hauhau0323's Profile

白鬚牛骨湯飯飲左頭啖湯先，飲落係淡淡既牛脂香，唔會好濃，鐘意食清d既朋友岩曬。牛腩炆得好淋，牛骨雖然無咩肉食，但係啲骨膠源都煮得好淋，證明個湯係落足心機去煲。印尼雞湯粉尼個就濃味好多啦，都係飲啖湯先，入口係好濃既雞湯同椰香，以為個湯會愈食愈膩，但係完全無。每一啖都好多雞肉，肉質嫩滑，除左麵仲有椰菜絲，食落口感好多層次！粟米墨魚餅配椰油參岩辣醬墨魚餅粟米略小，不過不失。但係個醬係幾特別，好香椰子味，同埋唔算好辣。Beer - Hazy Ipa 叫左杯 🍺，未飲之前就已經聞到好香既菠蘿味，幾易入口。…Read More

早前係康得思買左個staystaion優惠，終於一試米之蓮級既中菜-明閣，好懶宜家先打食評，見到d相又想再去食龍皇3弄尼味菜要由最淡味開始食先(圖:右起)，每隻蝦都好大隻，爽口彈牙，用料新鮮鮮蝦濃湯脆米:個湯好清甜，有冬菇粒，但唔知係咪個湯比較清淡，隻蝦唔係好入味，但會食到蝦既鮮甜，而米通浸左湯之後好食啲蔥爆虎蝦球:好香既蒜味，調個果汁都好好食，濃味之選，因為前一味係清淡，一食尼個有個衝激感花雕粉絲蒸虎蝦:未食已經聞到好香既花雕酒味，食落甜甜地，意外地好食，而且粉絲都索左好多酒味，正龍皇披金甲金甲係龍躉肉，披係蝦膠到，之後炸到金黃色，食落好香口，蝦膠超彈牙，魚肉炸得岩岩好唔會嚡。上碟造型扮番隻蝦，睇落好似好細舊，但咬開係好足料。酥炸釀鮮蟹蓋Book位個陣已經預訂左尼個蟹蓋，驚黎到先叫無得食。蟹蓋有兩款煮法，酥炸同芝士，我地點左酥炸，想食番最基本同埋怕芝士會蓋左蟹肉既鮮味。上菜既時候用左蟹形既碟裝番個蟹蓋，望住個蟹蓋上面閃閃發光，就知道係新鮮炸起。切開一睇，不得了，滿滿的蟹肉，蟹肉混合左芝士，每啖都有淡淡既芝士味，口感好creamy。蘋果醋香豬黑毛豬上碟個陣聞到好香，食落酸酸甜甜，好開胃，而且炸得岩岩好，脆口，炸粉簿，所以啖啖肉，睇相會見到黑毛豬仲係粉嫩既顏色，咬落唔會韌。燒味3重奏明閣最出名就係叉燒，點可以唔試。燒味3重奏係可以自選3樣，我地就叫左燒腩仔、乳豬、叉燒。燒腩仔肥瘦均衡，個皮好脆，入口即溶；乳豬個皮簿帶小許乳豬肉，個皮非常脆，燒既火候岩岩好；叉燒望落好似係瘦叉，但食落自發現係半肥瘦，配埋個叉燒汁，食完會想追加叉燒加個飯。欖角鹹檸M9和牛炒飯睇相好似好普通，但因為落左欖角同鹹檸，個飯食落會有啲甘甘澀澀既味，係好特別既味。和牛粒好足料，雖然切左做粒裝，但每食一啖都會有和牛，下次會想淨叫個M9和牛!…Read More

米蘭豬扒配香蒜忌廉長通粉米蘭豬扒既做法，係用好薄既炸漿包住豬扒，鎖住個肉汁，最特別係炸漿會落芝士，所以食落好香口。反而，個意粉比較出色，每條長通粉入面都忌廉同蒜，每一啖都係好濃既蒜香，超多蒜！芹菜蝦球墨魚汁意粉整體都好足料，蝦球都有4-5粒，蝦肉爽口！墨魚汁意粉配上忌廉汁，都幾夾，忌廉汁岩岩好。吉士蛋自家製既雞蛋布丁，吉士蛋佈滿微苦味既焦糖醬，焦糖面食落好脆口，布丁質感都算滑，有濃濃既蛋香。芝士餅芝士餅較為普通，餅底較簿身，芝士味不算濃，所以食完唔會有好膩既感覺。…Read More

