jackall.wai的个人专页

人均消費180蚊一個午餐， 只希望坐得舒服， 一個正常嘅招呼， 食物唔好太難食就ok， 呢間餐廳 硬件的確唔錯，不過員工真係好差，基本餐飲常識都無，上至經理下至服務員，完全唔知咩叫禮貌。由入座到QR code落單，都好正常，一間有些小檔次嘅西餐廳，一個set lunch，加30蚊先有餐湯沙律都好合理，再用一個半價加杯好小小嘅咖啡都無問題，問題在於餐湯沙律同埋一杯熱mocha一齊上，即時有去左茶餐廳嘅感覺。於是我請其中一位男服務員，幫我hold住另一杯咖啡，等用餐完畢再上，而剛到那一杯，亦希望可以稍後再安排，一分鐘後，負責沖咖啡的一位年輕女服務員到我身邊，解釋因為沒有其他客人order mocha，所以杯咖啡要求我要左佢，我抱住一個不怪責年輕人不懂事的心態， 嘗試去解釋俾該名年輕人知，作為一間有檔次的餐廳，熱咖啡於用餐後上是基本protocol，點知...竟然指控我沒有落單時沒有作出相應要求，這個是客人的責任。於是，我搵餐廳經理想了解一下客人用餐嘅責任，1分鐘後，有一名自稱叫Nicolas年輕男士走到我身邊問：你搵我咩事？？作為一個餐廳經理，呢個approach已經錯晒，最簡單嘅greeting都唔識!一句最簡單：先生你好，我係呢度餐廳經理，請問有咩幫到你? 咁都唔識，就知道點解中午一點，入座率得一半。我輕聲回饋客人意見，更無禮貌的行為出現喺呢個“經理”身上，打斷我講野，不斷重複客人需要落單時要求後上餐飲，係客人責任，但餐廳用的是QR code落單，而平台亦無後上可選擇，請問如何可做到要求呢？最後都無必要再同這幾位年輕人計較，我請呢位經理將杯已經唔熱嘅熱mocha，拎返去請嗰位沖咖啡的服務員飲，而另一杯咖啡亦唔需要再安排，一個食物普通，服務十分差的用餐體驗。總結：年輕無罪，但不要讓客人難受。…查看更多

1100蚊一位，服務差到爆，貼錢買難受。特別有位紮辮嘅男員工， 除咗 收錢嗰一刻有比較正常嘅態度，其餘時間，唔講以為係免費餐廳送餐飯俾我食，黑面悔氣，唔耐煩，問多一句就已經要俾說話我聽。食物方面， 同佢哋 社交平台上面嘅 廣告宣傳短片， 完全唔一樣， 特別係嗰塊m5。餐廳入面 座位逼夾， 冷氣又唔夠， 坐多陣覺得有啲頭暈。用apps落單， 平均要等15分鐘先到， 四個人來3塊燒肉， 海鮮 普通， 完全唔值呢個價錢， 唔會再幫襯。…查看更多

整體嚟講食物質素都可以， 尤其是叉燒包， 簡直係必食推介， 可能由於名氣大， 好多人排隊等位， 安排方面， 亦唔係 太清楚人數多少的安排準則， 所以有好多遲過我哋嚟但係入座先， 但係不得一提， 有一名叫阿慈嘅女服務員， 態度十分惡劣， 對客人呼喝。 如果服務態度冇改善， 真係唔會再嚟。 坐我旁邊有另一台外國遊客， 在落單後亦都感到服務態度極差， 不停討論香港服務員態度問題， 嚴重影響香港旅遊業形象， 亦令到米芝蓮形像下降， 希望負責人睇到呢篇文章作出改善。…查看更多

諗住試新野，點知好失望，落單落左6樣野黎得兩樣，漏左唔緊要，補單直情成張單漏左，要再落單，足足搞漏單都搞左一個鐘，食個lunch要兩粒鐘。決定取消order走人，張單又收多左錢，又搞一輪，埋單嗰位短髮女仕態度唔知想點，找錢張啲錢摺埋一舊連散銀塞埋黎我隻手度（大排檔咁款）。請都唔會再黎！！食物方面有gimmick，龍蝦湯麵值得一試，藍莓冬瓜有驚喜，但如果服務唔改善，請都唔會再黎！！…查看更多