哩同香鬆，有咖哩香之餘又有D脆脆嘅口感外加小食有炸蝦、炸餃同炸蠔，炸蝦外層脆卜卜，蝦肉彈牙，配埋蛋黃醬超夾；炸餃皮好薄，裡面餡料飽滿，熱辣辣食好過癮，如果有埋醋就perfect laaa～…Read More

Lamb Hyderabadi Dum Biryani個煲上枱仲滾滾地，揭開金黃鍋巴層嗰下，藏紅花同香料香直接湧曬出嚟🤩 羊肉炆得幾腍，每粒飯都吸晒肉汁，粒粒分明仲帶少少焦脆，個麵包卜卜脆，口感層次勁豐富！Truffle Cheese Naan松露控絕對要叫！烤餅薄身香軟，面頭鋪滿黑松露碎同溶到出嚟嘅芝士🤤 就算唔點咖喱，就咁食都食到停唔到，呢個組合簡直係罪惡嘅化身！Paneer Saagwala翠綠菠菜出乎意料地係creamy嘅質地，入面嘅 Paneer 奶酪軟綿綿，菠菜打得好細滑，濃郁得嚟又帶少少清新，仲有啲香辣，配住烤餅撈住食又一個新配搭Chicken Tikka Masala咖喱入面嘅雞肉大件又嫩滑，咖喱汁混合十幾種香料同奶油，想講masala食印度菜基本必點～濃郁得嚟帶少少微辣，撈飯或者配naan食簡直絕配🤣…Read More

椰汁雞湯泰國菜除咗生菜包，椰汁雞湯絕對係我嘅摯愛。椰汁嘅濃香加少少酸味，飲落又香又開胃。雞肉雖然係雞胸，但好軟嫩，蘑菇煮得入味，嗦曬啲湯汁。分量好足，一個人飲有啲多，兩個人分享啱啱好～青木瓜蝦沙律平時我都唔係好鍾意食沙律，覺得寡淡。但咧碗青木瓜蝦沙律淨係個“色”都好吸引我，青木瓜絲、小番茄、蝦仁五顏六色，望落好豐富。食落亦都完全超出預期，青木瓜爽脆，蝦仁新鮮彈牙，酸酸辣辣好開胃，越食越想食，旁邊嘅生菜亦都好新鮮好乾淨雞肉泰式濕炒河咧間嘅雞肉泰式濕炒河炒得好唔錯，河粉、雞肉、蔬菜都堆得好滿。河粉滑得嚟唔會好油膩，雞肉嫩同埋唔使自己挑骨🤣🤣，醬香味濃，但唔會太鹹，一啖食落去好滿足！！炸釀雞翼炸嘢我不嬲都唔太好，但佢咧個炸釀雞翼外皮炸到金黃酥脆，咬開之後，內餡有馬蹄、肉碎、蝦、芫荽、胡椒等等，口感好豐富，又脆又嫩又彈。沾上泰式酸辣汁，鹹、鮮、酸、辣、甜，齊曬！好surprise黃金夢黃金夢淨係芒果加菠蘿汁，係鮮榨噶！！入口時，芒果嘅香甜同菠蘿嘅微酸融合得啱啱好，口感細膩，冰冰涼涼，好清爽，食泰菜配佢，解膩又解辣～白馬王子一開始就被呢杯飲品嘅名字同造型吸引，上層係微甜嘅椰汁，個底啲配料好似啫喱包住馬蹄粒咁，聽落好奇怪，但食落好得意🤣…Read More

川菜之愛！酸辣雞雜飯、小炒肚絲飯、回鍋肉飯，個個都正👅酸辣雞雜飯🌶️雞胗、雞腸洗得乾乾淨淨，炒到爽脆彈牙，一啲腥味都冇。酸味同紅辣椒勁夠力，味蕾即時醒晒，越吃越想食，簡直停唔到口！小炒肚絲飯🥢肚絲切得幼細，炒得軟硬適中，唔會韌到咬唔開。醬汁鹹香帶少少辣，撈飯吃真係絕配，簡直是工作餐首選👍回鍋肉飯🍚經典中的經典！回鍋肉飯個賣相已經好吸引，肥瘦相間嘅豬肉炒到微焦，肥油被逼晒出來，食起身一啲都唔油膩😋…Read More