原條鰻魚滑蛋丼睇相都見到成條鰻魚啊！係成條啊！大滿足，鐘意食鰻魚既一定要食，鰻魚汁好夠，送飯一流。滑蛋真係好滑，炒得非常嫩，完全滑入口。明太子蟹肉忌廉意粉滿滿既忌廉汁沾滿曬啲意粉，每啖都係蟹肉同洋蔥粒，非常足料，以為甘多忌廉汁會好膩，但係食完都唔覺。但係意粉份糧意外多，好飽！叁嘗卷個個入黎都必點名物，點可以唔試。綠色既米紙包住新鮮又厚切既吞拿魚粒，牛油果片，仲有炸蝦，配埋個蛋黃醬或者微辣蛋黃醬，意外地好夾，好味道。而且啲飯又唔會好多，因為啲料仲多過飯！…Read More

為慶祝朋友升職，朋友推介大圍 風車，所以訂左枱好好甘慶祝下。我地都掛住傾計，都唔知食咩好，店員好貼心，推薦2人餐，岩曬我地尼d無所謂。 而且個2人晚餐，齊曬西餐既菜式，價錢又好合理，講下有咩食先：頭盤-「意式田園沙律配煙燻鴨胸」估唔到有好多片煙燻鴨胸，2個人食岩岩好，唔洗爭。沙律菜好多，而且酸度剛好，好開胃。湯-「紅湯」唔好以為係普通紅湯，飲落係有蕃茄蓉。「龍蝦湯」本身怕龍蝦湯會有腥腥地既味，但係飲完無覺得腥，而且發現個湯有龍蝦肉。如果愛濃湯既，建議飲龍蝦湯，因為味道偏濃。主菜-「紐西蘭肉眼扒配焦糖菠蘿」塊菠蘿好大塊，本身唔太鐘意食菠蘿，怕太酸，結果朋友話好好食好甜，粗粗地試左，真係好甜，而且菠蘿表面加埋焦糖燒過，所以食落表面係脆脆既。肉眼扒我地叫左7成熟，熟度剛好，而且大小剛好，配埋個燒汁，成件事好完滿。「波士頓龍蝦意大利粉」嘩嘩！係原隻開邊龍蝦，仲要用芝士焗嫁，好邪惡啊，但好好味，肉質彈牙。意粉係炒意，食落唔覺膩，配埋芝士龍蝦岩岩好。甜品-「朱古力蛋糕」份量剛剛好，本身怕好甜好膩，甜度岩岩好，而且中間有慕斯，中和番，整體唔錯。…Read More

和朋友係旺角行左一陣，肚子有點餓了。諗起朗晴坊有好多野食，OpenRice 下發現尼間餐廳好多好評，甘就不如試試。由於我地食個果時間比較早，所以唔算好多人，餐廳環境佈滿好多星星形既掛飾，好靚；而且色調令人覺得好舒服。後來餐廳愈黎愈多人，好彩一早影底左姐。今次我地叫左個二人餐，因為真係好肚餓，宜家就分享下我地食左咩啦。「精選廚司餐湯」其實即係羅宋湯，唔好睇佢細細碗，其實好足料，每啖都係洋蔥、蕃茄，仲有肉粒。「煙薰三文魚鮮柚子沙律」沙律選用黑醋汁，配埋柚子甜甜的，食落好開胃。好多三文魚，讚！「黑松露野菌意大利飯配63度溫泉蛋」未食已經聞到好香既黑松露味，見到意大利飯飯粒分明，無煮過火。飯量同味道岩岩好，食落除左黑松露既香外，仲有濃濃既野菌味，個溫泉蛋半固體，個蛋黃有口感得黎又唔會全熟，成個飯係食完一啖又一啖。「英式啤酒炸比目魚配香料薯條」啤酒炸就是炸粉加入啤酒，甘樣可以令炸物更酥脆，而且更可以去魚腥味。所以大家記得親熱食，因為真係好酥脆，而且食落唔會有啤酒味。比目魚柳用炸，更可以保持水嫩，唔怕乾身。只於薯條量都挺多，香料滿滿，食落有點辣辣的。「焗肉桂蘋果脆脆配意大利雪糕」嘩！尼個好好食，即叫即焗，所以個蘋果派係熱辣辣嫁。脆脆應該係酥餅脆，配埋滿滿肉桂味既蘋果，真係好香又好食。由於個批係熱既配埋個雪糕，又冷又熱，好獨特的口感。…Read More

