tomato4food's Profile

同朋友想搵間單點嘅燒肉店，就搵到呢間了，睇啲肉好似幾高級，所以想嚟試吓。入到去環境唔錯幾靚，幾chill幾舒服。全牛特選拼盤 $478 💜💜💜💜💜每款都有三四塊，因為肉嘅質素非常好，隨便燒都好好食🥩芒果椰香梳打 $38 💜💜💜💜💜椰香有驚喜，飲落去淡淡椰香味🥥用飲管飲又係唔同味道！松葉蟹肉蟹膏拌飯 $88 💜💜💜💜💜呢個價錢相信一啲都唔算貴，係有驚喜嘅，性價比唔錯🦀阿波酢橘雞腿肉 $78 💜💜💜💜雞肉嫩滑🍗不過唔會有驚喜…Read More

同朋友想嚟好耐，今次終於食到。一入到去要上樓梯先到餐廳，成個風格已經非常有feel，入門仲會有staff擊鼓歡迎😂；餐廳內部都比想像中日式，非常有中高級居酒屋嘅感覺。食物種類非常多，不過最深刻嘅係吞拿魚拼盤，雖然少少貴，不過質素絕對對得住三色拖羅 💜💜💜💜💜 $218大推，雖然二百蚊六件，不過質素非常好，完全對得住個價，好食嘅程度想即刻叫多碟櫻花蝦柚子味增飯團 💜💜💜 $28食唔慣個醬少少奇怪😂不過係用心整嘅醬油燒飯團 💜💜💜💜 $28原味好食好多😂日本黑毛和牛鍋燒烏冬 💜💜💜💜💜 $98和牛有質素，$98絕對唔貴，推薦串燒s 💜💜💜💜 $15起各式各樣串燒，香港嚟講價錢唔貴埋單每人$400左右，比預期多，不過滿意嘅，差啲就唔小心叫多碟拖羅食😂…Read More

日式和風居酒屋有時想喺香港食居酒屋，覺得好多都偏貴，質素都未必好好，所以一直都冇乜試過。最近朋友生日，居酒屋都係慶祝生日特別嘅地方，就諗住搵間試吓；呢個黑木亭都留意知一段時間，就決定今次去試吓。居酒屋要行樓梯上去，一入門口都充滿日式佈置，真係好似返咗日本；而且嗰陣做緊Cinnamoroll主題，雖然我同朋友都唔係特別鍾意，不過都覺得真係好靚。PS. 預先準備嘅蛋糕，都冇收切餅費🥹Cinnamoroll便當💜💜💜💜💜兩舊玉子燒、四個飯團、同埋蟹子蟹柳沙律，非常精緻，沙律意外地好食炙燒三文魚腩飯團💜💜💜💜唔比日本食嘅燒飯團差，三文魚腩嫩滑，燒得啱啱好海膽刺身💜💜💜💜唔腥，不過未到非常鮮甜，所以無滿分…Read More

本來見啲嘢食幾吸引想試吓，入到去先知原來咁多貓貓，好有驚喜🤣第一次嚟，啲嘢食都好多款式揀，無論係蛋包飯，咖哩飯，烏冬都有，咁我就叫咗咖哩吉列蠔飯，朋友就叫咗咖哩吉列豬扒蛋包飯，仲有一個烏冬；我試咗啖蛋包飯都好唔錯，烏冬係彈牙嘅，下次都想試吓。P.S. 見到有其他客人帶埋自己嘅主子嚟同其他貓貓玩，唔肯定多唔多客人帶埋嚟咖哩吉列蠔飯💜💜💜💜💜即炸嘅吉列蠔，鬆化入口即溶，非常熱氣😂而且日式嘅咖哩香甜，送飯一流…Read More

呢間已經嚟過好多次。第一次嚟飲咗杯泰奶，眼前一亮，係香港最好飲嘅泰奶；之後每次嚟都一定會飲，都唔會失準。而且價錢非常親民，係旺角泰國嘢嘅好選擇今次同朋友兩個人叫唔到好多野，只係叫咗豬頸肉、冬陰功、Pad Thai，已經超級飽冬陰功💜💜💜💜💜同泰國食嘅冬陰功差唔多，只係冇咁辣，但係都算非常出色Pad Thai💜💜💜💜唔會好多油，味道適中豬頸肉💜💜💜💜唔會太肥太瘦，但係啲肉都滑，口感不錯…Read More