鹽味上牛舌牛舌肥瘦均勻，食落一啲都唔韌。而且味道啱啱好，少少鹹，加埋檸檬汁好正！鰻魚好大塊，佢仲配埋燒汁等你燒完之後搽上去，完美還原蒲燒鰻魚～❗️重頭戲❗️大判燒！黑毛和牛西冷❤️‍🔥❤️‍🔥一上菜見到佢個雪花即刻😍😍🤩🤩雪花均勻，完全唔會覺得膩。加埋蛋漿，濃濃嘅蛋黃包住入口即溶嘅和牛，真係食極都唔夠🥺黑毛和牛精選2種有和牛赤身同裹腹小排，兩款肉質都好厚實，而且夾雜住少少肥肉，配住檸檬汁食完全唔會膩，而且味道剛好~杏仁布丁佢個布丁望落平平無奇，估唔到好嫰滑，而且都幾香杏仁味，唔會太甜雪米糍原本以為佢係好甜嘅和菓子，原來係好香嘅阿華田雪米糍🤣🤣好驚喜，而且味道都濃郁，幾好食~~海老最中意食蝦，佢啲蝦好厚肉，肉質彈牙，而且好重蝦味。可惜得2隻，完全唔夠喉😭冷麵 估唔到冷麵配燒肉又幾夾。佢個酸湯中意食酸嘅我～而且如果擔心燒肉油膩，佢可以幫你解解膩之餘又開胃可以食。另外佢個麵個口感都好好，唔會有拉麵嗰種鹼水味，推薦！！…Read More

冷豆腐 冷豆腐滑捋捋，好純嘅豆香。滿滿嘅木鱼花鋪喺面，加埋蔥花同豉油，入口好嫰滑，開胃又唔膩，夏天做前菜啱晒～ 和風餃子 佢個和風餃子係煎餃，底面金黃酥脆，咬落卜卜脆！仲要塊餃子皮一啲都唔厚，少少煙韌唔會淋曬，裡面啲陷好滿而且多汁，肉香夾住蔥香，直接想叫多幾碟～ 味噌廣島蠔雞湯拉麵 湯底好濃郁，味噌嘅鹹香夾住雞湯鮮甜。廣島蠔大隻又肥美，咬落嫩到爆汁；雞胸肉出乎意料地好嫰滑，加啲檸檬汁食落好清爽。拉麵掛住湯汁，彈牙入味，大推～ 魚介豚骨沾麵沾麵醬好濃，魚介鮮味同豚骨濃香融埋一齊，掛喺麵上面，啖啖都好夠味！麵條食落幾有咬口，溏心蛋流心好正，勁中意食溏心蛋！佢個豚骨好大舊，肥瘦均勻，醃味醃得啱啱好，鹹淡適中。食到後尾加湯變湯麵，又有另一種滋味，幾過癮～ …Read More

Janjan 串揚店，聽講佢哋嘅串燒相當有特色，於是我就專程去試一試。一入到去間店，就感受到陣陣燒烤香，環境都算乾淨企理，充滿住居酒屋嘅氛圍。​免治雞肉棒，雞肉剁得好碎，入口好嫩滑，咬落仲有陣陣雞肉嘅鮮味散發出嚟。應該有落一啲獨特嘅調味料，微微嘅香料味同雞肉嘅鮮味配合得相得益彰，食落好滋味。​天使海老都好令人驚喜，炸過之後外皮金黃酥脆，裡面保持住嫩滑多汁嘅口感三文魚子海鮮球都唔錯，入面除咗有三文魚子，仲有唔同嘅海鮮碎粒。咬落去嘅時候，三文魚子嘅鮮甜同其他海鮮嘅鮮味一齊湧出嚟，口感豐富，而且炸得恰到好處，唔會覺得油膩。​炸流心蛋真係好正，睇落普普通通，但當咬開個蛋嘅時候，金黃色嘅蛋漿即刻流出嚟，好吸引。蛋漿嘅味道好濃郁，外層炸得酥脆嘅蛋皮同裡面軟滑嘅蛋漿形成鮮明對比。​砂肝串燒，砂肝處理得好乾淨，冇咩異味。烤得香噴噴，咬落去口感爽脆，而且好入味。​雞皮蝦串燒都好有特色，雞皮烤到好脆，蝦又新鮮彈牙。最後試咗燒冬菇，冬菇好厚身，烤過之後保留住本身嘅水分，咬落去好有口感，作為素菜串燒，都好出色。呢度嘅串燒無論係食材嘅新鮮度，定係調味同烹調手法，都做得相當出色，每一款菜式都有自己嘅特色！…Read More

