LOVE_YABE0705's Profile

如題對我黎講重口味，可能你會中意，除左呢樣之外我食左兩次，第一次冇俾水我，午餐時間可能太忙，所以冇俾水，第二次我問先有，晚飯時間，但係兩次都係咁冇主動俾水客人，印象麻麻，係咪局住我叫野飲？…Read More

如題如果你沒有相當嘅英文水平，勸你唔好去呢間餐廳啦～ 得英文菜單，細細個就睇住電視Jamie Oliver 教煮餸，呢位英國嘅廚師竟然唔係煮英國菜而係煮意大利菜，最多見到佢個頻道整架呢就係意粉啦～好啦～相信細細個就聽過呢個名的我當然對呢間餐廳係有所期待啦～入到去嘅氣氛係非常之好嘅燈光，同音樂唔會太聲，燈光雖然偏暗，感覺上適合一班差唔多年紀嘅人呢去聚會或者聚餐嘅地方，例如：海外留學生偽ABC聚會...講返菜色方面啦～老實講呢一個人呢就食唔到好多嘢...但菜式方面pasta來講都算小嘅選擇...或者可能佢會轉下meun定期，呢個我唔知啦～除左晚餐試過之外呢我午餐都有試過食嘅，所以呢個食評係兩次去呢間餐廳食完之後嘅感覺嚟嘅~我覺得應該夜晚同晏晝來的感覺會好唔同啦～所以就分開咗兩次唔同嘅時段入嚟呢間餐廳食嘢⋯咁最後都唔講咁多啦就send番啲相上嚟俾大家睇返到底我食咗啲乜～…Read More

如題我真係一諗唔到食咩就食佢，一黎近公司，落一層就係，平日去就唔洗點等位既，不過要加埋睇時間，如果撞正office放lunch,咁你就唔會去啦～事關最少十分鐘後先可以入座，以午餐時間為黃金者不宜等位。講返食物先，有人話唔試主食，但本人就唔係咁睇啦，最中意三、四、五品料理，可以根據自己需要黎選擇要多d餸定少餸，仲有得你簡十穀米定白米定餐包，都係按我的肚餓程度啦，仲包埋一個湯，而蛋糕，芝士蛋糕太heavy，我覺得除左班戟之外其他甜品都麻麻地，我印象中咖啡都係麻麻地，不過佢有一個奶茶好好飲，如果你中意泰式奶茶就會知我講緊邊隻同埋你都認同個味係幾不錯。其他飲品甚少叫黎飲，因為個餐已經有湯飲，又飲湯又飲野飲太忙了，不如留返空間食飯食餸好過啦～…Read More

為左黎睇華富邨唯一有海景睇既公屋？有瀑布而來的我，原來唔開放，有個閘閘上左鎖要用d方法入去，未入到去係出面望有對情侶💑係影緊，咁我費事入去做電燈💡，因為佢地已經夠閃，我就行返去邨度睇下有冇地方坐底食個下午茶，之後返去影啦～其實去之前都查過下，個度冇咩特別既野，都係茶記之類～咁就食西多加杯凍檸茶啦～咁大路既野一定唔會伏啦～冇伏，仲好好味添～…Read More

人大左就係咁架～冇咩冒險精神，去試d新，尤其好似我呢種肥妹，冇咩quota，要我食咗一餐唔好食嘅嘢嘅話我會嬲囉⋯係呀食大集團係冇性格架喇不過就係安全囉⋯次次都會點清酒煮蜆，全部都係食凍嘅壽司嚟一碗熱湯係非常之幸福嘅事～相信大家都留意到我係唔會食刺身嘅，因為我最憎食魚～…Read More

又係伏到冇朋友，都係點錯野累到自己冇啖好食，點解食呢間因為喺戲院附近，唔想食麥記，豪一豪食啲貴價野，平時見佢都多人排隊應該唔差掛...點知...到底我做錯d咩幾百蚊食左個唔知係咩既漢堡，漢堡扒有點乾，同我預期既有差距，冇咩肉汁咁lo~可能我唔係點佢地的招牌漢堡啦⋯不過我得一間食肆嘅成功係喺Menu上面每一樣嘅嘢食都做得出色，如果你淨係招牌做得好嘅話不如你淨係買招牌肉漢堡啦！奶昔都係鮮打既所以好飲！…Read More

唔知人衰到一個地步連點野食都點中勁難食的，呢碗麵定烏冬要打分數一定就係負十分，整理舊相時見到呢碗野兩年前食既，難食到今日都記得，要寫呢個食評！個羅宋湯係唔錯！但呢碗野我明顯點錯左...十個後悔，本身想食清清地，個湯底一d都唔清，d假素又難食，最後冇食哂就埋單，走人，我諗點其他會野應該會d掛...…Read More

我知我知...呢間鋪頭梗係食梳乎厘pancake，連早餐都未食啦我點會食甜品先呢～所以揀咗呢個pancake配Bacon同埋蛋，pancake 個未到完全唔似喺麥當勞或者係屋企自己用pancake粉咁樣嘅味，有陣小麥粉嘅味係度，就算唔落糖漿你都會食到少少嘅甜味，有厚度既pancake yummy，而煙肉不是那種美式煎到好乾身個種而是仲有肉汁～蛋緊係半熟蛋，整體來說調味適中唔會太淡唔會太咸，最有heart 係配菜啦有酸紫椰菜伴碟唔想太膩～…Read More

價錢唔貴，但又未到好食，冇咩特別，不過不失啦～食完好耐先寫呢個食評，係咁搵食時見到呢間野，我就唔食辣既，所以食牛奶芝士火鍋，一個字淡，冇相，只有字。野飲一般台式手搖杯都有，建議淡口味既你最好叫微糖啦～…Read More

一心不是來買甜食，好像是要做別的事，但一走到本來是賣雪米米茲店面的位置，竟然發現「新大陸」？﹗這不是我最愛的法式小圓餅馬卡龍嗎？光亮的白燈下，一個個小圓餅，分不同顏色/口味整整齊齊地排好，這樣的場面任何一個女生都會被吸引，都會心動吧﹗$15/個都不算貴用來獎勵一下自己都不足為過，買一盒圓形盒裝，一共12個不同口味回家~嚐後感﹕吃過馬卡龍的人都知道，馬卡龍有多甜，就像一粒方糖放進口內，店員建議兩小時內返HOME放冰箱，但係我個日冇咁早返HOME，可能因為咁樣有少少影響個餅的硬度掛…有D偏軟，於是我將餘下的放到冰格內再享用，個效果出來OK BO~ 最推介你怕太甜的話，可以TRY 血紅色略帶酸味的覆盆子，橙黃色熱情果，兩款都富有水果的香氣，喜歡花的，推介經典口味的玫瑰和嶄新清香的苿莉，而大眾化的口味有巧克力、CAPPUCINO、焦糖、抺茶、薑，喜歡獨特的可選成熟帶有酒香的BAILEY’S、灰姑娘(烏龍茶)、EARL GREY…未嚐的口味有芝麻(覺得唔MATCH太，所以冇要)、開心果(唔係好中意食剛果類)、雲呢拿(太普通)，而想TRY但SHOP冇貨的有POPPY、最想TRY的荔枝、BANANA BALSAMIC，店內一共15款，而傳單有一共18款，希望下次有機會TRY到其他口味﹗…Read More