yipling2825's Profile

酒類飲品選擇好多，環境亦好好，海景好開陽，枱與枱之間空間感亦都好夠，裝修有設計感，係適合傾偈嘅好地方。可惜今次男朋友選擇咗慶祝周年用，但開份Menu選擇勁少，八點未到海鮮拼盤已經冇咗，主菜選擇太少，喺好肚餓嘅情況下，我揀咗風乾火腿三重芝士意粉、軟殼蟹脆意大利飯，兩個都頗為失望。成餐飯我淨係影咗呢一張相為證，賣相好好，軟殼蟹好食嘅，唔似出面咁又好厚嘅炸粉，幾有蟹味，但我強烈提醒唔鍾意食軟飯嘅人千祈唔好叫呢度嘅意大利飯，我睇返之前嘅食評先知又係出事，我畢咗兩啖已經唔想再食，啲汁同個飯根本係割裂嘅完全入唔到味，個飯又淋得滯，所謂嘅脆就好似你炒飯有個焦嘅底咁，可能等我冇牙先食啦。至於風乾火腿意粉其實意粉質素OK嘅，反而嗰個份量就勁多，造型咁本身都唔錯㗎，塊風乾火腿意粉好似風帆咁企咗喺度，但成件事好似食緊豬肉紙咁，我又係食咗兩啖唔想再食落去，呢間餐廳嘅份量比例非常之奇怪。由於心情已經好差，所以冇再特別影相啦，成間嘢最高質係飲品同埋環境，去打吓卡朋友影相傾吓偈係好地方，食晚飯就真係唔建議，如果慶祝特別日子嘅請你諗諗另一半係重視環境定係重視食物，如果係後者嘅話請你揀過第二間。…Read More

「綠茶」登陸圍方，帶來一抹清新。過往中菜江浙蘇杭嘅選擇喺香港都唔係太多，不過今次嚟呢間除咗有傳統嘅菜式之外，仲有香港嘅限定餐牌，當然唔可以錯過啦1.鮮果鵝肝塔殻~香港限定好西式嘅配搭，啱啱去完泰國嘅我都好掛住芒果，所以試一試，擺盤幾簡單精緻，似係食下午茶三層假會出現嘅鹹點，食落去有驚喜，呢隻芒果唔係太甜，但係有少少清新，但質地軟硬適中，配合埋小小軟身由香滑嘅鵝肝，味道好出奇，配埋龍井茶好適合，我會建議三個人或以上叫一個，每人試兩件就剛剛好。為咗真實呈現俾大家睇有幾足料，核突啲都影一張食中菜一樣可以扮港女打卡店內環境典雅中帶清新2.宋嫂魚羹清清地，鮮甜清香，配料都多，出菜擺左陣仲有煙，適合暖胃，有唔同大細可以選擇3.西湖雷峰塔：其實係淮山同奶凍，質感好特別，有清淡微甜嘅奶香味，質感滑得來有少少澱粉嘅感覺，造型好精緻，唔太鍾意食重味甜品嘅朋友值得一試4.冷盤：三色燒椒杭茄食食吓發現呢餐冇菜，見到個名好特別，其實係冷盤涼菜類，好香好惹味，茄子亦都好腍，唯一係茄子帶有油香先至好食，減肥嘅朋友可能要避免，但想享受美食嘅支持你叫5.龍井烤雞：茶味唔算太濃，屬於清香類，肉質好滑，拆開嘅時候仲有煙出緊，份量亦都唔少，都建議係三個以上share環境嚟講喺香港嘅中餐餐廳之中算係好用心裝飾，而且每個星期真係會有特別時段有古箏演奏，增加咗一種真實嘅意境，好好享受美食，都比自己心情放鬆一下。…Read More

今日去training唔想去food court逼，見呢度少人入左先，原來中伏。72蚊紙餐具，自己揾位自己拎，你set條隊都好丫，食食下有人企係枱邊等，好似m記咁，但人地咩價錢？岩岩開始食2啖就俾人望住，其實店鋪係咪可以做多一步呢？叫就叫自己cafe（雖然都知無要求，食餐飯姐，俾d尊重可以嗎？）街坊平餐廳無服務都有自助斟水，呢邊又無。食物偏咸，無要求下無乜問題，值唔值自己諗。人少真係唔好貪快，事出必有因。…Read More