🌆 黃昏時分嘅灣仔避風塘，海風夾住鑊氣香吹過黎，遠遠就見到喜記紅底金字招牌閃吓閃吓。門面佈滿歲月痕跡，牆上名人合照同報導，一入去就似跌咗入香港飲食記憶庫～​🦀 招牌避風塘炒辣蟹辣椒、蒜片香氣撲鼻！店內專門會有人幫手拍開蟹腳，外層酥脆喀嚓聲，裡面蟹肉鮮好嫩，微辣帶蒜香，連蟹蓋蟹膏都濃郁到黏嘴唇，可以撈埋金蒜一齊食，呢個先係食蟹靈魂位！​🐚 豉椒炒蜆份量夠晒大，鐵鑊氣逼到蜆肉鮮甜彈牙，豉油同辣椒絲襯到蜆肉更清鮮，完全無沙粒騷味🦑 椒鹽魷魚拼白飯魚 雙重酥脆！魷魚厚身多肉，咬落卡滋卡滋，白飯魚炸到金黃通透，灑上椒鹽鹹香撲鼻！​🐚 招牌醉鮑魚 酒香味滲到每一絲🍜 蟹油炒麵 麵條吸滿蟹油精華，炒到乾身帶焦香，煙韌有勁，趁熱食蟹油香氣最澎湃，碳水控忍唔住食多碗！​👨🍽 父親節快到啦！可以帶爸爸過來食熱辣辣避風塘蟹，聽佢講當年故事，點幾味佢鍾意嘅小菜，溫馨又窩心～喜記鑊氣夠、份量足，價錢貼地，一家人食得開心又飽肚，快啲提前 book 位，同爸爸一齊試呢個 60 年嘅味道啦！🦞❤👨👧👦​…Read More

香煎慢煮澳洲安格斯牛小排呢個牛小排煎得好正！外邊有啲焦香，入面啲肉汁仲鎖住曬。切落去見到入面好粉嫩。食落軟腍多汁，牛肉味好濃郁。啲配菜都唔錯，薯蓉好香滑，個汁令到成個主菜無咁plain香煎法國鵝肝鵝肝煎到面頭金黃脆卜卜，入面超嫰滑。一放入口就化開，好肥美，食落係滿滿嘅油香。配埋啲果醬同蔬菜，啱啱好可以解下膩，成個搭配好夾，味道唔錯～開心果奶蓋梳乎厘班戟梳乎厘班戟好鬆軟，duangduang咁。開心果奶蓋好香濃，加埋啲開心果碎，咬落有脆口嘅感覺。甜度啱啱好，唔會好膩，作為甜品真係好正！！！…Read More

醬燒雞腿漢堡 個漢堡包生得好標緻🤣🤣，食落好軟熟，雞髀肉用豉油燒過，面頭有陣焦香，入面好嫰滑。夾住新鮮番茄片、青瓜同生菜，五顏六色好搶眼。一啖咬落去，雞肉啲汁爆出嚟，豉油嘅鹹香同啲菜嘅清新撈埋一齊，口感味道都好有層次～～Ufufu牛肉漢堡 個包同樣軟熟又有咬口。塊牛肉餅又煎得啱啱好，面頭少少焦，但入面係滿滿嘅牛肉汁。塊牛肉漢堡扒真係好大塊好厚，加埋爽脆嘅生菜、番茄同青瓜，同牛肉嘅濃味好夾和風蜆肉意粉 啲意粉掛滿辣辣哋嘅和風汁，啲蜆肉粒粒都脹卜卜，食落好都幾鮮甜。面頭灑咗啲紫菜絲同香草，望落好似唔多，但食嘅時候會有紫菜嘅香味。意粉食落彈牙，成個食曬都完全唔會覺得膩牛油果雞胸法式多士 件多士焗到金黃色咁，係用法包整噶！面頭脆卜卜，入面唔係普通嘅軟熟，而係香甜煙韌🤤雞胸肉切片，淡粉色咁，面頭灑咗黑椒，完全完全唔會柴，再唔怕健身要食雞胸肉啦～牛油果片鋪喺上面，好新鮮，熟度啱啱好，唔會硬亦都唔會黃。旁邊仲有烚蛋、小蘑菇同沙律，擺盤好精緻，啱曬打卡～份量都唔少，一個人食夠飽有凸！…Read More