朋友帶咗我入屯門試呢間堪稱香港數一數二嘅雞白湯拉麵，雖然有啲遠，但係朋友極力推薦之下當然要嚟試吓。星期日八點嚟到以為會少啲人，點知都排咗十個人左右，因為入面係得10個位左右，差唔多等左成個鐘先入到去我第一次嚟，當然叫咗雞白湯拉麵。每一碗拉麵到嘅時候，店員都會詳細講解雞白湯嘅製作過程，當時聽完之後對複雜嘅製作方法有啲震驚，想知可以去😂雞白湯拉麵💜💜💜💜💜自問唔算雞白湯拉麵專家，不過呢度嘅雞白湯都頗濃，等左成個鐘都冇絲毫後悔，排隊都係值得嘅；可惜係我哋太遲嚟，炸雞已經冇晒，好彩仲啱啱好有雞白湯，所以下次一定要早啲再嚟另外仲叫咗個沙律，已經唔記得咩名堂😂總之幾得意…Read More

呢間bookmark咗好耐，但係遲遲未有機會食，朋友都有介紹佢啲天婦羅幾出色，終於嚟咗食午餐。嚟到門口見到佢嘅門面都非常有特色，禮拜六下午嚟到都幾多人，要等咗一陣先有得入座。我哋坐地下嘅Bar枱，對住師傅好似置身日本嘅餐廳，幾有feel。點餐之後嚟到，賣相都非常吸引，下次都值得再嚟。海鮮天婦羅天丼💜💜💜💜💜天婦羅炸得非常鬆脆，麵豉湯都比較清唔會太鹹。食物嘅質素同賣相一樣都冇令人失望，可以下次再encore。…Read More

今年已經唔知嚟咗幾多次😂試過佢大部份嘅甜品，覺得最好食都係pancake同梳乎厘。當然其他都係非常唔錯嘅。宇治抹茶黑芝麻疏乎厘💜💜💜💜💜枺茶味非常濃，又唔會太甜，非常值得推薦士多啤梨麻糬疏乎厘💜💜💜💜💜都一樣唔太甜啱啱好，而且非常靚可以好好打卡原味鬆餅配雲呢拿雪糕💜💜💜💜想對比較普通，不過蛋香濃郁，雲呢拿雪糕夾埋一齊食係天作之合朱古力刨冰💜💜💜💜💜唔係間間都有朱古力味嘅刨冰，所以就試吓，雖然有啲甜，但朱古力味都非常突出好食枺茶雪糕芭菲💜💜💜同其他相比同樣比較普通，下次未必會再食，抹茶雪糕都唔係好濃，冇咩驚喜…Read More

諗住食日本嘢，但係又唔想食太貴，機緣巧合之下，就搵咗呢間，位於旺角市中心，喺朗豪坊隔籬嘅日本嘢。見到評價都唔錯，就諗住試吓。第一次嚟食，都叫咗唔少刺身，有三文魚、海膽、刺身拼盤，主食就叫咗鰻魚飯。三文魚刺身💜💜💜💜唔錯唔錯，都算新鮮，不過未去到眼前一亮，只能夠比4分海膽刺身💜💜💜💜💜非常鮮甜，完全冇苦味腥味，完全俾佢驚喜到！鰻魚飯💜💜💜💜呢個價位嘅鰻魚飯嚟講屬於唔錯，性價比十足刺身拼盤💜💜💜💜吞拿魚質素非常好，其他就屬於唔錯嘅水平，都值4分自此之後，我就成日嚟呢間食😂…Read More

今次係我第二次嚟，上次嚟嘅印象唔錯，所以今次都帶朋友嚟呢間餐廳。我哋五個人叫咗七樣嘢，覺得有啲多🤣阿豬媽炒年糕💜💜💜💜💜喺香港食韓國年糕唔係度度都好食，呢度口感算係幾出色，不過唔食辣嘅話就有啲可惜，因為佢個辣都非常惹味，後勁十足辣炸雞原味炸雞💜💜💜💜甜辣炸雞冇年糕咁辣，就算唔係好食得辣嘅都可以試吓，炸雞都炸得唔錯，外脆內軟街頭魚糕串串💜💜💜平時我比較少食，呢一個魚糕都比到驚喜我，質感煙韌韌芝士泡菜煎蛋卷💜💜💜💜意外地，芝士泡菜同蛋捲擺埋一齊都夾，冇咩違和感招牌炒章魚💜💜💜冇圖，章魚都大隻、彈口，味道上就冇咩特別卜卜脆豬軟骨配拳頭飯💜咁多樣入邊呢個係最失望嘅。卜卜脆豬軟骨非常硬，大家都放棄食呢個，拳頭飯都係偏硬，非常實淨…Read More