隱藏在蘭桂坊較上端的斜坡，華麗精緻與浪漫的氛圍前菜鵝肝蛋撻，頗有新意，味道濃厚，在牛油的香氣下更出色。吞拿魚他他用料新鮮。餐湯自己也成為了主角，在擺盤和細節上見用心，儀式感滿滿。底下是清新香甜的南瓜湯，帶有海鮮的香味。主菜令我眼前一亮，龍蝦湯海鮮薏米飯，以貝殼上菜，帶子作為中心，薏米軟硬適中，醬汁剛好，而且吃來完全沒有負擔感，即使是關注身材的女生也可以盡情享用。黑毛豬看似份量不多，其實肉質頗厚，相比一大片，更能夠咀嚼到質感和肉味。經典打卡Cocktail Rose 清新，顏色奪目，一剎的泡沫確是為沉悶的生活帶來了驚喜。法式甜品不算太甜，比較推薦焦糖燉蛋。情侶約會，或是三五知己把酒談歡皆合，氣氛不錯。我們坐到比較晚才走，中途也有些獨個兒來，只叫了一杯酒，然後享受氣氛的顧客。…Read More

sogo 3分鐘路程，店面乾凈，座位寬敞，新鮮美味的海鮮盡在此處。相比起其他海鮮蒸鍋，賣點不是量多，而是精選各地海鮮，因此從外地回來馬上預約了作為第一餐。1.野生膏仔蟹：來自菲律賓，比一般酒樓更香更鮮甜，蟹肉多2.店家推薦饅頭蟹，這是我第一次嘗試，體積真的如名字一樣，小小一隻，但是海鮮味濃，加在粥底里起了提鮮作用，肉不多3.琵琶龍蝦，一定是首選！鮮味介乎蟹與龍蝦之間，肉質爽肉厚，更鮮甜！其貌不揚但真的出色！4.台灣鮑魚肥美，不是一般大連鮑魚可比。5.青口，虎蝦，珍珠蠔，保持水準6蟹黃帶子請一定要叫！跟朋友分享才知，單靠這道菜他們已經知道蟹仙，可謂招牌菜！店面不走華麗打卡風，實在樸素，服務貼心。值得一提的是他們一般建議不要沾任何醬，才能想到海鮮的原味，這要對自家的產品有多大信心啊是日菜單…Read More

今日時間有限只能食個快嘅午餐，呢間點心店俾到快捷同質素，一行二人非常滿意。由於只係快餐，所以冇逐一影相，整體嚟講環境乾淨企理，亦都冇傳統嘅酒樓咁嘈，店員落單快手，加水亦都好快，態度好好呀。每籠點心都係即刻蒸，非常之喜歡熱門點心可以兩粒兩粒咁叫，適合小群組。餐牌中英對照，部份仲有圖，現場所見都有部份外國人食緊。外面鬆脆，裏面仲係暖笠笠，大小適中，食落唔太油膩特別推介蟲草花上湯浸鮮竹卷，入邊真係多菜，個底見唔到一般酒樓版本嘅油分，蝦餃同燒賣裏面嘅蝦肉質亦都好彈牙，生滾粥我哋揀咗鯪魚肉同埋鮮牛肉，粥底唔會有太多味精，而且肉嘅份量亦都足以飽肚。兩個人一共食咗$220 ，已經計埋茶錢，整體嚟講計埋環境同埋效率服務態度，呢餐都滿意…Read More