Green Common 主打新式素菜，食完對食素有另一種睇法，打破食素係得傳統個種。「麻辣口水素雞」賣相好吸引，麻度同辣度都好足，而且食落好香辣。最頂層係用腐皮整成既素雞，辣汁滲左入腐皮到，非常入味，底層有仿雞肉，口感同質感都好似食緊真雞肉。「未來漢堡-Deluxe」餐廳好貼心，可以將漢堡分半，方便同朋友share。未來漢堡入面既漢堡扒，非常特別，好香口。原來個漢堡的扒係用豌豆、紅菜頭同椰子油整，但食落勁似午餐肉。「未來熱狗腸蘑菇炒意粉」好足料既意粉，意粉每條都佈滿蕃茄醬，而且帶點辣味，好惹味。「改邪歸正西多士」西多士外層係用植物蛋黎煎，所以唔油膩。西多士夾層係滿滿的花生醬，配埋素牛油同龍舌蘭蜜，超好味。「野菌湯」好濃郁既湯，飲落會有口感，因為會食到野菌粒。「泡沫杏仁奶」好多泡沫，飲落好滑身，但唔係好飲到杏仁味。…Read More

同男友路過見到間幾靚既餐廳，就入去睇下有咩食，發現尼間鋪頭全部都係食豬，而且價錢都合理。而且裝修有種懷舊感覺。餐牌前後中英對照，就算遊客入到鋪頭都可以點餐，係好貼心既設計。「秘製豬扒飯」超大塊的炸豬扒，直情大過個碗，因為即炸，所以都好熱，唔想甘熱氣就放一放涼。店家好貼心甘切開左個豬扒，等大家方便食。豬扒飯底係肉燥汁，用豬肉、醬油同葱煮，送飯一流，可惜個汁唔算多，飯量就超分量。「沖繩豬軟骨飯」好足料既豬軟骨，食極都仲有，豬軟骨熬得好淋身好入味，所以食落好香口，而且個飯底充滿醬汁，好岩汁控。「炸芝麻雞翼」雞翼佈滿七味粉同芝麻，聞落已經好香，咬落好脆口，雞肉好滑，而且七味粉帶點辣味。而且雞翼無炸到乾身，保留到肉汁。「椒鹽魷魚鬚」魷魚鬚預先切細，所以可以一口吃，好貼心。飲品…Read More

每次路過都忍唔住一定會買黎食魚肉燒賣燒賣食落唔粉，但又唔算好重魚肉味。但係每次叫都一定要加辣，個辣醬真係好_好食，唔似平時就咁加辣油。個辣醬係自家製既潮式辣醬，有好多辣椒籽，又香又辣，配埋個燒賣，勁好食。咖哩魚旦魚旦一般般，魚旦唔係同咖哩一齊煮，係另外加上去，所以唔好預期好入味。但係個咖喱汁係獨家秘製，非常辣，而且好香好惹味，極度推薦鐘意食辣嘅朋友去試下。要搵次真正坐底食個車仔麵，試下好唔好食先😎…Read More

平時都有幫襯莆田，初二個日好懶，唔想煮野食，所以就去莆田試下佢個新年套餐，叫左個4人既鴻運套餐。「鴻運發財撈起」新年流流梗係要撈起喇，撈起都係新加坡人過農曆新年嘅賀年菜式，寓意「撈到風生水起」。呢盤撈起將蘿蔔絲、糖瓜絲、香柚同煙三文魚等材料舖喺碟上等我地可以自己撈。配埋特製嘅醬汁，酸酸甜甜好開胃，但係其實唔多好食，都係食個意頭。「海參大蝦聚寶盆」湯底係胡椒豬肚湯，豬肚洗得好乾淨，但係唔夠淋身，個湯飲落好重胡椒味，正！湯料好足，有好多遼蔘、大蝦、仲有特色魚旦同豬手。遼蔘食落爽口，但係煮得唔夠入味，食唔到湯嘅味；特色魚旦就唔錯，有啲似台灣既魚旦，入面有餡，食落夠淋身，幾特別。「清蒸龍虎斑」餐廳好好咁將條龍虎斑開邊起骨蒸，方便食嘅時候可以啖啖都係肉。條魚好新鮮，蒸嘅時間掌握得好，所以魚肉夠曬滑，而且配埋爆過既香蔥，同滾油，將魚既鮮甜帶曬出黎。「脆皮蒜香雞」「媽祖平安麵」「紅豆沙芋圓」…Read More