沙律吧佢呢度嘅lunch係半自助餐形式嚟嘅，沙律吧有好多唔同嘅選擇。前菜有各種唔同嘅沙律同埋蔬菜。最吸引嘅係各種冷盤，好似鷹嘴豆泥Hummus，攪得好細膩順滑。嗰個橙紅色嘅係Muhamara，係用煙燻紅椒再加上核桃碎、煙燻洋蔥、孜然等等嘅調味料搭配整成嘅，食落有種淡淡嘅煙燻味，而且味道好得意，有啲似肉醬嘅味道。呢啲冷盤每一塊配埋佢哋餐前嗰啲熱辣辣嘅麵包，真係好食到爆！我哋淨係食包都已經飽咗大半啦，講真我可以無限添加佢個包🤤烤肉拼盤佢個烤肉拼盤係我哋額外追加嘅，如果是佢個semi buffet覺得唔夠包，可以挑戰下自己嘅“肚”容量。上菜嗰陣真係嚇親我哋🤣 原本已經食到好飽好飽喇，點知佢個烤肉拼盤咁大碟。有足足2人份量嘅羊架、牛柳同埋雞肉。每一樣肉都燒得好正，唔會烤到焦曬，仲保留到肉汁。調味方面都啱啱好，就算淨係食肉都唔會覺得膩！…Read More

田園沙律新鮮爽脆嘅蔬菜配埋香甜嘅🍓，菠蘿同其他唔同嘅水果，食落甜甜酸酸咁，清爽可口雜菜湯味道濃郁，裡面有唔少切碎嘅蔬菜，口感豐富，酸甜適中，好開胃，如果配埋餐包食仲滿足！蒜蓉包好特別嘅蒜蓉包，平時就只係加蒜蓉油，佢咧個係直接加蒜蓉，蒜香味濃郁，麵包烤得外酥內軟，作為餐包，加埋湯嚟食真係一流菠菜煙肉蛋麵寬麵掛滿曬cream，食落好thick同埋滿滿嘅奶香。煙肉嘅鹹香同菠菜嘅清爽互相中和，令味道更加有層次，麵條煮得軟硬適中，真係想自己食曬成碟海鮮薄餅薄脆嘅餅底上鋪滿曬芝士同海鮮。爆多芝士仲要識拉絲，加埋新鮮嘅海鮮，咬落去好彈牙，每一啖都好滿足白菌牛柳牛柳煎制嘅火候掌握得好好，外層有微微嘅焦香，內部嫩滑多汁。搭配嘅白菌醬汁香氣濃郁，令味道食落更加豐富…Read More

海鹽oreo梳乎厘梳乎厘鬆軟綿密，入口輕盈。中間嘅cream同奥利奥碎融合，食落有oreo嘅香甜同朱古力嘅微苦，面頭嘅餅乾碎脆脆哋，食落無咁單調同膩雪覆草莓梳乎厘見到大大粒🍓🍓即刻揀咗佢，中間夾住嘅cream細膩順滑，加埋草莓，酸甜交織，令到食落整體口感更fresh，唔會過甜，啱曬鍾意水果風味嘅人～小開心梳乎厘開心果餡料搭配碎堅果，淨係望住都已經好開心。原本以為個餡會比較plain，但估唔到開心果味好濃，堅果碎豐富咗口感，增加咗香脆質感。加埋啱啱喺雪櫃攞出嚟，好似食緊雪糕咁，大推！！🤤🤤…Read More

香煎法式鵝肝 大大塊鵝肝喺面，外皮焦脆，食落入口即化。油脂香氣濃郁醇厚，加埋酸甜果醬解膩得嚟食落有啲層次，唔會太單調忌廉茄蓉蟹肉龍蝦意大利飯意大利飯嗦曬啲龍蝦湯嘅鮮味同埋cream嘅香味，加咗茄蓉酸酸哋咁，越食越開胃。蟹肉同龍蝦肉彈牙鮮嫩，淨係半隻龍蝦都好多肉同膏，每一啖飯都有唔少蟹肉，好滿足！！羅勒青醬野菌粗管意粉 粗管意粉食落好有咬口，羅勒青醬好fresh，加埋與野菌嘅風味，口感同味道都好豐富自家製巴斯克芝士蛋糕估唔到咧個價錢可以食到咁大個Basque cheesecake，佢表面微焦，但內裡好幼滑，芝士味濃郁醇厚，甜度適中，唔會覺得好甜膩，奶香再加埋巴斯克特有嘅焦香簡直一流！…Read More