已經係第二次嚟呢度食嘢，今次無論環境同氣氛都同幾年前唔同晒，比人感覺高級咗，但食物質素一樣咁好。餐包正常發揮，下面嘅芝士片好濃好脆，好食！加多杯mojito，造型稍為平實咗少少，味道好清新1.不能錯過的芝士蟹肉大啡菇，蟹肉非常之多，每次匙羹不落去都非常豐富，配合下面爽滑多汁嘅大啡菇，冇諗過呢個配搭會咁出色2.出人意表漢堡包，影相冇特別靚，但實物見到非常之驚喜，好厚實，內涵非常豐富，煙肉係厚煙肉，所以特別香同有口感，牛肉多汁，唔會太肥膩，醬汁惹味帶有少少甜，中間仲夾咗菇，實物非常之高，真係要用隻手夾實嚟食，呢個價錢嚟講性價比非常之高！上一次嚟冇食過呢度嘅burger，所以今次俾佢經驗咗，下次要試另一個款😍3.蛋白質滿滿嘅雞胸肉意粉，材料非常之足夠，雞胸唔會太嚡，配合埋酸甜到剛好嘅蕃茄汁，好香，意粉亦都唔會太腍或者太硬每次嚟食唔同嘅嘢都比到驚喜，雖然喺樓上，但值得專登嚟試吓…Read More

泰國菜通常都係去咗大角咀，反而第一次喺旺角鬧市，地點非常方便，門面普通，入到去座無虛席，邊食邊有驚喜。飲品最快到，椰汁味濃唔太甜，冰係碎粒，飲落質感好順滑，唔會冰還冰，飲品還飲品。串燒好大串，啖啖肉，而且裏面肥肉唔多，醬汁亦比得好足料，裏面有牛肉同美味道雞肉各三，沙嗲味濃質地厚，肉質好滑，邊食配飯，正！驚喜之選：芒果蟹肉炒飯食咁多泰國菜第一次叫呢個，蟹肉融合左入粒粒乾身嘅炒飯，但芒果清甜、果肉幼滑加左入去，完全無違和感，我推介呢個！金邊粉微微酸辣香，加上蛋絲，好吸引！碟碟都夠份量，又抵食，難怪7點後已經開始爆。小店服務真心幾好，唔小心跌左筷子，我都未反應得切，店員已經拎對新嘅俾我:)下次mk食泰菜首選呢間！…Read More

附近街坊，都幫襯過，食物過得去至少食完無肚痛，但今日真係離曬譜，你收2次錢，俾1份食物，仲要唔解決問題，一句：「我唔知呀，部機有問題，老世唔係度！」你收2次錢，我都唔同你計要退錢，八達通麻煩，你俾翻2份我咪得囉，咁都要揾老細？一買一賣公平交易姐，你間鋪開黎做乜？姐係欺騙消費者啦！116蚊呢一碗，消委會見。以後唔會去，員工都無需培訓架喇，麻煩大家買前睇下評價，事出必有因，大圍有更多好選擇，酒樓加完一都抵過呢兜野。…Read More

平日呢頭好清靜，假期都唔例外，想慢慢食唔限時就啱哂。益力多茶，味道幾驚喜，以為好小朋友口味，無諗過呢個組合幾適合大人，menu可自選少甜少冰，想keep fit都無壓力。之前食過呢度嘅意粉，今次試吓意大利飯，上面好多芝士碎，入邊混合左蟹肉，每一啖都食到，不過我自己就比較鍾意鋪晒喺面果中震撼感，餐廳可以考慮吓，打卡效果更加好龍蝦包，蝦肉係原條，唔係出面嗰啲碎咗嘅蝦蓉，口感爽脆，好好味，同鬆軟嘅包好夾，薯條就正常發揮，手機落單，但可以另外叫少汁韓式炸雞，外皮好脆，裏面keep到有肉汁，餐牌上仲有另一款炸雞翼，我以為韓式炸雞係雞球，原來都係雞翼，不過味道唔錯，配甜辣醬重點推介喺呢度嘅甜品，你估唔到呢度甜品選擇唔多，但非常值得食，好食過外面好多Cafe，焦糖香梨批！玉桂味好香，梨肉焗到外脆內軟，批底口感鬆化，無apple crumble咁甜，好好味！環境舒服，食完嘢又可以行吓海邊，而且你呢頭嘅人都係比較享受清靜，希望下次又有新Menu可以試啦…Read More