實不相瞞，八沢我同男友已經食過最小5次，因為真係好好食。自問我同佢都係烏冬控，係呢到可以以平民價錢食靚烏冬。我地最鐘意黎上環本店，雖然店面唔算大，但勝在可以坐耐啲，最啱同friend吹下水。「黑松露忌廉海鮮烏冬」呢個烏冬，食咗一次之後翻唔到轉頭，每次都要encore，就見到烏冬被濃濃既忌廉湯淹沒左。將松露浸落個湯到，啲香氣即刻出曬黎。海鮮勁足料，2大粒原隻帶子加大量厚切三文魚。烏冬係扁同幼身，食落清嘟嘟又彈牙。個忌廉湯濃得黎唔會太杰撻撻，唔洗怕會食到好膩。「吉列蠔」雖然得3隻蠔，但每隻都大小適中，食落香酥 ， 蠔既鮮味出曬黎，而且肉質嫩滑。「雞軟骨」雞軟骨份量點兼小，食落一般，未有過人之處。野飲都係正正常常…Read More

冬天凍凍地，成日唔願起身，最岩就係食個Bunch。今日終於食到傳說中既：「明太子海膽意粉」果然沒失望，一上枱就見到好足料既海膽同三文魚子。食落意粉煮得岩岩好，軟硬適中，配埋勁Creamy既忌廉明太子。然後每一啖都係醬汁，帶點明太子既辣味。重點！！就係足料海膽，而且非常新鮮，食到海既味道，有點腥腥地，但加埋個明太子醬就岩岩好啦！有好多三文魚子，令到個意粉好有咬感。如果非醬汁派，就建議share黎食，因為醬真心多，食食下可能會覺膩。「炸魚薯條」魚柳炸得非常出色！做到外脆內滑，食落魚肉好滑，唔會炸到乾曬身。但係薯條就一般般啦，係較粗身同足料。食完就最岩飲番杯熱野，嘆下！同朋友傾下計…Read More

尼排天氣又凍番，最岩去打邊爐，之前朋友推介過吞Pot呢間港式邊爐店，估唔到已經喺尖沙咀開第3間分店，一於去試試。凍凍地就梗係要食啲辣野，所以叫左個鴛鴦鍋。一邊係四川麻辣湯(bb辣)，上枱就已經聞好香既藥材味，不過唔多覺辣，下次可以叫中辣。另一邊係蕃茄薯仔湯，非常好足料，有新鮮蕃茄同薯仔，個湯飲落有蕃茄既甜。「特級雪花牛肋片」平時打邊爐多數都係食肥牛，今次就一反常態，試下呢度嘅牛肋片。佢地嘅牛肋片佈滿雪花，口感比較爽口，無咁油膩，淥完之後都唔會有層油喺湯面。「自家炸響鈴」響鈴大家食得多，呢度既響鈴特別在佢係即時生炸，上枱仲係熱辣辣。因為即製關係，所以特別脆口，唔放落湯，就甘咬一啖都好脆好濃豆味。「餃餃陣」4款餃(韭菜餃、鮮蝦餃、蟹粉蟹肉餃同魚皮餃)都係自家制既餃，所以皮薄餡足。最為特出既係韭菜餃，好多韭菜所以好香。「鮮雞件(半份)」係新鮮黃油雞，食落雞肉嫩滑又香。吞Pot除左打邊爐，仲有雞煲同好多野食嫁…Read More

其實中環有好多好味既鋪頭係啲橫街小巷。今日俾我地發現左呢間餐廳，由於時間又唔早又唔晏，食個bunch就最岩啦！尼到招牌係窩夫，甘梗係叫兩個唔同既早晨全餐。嗱！唔好睇小個份量，食完都夠哂飽。個餐有： 極多薯粒超好食！忍唔住偷食朋友個碟既薯粒！半份窩夫記得親熱食，先夠脆口可選腸仔/三文魚/煙肉自家製果醬配烘底多士果醬好味道！三隻蛋我地揀左要炒蛋，又嫩又滑「早晨全餐(腸仔)」 「早晨全餐(三文魚)」「綠茶牛奶」線茶濃，奶夠滑…Read More

每次經過樂天皇朝的廣告板，都睇到八色小籠包既相，今日終於入黎坐得食。最近天氣又有啲凍，我地仲叫咗幾碟辣野暖下。「皇朝小籠包」總共八隻顏色的小籠包，每隻色既外皮都係用唔同既食材整，而啲係唔同口味嫁，由清淡到濃味都有，但個皮略嫌有啲厚。要依次序食啊《白:原味、綠:人參味、啡:鵝肝味、黑:黑松露味、黃:芝士味、橙:蟹粉味、灰:蒜香味、紅：麻辣味》雖然呢間係上海菜餐廳，但川菜嘅味道亦都唔太差。而且仲有不同辣度可以選擇。「皇朝擔擔麵」都幾辣，但麻醬味唔夠濃「川味涼皮」作為前菜唔錯唔錯！「成都口水雞」夠麻夠辣，雞夠滑「紅油抄手」有點失色，醋味太濃，無咩辣味…Read More