mannga's Profile

今日同屋企人行開尖沙咀, 路經"滿江紅", 便決定帶佢地試吓食四川菜, 我點了這裏最出名的兩款餸 -- 麻辣口水雞,水煮桂花魚先講麻辣口水雞, 都幾大碟，都算有1/3隻雞，有齊雞翼、雞肶、雞胸肉，雞肉非常滑溜，雞骨唔會硬可以慢慢啃，個麻辣真係辣到標汗，鼻水不自覺地流下，越辣越想食，連墊底的青瓜條都唔放過，母親大人仲話D花生超脆，總之全碟清哂再講水煮桂花魚,淨係個香味都已經令人食指大動，一撥面頭的辣椒粒，隱約仲聽到滋滋聲，真係新鮮熱辣。急不及待試一片，唔，第一啖就食到桂花魚的鮮甜嫩滑，第二啖就嚐到那種令人又愛又恨的麻辣，超刺激哩！忍唔住再食多一片、一片、又一片，哈，點解對座的母親大人變了關公臉？原來她辣到心跳加速，血氣運行太急，面紅了個水煮魚墊底仲有好多配料，包括青瓜、銀芽、滑粉，全部索哂個汁，辣到標眼淚~唔覺唔覺就飽到捧住個肚，幾乎一放低筷子，就有Waiter行埋黎問有無再加廚房食物；再過一陣，就有Waitress來執碗，明白，係時候埋單走人！…Read More

雲吞面和牛腩撈粗我最愛，雲吞，一碗淨雲吞有8粒($20)，一人份剛好。 雲吞大細剛好一口一粒，豬肉和蝦都新鮮，皮薄薄，味道不錯吃牛腩最好的配搭是粗麵，較闊的麵身可鎖住腩汁在表面，珍苑的粗麵表面看來不像麵餅貨式，加上處理得宜，入口夠彈牙又唔重鹼水味，吸足味的粗麵配香濃牛腩，味道＋口感一流。碟上的牛腩份量唔少，有牛筋、連着筋膜的崩沙腩、有带點肥羔的坑腩，還伴着幾條青菜，腩肉完全不韌、不黐牙。一碟撈麵大慨有兩個麵餅的份量，雖然價錢收廿六蚊都幾貴，但有咁大份量，都算物有所值，亦足夠作為一客午餐。 隨麵咐上的湯有頗濃的大地魚香味。正！…Read More

我住在上水, 相信大部份人提起上水最出名的茶餐廰,都會第一時間想起"廣城冰室"今日星期日, 心血來潮想去這間上水最出名的茶餐廰, 去到門口, 真係人山人海, 我等了足足半小時才輪到我。我點了最出名的牛肉通粉食, 另外轉飲紅豆冰, 這兩款食品都是這裏最出名。先說牛肉通粉,牛肉很軟身, 味道也不錯, 最好味還是湯底, 有濃濃的牛肉味。至於紅豆冰, 真的有好多好多紅豆的紅豆冰, 材料十足, 很有紅豆味。不過我最喜歡還是的店舖裝修七十年代的膠碟設計七十年代的顏色配搭還有七十年代的牛角風扇令顧客彷彿光顧七十年代的茶餐廰仿如活在七十年代…Read More

今日我跟朋友在旺角行街, 路經一間麵包店, 人頭湧湧, 經過一番努力, 先可以入到店內。其實呢間係幾出名的麵包店 --- "包點先生", 但我第一次買麵包, 入到店面, 真係各花各樣的麵包, 不過大部份都是中式的麵包。但又不是傳統的中式榚點, 最特別的地方是中式麵包配西式的口味。我第一次見到有咁多唔同口味的慢頭, 有綠茶, 芋頭, 芝麻, 朱古力等等, 雖然我本身不太喜歡慢頭, 但係見到各式各樣, 顏色鮮艷的慢頭, 令我胃口大開, 我買了一份雜錦慢頭, 因為我太貪心, 想每款味道都想試。果然名符其實, 每款慢頭都有各自味道, 而且麵包質地松軟, 只要在隔水蒸一蒸, 就可以有熱騰騰的慢頭食。另外蕃薯麵包, 吞拿魚麵包都好好味, 特別係吞拿魚麵包外觀真的很漂亮, 好似一條小小的鯉魚, 真係唔捨得食, 這些全部都值得推介。…Read More

我今日跟朋友到澳門玩, 去了宫官也街一飽口福, 朋友介紹了這間食水蟹粥超出名的店舖。我馬上叫了一大窩水蟹粥, 一窩熱熱金黃色的水蟹粥很快便送上, 蟹黃溶入白粥, 令白粥都染成金黃色,每一窩都有一隻水蟹，水蟹又大又肥美, 每一淡都有濃郁的蟹黃味,而家弼身快又錦又滑, 食完想再食, 如果天氣冷的時候食水蟹粥, 味道更加一流。雖然價錢頗貴, 一大窩水蟹粥要$125, 但味道真的不錯, 值得推介, 正。…Read More