第一次喺百德新街食飯，黑膠主題好特別好吸引，門面有懷舊嘅感覺，但入到去播嘅歌曲好有活力，係適合同朋友傾偈聚會嘅地方。忌廉蘑菇湯不錯，質感稠滑濃厚。玫瑰白茶唔太甜，開頭飲味道唔算太出，回甘嗰下比較特別。慢煮法國鴨腿非常之有驚喜，份量多，沙律菜好新鮮，配合無花果同埋少少酸甜嘅沙律汁，非常之開胃，鴨腿真係俾五粒星，切出嚟肉質好滑好軟，熟嘅程度剛剛好，入邊冇乜肥膏，而且調味唔太重，鴨肉自帶味道雖然唔太好睇，但係睇得到入邊嘅肉汁仲係鎖住鍾意食海鮮嘅推介，呢個蟹肉明太子卡邦尼意粉，蟹肉份量非常之多，醬汁帶有少少辣，非常之香，扁意粉卦汁程度高，每一口都有好豐富嘅口感。蟹肉一絲絲，分量多，好有滿足感，而且配色好靚最後來一個甜品，造型非常之有心，分量剛剛好，上面嘅部份做到空氣感，下面嘅咖啡酒未亦都好濃郁燈光同音樂都有情調，但唔會令人覺得侷促嚴肅。過程中店員好留意我哋嘅需要，主動換碟同埋加水，建議留多啲時間慢慢享用食物同環境。…Read More

今次專登過去南昌，呢間食酸菜魚嘅舖頭，雖然唔大，但係非常搶眼。我哋兩個叫咗一個海鮮麻辣燙同天花頂酸菜魚，第一個好快就嚟到，見到真係好驚喜，冇諗過呢個價錢個盤非常之大😍魚肉非常滑。啖啖肉，而且湯底唔算太鹹，配白飯非常適合，我哋就加咗手拉麵，面身香口彈牙。配料有好多選擇，肉類方面我哋揀咗鮮牛肉同埋豬肉，其他就選咗金菇、鮮豆皮、芋絲，一次過滿足晒幾種唔同嘅口感。湯底：藤椒湯小麻，就算唔太食得辣嘅朋友都唔驚㗎土豆絲都好好食，唔會太油。題外話，呢度嘅豆漿我真心推介，係樽裝嘅低糖豆漿，兩款口味都值得試！而且入咗半個鐘之後，想加多支已經賣晒，建議早啲落單其實原本我哋想試口水雞㗎，不過8:00入座都係賣晒，唯有下次請早。見到其他枱叫咗酸菜魚，咁樣擺出嚟非常之靚。份量亦都係好多，配上兩碗白飯，真係非常之飽肚。酸菜唔會太酸，亦都唔係偏甜，恰到好處，魚肉厚身好滑，大大片，我哋叫咗小辣。食食吓又望吓菜單，小食都有好多選擇，於是我哋又加咗炸鮮奶，好快手，外脆內軟！口感qq. 食得呢啲酸酸辣辣嘢，點可以冇咗最後解膩嘅甜品，冰粉！成個擺盤加埋環境真係好靚，識落都覺得好開心，成餐飯色彩繽紛特別一提，手機落單好細心，入邊可以自選有邊類配料唔要，就算有花生或者芝麻敏感嘅都可以照樣食。唔會太甜，酒釀丸子軟糯，冰粉滑捋捋嘅口感，為呢餐畫上完美嘅句號。通常呢類舖頭未行入去已經聞到好大陣味，出奇地呢度冇，女仔唔使驚着靚衫過嚟。兩個人食咗320幾蚊，飽到食唔晒，店舖雖然細，但係店員服務好好，而且通風做得唔錯，唔會焗促，而且返到屋企兩個鐘都冇超級口渴嘅感覺，下次會再黎！…Read More