星期日我行上水, 路經見到 PIZZA HUT, 最後決定在這裏食下午茶, 等了5分鐘左右已經有位, 但發現上水的分店星期日不設下午茶及午餐套餐供應, 令我有少少失望。我唯有單叫, 我點一客我最愛的 "千層肉醬闊麵" 及一柸 "蘆薈果肉特飲" 。先講 "千層肉醬闊麵", 肉醬闊麵上有一層層厚厚的薯蓉, 焗得又香又濃郁, 而且超香肉醬味,真是一道不錯意大利菜, 值得推介。然後 "蘆薈果肉特飲", 味道都幾清新, 而且有果肉, 口感幾好。但大甜, 我不太喜歡。 …Read More

今日我和朋友路經油麻地, 見到呢間 "好麵線", 想起 open rice 上有網友介紹過, 我地叫了一個二人套餐, 有一個米線, 兩個小食, 兩柸餐飲, 總共$99 , 價錢都算合理。最令我深刻的小食係呢個 "夫妻肺片" , 材料丰富 - 有牛頭皮、牛心、牛舌、牛肚、牛肉，但沒有肺。再加上有麻辣鮮香, 果然係一道四川不錯的風味小吃, 值得推介。…Read More

今日行街突然想食甜品, 走入一間美心西餅店, 店內實在太多蛋糕款式可供選舉, 令到我心思思唔知買邊樣甜品, 最后選左一款芝士蛋糕。外表非常吸引, 兩棵藍梅加一粒士多啤利, 其實味道都唔錯, 不太甜, 食落唔會太滯,而且食完藍梅及士多啤利,更覺令芝士味道突出香濃, 下午茶首選, 值得推介。 …Read More

今日我去沙田行街, 在新城市廣場最下一層找了一間日本拉麵店, 就是這間博多。我叫了一碗炸雞天婦羅烏冬, 本來諗住轉接麵, 點知服務員告訴我要加多$10, 我覺得唔合理, 所以冇轉, 最后都係要烏冬, 心諗要加錢先可以轉拉麵, 係咪烏冬好難食呢!等了5分鐘左右, 一碗熱騰騰的烏冬上枱, 味道不錯, 湯底清淡中又帶點甘香,不太油膩, 而烏冬質地好彈牙, 甚至比拉麵更好味, 更野味。不過有一個最大缺點的是天婦羅跟烏冬同一個碗內, 沒有另外分開, 令天婦羅浸在湯內, 變得唔脆及淋身, 口感不太好。不過這個下午茶包一個前菜(有三件壽司)及一柸餐飲, 都係$38 , 其實好抵食。如果餐飲叫奶茶, 仲可以自己調配甜味及奶味, 唔差。 …Read More

今日我跟朋友到上水客家好棧飲茶, 等左好耐 (差不多一個小時), 終於有位。我見到點心紙上有好多特色茶點, 如家鄉薄餅, 味道唔差, 很香很脆。另外我點了一碟咸雞腳, 一碗魚腩粥, 一碟雞扎。首先雞腳, 味道咸淡適宜, 而家雞腳唔太硬(蚊得夠火喉), 份量唔少, 有6-7只一碟。其次是魚腩粥, 粥的質地好綿, 味道唔錯, 好多魚腩, 而家魚腩無骨, 容易入口, 正呀。最后要講的是雞扎, 味道唔差, 不過比普通, 而且比較油膩。不過總括來講, 點心很多款式, 而家不泛特色客家小食。而家點心全部即叫即制, 保證熱騰騰。最大缺點等位時間太耐, 很多人排隊, 有時最少要等一個小時以上…Read More

今個星期六我路經旺角, 見到呢間 "大家食", 見到店入面人山人海, 我估食物方面有咁上下水準先可吸引咁多人流, 我朋友告訴我呢間店最出名的 "蕃茄牛肉麵" 等, 但最后我叫左碗 "咸豬手加相思骨薯粉", 味道真係唔錯。 不過我最欣賞係薯粉, 佢又唔似米粉咁硬身, 又唔似麵咁油膩及滯肚感。我很喜歡薯粉的質感, 又滑又唔滯, 仲越食越好味。另外咸豬手和相思骨, 味道都唔錯, 特別係相思骨, 甜甜地酸酸地, 幾開胃, 所以值得推介給各位朋友。最唔滿意是環境太差, 好窄好熱, 同大排檔差不多。…Read More

早兩日走去食肯德基, 發現有一個新套餐, 是咖喱豬排飯, 很特別, 所以最后決定食這個套餐, 食完覺得幾好味, 塊豬排超大, 好抵食, 最大缺點, 飯太少, 可以試試。…Read More