cwb站5分鐘內，大廈10樓一出lift就到，環境令人一前一亮。二人要了一個set dinner再單點一個烏冬同2杯飲品，足以坐2小時1.角切魚生沙律魚生份量不少，雖然切粒但質素高。其實杯中無調味的菜，配上海鮮醬非常夾，好驚喜。2.刺身夀司盛賣相擺盤非常吸引，喂帶子好鮮甜，其他魚肉質感各有特色，份量看似不多，食落都有滿足感3.馬賽魚湯鮮味重，屬於厚身嘅質感4.最愛最驚喜-海膽三文魚籽茶碗蒸第一次試呢個配搭，鮮艷嘅色彩好奪目，海膽鮮味濃厚配上魚籽獨特口感，底部係滑滑蒸蛋，印象深刻！5.蠔、白鱔串燒、雞軟骨串燒調味輕手，食物嘅原味已經夠哂，白鱔燒得剛剛好，油脂保留到係入面！6.牛肉稻庭烏冬牛肉屬於比較瘦身，牛味濃，烏冬口感好好食，亦都係因為咁我哋單點咗另外一個煮法嘅烏冬7松葉蟹肉卡邦尼烏冬蟹肉份量非常之足夠，卡邦尼做得好香，呢個配搭嘅意粉食得多，但係烏冬更加大牙有咬口，亦都掛到好多汁，推薦呢個🥰當然唔少得靚靚cocktail，清新果味配搭上輕量乳酸，粉紅色好靚，係香甜加甜美嘅感覺！過程中店員好細心，主動留意我哋嘅需要，亦都會為每道菜式做少少簡介，有fine dining嘅感覺，枱與枱之間佢哋亦都好闊，非常之適合情侶同朋友聚會慢慢坐慢慢傾偈。仲設有戶外區，雖然當日有少少雨，但係望住都市夜景感覺到非常之舒服，下次有機會再去試吓…Read More

1.晚餐麵包也有故事，由香港老店蓮香園供應，老闆親自介紹，專用無糖配方。餐湯是清甜的菜湯，不過鹹，開胃。主菜：刺身級帶子虎蝦配墨汁意粉帶子大件，爽口鮮甜，墨汁意粉軟硬適中，三者配合海鮮味更出色2.健康之選：炭燒美國護心肉柳，帶子刺身伴乾菌及法國黃菌，配大啡菇 青瓜很驚喜餐廳設有獨特的健康餐供生酮、低碳、素食等人士選擇，非常有心關注客人需要。肉燒得剛好，牛味濃，沒有太多脂肪口感微微紮實，配菜也很值得欣賞！各種新鮮食材及菌類合併，很健康呢。環境不是靠色彩堆砌，每幅畫作的故事皆有小卡在下方介紹，店內設計也與畫呼應。美食與美感，留待你發現，處處驚喜。[爱心][玫瑰]…Read More

這晚弟弟25歲生日，預約了這家位於海港城的西餐廳，坐擁270度海景，不論在餐廳的那個角落也會看見寬廣的夜景，尖沙咀的鐘樓或是中環的摩天輪也收於眼底。設有戶外坐，或者在室內吃完後再出去影相也好。店內燈光稍為昏暗，但是配合柔和的音樂，頗有氣氛。先來一個海鮮拼盤，芬迪奇生蠔、刺身、青口、小龍蝦最欣賞的是蟹蓋上的蟹肉，拆成細絲，有微辣的調味，帶出鮮味，而且份量很多，鱸魚他他也很特別，口感嫩滑。肉眼五成熟，外少脆，內裏保持微紅，味道香濃，配上紅椒牛油，即使未沾紅酒汁也很出色，建議先上嘗一口原味，再加上輕薄清新的醬汁一試。法國鼠尾草南瓜意大利飯，第一次嘗試。當天店員也有推介限定的鱸魚菜式，但是我們已經吃了海鮮，留待下次嘗試。顏色鮮艷，有少許酸忌廉的味道，不會過度油膩厚身，配上適量的南瓜子，軟滑的質感添上了脆脆的口感，南瓜一方面製成了汁底，另一方面保留了小顆粒，整體而言清新美味。最後來到甜品，由於前面的菜式份量不少，所以我們二人分享一份也足夠，選了黑朱古力奶油配焦糖雪糕，看起來小小一份，但賣相非常精美，朱古力的層次做得不錯，味道漸龍而不會過甜，焦糖雪糕也有驚喜，香甜濃郁。下月再有朋友生日，白天的景色相信會有另一番的美麗，這個價錢已可享用一整晚的美食和海景，會再光顧。…Read More